ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 68

GM ប្រកាសចាប់ដៃគ្នាជាមួយ Hyundai ត្រៀមផលិតរថយន្តថ្មីៗចំនួន ៥ម៉ូឌែល

ក្រោយពីមានពាក្យចចាមអារ៉ាមជាច្រើនខែ ពេលនេះ ក្រុមហ៊ុន General Motors (GM) និង Hyundai បានប្រកាសសហការគ្នាជាផ្លូវការហើយ ដោយក្នុងនោះ ការសហការគ្នានេះគឺជាផែនការសម្រាប់ផលិតរថយន្តរួមគ្នាចំនួន ៥ម៉ូឌែល សម្រាប់ទីផ្សារអាមេរិកកណ្តាល និងខាងត្បូង។

គួរបញ្ជាក់ថា សម្រាប់រថយន្តទាំង ៥ម៉ូឌែលដែលជាការសហការគ្នារវាងក្រុមហ៊ុន General Motors (GM) និង Hyundai នេះ ក៏នឹងរួមបញ្ចូលនូវរថយន្តប្រភេទ Crossover និងភីកអាប់ផងដែរ ហើយគ្រោងនឹងចាប់ផ្តើមការផលិត និងបង្ហាញចេញនៅក្នុងឆ្នាំ ២០២៨ ខណៈព័ត៏មានលម្អិតមិនទាន់បង្ហាញចេញនៅឡើយទេ។

ជាមួយគ្នានេះ បើយោងទៅតាមការវិភាគជាច្រើន គឺបានឲដឹងថា ប្រសិនបើភាពជាដៃគូរវាងក្រុមហ៊ុនទាំង ២ ធ្វើការដំណើរការជាមួយបានល្អនោះ ពួកគេគឺអាចលក់រថយន្តបានចំនួនដល់ទៅ ៨០០ ០០០ គ្រឿង ឯណ្ណោះ នៅក្នុងមួយឆ្នាំ៕

ផ្ទាំងផ្សាយពាណិជ្ជកម្ម

រថយន្ដ PHEV Jetour Shanhai L7 Plus នឹងបើកទទួលការបញ្ជាទិញកក់មុនក្នុងពេលឆាប់ៗនេះ

ក្រុមហ៊ុន Jetour ដែលជាម៉ាករងរបស់ក្រុមហ៊ុន Chery គ្រោងនឹងដាក់លក់រថយន្ត SUV ថ្មីរបស់ខ្លួនគឺម៉ូឌែល Shanhai L7 Plus ដោយនឹងចាប់ផ្តើមទទួលការកក់ទុកមុននៅថ្ងៃទី ១៨ ខែសីហា។ រថយន្ដនេះនឹងត្រូវដាក់បង្ហាញជាផ្លូវការនៅក្នុងពិព័រណ៍ Chengdu Auto Show នៅចុងខែសីហានេះ។ រថយន្ត Shanhai L7 Plus ត្រូវបានរៀបចំឡើងជាយានយន្តគ្រួសារដ៏សម្បូរបែប ដែលផ្ដល់មកជាមួយជម្រើស ៥កៅអី និង ៧កៅអី។ រថយន្ត SUV ថ្មីនេះត្រូវបានគេរំពឹងថានឹងមានតម្លៃក្រោម ២០០ ០០០ យន់ ស្មើននិងប្រមាណ ២៨ ០០០ដុល្លារ។

រថយន្ត Jetour Shanhai L7 Plus មានការរចនាបែបថ្មីស្រឡាង ដោយផ្នែកខាងមុខត្រូវបានគ្របដណ្ដប់ដោយបន្ទះភ្លើងបន្តគ្នា ខណៈចង្កៀងមុខរាងជាអក្សរ “J” ដោយសំដៅទៅលើអក្សរ “J” នៅក្នុងឈ្មោះ Jetour។ នៅខាងក្រោម មានរន្ធខ្យល់រាងចតុកោណកែង ដើម្បីជួយសម្រួលដាក់ប្រព័ន្ធលំហូរខ្យល់កាន់តែល្អ។ ការរចនាផ្នែកខាងក្រោយលេងមកជាមួយបន្ទាត់ LED អូសកាត់ពេញទទឹងនិងស្ដុបរាងជាអក្សរ “T” ដោយសំដៅទៅលើអក្សរ “T” នៅក្នុងឈ្មោះ Jetour។

