Jetour ប្រកាសចេញ Jetour T1 នៅទីផ្សារអារ៉ាប៊ីសាអូឌីត តម្លៃខ្ទង់ ៣មុឺនដល្លារ

February 21, 2025

[ទីផ្សារបរទេស] ក្រុមហ៊ុនផលិតរថយន្ត Jetour បានធ្វើការដាក់បង្ហាញចេញលក់ជាផ្លូវការនូវរថយន្ត Jetour T1 ដែលជារថយន្តប្រភេទ SUV off-road សេរ៊ីថ្មី នៅក្នុងទីផ្សារប្រទេសអារ៉ាប៊ីសាអូឌីត ជាមួយតម្លៃលក់ចាប់ពី ២៩ ៣០០ ដុល្លារ ដល់ ៣២ ០០០ ដុល្លារ។

Jetour T1 មានប្រវែងតួខ្លួនសរុប ៤ ៧០៦ ម.ម ទទឹង ១ ៩៦៧ ម.ម កម្ពស់ ១ ៨៤៥ ម.ម និងប្រវែងគម្លាតកង់មុខ-ក្រោយ ២ ៨១០ ម.ម ដំណើរការដោយ៖

ម៉ាស៊ីនសាំងចំណុះ ១,៥ លីត្រ ទំហំ ៤ស៊ីឡាំង អាចផលិតកម្លាំងបាន ១៨១ សេះ និងកម្លាំងរមួល ២៩០ ញ៉ូតុនម៉ែត្រ ភ្ជាប់ដោយប្រអប់លេខអូតូចំនួន ៧វគ្គ និងប្រព័ន្ធបើកបរប៉ុង ២ 4WD។
ម៉ាស៊ីនសាំងចំណុះ ២,០ លីត្រ ទំហំ ៤ស៊ីឡាំង អាចផលិតកម្លាំងបាន ២៥១ សេះ និងកម្លាំងរមួល ៣៩០ ញ៉ូតុនម៉ែត្រ ភ្ជាប់ដោយប្រអប់លេខអូតូចំនួន ៨វគ្គ និងប្រព័ន្ធបើកបរប៉ុង ២ 4WD។

សម្រាប់ការឌីស្សាញផ្នែកខាងក្រៅ រថយន្តនេះ មានឡូហ្គោ Jetour នៅចំកណ្តាលប៉ាណាមុខ ចង្កៀងមុខផ្នែកខាងមុខ-ក្រោយប្រភេទ LED ព្រមទាំងប្រើប្រាស់នូវថាសកង់ទំហំ ២០អ៊ីញ ជាដើម។

ចំពោះនៅផ្នែកខាងក្នុងវិញ ទទួលបានកុងទ័របង្ហាញព័ត៌មានឌីជីថលទំហំ ១០,២៥ អ៊ីញ និងអេក្រង់កម្សាន្ត touchscreen ទំហំ ១៥,៦ អ៉ីញ គាំទ្រដោយបន្ទះឈីប Qualcomm Snapdragon 8155 ក៏ដូចជាកន្លែងសាកថ្មឥតប្រើខ្សែ ហ្វ្រាំងដៃអេឡិចត្រូនិច ជាមួយមុខងារ Auto Hold និងប្រព័ន្ធជំនួយការអ្នកបើកបរកម្រិតទី ២ ៕

ផ្ទាំងផ្សាយពាណិជ្ជកម្ម

Toyota C-HR ស៊េរីថ្មីចុងក្រោយ ប្រើ Hybrid ជិះ ១០០គីឡូម៉ែត្រ ស៊ីសាំងខ្ទង់ ៤លីត្រប៉ុណ្ណោះ

February 21, 2025

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅរថយន្ត Toyota CH-R ស៊េរីឆ្នាំ ២០២៥ ផ្តល់ជូនទាំងជម្រើស HEV និង PHEV នៅទីផ្សារតំបន់អឺរ៉ុប ខណៈតម្លៃ មិនទាន់ប្រកាសចេញទេ ។

