បន្តាប់ពីមានការលុបចោលនៅឆ្នាំមុនដោយសារការរាតត្បាតនៃជំងឺកូវីដ ពេលនេះ​ LA Auto show បានត្រលប់មកវិញជាមួយការចូលរួមបង្ហាញខ្លួនជាមួយម៉ូដែលម៉ូឌែលរថយន្តសំខាន់ៗមួយចំនួនដូចជា Porsche 718 Cayman GT4 RS រថយន្តអគ្គិសនីដំបូងគេបង្អស់របស់ក្រុមហ៊ុន Subaru ក៏ដូចជាគំរូរថយន្តអគ្គិសនីនាពេលអនាគត Hyundai seven Concept និង​ Kia EV9 Concept ផងដែរ។ ខាងក្រោមនេះជាកំពូលរថយន្តដែលបានបង្ហញខ្លួននៅ​ LA Auto Show ២០២១នេះ។

• រថយន្ត Fisker Ocean ស៊េរីឆ្នាំ ២០២២

បន្ថាប់ពីបានបង្ហាញខ្លួនជាគម្រូរថយន្តនៅក្នុងឆ្នាំ ២០១៩ ទីបំផុតរថយន្ត Fisker Ocean បានបង្ហាញខ្លួននៅក្នុងព្រឹត្តិការណ៍ LA Auto show ២០២១ ជាប្រភេទរថយន្តអគ្គិសនី​ដែលសាកថ្មពេញម្តងបើកបានចម្ងាយប្រហែល ៥៦៣​ គីឡូម៉ែត្រ និងមានតម្លៃចាប់ពី ៣៧,៤៩៩​ ដុល្លារ។ រថយន្តនេះនឹងក្លាយជាគូរប្រជែងរបស់ Tesla Model Y នៅពេលចាប់ផ្តើមផលិតនៅចុងឆ្នាំក្រោយ។

• គំរូរថយន្តអគ្គិសនី Hyundai Seven Concept

ក្រុមហ៊ុន Hyundai បាននាំយកគំរូររថយន្ត Hyundai Seven Concept របស់ចូលរួមក្នុងពិពណ៌រថយន LA Auto Show ឆ្នាំ២០២១ ដែលវាជាគម្រូរថយន្តស្ថិតនៅក្នុងថ្នាក់ E-class SUV ដែលប្រើប្រាស់នូវគ្រោងឆ្អឹង E-GMP។

• រថយន្ត Kia Sportage Hybrid ស៊េរីឆាំ្ន ២០២៣

បន្ថាប់ពី Sportage ថ្មីបានបង្ហាញខ្លួនកាលពីខែមុន រថយន្តម៉ាក Kia Sportage Hybrid ស៊េរីថ្មីឆ្នាំ ២០២៣ បានបង្ហាញខ្លួនជាលើកដំបូងនៅលើពិភពលោកនៅក្នុងទីក្រុង​ LA ដោយ Sportage ថ្មីនេះបំពាក់ម៉ាស៊ីន Turbocharged GDI ចំណុះ ១,៦​ លីត្រ និង​​ ម៉ូទ័រអគ្គិសនី ៤៤ គីឡូវ៉ាត់ បង្កើតកម្លាំងបាន​ ២២៦ សេះ និងបើកបានចម្ងាយ ៨០៤​ គីឡូម៉ែត្រពេលសាកម្តង។

• រថយន្ត Kia EV9 Concept 

រថយន្តម៉ាក EV9 Concept ស៊េរីឆ្នាំ ២០២៣ បង្ហាញមុខជា SUV ជាប្រភេទអគ្គីសនី មានកៅអី ៣​ជួរ និង បើកបានចម្ងាយលើសពី ៤៨២​​ គីឡូម៉ែត្រ​ ពេលសាកតែម្តង។