រថយន្ត Jetour Shanhai L7 Plus បំពាក់ដោយប្រព័ន្ធ (plug-in hybrid) ដំណើរដោយម៉ាស៊ីន ១.៥ រួមបញ្ចូលជាមួយនិងម៉ូទ័រអគ្គិសនី។ ចំពោះម៉ាស៊ីនចំហេះក្នុងអាចផលិតកម្លាំងអតិបរមាបាន ១១៥ kW (១៥៤ សេះ) ខណៈបូកបញ្ចូលជាមួយម៉ូទ័រអគ្គិសនីវាអាចផលិតកម្លាំងសរុបដល់ ២៦៥ kW (៣៥៥ សេះ) ជាមួយនឹងកម្លាំងបង្វិលជុំខ្ពស់បំផុត ៥៣០ Nm។ រថយន្ដនេះបំពាក់មកជាមួយអាគុយទំហំ ៣២.៦៥៩ kWh អាចបើកបានចម្ងាយ ១៦៧ គីឡូម៉ែត្រ ពេលប្រើថាមពលអគ្គិសនីសុទ្ធ តែប្រើអគ្គិសនីលាយសាំង អាចបើកបរបាន ១ ៧០០ គីឡូម៉ែត្រ។ សម្រាប់កម្រិតការសុីប្រេងឥន្ធនៈរថយន្ដនេះសុីប្រេងឥន្ធនៈ ៥.២៥ លីត្រ/១០០ គីឡូម៉ែត្រ។

ចំពោះទំហំវិញ រថយន្ត SUV នេះមានប្រវែង ៤ ៨១០ មីលីម៉ែត្រ ទទឹង ១ ៩៣០ មីលីម៉ែត្រ កម្ពស់ ១ ៧០៥ មីលីម៉ែត្រ និងប្រវែងគម្លាតកង់មុខក្រោយ ២ ៨២០ មីលីម៉ែត្រ។

នៅខាងផ្នែកខាងក្នុងបានបំពាក់មកជាមួយអេក្រង់បញ្ជាកណ្ដាលទំហំ ១៥.៦ អុីញ អាចបង្វិលឆ្លាតវៃទៅឆ្វេងស្ដាំបាន ១០ ដឺក្រេ។ ប្រព័ន្ធប្រត្ដិបត្ដិការខាងក្នុងរថយន្ដនេះ ដំណើរការដោយប្រព័ន្ធ AI ឆ្លាតវៃ Tour OS 3.0 រួមបញ្ចូលគំរូភាសាធំ សម្រាប់បញ្ជាដោយសំឡេង។ លើសពីនេះ រថយន្តនេះត្រូវបានគេរំពឹងថានឹងបំពាក់មកជាមួយ Speaker រហូតដល់ ១២ គ្រាប់៕

ផ្ទាំងផ្សាយពាណិជ្ជកម្ម

រថយន្តអគ្គិសនី MG4 ស៊េរីថ្មីទទួលបានការបញ្ជាទិញកក់ទុកមុនចំនួន ១មុឺន គ្រឿងក្នុងរយៈពេល ២៤ម៉ោង

ក្រោយការបង្ហាញខ្លួនជាផ្លូវការ រថយន្ត All new MG4 របស់ក្រុមហ៊ុន SAIC Motor ទទួលបានការកក់ទុកមុនចំនួន ១១ ០៦៧ គ្រឿងក្នុងរយៈពេល ២៤ ម៉ោង។ រថយន្តអគ្គិសនីប្រភេទ hatchback ថ្មីនេះផ្តល់ជូនជាមួយជម្រើស៤ម៉ូឌែលផ្សេងគ្នា ហើយបានបើកធ្វើការដាក់លក់ទុកមុនជាមួយតម្លៃចាប់ពី ១០ ១០០ ដល់ ១៤ ៤០០ ដុល្លារ។ ទោះជាយ៉ាងណាសម្រាប់ម៉ូឌែល ប្រើប្រាស់អាគុយប្រភេទ semi-solid state battery ក្រុមហ៊ុនមិនទាន់ប្រកាសពីតម្លៃនៅឡើយទេ។

រថយន្ត MG4 EV ត្រូវបានផលិតឡើងនៅលើវេទិកាស្ថាបត្យកម្មរថយន្ដអគ្គិសនីសុទ្ធ E3 របស់ SAIC ហើយត្រូវបានគេរំពឹងថានឹងដាក់លក់ជាផ្លូវការនៅខែកញ្ញា។ ផ្នែកខាងក្រៅនៃរថយន្ត MG4 EV ថ្មីនេះរក្សាទម្រង់រាង hatchback របស់វា។ សម្រាប់ការឌីស្សាញទទួលការបំផុសគំនិតពីរូបរាងផ្នែកខាងមុខរបស់រថយន្ដ MG Cyberster រួមទាំងនិមិត្តសញ្ញា MG ដែលមានពន្លឺផងដែរ។ នៅផ្នែកចំហៀង រថយន្តនេះមានបន្ទាត់តួខ្លួនដែលមើលទៅមានចលនា ព័ទ្ធជុំវិញបង្អួចពណ៌ខ្មៅ និងកង់រាងដូចផ្កាដែលមើលទៅប្លែក ជួយឲ្យរថយន្តមើលទៅមានលក្ខណៈបែបស្ព័រ។ ចំពោះរូបរាងនៅផ្នែកខាងក្រៅរថយន្តមានប្រវែងតួខ្លួនសរុប ៤ ៣៩៥ មីលីម៉ែត្រ ទទឹង ១ ៨៤២ មីលីម៉ែត្រ កម្ពស់ ១ ៥៥១ មីលីម៉ែត្រ និងប្រវែងគម្លាតកង់មុខក្រោយ ២៧៥០ មីលីម៉ែត្រ។

