រថយន្ត Suzuki Celerio Indy Retro ដែលត្រូវបានឌីហ្សាញយ៉ាងពិសេសក្នុងរចនាបទបែប Retro ដែលមានតែមួយគត់នៅក្នុងប្រទេសថៃ ត្រូវបានបង្ហាញនៅក្នុងពិពណ៌ Motor Expo ២០២១ ។

Suzuki Celerio បច្ចុប្បន្នមានលក់ជាមួយជម្រើស ៣ ម៉ូឌែលរួមមាន៖ GA MT, GL CVT និង GX CVT ដែលធ្វើឱ្យវាក្លាយជា hatchback ៥ ទ្វារ សមរម្យនៅលើទីផ្សារនាពេលបច្ចុប្បន្ននេះ។

សម្រាប់រថយន្ត Suzuki Celerio Indy Retro បានប្រើប្រាស់ម៉ាស៊ីនសាំងចំណុះ ១,០ លីត្រ ទំហំ ៣ ស៊ីឡាំង ផលិតកម្លាំង ៦៨ សេះ និងកម្លាំងរមួល ៩០ ញូតុនម៉ែត្រ ភ្ជាប់ជាមួយនឹងប្រអប់លេខអូតូ CVT និងប្រអប់លេខដៃ ៥ វគ្គ ។

យ៉ាងណាមិញចំពោះរថយន្ត Suzuki Celerio Indy Retro ស៊េរីឆ្នាំ២០២២ មាន ៣ ម៉ូឌែល ជម្រើស សម្រាប់ទីផ្សារនៅប្រទេសថៃ

• ម៉ូឌែល GA MT តម្លៃ ៩ ៦៨៦ ដុល្លារ
• ម៉ូឌែល GL CVT តម្លៃ ១២ ០៤៨ ដុល្លារ
• ម៉ូឌែល GX CVT តម្លៃ ១២ ៩០៤ ដុល្លារ

ផ្ទាំងផ្សាយពាណិជ្ជកម្ម

ថ្មីៗនេះក្រុមហ៊ុន Audi បានបញ្ជាក់ថារថយន្តស្ព័រ R8 ជំនាន់បន្ទាប់នឹងក្លាយជាជម្រើសរថយន្តប្រើប្រាស់អគ្គិសនីសុទ្ធ នេះបើយោងតាមការអះអាងរបស់លោកស្រី Linda Kurz ជាប្រធានផ្នែកទីផ្សារផលិត នៅក្នុងបទសម្ភាសន៍ជាមួយនឹង CNET ។

បន្ថែមពីនេះ លោកស្រីមិនបានបញ្ជាក់ដោយដោយបាញ់ផ្តោតទៅកាន់ម៉ូឌែល R8 នោះឡើយ ដោយគ្រាន់តែលើកឡើងថាម៉ូឌែលត្រកូល R នាពេលអនាគតនឹងក្លាយជារថយន្តអគ្គិសនី។ ហើយលោកស្រី​ក៏​មិន​បាន​បញ្ជាក់​ថាតើ​ពេលណា​ដែល​រថយន្ត​អគ្គិសនី R អាច​នឹងបង្ហាញមុខ ក្រៅពី​ការ​បញ្ជាក់​ថាត្រកូល R នឹង​ប្តូរ​ទៅ​ប្រើ​អគ្គិសនី​ទាំងអស់នៅទសវត្សរ៍​ក្រោយ។

យ៉ាងណាមិញក្នុងអំឡុងពេលសម្ភាសន៍របស់លោកស្រី Linda Kurz ជាមួយ CNET បានបន្ថែមថា នៅឆ្នាំ២០២៦ ចំនួន ៨០ ភាគរយនៃម៉ូឌែល RS របស់ក្រុមហ៊ុននឹងបំពាក់មកជាមួយប្រព័ន្ធអគ្គិសនី រួមទាំងអគ្គិសនីសុទ្ធផងដែរ៕

ផ្ទាំងផ្សាយពាណិជ្ជកម្ម

ការដឹកជញ្ជូនសម្រាប់អតិថិជនដំបូងៗនៃរថយន្ត Toyota Land Cruiser ស៊េរីឆ្នាំ២០២២ បានចាប់ផ្ដើមដំណើរការហើយនៅប្រទេសអូស្ត្រាលី ស្របពេលដែលការផលិតនៅប្រទេសជប៉ុនបានបង្កើនចំនួនកាន់តែច្រើន។

