លោក Akio Toyoda បានធ្វើឱ្យពិភពរថយន្តភ្ញាក់ផ្អើលដោយបង្ហាញគំរូរថយន្តអគ្គិសនីចំនួន ១៥ ម៉ូឌែល សម្រាប់ពេលអនាគតរបស់ Toyota និង Lexus ។  ដែលវាគឺជាការបង្ហាញចេញនូវគំរូរថយន្តដ៏​ធំ​បំផុត​ក្នុង​ប្រវត្តិសាស្ត្រ ដោយ​រួមបញ្ជូល​នូវ​អ្វី​គ្រប់​យ៉ាង​ដែល​អ្នក​អាច​ស្រមៃ​ ដោយគិត​ចាប់​តាំង​ពី​រថយន្ត​​ប្រភេទ City Car, Sedan, SUV គ្រប់​រាង និង​ទំហំ​រហូត​ដល់​រថយន្ត​ភីកអាប់ និង​រថយន្ត​ស្ព័រ។ នេះគឺជាទ្បានអគ្គិសនីរបស់ Toyota និង Lexus ទាំង ១៥ គ្រឿងសម្រាប់ពេលអនាគត់ រួមមាន៖

១. Toyota Pickup EV

២. Toyota Compact Cruiser EV

៣.Toyota Sports EV

៤. Toyota bZ Large SUV (bZ5X)

៥. Toyota bZ SDN

៦. Toyota bZ Compact SUV

៧. Toyota Crossover EV

៨. Toyota Small SUEV

៩. Toyota bZ Small Crossover

១០. Lexus Electric Sedan

១១. Lexus Electric Three-Row SUV

១២. Lexus RZ450e

១៣. Lexus Electrified Sport

១៤. Toyota Micro Box

១៥. Toyota Mid Box

ផ្ទាំងផ្សាយពាណិជ្ជកម្ម

ក្រុមហ៊ុន Hyundai-Sime Darby Motor (HSDM) បានធ្វើការប្រកាសសម្ភោធចេញលក់ជាផ្លូវការនូវរថយន្ត Hyundai Palisade ក្នុងប្រទេសម៉ាឡេស៊ី ជាមួយជម្រើស ២ប្រភេទគឺ Exec និង Luxe។

សម្រាប់ទីផ្សារម៉ាឡេស៊ី រថយន្ត SUV កៅអី ៣ជួរនេះផ្តល់នូវជម្រើសកៅអី និងម៉ាស៊ីន ២ប្រភេទ។ ដោយមានជម្រើសប្រភេទ កៅអីចំនួន ៧ (២-២-៣) និងចំនួន ៨កៅអី (២-៣-៣)។ ព្រមទាំងជម្រើសម៉ាស៊ីនម៉ាស៊ូត ២,២លីត្រ ទំហំ ៤ស៊ីឡាំង CRDi Turbidiesel ផលិតកម្លាំងបាន ១៩៧សេះ និងកម្លាំងបង្វិល ៤៤០ញ៉ូតុនម៉ែត្រ ភ្ជាប់ដោយប្រអប់លេខ ៨វគ្គអូតូ និងជម្រើសម៉ាស៊ីនសាំង ៣,៨លីត្រ Naturally-aspirated ទំហំ ៦ស៊ីឡាំង ផលិតកម្លាំងបាន ២៩០សេះ និងកម្លាំងបង្វិល ៣៥៥ញ៉ូតុនម៉ែត្រ ភ្ជាប់ដោយប្រអប់លេខ ៨វគ្គអូតូ និងប៉ុងពីរ។

ចំពោះជម្រើសម៉ាស៊ីនម៉ាស៊ូតប្រភេទ ៨កៅអីមានតម្លៃចាប់ពី ៧៧ ៧៣២ដុល្លារ និង ៧កៅអី មានតម្លៃចាប់ពី ៨២ ៤៦០ដុល្លារ។ ចំណែកជម្រើសម៉ាស៊ីនសាំងប្រភេទ ៨កៅអីមានតម្លៃចាប់ពី ៨០ ០៩៦និង ៧កៅអី មានតម្លៃចាប់ពី ៨៤ ៨២៣ដុល្លារ។

សូមបញ្ជាក់ផងដែររថយន្តនេះមានប្រវែងសរុប ៤ ៩៨០មម, ទទឹង ១ ៩៧៥មម និងប្រវែងគម្លាតកង់ ២ ៩០០មម។ ក្រៅពីនេះ រថយន្តនេះបានបំពាក់ជាមួយថាសកង់ទំហំ ២០អ៊ីញ, ចង្កៀងមុខ-ក្រោយ ប្រភេទ LED, កញ្ចក់សងខាងប្រភេទអេឡិចត្រូនិច, ដំបូល Sunroof នៅកៅអីជួរទី១ និងទី២, កៅអីអ្នកបើកបរភ្ជាប់ដោយមុខងារក្តៅត្រជាក់ និងបញ្ជាបាន ១២ទិសដៅ, កៅអីអ្នកអ្នកដំណើរភ្ជាប់ដោយមុខងារក្តៅត្រជាក់ និងបញ្ជាបាន ៨ទិសដៅ, កុងទ័របង្ហាញព័ត៌មានទំហំ ៧អ៊ីញ, អេក្រង់កម្សាន្តទំហំ​ ៨អ៊ីញ ភ្ជាប់ដោយមុខងារ Apple Carplay និង Android Auto, កន្លែងសាកថ្មឥតខ្សែ, អេក្រង់បាញ់លើកញ្ចក់ HUD, ម៉ាស៊ីនត្រជាក់ ៣តំបន់ និងប្រព័ន្ធសុវត្ថិភាព និងជំនួយការបើកបរជាច្រើនបន្ថែមទៀត៕