រថយន្ត MG4 ស៊េរីថ្មីនេះ ផ្ដល់ជូនជាមួយជម្រើសអាគុយ lithium iron phosphate ពីរប្រភេទ៖

  • អាគុយទំហំ ៤២.៨ kWh សាកមួយពេញអាចបើកបរបានចម្ងាយ ៤៣៧ គីឡូម៉ែត្រ
  • អាគុយទំហំ ៥៣.៩ kWh សាកមួយពេញអាចបើកបរបានចម្ងាយ ៥៣០ គីឡូម៉ែត្រ

អ្វីកាន់តែពិសេសរថយន្ដនេះអាចសាកថ្មពី ៣០% ទៅ ៨០% ប្រើពេលប្រហែល ២០ នាទី ចំណែកកម្រិតសុីថាមពលអគ្គិសនីវាសុីត្រឹមតែ ១០.៤ kWh ក្នុង ១០០ គីឡូម៉ែត្រ។ បន្ដែមពីនេះរថយន្ដក៏បន្ថែមមកជាមួយប្រព័ន្ធគ្រប់គ្រងកម្ដៅរបស់រថយន្តដែលប្រើបច្ចេកវិទ្យា heat pump អាចជួយរក្សាចម្ងាយបើកបរបានដល់ទៅ ៧៥% បន្ទាប់ពីកម្តៅត្រូវបានដំណើរការនៅសីតុណ្ហភាព -៧°C។

នៅខាងក្នុង រថយន្ត MG4 ត្រូវបានបំពាក់ដោយអេក្រង់កម្សាន្ដទំហំ ១៥.៦ អុីញ កម្រិត 2.5K ដំណើរការដោយបន្ទះឈីប Qualcomm’s Snapdragon 8155 រួមបញ្ចូលគ្នាជាមួយប្រព័ន្ធ MG×Oppo Smart Mobility System ដែលអនុញ្ញាតឲ្យលោកអ្នកភ្ជាប់ការបញ្ជារវាងទូរស័ព្ទទៅក្នុងរថយន្តយ៉ាងរលូន៕

ផ្ទាំងផ្សាយពាណិជ្ជកម្ម

ចាយពេលកន្លះឆ្នាំ BYD ក្លាយជាក្រុមហ៊ុនលេខ ១ នៅក្នុងទីផ្សារទាំង ៧ នេះ!

បន្ទាប់ពីបានចំណាយពេលប្រមាណ ៦ខែ ឬ ១ឆមាស នៅក្នុងការលក់រថយន្តរបស់ខ្លួននៅក្នុងទីផ្សារជាច្រើននៅជុំវិញពិភពលោក ពេលនេះ ក្រុមហ៊ុន BYD បានក្លាយជាក្រុមហ៊ុនទី ១ ដែលមានចំនួនលក់រថយន្តច្រើនជាងគេនៅក្នុងទីផ្សារទាំង ៧ នេះហើយ ដោយក្នុងនោះរួមមានទីផ្សារហុងកុង សិង្ហបុរី ថៃ ឥណ្ឌូនេស៊ី អេស្ប៉ាញ អ៊ីតាលី និងប្រេស៊ីល។

បើយោងតាមការរាយការណ៍ពីលោក Li Yunfei ដែលជាអ្នកគ្រប់គ្រងទូទៅផ្នែកទីផ្សារ និងទំនាក់ទំនងសាធារណៈរបស់ក្រុមហ៊ុន BYD ផ្ទាល់បានឲដឹងថា នៅក្នុងទីផ្សារហុងកុង និងសិង្ហបុរី ក្រុមហ៊ុន BYD គឺបានលក់រថយន្តបានចំនួន ៤ ៩០៩ និង ៤ ៦៦៧ គ្រឿង ចំណែកនៅក្នុងប្រទេសថៃ លក់បានចំនួន ២៤ ០៧២គ្រឿង កើនឡើង ៦៤,១% បើប្រៀបធៀបឆ្នាំមុន ខណៈនៅក្នុងប្រទេសឥណ្ឌូនេស៊ីវិញ លក់បានចំនួន ១៩ ៨២៥គ្រឿង ហើយនៅអេស្ប៉ាញ BYD លក់បាន ១០ ១៩៦គ្រឿង ខណៈនៅប្រទេសអ៊ីតាលី និងប្រេស៊ីល លក់បាន ៩ ៥១៧ និង ៤៧ ១០៧គ្រឿង។