Toyota CH-R ស៊េរីឆ្នាំ ២០២៥ ដំណើរការដោយ៖

ម៉ាស៊ីនចំណុះ ១,៨ លីត្រ អាចផលិតកម្លាំងបាន ១៤០ សេះ និងកម្លាំងរមួល ១៨៥ ញ៉ូតុនម៉ែត្រ ភ្ជាប់ដោយប្រអប់លេខអូតូ សម្រាប់ម៉ូដែល HEV
ម៉ាស៊ីនចំណុះ ២,០ លីត្រ អាចផលិតកម្លាំងបាន ១៩៣ សេះ និងកម្លាំងរមួល ២០៦ ញ៉ូតុនម៉ែត្រ ភ្ជាប់ដោយប្រអប់លេខអូតូ សម្រាប់ម៉ូដែល Dynamic Force Hybrid
ម៉ាស៊ីនចំណុះ ២,០ លីត្រ អាចផលិតកម្លាំងបាន ២២៣ សេះ និងអាគុយទំហំ ១៣,៦ គីឡូវ៉ាត់ម៉ោង អាចបើកបរបានចម្ងាយ ៦៦គីឡូំម៉ែត្រ ភ្ជាប់ដោយប្រអប់លេខអូតូ សម្រាប់ម៉ូដែល PHEV ។ សម្រាប់ម៉ូដែលទាំង ៣ នេះ មានកម្រិតស៊ីប្រេងចន្លោះ ៤-៥ លីត្រ/១០០ គីឡូម៉ែត្រ ។

សម្រាប់ការឌីស្សាញផ្នែកខាងក្រៅរបស់រថយន្ត Hatchback មួយនេះ មានលក្ខណៈបែបស្ព័រ ដោយបំពាក់ប៉ាណាមុខទំហំធំរាងជាសំណាញ់ ជាប់សងខាងចង្កៀងមុខ LED ស្រដៀងទៅនឹងម៉ូដែល Prius ជំនាន់ថ្មី ព្រមទាំងថាសកង់ស្ព័រទំហំ ១៩អ៉ីញ និងចង្កៀងក្រោយ LED លេងជាមួយការឌីស្សាញមួយឆ្នូត ។

ចំពោះនៅផ្នែកខាងក្នុងមានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen អាចប្រើមុខងារ apple CarPlay/Android Auto រួមទាំងភ្លើងលម្អ Ambient Light ៦៤ពណ៌ ដំបូលកញ្ចក់ Panoramic roof និងប្រព័ន្ធជំនួយការអ្នកបើកបរដ៏ឆ្លាតវៃរបស់ Toyota ផងដែរ ៕

ផ្ទាំងផ្សាយពាណិជ្ជកម្ម

Audi បញ្ចេញម៉ូដែលថ្មីស្រឡាង តម្លៃតែខ្ទង់ ២មុឺនដុល្លារ នៅប្រទេសមួយនេះ

February 20, 2025

[បរទេស] ក្រុមហ៊ុនផលិតរថយន្ត Audi បានធ្វើការដាក់បង្ហាញចេញនៅរថយន្ត Audi A5L ជាកិច្ចសហការផលិតរួមគ្នាជាមួយក្រុមហ៊ុន SAIC គ្រោងនឹងដាក់ចេញលក់ជាផ្លូវការនៅពាក់កណ្តាលឆ្នាំ ២០២៥ ក្នុងទីផ្សារប្រទេសចិន ជាមួយតម្លៃរំពឹងថាខ្ទង់ ២ម៉ឺនដុល្លារ ។

