Nissan ថា ពួកគេនឹងបន្តការវិនិយោគនៅក្នុងប្រទេសថៃដដែល ទោះបីជាមានការបិទរោងចក្រក៏ដោយ

February 18, 2025

ក្រុមហ៊ុន Nissan Motor Thailand បានបញ្ជាក់ថា ពួកគេនឹងបន្តការវិនិយោគនៅក្នុងប្រទេសថៃ ដោយផ្តោតលើការផលិតរថយន្តកូនកាត់ (HEV) ទោះបីជាកំពុងអនុវត្តផែនបិទរោងចក្រដំឡើងរថយន្តដំបូងដែលត្រូវបានសាងសង់ក្នុងឆ្នាំ ១៩៧៥ នៅក្នុងតំបន់ Samut Prakan ដើម្បីកែសម្រួលថ្លៃដើមនៃផលិតកម្មក៏ដោយ។

ក្នុងនោះ ការដំឡើងរថយន្ត HEV នឹងផ្លាស់ទៅរោងចក្រថ្មីដែលបានសាងសង់ក្នុងឆ្នាំ ២០២៤ វិញ ដោយមានគោលបំណងកាត់បន្ថយការចំណាយ បង្កើនប្រសិទ្ធភាពក្នុងការផលិត និងដើម្បីចូលរួមជាមួយគោលនយោបាយជំរុញការវិនិយោគរបស់ BoI ដែលនឹងផ្តល់ការកាត់បន្ថយពន្ធអាករពី ៦ ទៅ ៩ ភាគរយ ចំពោះការផលិតរថយន្ត HEV ចាប់ពីឆ្នាំ ២០២៦ ដល់ ២០៣២។

លើសពីនេះ ការវិនិយោគរបស់ Nissan នៅក្នុងការផលិត HEV គួរតែមានទំហំយ៉ាងហោចណាស់ ៣ ០០០ លានបាត ឬប្រហែល ៨៨,៤១ លានដុល្លារ។ ក៏ប៉ុន្តែការផលិត ឫតម្លើងរថយន្ត HEV ត្រូវប្រើសមាសធាតុសំខាន់ៗដែលផលិតក្នុងស្រុកជាពិសេសអាគុយ។

គួរបញ្ជាក់ថា អត្រាពន្ធអាករក្នុងប្រទេសថៃនឹងអាស្រ័យលើការបំភាយកាបូនឌីអុកស៊ីត (CO₂) របស់រថយន្ត HEV នីមួយៗ។ ប្រសិនបើការបំភាយ CO₂ មិនលើសពី 100 g/km នោះអត្រាពន្ធអាករនឹងកំណត់នៅត្រឹម ៦%។ ប៉ុន្តែបើមានការបំភាយ CO₂ ចន្លោះ ១០១ ទៅ ១២០ g/km នឹងត្រូវបង់ពន្ធ ៩%។

ជាមួយគ្នានេះ ក្រុមហ៊ុន Nissan បានបញ្ជាក់ថា ពួកគេកំពុងរៀបចំផែនការក្នុងការប្រកាសចេញរថយន្ត HEV ថ្មី នៅចន្លោះឆ្នាំ ២០២៦ ដល់ ២០២៧៕

ផ្ទាំងផ្សាយពាណិជ្ជកម្ម

Xpeng បញ្ចេញឡាន EV ថ្មី តម្លៃខ្ទង់ ៣មុឺនដុល្លារ សាកម្តងរត់បាន ៧០២ គីឡូម៉ែត្រ

February 18, 2025

ក្រុមហ៊ុនផលិតរថយន្ត Xpeng បានធ្វើការដាក់បង្ហាញចេញនូវរថយន្ត Xpeng G7 ប្រភេទ SUV អគ្គិសនី គ្រោងចេញលក់នៅទីផ្សារប្រទេសចិនក្នុងឆមាសទី១ នេះ ជាមួយតម្លៃចាប់ពី ២៧ ៣០០ ដុល្លារ។

Xpeng G7 ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ២៩២ សេះ ផ្គួបជាមួយអាគុយ LFP ទំហំ ៦៨,៥ និង ៨០៨ គីឡូវ៉ាត់ម៉ោង អាចបើកបរបានចម្ងាយ ៦០២ និង ៧០២ គីឡូម៉ែត្រ នៅពេលសាកថ្មពេញម្តង។

រថយន្តនេះ មានប្រវែងតួខ្លួនសរុប ៤ ៨៩២ ម.ម ទទឹង ១ ៩២៥ ម.ម កម្ពស់ ១ ៦៥៥ ម.ម និងប្រវែងគម្លាតកង់មុខ-ក្រោយ ២ ៨៩០ ម.ម និងបានភ្ជាប់មកជាមួយខ្លួនឌីស្សាញជាមួយប៉ាណាបិទជិត ចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាង ព្រមទាំងប្រើប្រាស់នូវថាសកង់ស្ព័រទំហំ ១៨ ដល់ ២០ អ៊ីញ។ លើសពីនេះ ក៏ភ្ជាប់មកជាមួយប្រព័ន្ធបច្ចេកវិទ្យាទំនើប Hawk AI ថ្មី ដែលផ្តល់នូវសមត្ថភាពបើកបរដ៏ឆ្លាតវៃថែមទៀតផង។