ជាសរុប នៅក្នុងឆមាសទី១ នៃឆ្នាំ២០២៥ នេះ ក្រុមហ៊ុន BYD គឺបានលក់រថយន្តសរុបរបស់ខ្លួនបានចំនួនជាង ២,១ លានគ្រឿង ឯណ្ណោះ។ ជាមួយគ្នានេះ ក្រុមហ៊ុនផ្ទាល់ក៏គ្រោងនឹងបន្ថែមនូវនាវាដឹករថយន្តចំនួន ៨គ្រឿន បន្ថែម នាពេលឆាប់ៗខាងមុខនេះផងដែរ៕

ផ្ទាំងផ្សាយពាណិជ្ជកម្ម

GWM នឹងប្រកាសបើកកក់ Tank 500 PHEV ថ្មីរបស់ខ្លួន នៅសប្តាហ៍ក្រោយនេះ

បន្ទាប់ពីប្រកាសបញ្ចេញកាលពីចុងខែកក្កដា ពេលនេះ ក្រុមហ៊ុន Great Wall Motor (GWM) បានប្រកាសគ្រោងបើកទទួលកក់នូវរថយន្ត SUV បែប Off-Road Tank 500 ថ្មីរបស់ខ្លួនហើយ ដោយនឹងធ្វើឡើងនៅក្នុងថ្ងៃទី ១១ ខែសីហា ខាងមុខនេះ នៅក្នុងប្រទេសចិន។

ក្នុងនោះ សម្រាប់ការរចនាផ្នែកខាងក្រៅរបស់រថយន្ត Tank 500 ថ្មីនេះ នៅតែបន្តរក្សាការរចនាដូចទៅនឹងម៉ូដែលបច្ចុប្បន្នដែរ ប៉ុន្តែមានការអាប់ឌែតថ្មីបន្តិចបន្តួច ហើយភាពខុសគ្នាធំបំផុត គឺបានបំពាក់មកជាមួយប្រព័ន្ធ Hesai ATX roof lidar ថ្មី ដែលគាំទ្រប្រព័ន្ធជំនួយការបើកបរកម្រិតខ្ពស់ Coffee Pilot Ultra ជំនាន់ទី ៣ ។

ចំពោះផ្នែកថាមពលវិញ គឺទទួលបានជម្រើសចំនួន ២ គឺ៖

  • (Hi4-T) ដំណើរការដោយម៉ាសុីនចំណុះ ២,០លីត្រ ផលិតកម្លាំងបាន ២៤៨សេះ និងម៉ូទ័រអគ្គិសនីចំនួន ១ អាចផលិតកម្លាំងបាន ១៦១ សេះ និងបំពាក់មកជាមួយជម្រើសអាគុយទំហំ ៣៦,៧ និង ៣៧,១ គីឡូវ៉ាត់ម៉ោង អាចបើកបរដោយអគ្គិសនីសុទ្ធអាចបើកបានចម្ងាយ ១១០គីឡូម៉ែត្រ និងប្រអប់លេខ 9HAT ចំនួន ៩វគ្គ។
  • (Hi4-Z) ដំណើរការដោយម៉ាសុីនចំណុះ ២,០លីត្រ ផលិតកម្លាំងបាន ២៤៨សេះ និងម៉ូទ័រអគ្គិសនីចំនួន ២ អាចផលិតកម្លាំងបាន ៦១០ សេះ និងបំពាក់មកជាមួយអាគុយទំហំ ៥៩,០៦ គីឡូវ៉ាត់ម៉ោង អាចបើកបរដោយអគ្គិសនីសុទ្ធអាចបើកបានចម្ងាយ ២០១គីឡូម៉ែត្រ និងប្រអប់លេខ DHT ចំនួន ៣វគ្គ។

សម្រាប់ផ្នែកខាងក្នុងវិញ ទទួលបានអេក្រង់កម្សាន្តផ្នែកខាងមុខទំហំ ១៧,៣អ៊ីញ កៅអីខាងមុខ និងខាងក្រោយមានមុខងារខ្យល់ចេញចូល កំដៅ និងម៉ាស្សា ប្រព័ន្ធប្រតិបត្តិការ Coffee OS 3 ទូទឹកកកថ្មី និងកន្លែងសាកឥតខ្សែ 50W ចំនួន ២ ជាដើម៕

ផ្ទាំងផ្សាយពាណិជ្ជកម្ម

Chery ប្រកាសដាក់លក់រថយន្ដ SUV Off-Road ចំនួន២ម៉ូឌែលនៅថ្ងៃទី១៦ខាងមុខនេះ

យោងតាមការប្រកាសរបស់ក្រុមហ៊ុន Chery រថយន្ត SUV បែប Off-Road ចំនួន២ម៉ូឌែលគឺរថយន្ដ Chery Fulwin X3 និង X3L ត្រូវបានរចនាឡើងជាមួយរូបរាងបែបប្រអប់ (boxy shape) ដែលមើលទៅរឹងមាំ និងមានថាមពលស្រដៀងនឹងរថយន្ត off-road ដ៏ល្បីល្បាញ នឹងត្រូវដាក់លក់ជាផ្លូវការនៅក្នុងទីផ្សារប្រទេសចិននៅថ្ងៃទី ១៦ ខែសីហា។