Audi A5L បំពាក់ដោយម៉ាស៊ីនប្រភេទ EA888 engine ជំនាន់ទី ៥ អភិវឌ្ឍរួមគ្នារវាង SAIC-Volkswagen ពោលគឺ ម៉ាស៊ីនបសាំងចំណុះ ២,០ លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ២០១ សេះ ប្រភេទបើកបរប៉ុង ២ ខណៈប្រភេទប្រអប់លេខ ក្រុមហ៊ុនមិនទាន់បង្ហាញទេ ។

រថយន្តប្រភេទ sedan ទ្វារ៤ នេះ មានប្រវែងតួខ្លួនសរុប ៤ ៩០៣ ម.ម ទទឹង ១ ៨៨៣ ម.ម កំពស់ ១ ៤២៧ មម និងប្រវែងគម្លាតកង់មុខ-ក្រោយ ២ ៩២២ ម.ម ។ សម្រាប់ការឌីស្សាញផ្នែកខាងក្រៅ មានប៉ាណាមុខមួយផ្ទាំងធំ ចង្កៀងមុខ-ក្រោយ LED ព្រមទាំងថាសកង់ស្ព័រទំហំ ២០អ៉ីញជាដើម ។ ចំណែកព័ត៌មានទាក់ទងផ្នែកខាងក្នុង ក្រុមហ៊ុនមិនទាន់បង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

Huawei បញ្ចេញរូបភាពរបស់រថយន្ត Aito M9 ថ្មី ជិះ ១០០គីឡូម៉ែត្រ សុីប្រេង ០,៦ លីត្រ

February 20, 2025

[ទីផ្សារបរទេស] ក្រសួងឧស្សាហកម្ម និងបច្ចេកវិទ្យាព័ត៌មានប្រចាំប្រទេសចិន (Chinese MIIT) បានធ្វើការដាក់បង្ហាញចេញនូវរូបភាពរបស់រថយន្ត Aito M9 ទទួលបានការអាប់ឌែតថ្មី ផ្តល់ជូនទាំងជម្រើស EV និង EREV នៅក្នុងទីផ្សារប្រទេសចិន ហើយគ្រោងនឹងប្រកាសចេញជាផ្លូវការ និងលក់នៅក្នុងពេលឆាប់ៗខាងមុខនេះ ខណៈតម្លៃខាងក្រុមហ៊ុនមិនទាន់ដាក់បង្ហាញចេញនៅឡើយទេ។

Aito M9 ថ្មីនេះ មានប្រវែង ៥ ២៣០ ម.ម ទទឹង ១ ៩៩ ម.ម កម្ពស់ ១ ៨០០ ម.ម និងប្រវែងគម្លាតកង់ ៣ ១១០ ម.ម ដំណើរការដោយ៖

ម៉ាស៊ីនសាំងចំណុះ ១,៥លីត្រ អាចផលិតកម្លាំងបាន ១៥៤សេះ និងម៉ូទ័រអគ្គិសនីចំនួន ២ អាចផលិតកម្លាំងបាន ២២១ និង ២៦៨ សេះ ផ្គួបជាមួយជម្រើសអាគុយ CATL ternary lithium battery មានកម្រិតសុីប្រេង ០,៦ លីត្រ ក្នុងចម្ងាយបើកបរ ១០០គីឡូម៉ែត្រ។
ម៉ូទ័រអគ្គិសនីចំនួន ២ អាចផលិតកម្លាំងបាន ២១៥ និង ៣០៨ សេះ ផ្គួបជាមួយជម្រើសអាគុយ CATL ternary lithium battery ខណៈទំហំអាគុយ និងចម្ងាយបើកបរខាងក្រុមហ៊ុនមិនទាន់ដាក់បង្ហាញចេញនៅឡើយទេ។

សម្រាប់ការឌីស្សាញផ្នែកខាងក្រៅ នៅតែបន្តការរចនារូបរាងរបស់ Aito M9 បច្ចុប្បន្ន។ ចំពោះនៅផ្នែកខាងក្នុងវិញ អាចនឹងទទួលបានប្រព័ន្ធបើកបរកម្រិតខ្ពស់ Qiankun ADS 4.0 របស់ក្រុមហ៊ុន Huawei និងអាចអូសសណ្តោងបាន ១ ៥០០ គីឡូក្រាម៕