• រថយន្ត Land Rover Range Rover ស៊េរីឆ្នាំ ២០២២

រថយន្ត SUV ប្រណិតនេះផ្តល់នូវជម្រើសម៉ាស៊ីនចំនួន ២ ប្រភេទគឺម៉ាស៊ីនប្រភេទ Mild-hybrid ចំណុះ ៣,០លីត្រ Turbocharged Inline6 អាចផលិតកម្លាំងបាន ៣៩៥សេះ និងកម្លាំងរមួល ៥៥០ញ៉ូតុនម៉ែត្រ និងម៉ាស៊ីនចំណុះ ៤,៤លីត្រ Turbocharged V8 អាចផលិតកម្លាំងបាន ៥២៣សេះ និងកម្លាំងរមួល ៧៤៩ញ៉ូតុនម៉ែត្រ។ ខណៈជម្រើសម៉ាស៊ីនថ្មី Plug-in Hybrid នឹងធ្វើការបង្ហាញខ្លួននៅឆ្នាំ ២០២៣ និងអគ្គិសនីសុទ្ធនឹងបង្ហាញខ្លួននៅឆ្នាំ ២០២៤។

• រថយន្តម៉ាក Lexus LX ស៊េរីថ្មីឆ្នាំ ២០២២

បន្ទាប់ពីបានបង្ហាញខ្លួនជាសាធារណះលើកដំបូងនៅពិពណ៌រថយន្ត SEMA រថយន្ត Lexus LX ស៊េរីឆ្នាំ ២០២២​ ត្រូវបានដាក់តាំងបង្ហាញខ្លួនជាថ្មីនៅក្នុងពិពណ៌រថយន្ត LA Auto show ២០២១។

• Nissan Ariya ស៊េរីឆ្នាំ ២០២២

រថយន្តប្រភេទ Crossover អគ្គិសនីរបស់ក្រុមហ៊ុន Nissan ជារថយន្តដែលទាក់ទាញបំផុតមួយ ក៏បានបង្ហាញខ្លូននៅក្នុងពិពណ៌រថយន្តនេះដូចគ្នា។

• រថយន្ត Porsche 718 Cayman GT4 RS

រថយន្ត Porsche 718 Cayman GT4 RS គឺជារថយន្ត Cayman ខ្លាំងបំផុត​ដែលមិនធ្លាប់មាន ដោយមានទម្ងន់ស្រាល​ និងថាមពលខ្លាំង ដែលបានពីម៉ាស៊ីន 911 GT3 naturally aspirated flax-six បង្កើតកម្លាំងបាន ៤៩៣ សេះ និង កម្លាំងរមួល​ ៤២៩ញ៉ូតុនម៉ែត្រ។

• រថយន្ត Porsche Taycan GTS ឆ្នាំ ២០២២

រថយន្ត Taycan GTS ថ្មីបានបង្ហាញខ្លួនជារថយន្តស្ព័រអគ្គិសនីដំបូងបង្អស់របស់ក្រុមហ៊ុន Porsche ដែលមានម៉ូទ័រ ២ អាចបង្កើតកម្លាំងបាន ៥៩០ សេះ។

• រថយន្ តSubaru Solterra ឆ្នាំ ២០២៣

រថយន្តអគ្គិសនី Subaru solterra ត្រូវបានសហការបង្កើតជាមួយក្រុមហ៊ុន Toyota ដែលជារថយន្តប្រភេទ SUV អគ្គិសនីដំបូងគេបង្អស់ ប្រើប្រាស់គ្រោងឆ្អឹង e-Subaru Global Platform ហើយភ្ជាប់មកជាមួយប្រព័ន្ធ Symmetrical All-Wheel Drive របស់ក្រុមហ៊ុនជប៉ុនដែលមាន ម៉ូទ័រអគ្គិសនី ២​ បង្កើតបានកម្លាំង 215 សេះ និងកម្លាំងរមួល ៣៣៦ ញ៉ូតុនម៉ែត្រ ពេលសាកថ្មម្តងអាចបើកបានប្រហែល ៣៥៤ គីឡូម៉ែត្រ។