រថយន្តទាំងពីរនេះអាចចាត់ទុកបានថាជាការប្តូរឈ្មោះ និងកែច្នៃឡើងវិញពីម៉ូឌែល iCar 03 របស់ពួកគេ។ ខាងក្រោមជាព័ត៌មានទាក់ទងជាមួយនិងរថយន្ដទាំង២ម៉ូឌែលនេះ៖

  • Fulwin X3: គឺជាប្រភេទរថយន្តអគ្គិសនីសុទ្ធ (BEV)។
  • Fulwin X3L: គឺជាប្រភេទរថយន្តអគ្គិសនីដែលប្រើសាំងលាយអគ្គិសនី (EREV) ហើយមានទំហំធំជាង Fulwin X3 បន្តិច។

ការរចនានេះរួមមាន៖

  • ភ្លើងខាងមុខ និងភ្លើងខាងក្រោយ ត្រូវបានរចនាបែបបញ្ឍរតាមបណ្តោយទៅនឹងតួរថយន្ត។
  • ដៃទ្វាររថយន្តត្រូវបានលាក់ (hidden door handles)។
  • ធុងផ្ទុកឥវ៉ាន់ខាងក្រៅ ត្រូវបានបំពាក់នៅផ្នែកខាងក្រោយសម្រាប់បន្ថែមទំហំផ្ទុក។

Chery Fulwin X3 and X3L will launch on August 16, available in BEV and EREVរថយន្ត Chery Fulwin X3 មានវិមាត្រ៖

  • ប្រវែង: ៤ ៣២៧ មីល្លីម៉ែត្រ
  • ទទឹង: ១ ៩១០ មីល្លីម៉ែត្រ
  • កម្ពស់: ១ ៧១៥ មីល្លីម៉ែត្រ
  • ប្រវែងគម្លាតកង់មុខក្រោយ: ២ ៧១៥ មីល្លីម៉ែត្រ

រថយន្ដ Chery Fulwin X3 ផ្ដល់មកជាមួយប្រព័ន្ធបើកបរកង់ក្រោយ (RWD) និងប្រព័ន្ធបើកបរកង់បួន (AWD)។

  • ម៉ូឌែល RWD: បំពាក់ដោយម៉ូទ័រអគ្គិសនី១ អាចផលិតកម្លាំង ២៤៨សេះ និងកញ្ចប់អាគុយប្រភេទ lithium iron phosphate ទំហំ ៦៨.៣៥៥ kWh ដែលអាចបើកបរបានចម្ងាយ ៥២០ គីឡូម៉ែត្រ គិតតាមតាមស្ដង់ដារវាស់ចម្ងាយ CLTC។
  •  ម៉ូឌែលAWD: បំពាក់ជាមួយម៉ូទ័រអគ្គិសនិចំនួនអាចផលិតកម្លាំងសរុប ៣៤២សេះ។

Chery Fulwin X3 and X3L will launch on August 16, available in BEV and EREVរថយន្ត Chery Fulwin X3L មានវិមាត្រ៖

  • ប្រវែង: ៤ ៥៤៥ មីល្លីម៉ែត្រ
  • ទទឹង: ១ ៩៥០ មីល្លីម៉ែត្រ
  • កម្ពស់: ១ ៨១៥ មីល្លីម៉ែត្រ
  • ប្រវែងគម្លាតកង់មុខក្រោយ: ២ ៧៨៣ មីល្លីម៉ែត្រ

ម៉ូឌែលក៏មានជម្រើសបំពាក់ ទំពក់សម្រាប់អូស (towing hook) នៅខាងក្រោយ ដែលមានសមត្ថភាពអូសទម្ងន់អតិបរមា ១,៦០០ គីឡូក្រាម។

រថយន្ដ Chery Fulwin X3L ៖

  • ម៉ាស៊ីនសាំង 1.5 អាចផលិតកម្លាំងបាន ១៥៤សេះ រួមបញ្ចូលជាមួយម៉ូទ័រអគ្គិសនីចំនួន អាចផលិតកម្លាំងអតិបរមារួមគ្នា ៤២២សេះនិងកម្លាំងបង្វិលអតិបរមា ៥០៥ញ៉ូតុនម៉ែត្រ។ រថយន្តនេះអាចបង្កើនល្បឿនពី ០ ទៅ ១០០ គីឡូម៉ែត្រក្នុងមួយម៉ោង ត្រឹមតែ ៤.៧ វិនាទី ប៉ុណ្ណោះ៕
ផ្ទាំងផ្សាយពាណិជ្ជកម្ម