ផ្ទាំងផ្សាយពាណិជ្ជកម្ម

Geely គ្រោងបញ្ចេញរថយន្ត PHEV ថ្មី អាចបើកបរបានចម្ងាយ ១៦១គ.ម ដោយអគ្គិសនីសុទ្ធ

February 20, 2025

ក្រសួងឧស្សាហកម្ម និងបច្ចេកវិទ្យាព័ត៌មានប្រចាំប្រទេសចិនបានធ្វើការបញ្ចេញនូវរូបភាព និងព័ត៌មានរបស់រថយន្ត Geely Galaxy Starshine 8 ដែលជារថយន្ត PHEV ប្រភេទ sedan ស៊េរីថ្មីរបស់ក្រុមហ៊ុនផលិតរថយន្ត Geely ហើយគ្រោងនឹងប្រកាសចេញជាផ្លូវការនៅក្នុងពេលឆាប់ៗខាងមុខនេះ។

Geely Galaxy Starshine 8 ប្រទេស PHEV នេះ មានប្រវែង ៥ ០១៨ ម.ម ទទឹង ១ ៩១៨ ម.ម កម្ពស់ ១ ៤៨០ ម.ម និងប្រវែងគម្លាតកង់ ២ ៩២៨ ម.ម ដំណើរការដោយម៉ាស៊ីនសាំងចំណុះ ១,៥ លីត្រ ទំហំ ១៦១ សេះ និងម៉ូទ័រអគ្គិសនីចំនួន ១ អាចផលិតកម្លាំងបាន ២១៥ សេះ ផ្គួបជាមួយអាគុយទំហំ ១៨,៤ និិង ២៧,៦៩ គីឡូវ៉ាត់ម៉ោង អាចបើកបរបានចម្ងាយ ១១៥ គីឡូម៉ែត្រដោយប្រើថាមពលអគ្គិសនីសុទ្ធ ខណៈប្រើអគ្គិសនី លាយសាំង អាចបើកបរបានចម្ងាយ ១០៤ និង ១៦១ គីឡូម៉ែត្រ ដោយអគ្គិសនីសុទ្ធ និងមាន top speed ២០០គ.ម/ម៉ោង។

សម្រាប់ការរចនាផ្នែកខាងក្រៅ រថយន្ត ទទួលបានការរចនាជាមួយប៉ាណាមុខបិទជិត ចង្កៀងមុខ LED រាងស្លីម និងចង្កៀងក្រោយអូសកាត់ពីផ្នែកម្ខាងទៅម្ខាង រួមទាំងប្រើប្រាស់នូវថាសកង់ស្ព័រទំហំ ១៨ ដល់ ១៩ អ៊ីញ និងទ្វារដៃប្រភេទ hidden door handles ។ ចំពោះនៅផ្នែកខាងក្នុងវិញ នឹងទទួលប្រព័ន្ធកាប៊ីនឆ្លាតវៃ Flyme Auto ជាស្តង់ដារ៕

ផ្ទាំងផ្សាយពាណិជ្ជកម្ម

BYD កំពុងស្នើសុំចុះបញ្ជី សម្រាប់ផលិតឡានអគ្គិសនី EV ម៉ូដែលថ្មី តម្លៃខ្ទង់ ២មុឺនដុល្លារ នៅចិន

February 20, 2025

ក្រុមហ៊ុនផលិតរថយន្ត BYD បានដាក់ពាក្យស្នើសុំចុះបញ្ជីទៅកាន់ក្រសួងឧស្សាហកម្ម និងបច្ចេកវិទ្យាព័ត៌មានចិន (MIIT) ក្នុងការផលិតរថយន្តម៉ូដែល Seal 08 ប្រភេទ sedan ប្រើអគ្គីសនីសុទ្ធ ដែលមានតម្លៃលក់ខ្ទង់ ២ម៉ឺនដុល្លារ នឹងដាក់នៅត្រីមានទី ២ ឆ្នាំ ២០២៥ ។