នៅអូស្ត្រាលី រថយន្ត Land Cruiser ថ្មីនេះមានតម្លៃចាប់ពីប្រមាណ ៦៤ ២០០ដុល្លារ ឡើងទៅ ដោយវាមានជម្រើសម៉ាស៊ីន Twin-Turbo ចំណុះ ៣,៣លីត្រ ៦ស៊ីឡាំង ថ្មី ដែលភ្ជាប់នឹងប្រអប់លេខស្វ័យប្រវត្តិ១០វគ្គមកជាស្តង់ដារ។

ក្រុមហ៊ុន Toyota ប្រចាំប្រទេសអូស្ត្រាលីបានបញ្ជាក់ឲ្យដឹងថា​ការផលិតរបស់ Toyota នៅប្រទេសជប៉ុន បានងើបមកកាន់កម្រិតធម្មតាវិញនៅក្នុងខែធ្នូនេះ ក្រោយពី​រងការប៉ះពាល់ដោយសារជំងឺកូវីដ១៩អស់ជាច្រើនខែ។

គួរដឹងថាការដែលត្រូវរង់ចាំយូរនូវការបង្ហាញវត្តមាន Land Cruiser ជំនាន់ថ្មីលើទីផ្សារ ជាមួយការសម្រេចចិត្តដកចេញម៉ាស៊ីនចំណុះ ៤,៥លីត្រ ៨ស៊ីឡាំង បានធ្វើឲ្យតម្លៃរថយន្ត Land Cruiser ស៊េរីចាស់នៅប្រទេសអូស្ត្រាលីមានការកើនឡើងខ្លាំង ដោយ​មាន​អតិថិជន​ខ្លះ​ហ៊ានចំណាយដល់ទៅជាង ១០ម៉ឺនដុល្លារ ដែលតម្លៃនេះថ្លៃលើសតម្លៃដើមក្បែរពីរដង៕

ផ្ទាំងផ្សាយពាណិជ្ជកម្ម

រូបភាពបែកធ្លាយជាច្រើនសន្លឹកបានបង្ហាញពីរូបរាងរថយន្ត BMW 3-Series EV ដែលរថយន្តនេះត្រូវបានអាជ្ញាធរចិនអះអាងថាជារថយន្ត i3 ជំនាន់ថ្មី។

រថយន្ត i3 ជំនាន់ថ្មី ដែលមិនមានលក្ខណៈស្រដៀងនឹង BMW i3 ពីមុនសោះនោះ ទំនងជា​ផលិតឡើងផ្អែកលើរថយន្ត 3-Series Long Wheelbase ស៊េរីថ្មី ដោយអំពូលភ្លើងខាងមុខរបស់វាអាចបញ្ជាក់ថាវាមានទំនាក់ទំនងនឹងគ្នា។

BMW i3 ថ្មីនេះមានព័ត៌មានអំពីលក្ខណៈសម្បត្តិតិចតួចប៉ុណ្ណោះ ប៉ុន្តែមានការបញ្ជាក់ថាវាដំណើរការដោយថាមពលអគ្គិសនីសុទ្ធ និងមានល្បឿនអតិបរមា ១៨០គ.ម/ម៉ ហើយវាមានបំពាក់ម៉ូទ័រអគ្គិសនីដែលផលិតកម្លាំងបាន ៣៣៥សេះ ដែលផលិតកម្លាំងបានដូចជារថយន្ត i4 eDrive 40 ដែរ។

ប្រសិនបើអាគុយដូចគ្នាដែរនោះ នោះរថយន្ត i3 នេះអាចមានអាគុយចំណុណ ៨៣,៩kWh ដែលប៉ាន់ស្មានថាអាចបើកបរបានចម្ងាយប្រមាណ ៤៨៣គីឡូម៉ែត្រ។ រថយន្តនេះរំពឹងថានឹងបង្ហាញវត្តមាននៅក្នុងកម្មវិធីតាំងបង្ហាញរថយន្តក្រុងប៉េកាំងដែលនឹងធ្វើឡើងនាខែមេសាខាងមុខ៕

ផ្ទាំងផ្សាយពាណិជ្ជកម្ម