ត្រឹមតែ៦នាទី Xpeng P7 ទទួលបានការបញ្ជាទិញទុកមុនចំនួន១ម៉ឺនគ្រឿង

យោងតាមការប្រកាសរបស់ក្រុមហ៊ុន Xpeng រថយន្ត Sedan អគ្គិសនីជំនាន់ថ្មីម៉ូឌែល P7 បានទទួលការកក់ទុកមុនជាង ១០ ០០០ គ្រឿង ត្រូវបានទទួលក្នុងរយៈពេលត្រឹមតែ ៦ នាទី និង ៣៧ វិនាទី។ ជាមួយចំនួនការកក់លឿនបែបនេះ Xpeng P7 បានបំបែកកំណត់ត្រារថយន្ដម៉ូឌែលផ្សេងៗទៀតរបស់ក្រុមហ៊ុនរួមមានម៉ូឌែល Xpeng Mona M03 ត្រូវការពេលប្រហែល ៥២ នាទី និង Xpeng G7 ត្រូវការពេល ៤៦ នាទីដើម្បីទទួលបានការកក់ទុក ១០ ០០០ គ្រឿង។

អតិថិជនអាចកក់ទុកមុនដោយបង់ប្រាក់កក់ ៩៩យ័ន (ប្រហែល ១៤ ដុល្លារអាមេរិក) អាចយកទៅកាត់បន្ថយថ្លៃទិញរថយន្តបាន ៣ ០០០ យ័ន (ប្រហែល ៤១៨ ដុល្លារអាមេរិក) ពេលទិញជាក់ស្តែង។ ការដាក់លក់ជាផ្លូវការត្រូវបានកំណត់ពេលនៅចុងខែនេះ ហើយតម្លៃលក់មិនត្រូវបានប្រកាសនៅក្នុងព្រឹត្តិការណ៍បង្ហាញខ្លួននោះទេ។

រថយន្ត P7 ស៊េរីថ្មីនេះជាគ្រាប់អុកយ៉ាងសំខាន់សម្រាប់ក្រុមហ៊ុន Xpeng ដោយបានរចនាឡើងដើម្បីរំលេចឡើងវិញនូវសមត្ថភាពបើកបរកាន់តែប្រសើរ និងបច្ចេកវិទ្យាដ៏ឆ្លាតវៃ កាន់តែពិសេសជាងម៉ូឌែលដើមដែលបានចេញលក់នៅឆ្នាំ ២០២០។ រថយន្ដនេះនឹងត្រូវបានបំពាក់ដោយបន្ទះឈីប Turing AI ចំនួនបីរបស់ក្រុមហ៊ុន ផ្តល់ថាមពលគណនារហូតដល់ ២ ២៥០ TOPS។

រថយន្តនេះផ្ដល់ជូនជាមួយរយៈចម្ងាយបើកបរ៣ផ្សេងគ្នាក្នុងនោះរួមមាន៖ រយៈចម្ងាយ ៧០២ គីឡូម៉ែត្រ, ៧៥០ គីឡូម៉ែត្រ, ៨២០ គីឡូម៉ែត្រគិតតាមស្ដង់ដារវាស់ចម្ងាយ CLTC និងផ្ដល់មកជាមួយជម្រើសប្រព័ន្ធបើកបរកង់ក្រោយ (RWD) និងប្រព័ន្ធបើកបរកង់ទាំង៤ (AWD) ផងដែរ។ Xpeng P7 អាចជាន់ស្ទុះពីកុងទ័រ ០ ទៅ ១០០ គីឡូម៉ែត្រក្នុងមួយម៉ោង ប្រើពេលត្រឹមតែ ៣.៧ វិនាទី ហើយគាំទ្រការសាកថ្មលឿនបំផុតកម្រិត ៥C ផ្តល់នូវចម្ងាយបើកបរ ៥២៥ គីឡូម៉ែត្រ ក្រោយសាកថ្មតែ ១០នាទីប៉ុណ្ណោះ៕

ផ្ទាំងផ្សាយពាណិជ្ជកម្ម

ក្រុមហ៊ុន Chery បានផ្ទេរសិទ្ធឲ្យ Luxeed ផលិតរថយន្ដ MPV អគ្គិសនីមានតម្លៃ៥មុឺនដុល្លារ

ក្រុមហ៊ុន Chery បានបញ្ឈប់ការអភិវឌ្ឍរថយន្ត MPV ប្រណីតម៉ូឌែល Exeed Exlantix E08 របស់ខ្លួន ក្នុងគោលបំណងដើម្បីបង្រួបបង្រួមធនធាន ហើយបានសម្រេចផ្ទេរឲ្យក្រុមហ៊ុន Luxeed ដែលមានការគាំទ្រពីក្រុមហ៊ុន Huawei អភិវឌ្ឍរថយន្ត MPV នេះវិញម្ដង។ ការផ្លាស់ប្តូរនេះបានធ្វើឲ្យរថយន្ដថ្មី EHV របស់ Luxeed នឹងត្រូវផលិតនៅលើគ្រោងឆ្អឹង E0X-L ក្លាយជារថយន្ត MPV ដំបូងគេស្ថិតក្នុងបុត្រសម្ព័ន្ធ HIMA (Harmony Intelligent Mobility Alliance) នៅពេលដែលវាត្រូវបានដាក់លក់នៅដើមឆ្នាំ ២០២៦។