សម្រាប់ BYD Seal 08 បំពាក់ម៉ូទ័រអគ្គិសនីចំនួន ១ អាចផលិតកម្លាំងបាន ២១៤ សេះ ផ្គួបជាមួយអាគុយប្រភេទ LFP ទំហំ ៥៦,៦ គីឡូវ៉ាត់ម៉ោង អាចបើកបរបចម្ងាយ ៥៤៥ គីឡូម៉ែត្រ នៅពេលសាកថ្មពេញម្តង ។

រថយន្តនេះមានប្រវែងតួខ្លួនសរុប ៤៧២០ មម ទទឹង ១៨៨០ មម កំពស់ ១៤៩៥ មម និងប្រវែងគម្លាតកង់មុខ-ក្រោយ ២៨២០ មម ។ សម្រាប់ការឌីស្សាញផ្នែកខាងក្រៅ ប្រើប្រាស់ភាសារចនាឲ្យឈ្មោះថា Ocean Design language ដោយមានប៉ាណាមុខបិទជិត ជាប់សងខាងចង្កៀងមុខ LED លេងការឌីស្សាញរាងស្រួច ក៏ដូចជាថាសកង់ស្ព័រទំហំ ១៩អ៉ីញ និងចង្កៀងក្រោយ LED អូសកាត់ពីផ្នែកម្ខាងទៅផ្នែកម្ខាង ។ ខណៈផ្នែកខាងក្នុង មិនមានព័ត៌មានបង្ហាញទេ

មិនត្រឹមតែប៉ុណ្ណោះ BYD Seal 08 ក៏ទទួលបាននៅប្រព័ន្ធជំនួយការអ្នកបើកបរ God’s Eye DiPilot driving assistance system ផងដែរ ៕

ផ្ទាំងផ្សាយពាណិជ្ជកម្ម

Tesla Cybertruck ទទួលបានផ្កាយ ៥ ក្នុងការធ្វើតេស្តសុវត្តិភាពនៅសហរដ្ឋអាមេរិក

February 20, 2025

[បរទេស] កាលពីពេលថ្មីៗកន្លងទៅនេះ រថយន្តភីកអាប់អគ្គិសនីសុទ្ធរបស់ Tesla គឺម៉ូដែល Cybertruck ស៊េរីថ្មីចុងក្រោយ បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីរដ្ឋបាលសុវត្ថិភាពចរាចរណ៍ផ្លូវជាតិប្រចាំសហរដ្ឋអាមេរិក NHTSA ដោយទទួលបានចំណាត់ថ្នាក់ផ្កាយ ៥។

សម្រាប់ការធ្វើតេស្តសុវត្ថិភាពនេះដែរ រថយន្តអគ្គិសនីសុទ្ធ Tesla Cybertruck បានទទួលពិន្ទុទៅលើការ៖