• រថយន្តអគ្គិសនី Toyota bZ4x ស៊េរីឆ្នាំ ២០២២

រថយន្ត Toyota bZ4x ផ្តល់នូវជម្រើស ២ប្រភេទគឺ FWD និង AWD។ សម្រាប់រថយន្ត bZ4X ប្រភេទ FWD ដំណើរការដោយម៉ូទ័រអគ្គិសនីចំនួនមួយនៅផ្នែកខាងមុខ ដែលអាចផលិតកម្លាំងបាន ២១៥សេះ និងអាចស្ទុះពីកុងទ័រ ០-១០០គ.ម/ម៉ ប្រើពេល ៨,៤វិនាទី។ រីឯប្រភេទ AWD ដំណើរការដោយម៉ូទ័រអគ្គិសនីភ្លោះមួយ ដែលអាចផលិតកម្លាំងបាន ២០១សេះ និងអាចស្ទុះពីកុងទ័រ ០-១០០គ.ម/ម៉ ប្រើពេល ៧,៧វិនាទី។ វាអាចបើកបរបានចម្ងាយ ៥០០គីឡូម៉ែត្រ សម្រាប់ប្រភេទ FWD និងចម្ងាយ ៤៦០គីឡូម៉ែត្រសម្រាប់ប្រភេទ AWD នៅពេលសាកភ្លើងពេញម្តង។

• រថយន្តម៉ាក VinFast VF e35 & VF e36

រថយន្ត VinFast VF e35 នឹងមានជម្រើសម៉ូទ័រអគ្គិសនីមួយ និង ពីរ ជាមួយនឹងកម្លាំង ២០១សេះ និង ៤០២សេះ ហើយចម្ងាយបើកបរ ៤៦០គីឡូម៉ែត្រ និង ៥០០គីឡូម៉ែត្រ។ ចំណែក VF e36 វាបំពាក់ម៉ូទ័រអគ្គិសនីចំនួន ២គ្រឿង ដែលបង្កើតកម្លាំងបាន ៤០២សេះ និងកញ្ចប់អាគុយអគ្គិសនីទំហំ ១០៦គីឡូវ៉ាត់ម៉ោង ដែលផ្តល់ចម្ងាយបើកបរ ៤៨៥គីឡូម៉ែត្រ និង ៦៨០គីឡូម៉ែត្រ។

ផ្ទាំងផ្សាយពាណិជ្ជកម្ម

GMC បានបង្ហាញចេញគំរូរថយន្ត Hummer EV ជាលើកដំបូងកាលពីខែតុលា ឆ្នាំ២០២០ កន្លងទៅ ហើយរយៈពេលមួយឆ្នាំក្រោយមក GMC អាចសម្រេចតាមការសន្យា​ដោយរថយន្ត Hummer EV ដំបូងនឹងបានទៅដល់ដៃអតិថិជននៅប៉ុន្មានសប្ដាហ៍ខាងមុខនេះ។

កាលពីថ្ងៃទី២៣ ខែវិច្ឆិកា ក្រុមហ៊ុនបានបញ្ជាក់ថាការផលិតរថយន្ត Hummer EV Edition 1 ប៉ុន្មានគ្រឿងដំបូងគេគឺកំពុងស្ថិតក្នុងដំណើរការ ដោយអ្នកដែលបានកក់រថយន្តមុនគេនឹងបានរថយន្តជិះនៅមុនដំណាច់ឆ្នាំ២០២១នេះ។ ក្រុមហ៊ុន GMC និយាយថានេះគឺជាពេលវេលាឆាប់បំផុតដែលក្រុមហ៊ុនអាចផ្លាស់ប្ដូររថយន្តគំរូ ទៅកាន់រថយន្តផលិតសម្រាប់ទីផ្សារ។

ក្រុមហ៊ុនបាននិាយយថាខែវិច្ឆិកាគឺជាខែលំដាប់ទីពីរដែលមានអ្នកកុម្ម៉ង់ទិញរថយន្ត Hummer EV ច្រើនជាងគេ ដែលនេះបង្ហាញថា​ការបង្ហាញមុខ​បើកដំណើរការរោងចក្រ និងការឡើងបើករថយន្ត Hummer EV ពីសំណាក់ប្រធានាធិបតីអាមេរិកគឺបាន​ជះឥទ្ធិពលយ៉ាងខ្លាំង។

រថយន្ត Hummer EV Edition 1 ដែលនឹងរំកិលចេញពីរោងចក្រនាខែក្រោយនេះ នឹងមានបំពាក់ម៉ូទ័រអគ្គិសនីបី ដែលអាចផលិតកម្លាំងបាន ១០០០សេះ និងស្ទុះដល់ ៩៦គ.ម/ម៉ ដោយប្រើពេលមិនដល់៤វិនាទី ហើយអាចបើកបរបានចម្ងាយ ៥២៩គីឡូម៉ែត្រពេលសាកភ្លើងពេញ៕

ផ្ទាំងផ្សាយពាណិជ្ជកម្ម