The Most Tech-savvy Electric MPV? Chery Exeed E08 Debuts at Beijing Auto Showយោងតាមប្រព័ន្ធផ្សព្វផ្សាយរបស់ចិន 21st Century Business Herald ក្រុមវិស្វករមួយផ្នែកនៃគម្រោងផលិតរថយន្ដ Exlantix E08 ត្រូវបានផ្ទេរទៅឲ្យគម្រោងហើយប្ដូរឈ្មោះទៅជា EHV ស្ថិតក្រោមការគ្រប់គ្រងរបស់ក្រុមហ៊ុន Luxeed។ រថយន្ដនឹងផ្តល់ជូននូវជម្រើសប្រភេទអគ្គិសនីសុទ្ធ (pure-electric) និងប្រើប្រាស់អគ្គិសនីលាយសាំង (extended-range) ហើយប្រើអាគុយរបស់ក្រុមហ៊ុន CATL។

រថយន្ត Luxeed EHV បានដាក់គោលដៅប្រកួតប្រជែងក្នុងទីផ្សាររថយន្ដ MPV មានតម្លៃប្រមាណ ៥០ ០០០ដុល្លារ នៅប្រទេសចោន ខណៈរថយន្តម៉ូឌែលចាស់ E08 ដែលត្រូវបានលុបចោលមានតម្លៃប្រហាក់ប្រហែល ៣០  ០០០ ដុល្លារ។ ក្រុមហ៊ុន Chery បានបញ្ជាក់ពី “យុទ្ធសាស្ត្រកាត់បន្ថយផលប៉ះពាល់”  ដើម្បីជៀសវាងការប្រកួតប្រជែងផ្ទៃក្នុងរវាងម៉ាកយីហោរថយន្តអគ្គិសនីប្រណីតរបស់ខ្លួន។

Chery Exeed 08 MPV to debut at Beijing Auto Showការសម្រេចចិត្តនេះស្របពេលតម្រូវការរថយន្ត MPV អគ្គិសនីកំពុងកើនឡើងយ៉ាងខ្លាំងនៅចិន ខណៈតួលេខនៃការលក់រថយន្ដ MPV នៅប្រទេសចិនបានកើនឡើង ៤៩.៧% ប្រចាំឆ្នាំក្នុងឆមាសទីមួយនៃឆ្នាំ ២០២៥ ឈានដល់ ២១៤ ១០០ គ្រឿង។ រថយន្ដ MPV របស់ Luxeed កំពុងត្រូវបានគេចាប់អារម្មណ៍ខ្លាំង ព្រោះក្រុមហ៊ុនេះ មានការគាំទ្រពីក្រុមហ៊ុនបច្ចេកវិទ្យា Huawei និងជាម៉ាកយីហោទីពីរក្រោមសម្ព័ន្ធ HIMA៕

ផ្ទាំងផ្សាយពាណិជ្ជកម្ម

P7 ជំនាន់ទី ២ របស់ XPeng ទទួលបាននូវអេក្រង់ AR-HUD ទំហំធំដល់ទៅ ៨៧អ៊ីញ ឯណ្ណោះ!

បន្ទាប់ពីរង់ចាំអស់ជាយូរ ពេលនេះ ក្រុមហ៊ុន XPeng ផ្ទាល់បានប្រកាសបង្ហាញចេញជាផ្លូវការនូវរថយន្តអគ្គិសនី XPeng P7 ជំនាន់ទី ២ របស់ខ្លួនហើយ ដោយមានតម្លៃលក់ចាប់ពី ២៨ ០០០ដុល្លារ ដល់ ៤២ ០០ដុល្លារ តែប៉ុណ្ណោះ នៅក្នុងទីផ្សារប្រទេសចិន។

សម្រាប់រថយន្តជំនាន់ថ្មីនេះ មានប្រវែងតួខ្លួនសរុប ៥ ​០១៧ ម.ម ទទឹង ១ ៩៧០ ម.​ម កម្ពស់ ១ ៤២៧ ម.ម និងប្រវែងគម្លាតកង់ ៣ ០០៨ ម.ម ដំណើរការដោយ៖

  • ម៉ូទ័រអគ្គិសនីចំនួន ១ ប៉ុង ១ (RWD) ផលិតកម្លាំងបាន ៣៦៧សេះ
  • ម៉ូទ័រអគ្គិសនីចំនួន ២ ប៉ុង ២ (AWD) ផលិតកម្លាំងបាន ២២៤ និង ៣៦៧សេះ