ទទួលបានចំណាត់ថ្នាក់ផ្កាយ ៥ ពីការធ្វើតេស្តបុកប៉ះផ្នែកខាងមុខជាមួយរបាំងដែកក្នុងល្បឿន ៥៦គីឡូម៉ែត្រ/ម៉ោង ដោយផ្នែកអ្នកបើកបរទទួលបានត្រឹមផ្កាយ ៤ រីឯផ្នែកអ្នកដំណើរទទួលបានផ្កាយ ៥
ទទួលបានចំណាត់ថ្នាក់ផ្កាយ ៥ ពីការធ្វើតេស្តបុកប៉ះផ្នែកចំហៀងជាមួយរបាំងដែកក្នុងល្បឿន ៦១គីឡូម៉ែត្រ/ម៉ោង ដោយផ្នែកអ្នកបើកបរទទួលបាន និងផ្នែកអ្នកដំណើរខាងក្រោយទទួលបានផ្កាយ ៥ ដូចគ្នា
ទទួលបានចំណាត់ថ្នាក់ផ្កាយ ៥ ពីការធ្វើតេស្តបុកប៉ះផ្នែកចំហៀងជាមួយបង្គោដែកក្នុងល្បឿន ២០គីឡូម៉ែត្រ/ម៉ោង ខណៈផ្នែកអ្នកបើកបរទទួលបានផ្កាយ ៥ រីឯផ្នែកអ្នកដំណើរខាងក្រោយទទួលបានផ្កាយ ៥ ។
ទទួលបានចំណាត់ថ្នាក់ផ្កាយ ៤ ពីការធ្វើតេស្តបើកបរបររេចង្កូតទៅឆ្វេង ទៅស្តាំ ឬហៅថា Rollover test ។

គួរឲ្យដឹងថា ភីកអាប់អគ្គីសនីសុទ្ធនេះ មានតម្លៃលក់ចាប់ពី ៧៩ ៩៩០ ដុល្លារ ដល់ ៩៩ ៩៩០ ដុល្លារ នៅទីផ្សារសហរដ្ឋអាមេរិក ៕

ផ្ទាំងផ្សាយពាណិជ្ជកម្ម

ឡានអគ្គីសនី Avatr 07 Pro+ បង្ហាញខ្លួនជាផ្លូវការនៅប្រទេសចិន ឯតម្លៃខ្ទង់ ៣មុឺនដុល្លារ

February 19, 2025

[បរទេស] ក្រុមហ៊ុនផលិតរថយន្ត Avatr បានធ្វើការដាក់បញ្ចេញជាផ្លូវការនៅរថយន្ត Avatr 07 Pro+ ប្រភេទ mid-size SUV ផ្តល់ជូនទាំងជម្រើសអគ្គិសនីសុទ្ធ EV និងអគ្គិសនីលាយសាំង EREV ជាមួយតម្លៃលក់ចាប់ពី ៣០ ២០០ ដុល្លារ ដល់ ៣១ ៥៩០ នៅក្នុងប្រទេសចិន។

Avatr 07 Pro+ ដំណើរការដោយ៖

សម្រាប់ម៉ូដែលអគ្គីសនីសុទ្ធ BEV បំពាក់ម៉ូទ័រអគ្គិសនីចំនួន ១ ផលិតកម្លាំងបាន ៣៤៣ សេះ ផ្គួបជាមួយអាគុយទំហំ ៨២,១៦ គីឡូវ៉ាត់ម៉ោង អាចបើកបរបានចម្ងាយ ៦៥០គីឡូម៉ែត្រ នៅពេលសាកថ្មពេញម្តង សម្រាប់ម៉ូដែលអគ្គីសនីសុទ្ធ BEV
ម៉ាស៊ីនសាំងចំណុះ ១,៥លីត្រ turbocharged ទំហំ ៤ស៊ីឡាំង និងម៉ូទ័រអគ្គិសនីចំនួន ១ ផលិតកម្លាំងបានសរុប ៣១៤ សេះ ផ្គួបជាមួយជម្រើសអាគុយទំហំ ៣៩,០៥ គីឡូវ៉ាត់ អាចបើកបរបាន ២៣០ គីឡូម៉ែត្រ ពីការប្រើថាមពលអគ្គិសនីសុទ្ធ ខណៈប្រើអគ្គិសនី លាយសាំង អាចបើកបរបានចម្ងាយ ១១០០ គីឡូម៉ែត្រ សម្រាប់ម៉ូដែល EREV ។ ម៉ូដែលទាំង ២ នេះ អាចសាកថ្មបានពី ៣០-៨០% ពីសា្ថនីយល្បឿនលឿន ប្រើរយៈពេល ១៥ នាទីប៉ុណ្ណោះ ។

