ភ្នំពេញ, ថ្ងៃទី ៤ ខែ វិច្ឆិកា ឆ្នាំ២០២១៖ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា រដ្ឋាភិបាលកំពុងរៀបចំគោលការណ៏ និងហេដ្ឋារចនាសម្ព័ន្ធដើម្បីគាំទ្ររថយន្តអគ្គិសនី(EV) និងលើកទឹកចិត្តដល់ការប្រើប្រាស់រថយន្តអគ្គីសនីនៅក្នុងប្រទេសកម្ពុជា ព្រមទាំងពង្រឹងផែនការកាត់បន្ថយការបំភាយឧស្ម័នកាបូនផងដែរ។ ហត្ថលេខារបស់ប្រទេសកម្ពុជានាពេលថ្មីៗនេះ ដើម្បីអនុលោមតាមការប្រើប្រាស់រថយន្តអគ្គិសនីចាប់ពីឆ្នាំ២០៤០។ រថយន្តអគ្គិសនីគឺមានវត្តមានរួចទៅហើយព្រោះវាអាចប្រើប្រាស់បានហើយនៅក្នុងប្រទេសកម្ពុជា។ ប៉ុន្តែវាក៏ជាអនាគតដ៏ធំធេងផងដែរ នៅពេលដែលហេដ្ឋារចនាសម្ព័ន្ធ និងប្រព័ន្ធនានានឹងត្រូវបានបង្កើតឡើង ដើម្បីអនុលោមតាមគោលដៅឆ្នាំ២០៤០ ក្នុងការប្រើប្រាស់រថយន្តអគ្គីសនី។

រថយន្តអគ្គិសនីដែលមានសម្រាប់សាធារណជនក្នុងប្រទេសកម្ពុជាដូចជា MG, Tesla, BMW គឺជាកាតាលីករដ៏សំខាន់សម្រាប់ការកាត់បន្ថយឧស្ម័នកាបូនិក និងការបំភាយឧស្ម័នដែលពាក់ព័ន្ធនៅក្នុងបរិយាកាស និងការបោះជំហានក្នុងការទប់ស្កាត់ការបង្កគ្រោះថ្នាក់ដល់បរិស្ថាន។ ពួកគេគឺមានគុណវិបត្តិមួយចំនួនបើប្រៀបធៀបទៅនឹងរថយន្តប្រើសាំងធម្មតានៅក្នុងប្រទេសកម្ពុជា ប៉ុន្តែរថយន្តអគ្គិសនីនឹងផ្តល់នូវអត្ថប្រយោជន៍ជាច្រើន ហើយជាពិសេសគឺពេលទៅថ្ងៃអនាគត។
ដូច្នេះ យើងខ្ញុំសូមបង្ហាញអ្នកពីគុណសម្បត្តិ និងគុណវិបត្តិនៃរថយន្តអគ្គិសនីក្នុងប្រទេសកម្ពុជានាពេលបច្ចុប្បន្ននេះ។

• គុណសម្បត្តិ

• • រថយន្តអគ្គីសនីផ្តល់នូវតម្លៃសមរម្យដែលប្រជាជនកម្ពុជាអាចមានលទ្ធភាពក្នុងការទិញប្រើប្រាស់
  • រថយន្តអគ្គីសនីមានដំណើរការល្អ កម្លាំងខ្លាំង និងការថែទាំទាប
  • មុខងារប្រើប្រាស់ទំនើប ទាន់សម័យ និងជាពិសេសគឺប្រព័ន្ធសុវត្ថិភាព

• • ងាយស្រួលដំឡើងឧបករណ៏សាកអគ្គីសនីនៅផ្ទះផ្ទាល់ពីព្រោះនៅពេលអ្នកទិញរថយន្តអគ្គីសនី អ្នកចែកចាយរថយន្តផ្លូវការនឹងផ្តល់នូវឧបករណ៏សាកអគ្គីសនីដែលអ្នកអាចដំឡើងនៅផ្ទះ ហើយបញ្ចូលថាមពលនៅផ្ទះបាន។
  • ងាយស្រួលបើកបរនៅក្នុងទីក្រុង ព្រោះអ្នកអាចបញ្ចូលថាមពលមួយពេញនៅផ្ទះដោយចំណាយពេលមួយយប់ដែលអ្នកអាចរីករាយក្នុងការបើកបរបាននាថ្ងៃបន្ទាប់ ហើយជាមធ្យមវាត្រូវការបញ្ចូលថាមពល២ដងក្នុងមួយសប្តាហ៏។ បន្ថែមពីការសាកថាមពលនៅផ្ទះ យើងក៏មានស្ថានីយសាកថាមពលសម្រាប់រថយន្តអគ្គីសនីមួយទៀតដែរគឺនៅផ្សារទំនើបអ៊ីអនមលសែនសុខដែលអ្នកក៏អាចសាកថាមពល និងបន្តភាពរីករាយក្នុងការធ្វើដំណើររបស់អ្នកបាន។

• • មិនមានសម្លេងរំខានចូលក្នុងកាប៊ីនរថយន្ត ហើយបទពិសោធន៍នៃការបើកបរប្រកបដោយផាសុកភាពដូចរថយន្តម៉ាស៊ីនសាំងធម្មតាដែរ ហើយម្យ៉ាងវិញទៀត នាពេលអនាគតវានឹងក្លាយជារថយន្តដ៏ទំនើប រលូននិងស្ងាត់ល្អ ដែលមានប្រសិទ្ធភាព ហើយវាពិតជាមានដំណើរការបានល្អនៅពេលបើកបរលើដងផ្លូវ។

• គុណវិបត្តិ

• • មិនមានឧបករណ៏សាកថាមពលច្រើននៅតាមទីសាធារណៈទេដែលធ្វើឱ្យការបើកបរបានត្រឹមចម្ងាយផ្លូវជិត និងអាចបើកបរជាប្រចាំនៅក្នុងទីក្រុងបាន។ ការបញ្ចូលថាមពលមួយពេញជាមួយនឹងឆ្នាំងសាកកម្រិត1 ឬកម្រិត2 វាអាចចំណាយពេលរហូតដល់8ម៉ោង ហើយស្ថានីយសាកថ្មលឿនក៏ត្រូវចំណាយពេល ៣០នាទីដើម្បីសាកថ្មបាន ៨០ភាគរយ។

នៅថ្ងៃអនាគត, រថយន្តអគ្គិសនីនឹងមានការពេញនិយមនៅក្នុងប្រទេសកម្ពុជា ជាមួយនឹងអត្ថប្រយោជន៍ជាច្រើន ព្រមទាំងផ្តល់នូវភាពងាយស្រួល និងសន្សំសំចៃដល់ប្រជាជនកម្ពុជាផងដែរ។ ទន្ទឹមនឹងនោះដែរ រដ្ឋាភិបាលធានាថានឹងមានហេដ្ឋារចនាសម្ព័ន្ធ និងសេវាកម្មពេញលេញសម្រាប់រថយន្តអគ្គីសនីនៅក្នុងប្រទេសកម្ពុជា រួមទាំងស្ថានីយ៍សាកថាមពល មជ្ឈមណ្ឌលសេវាកម្មថែទាំង និងការផ្គត់ផ្គង់គ្រឿងបន្លាស់ ព្រមទាំងការបណ្តុះបណ្តាលអំពីរថយន្តអគ្គីសនីផងដែរ៕

ផ្ទាំងផ្សាយពាណិជ្ជកម្ម