ផ្ទាំងផ្សាយពាណិជ្ជកម្ម

កាលពីខែតុលារថយន្ត Hyundai Accent បានគ្រងតំណែងជារថយន្តលក់ដាច់ជាងគេប្រចាំខែតុលាលើទីផ្សារប្រទេសវៀតណាម ប៉ុន្តែនៅខែវិច្ឆិកាតំណែងនេះត្រូវបានដណ្ដើមបានដោយរថយន្ត Toyota Corolla Cross ដែលជារថយន្តកំពុងពេញនិយមបំផុតមួយ។

ខែមុននេះ Toyota Corolla Cross អាចលក់ចេញបានសរុប ៣ ៣៤៦គ្រឿង ឈរនៅតំណែងលេខមួយ ដែលតាមពីក្រោយដោយរថយន្ត Toyota Vios ជាមួយចំនួនលក់ ២ ៧៣៩គ្រឿង និងរថយន្តម៉ាកក្នុងស្រុក VinFast Fadil ជាមួយចំនួនលក់ ២ ៤៨៩គ្រឿង។

ចំណែករថយន្ត Ford Ranger ស្ថិតនៅតំណែងលេខ៤ ជាមួយចំនួនលក់ ២ ១០២គ្រឿង ខណៈដែល Kia Seltos ឈរនៅលេខ៥ លក់ចេញបាន ១ ៩៥៧គ្រឿង ហើយរថយន្ត Mitsubishi Xpander លក់ចេញបាន ១ ៤៤៧គ្រឿង ឈរនៅតំណែងលេខ៦។

ដោយឡែក Hyundai Santa Fe អាចលក់ចេញបាន ១ ៤០៧គ្រឿង, រថយន្ត Mazda CX-5 លក់ចេញបាន ១ ៣៣០គ្រឿង, រថយន្ត Hyundai Tucson លក់បាន ១ ២៩១គ្រឿង និងរថយន្ត Kia K3 លក់បាន ១ ១០៥គ្រឿង ស្ថិតនៅតំណែងលេខ ៧ ៨ ៩ និង ១០។

សម្រាប់រថយន្ត Hyundai Accent ដែលធ្លាប់គ្រងតំណែងលេខ១ បានជ្រុះចេញពីតំណែងកំពូលទាំង១០ ដោយលក់បានត្រឹម ១ ០៥៧គ្រឿងប៉ុណ្ណោះ៕

ផ្ទាំងផ្សាយពាណិជ្ជកម្ម

Amita Technology (Thailand) បានធ្វើការបើកដំណើរការនូវរោងចក្រផលិតអាគុយលីចូម-អ៊ីយ៉ុង (lithium-ion) ដ៏ទំនើប និងធំបំផុតនៅក្នុងអាស៊ាន។

ជាមួយរោងចក្រដែលមានទំហំ ៨០ ០០០ម៉ឺនមែត្រការ៉េនេះ នឹងអាចមានសម្ថភាពក្នុងការផលិតបានចំនួន ១លានគីឡូវ៉ាត់ (១GWh) នៅក្នុងមួយឆ្នាំ និងមានផែនការពង្រីកអោយបានរហូតដល់ ៤GWh ក្នុងមួយឆ្នាំ។

សម្រាប់អាគុយលីចូម-អ៊ីយ៉ុង កញ្ចប់ថ្ម និងប្រព័ន្ធថាមពលបម្រុងរួម នឹងត្រូវបានផលិតឡើងដោយប្រើប្រាស់ជាមួយប្រព័ន្ធឆ្លាតវៃ និងប្រព័ន្ធផលិតស្វ័យប្រវត្តិដ៏ទំនើប ដើម្បីធានាបាននូវប្រសិទ្ធភាពខ្ពស់បំផុត និងដំណើរការផលិតតម្លៃទាប។

មូលដ្ឋានផលិតកម្មដ៏សំខាន់នេះ ស្ថិតនៅក្នុងតំបន់ EEC ដែលមានផ្ទៃដីជាង ៩០រ៉ៃ ស្មើនឹង ១៤៤ ០០០ម៉ែត្រការ៉េ ត្រៀមខ្លួនរួចជាស្រេច ដើម្បីទទួលនូវការវិនិយោគទៅលើរោងចក្រអាគុយលីចូមអ៊ីយ៉ុង និងប្រព័ន្ធផ្ទុកថាមពល បានលើសពី  ១០ដង ដល់តំបន់អាស៊ានដែលមានសមត្ថភាពផលិតខ្ពស់បំផុត ៥០GWh ក្នុងមួយឆ្នាំ។ ក៏ដូចជានៅក្នុងតំបន់ដែលត្រៀមរួចជាស្រេចដើម្បីគាំទ្រការវិនិយោគនៃឧស្សាហកម្មពាក់ព័ន្ធដើម្បីបង្កើតប្រព័ន្ធអេកូ S Curve ពេញលេញ៕

ផ្ទាំងផ្សាយពាណិជ្ជកម្ម