ទាក់ទងទៅនឹងការឌីស្សាញនៅផ្នែកខាងក្រៅមានលក្ខណៈបែបស្ព័រ ដោយប្រើប្រាស់ការឌីស្សាញឲ្យឈ្មោះថា Avatr 2.0 design DNA ដែលមានប៉ាណាមុខបិទជិត អបសងខាងចង្កៀងមុខ LED រាងជាអក្សរ C-shaped ព្រមទាំងថាសកង់ស្ព័រទំហំដល់ទៅ ២១អ៉ីញ និងចង្កៀងក្រោយ LED មួយឆ្នូតរាងស្លីម ។

ចំពោះនៅផ្នែកខាងក្នុងត្រូវឌីស្សាញបែប minimalistic ដោយអេក្រង់លាតសន្ទឹងពេញតាប្លូទំហំដល់ទៅ ៣៥,៤ អ៉ីញ និងអេក្រង់កំសាន្ត touchscreen ទំហំ ១៥,៦ អ៉ីញ ក៏ដូចជាកន្លែងសាកថ្មឥតប្រើខ្សែ និងប្រព័ន្ធជំនួយការអ្នកបើកបរដ៏ឆ្លាតវៃរបស់ក្រុមហ៊ុន Huawei ផងដែរ ៕

ផ្ទាំងផ្សាយពាណិជ្ជកម្ម

Denza N7 ឆ្នាំ២០២៥ ប្រកាសចេញលក់ជាមួយតម្លៃជាង ៣មុឺនដុល្លារ មានមុខងារបើកបរឆ្លាតវៃ God Eye

February 19, 2025

ក្រុមហ៊ុនផលិតរថយន្ត BYD បានធ្វើការប្រកាសដាក់បង្ហាញចេញលក់ជាផ្លូវការនូវរថយន្តអគ្គិសនីសុទ្ធ BYD Denza N7 សេរ៊ីឆ្នាំ២០២៥ ផ្តល់ជូននូវជម្រើសចំនួន ៣ ជាមួយតម្លៃលក់ចាប់ពី ៣៦ ០០០ ដុល្លារ ដល់ ៤០ ០០០ ដុល្លារ នៅក្នុុងទីផ្សារប្រទេសចិន។

សម្រាប់ការរចនាផ្នែកខាងក្រៅរបស់ Denza N7 មានប្រវែង ៤ ៨៦០ ម.ម ទទឹង ១ ៩៣៥ ម.ម កម្ពស់ ១ ៦០២ ម.ម និងប្រវែងគម្លាតកង់ ២ ៩៤០ ម.ម រួមជាមួយប៉ាណាខាងមុខបិទជិត ចង្កៀងមុខ LED រាងស្លីម ប្រើប្រាស់នៅថាសកង់ស្ព័រទំហំ ១៩ អ៊ីញ និងចង្កៀងក្រោយអូសកាត់ពីផ្នែកម្ខាងទៅផ្នែកម្ខាង។

ចំពោះនៅខាងក្នុងរបស់ DENZA N7 ទទួលបានកុងទ័របង្ហាញព័ត៌មានទំហំ ១០,២៥ អ៊ីញ និងអេក្រង់បញ្ឈរ touchscreen ទំហំ ១៧,៣ អ៊ីញ អេក្រង់កម្សាន្តទំហំ ១០,២៥ អ៊ីញ សម្រាប់អ្នកដំណើរផ្នែកខាងមុខ អេក្រង់ HUD ទំហំ ៥០អ៊ីញ អេក្រង់ខាងក្រោយទំហំ ៧ អ៊ីញ មុខងារ “5D cloud-sensing ergonomic seats” សម្រាប់គាំទ្រមុខងារកំដៅ ខ្យល់ចេញចូល និងម៉ាស្សា កន្លែងសាកថ្មឥតប្រើខ្សែ មុខងារផ្ទេរថាមពល មុខងារ AI ដំបូលកញ្ចក់ panoramic sunroof ឧបករណ៍បំពងសំឡេងម៉ាក Devialet ចំនួន ១៦ ចំនុច និងប្រព័ន្ធបើកបរឆ្លាតវៃ ” BYD God Eye” ។