លើសពីនេះ ក៏ទទួលបាននូវជម្រើសអាគុយទំហំធំ ៧៤,៩ និង ៩២,២គីឡូវ៉ាត់ម៉ោង ដែលអាចបើកបរបានចម្ងាយដល់ទៅ ៧០២, ៧៥០ និង ៨២០គីឡូម៉ែត្រ ផងដែរ នៅពេលសាកថ្មពេញម្តង។ ជាមួយគ្នានេះ វាក៏គាំទ្រនូវការសាកថ្មល្បឿនលឿន 5C fast charging ផងដែរ។

ក្នុងនោះ ចំពោះការរចនារបស់ XPeng P7 ជំនាន់ទី ២ នេះ គឺមានការរចនាតួខ្លួនបែប fastback ស្រដៀងនឹងរថយន្តរបស់ Tesla ដែរ ពោលគឺបានភ្ជាប់មកជាមួយ spoiler ប្រភេទអគ្គិសនី អាចបើក-បិទដោយស្វ័យប្រវត្តិ មានចង្កៀងមុខ-ក្រោយ LED ថ្មី រចនាជុំវិញផ្នែកខាងមុខ និងខាងក្រោយនៃរថយន្ត មានជម្រើសថាសកង់ទំហំ ២០ និង ២១អ៊ីញ រចនាថ្មី និងបំពាក់មកជាមួយទ្វារស្លាបប្រភេទបើកឡើងលើដែលដំណើរការដោយអគ្គិសនីជាដើម។

ចំពោះផ្នែកខាងក្នុងវិញ គឺទទួលបាននូវប្រព័ន្ធជំនួយការបើកបរដែលប្រើប្រាស់នូវបច្ចេកវិទ្យា AI ចង្កូតស្ព័រ កៅអីស្ព័រនៅផ្នែកខាងមុខមានមុខងារកំដៅ ខ្យល់ចេញចូល ម៉ាស្សា និងអេក្រង់ head-up display (AR-HUD) ទំហំធំដល់ទៅ ៨៧អ៊ីញ ក៏ដូចជាអេក្រង់កម្សាន្តថ្មីជាដើម៕

ផ្ទាំងផ្សាយពាណិជ្ជកម្ម

Hyundai នឹងបញ្ចេញឡាន EV ដំបូងរបស់ខ្លួននៅទីផ្សារចិន នៅចុងឆ្នាំនេះហើយ!

ដើម្បីជាយុទ្ធសាស្ត្រថ្មីសម្រាប់ប្រកួតប្រជែងនៅក្នុងវិស័យរថយន្តអគ្គិសនីនៅប្រទេសចិន ពេលនេះ ក្រុមហ៊ុន Beijing Hyundai បានប្រកាសគ្រោងចេញជាផ្លូវការនូវរថយន្តអគ្គិសនីសុទ្ធដំបូងរបស់ខ្លួន Hyundai EO នៅក្នុងទីផ្សារប្រទេសចិន នៅក្នុងខែកញ្ញា ឆ្នាំ ២០២៥ ខាងមុខនេះហើយ។

ក្នុងនោះ សម្រាប់រថយន្ត Hyundai EO នេះ គឺអាចនឹងមានតម្លៃលក់ខ្ទង់ ១៥០ ០០០យន់ ឬ ២មុឺនដុល្លារ ប៉ុណ្ណោះ នៅក្នុងទីផ្សារប្រទេសចិន។

ចំពោះផ្នែកម៉ាសុីនវិញ គឺមានទាំងជម្រើសប្រើម៉ូទ័រអគ្គិសនីចំនួន ១ និង ២ ហើយអាចបើកបានចម្ងាយឆ្ងាយដល់ទៅ ៧០០គីឡូម៉ែត្រ ឯណ្ណោះ នៅពេលសាកថ្មពេញម្តង ខណៈព័ត៌មានលម្អិតផ្សេងៗទៀតមិនទាន់បង្ហាញចេញនៅឡើយទេ។

គួរបញ្ជាក់ថា ក្រៅពីរថយន្តនេះ ក្រុមហ៊ុន Hyundai ផ្ទាល់ ក៏គ្រោងនឹងបញ្ចេញនូវម៉ូដែលរថយន្តអគ្គិសនីសុទ្ធថ្មីៗចំនួន ៥ ម៉ូដែលផ្សេងទៀត ក្នុងរយៈពេល ៣ ឆ្នាំខាងមុខ ជាមួយតម្លៃលក់ចន្លោះពី ១៤ ០០០ដុល្លារ ដល់ ៤២ ០០០ដុល្លារ ផងដែរ៕

ផ្ទាំងផ្សាយពាណិជ្ជកម្ម
1...676869...1,079ទំព័រ 68 នៃ 1,079

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com