ទាក់ទងទៅនឹងផ្នែកម៉ាស៊ីនវិញ រថយន្តនេះ ដំណើរការដោយ៖

ម៉ូទ័រអគ្គិសនីចំនួន ១ ប៉ុង ១ RWD អាចផលិតកម្លាំងបាន ៣០៨ សេះ និងកម្លាំងរមួល ៣៦០ ញ៉តុនម៉ែត្រ ផ្គួបជាមួយអាគុយ blade battery របស់ BYD ទំហំ ៩១,៣ គីឡូវ៉ាត់ម៉ោង អាចបើកបរបានចម្ងាយ ៧០២ គីឡូម៉ែត្រនៅពេលសាកថ្មពេញម្តង។
ម៉ូទ័រអគ្គិសនីចំនួន ២ អាចផលិតកម្លាំងបាន ៥២៣ សេះ និងកម្លាំងរមួល ៦៧០ ញ៉ូតុនម៉ែត្រ ផ្គួបជាមួយអាគុយ blade battery របស់ BYD ទំហំ ៩១,៣ គីឡូវ៉ាត់ម៉ោង អាចបើកបរបានចម្ងាយ ៦៣០ គីឡូម៉ែត្រ នៅពេលសាកថ្មពេញម្តង៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធដំបូងរបស់ Xiaomi លក់ដាច់ជាងឡានរបស់ Tesla នៅប្រទេសចិន

February 19, 2025

[បរទេស] រថយន្តអគ្គិសនីដំបូងគេបង្អស់របស់ក្រុមហ៊ុន Xiaomi គឺម៉ូដែល SU7 ទទួលបានការពេញនិយមយ៉ាងខ្លាំង ធ្វើឲ្យម៉ូដែលនេះ លក់បានចំនួនច្រើនជាងរថយន្ត Tesla Model 3 នៅក្នុងប្រទេសចិន គិតចាប់ពីចន្លោះខែមេសា ឆ្នាំ ២០២៤ ដល់ខែមករា ឆ្នាំ ២០២៥ ដែល Xiaomi SU7 ចាប់ផ្តើមដាក់លក់ ។

ក្នុងនោះ ក្រុមហ៊ុន Xiaomi បានលក់រថយន្តអគ្គីសនីសុទ្ធ SU7 បានចំនួនសរុប ១៦២ ៣៨៤ គ្រឿង ខណៈ Tesla Model 3 លក់បានចំនួនសរុប ១៥២ ៧៤៨ គ្រឿង នេះបើយោងតាមទទិន្នន័យនៃការលក់ពីសមាគមរថយន្តដឹកអ្នកដំណើរចិន (CPCA) ។

គួរឲ្យដឹងថា ជាមួយការបញ្ចេញម៉ូដែលលើកដំបូងនៃរថយន្តរបស់ក្រុមហ៊ុន Xiaomi ទទួលបានការពេញនិយមដ៏គួរឲ្យកត់សម្គាល់នេះ បច្ចុប្បន្នក្រុមហ៊ុនបានដាក់បង្ហាញចេញម៉ូដែលទី ២ របស់ខ្លួនគឺម៉ូដែល YU7 ជារថយន្តប្រភេទ SUV ប្រើអគ្គិសនី ក្នុងគោលបំណងដើម្បីប្រកួតប្រជែងជាមួយនឹងម៉ូដែលដែលលក់ដាច់បំផុតរបស់ក្រុមហ៊ុន Tesla គឺមូដែl Y ៕