សម្រាប់ការរចនាផ្នែកខាងក្នុង Xpeng G7 មានទំហំធំជាងបើប្រៀបធៀបទៅនឹង G9 ដោយវាត្រូវបានរចនាឡើងសម្រាប់ភាពងាយស្រួលប្រើប្រាស់ក្នុងទីក្រុង ខណៈ Option ទទួលបានដូចគ្នានឹងរថយន្ត Xpeng P7+ ៕

ផ្ទាំងផ្សាយពាណិជ្ជកម្ម

Teramont Pro ស៊េរីឆ្នាំ ២០២៦ របស់ Volkswagen-SAIC ទទួលបានជម្រើសម៉ាស៊ីនថ្មី បង្ហាញខ្លួនជាផ្លូវការ

February 18, 2025

[បរទេស] ក្រុមហ៊ុនផលិតរថយន្តបណ្តាក់ទុនរួមគ្នា SAIC-Volkswagen បានធ្វើការដាក់បង្ហាញចេញនៅរថយន្ត VW Teramont Pro ស៊េរីថ្មីចុងក្រោយ ទទួលបានជម្រើសម៉ាស៊ីនថ្មី នៅទីផ្សារប្រទេសចិន ខណៈតម្លៃ ក្រុមហ៊ុនមិនទាន់បង្ហាញទេ ។

VW Teramont Pro ថ្មីនេះ ដំណើរការដោយម៉ាស៊ីនសាំងថ្មី គឺប្រភេទ EA888 engine ជំនានទី ៥ ចំណុះ ២,០ លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ២៦៨ សេះ និងកម្លាំងរមួល ៤០០ ញ៉ូតុនម៉ែត្រ ភ្ជាប់ដោយប្រអប់លេខ dual-clutch ៧វគ្ក ។

សម្រាប់រូបរាង និងការឌីស្សាញផ្នែកខាងក្រៅទទួលបានការឌីស្សាញថ្មី មានចង្កៀងមុខប្រភេទ LED អូសកាត់ពីលើបាណាមុខ ក៏ដូចជារន្ធខ្យល់ខាងរាងជាសំណាញ់ ព្រមទាំងប្រើប្រាស់នៅថាសកង់ស្ព័រទំហំ ២០អ៉ីញ និងចង្កៀងក្រោយ LED អូសកាត់ពីផ្នែកខាងម្ខាងទៅផ្នែកម្ខាង ដែលឲ្យរថយន្តនេះ កាន់តែមានភាពប្រណិតមួយកម្រិតថែមទៀត ។

ចំពោះនៅផ្នែកខាងក្នុងវិញ មានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ទំហំធំ រួមទាំងអេក្រង់សម្រាប់អ្នកដំណើរខាងមុខ ក៏ដូចជាកន្លែងសាកថ្មឥតប្រើខ្សែ និងប្រព័ន្ធជំនួយការបើកបរ semi-autonomous driving system L2+ ផងដែរ ៕

ផ្ទាំងផ្សាយពាណិជ្ជកម្ម

Nio បញ្ចេញឡានអគ្គិសនីថ្មី តម្លៃខ្ទង់ ២មុឺនដុល្លារ សាកម្តងរត់បាន ៤២០ គ.ម

February 18, 2025

ក្រុមហ៊ុនផលិតរថយន្ត Nio បានធ្វើការដាក់បង្ហាញចេញនូវរថយន្តអគ្គិសនីសុទ្ធ Nio Firefly ប្រភេទ hatchback ជាមួយតម្លៃលក់ចាប់ពី ២០ ៤០០ ដុល្លារគ្រោងចេញលក់ជាផ្លូវការនៅទីផ្សារប្រទេសចិននៅខែមេសា ក្នុងឆ្នាំ ២០២៥ នេះ។

Nio Firefly មានប្រវែង ៤ ០០៣ ម.ម ទទឹង ១ ៧៨១ ម.ម កម្ពស់ ១ ៥៥៧ ម.ម ដំណើរការដោយម៉ូទ័រអគ្គិសនីចំនួន ១ ប៉ុង ១ RWD អាចផលិតកម្លាំងបាន ១៤០ សេះ ផ្គួបជាមួយអាគុយទំហំ ៤២,១ គីឡូវ៉ាត់ម៉ោង អាចបើកបរបានចម្ងាយ ៤២០ គីឡូម៉ែត្រ នៅពេលសាកថ្មពេញម្តង។

សម្រាប់ការឌីស្សាញផ្នែកខាងក្រៅ រថយន្តនេះ មានការរចនាប្លែក និងទាក់ទាញខ្លាំង ជាមួយចង្កៀងមុខ-ក្រោយ LED ឌីស្សាញដូចទៅនឹងកាមេរ៉ារបស់ទូរស័ព្ទ IPhone ក៏ដូចជាដៃទា្វរប្រភេទ flush-door រួមទាំងប្រើប្រាស់នូវថាសកង់ផងដែរ ។ បន្ថែមពីនេះ រថយន្តនេះក៏ទទួលបានចំណាត់ថ្នាក់សុវត្ថិភាពផ្កាយ ៥ ពីការធ្វើតេស្តចេញពីអង្គភាព C-NCAP របស់ប្រទេសចិន និងចេញពីអង្គភាព E-NCAP របស់តំបន់អឺរ៉ុបទៀតផង។

ចំពោះនៅផ្នែកខាងក្នុងវិញ អាចផ្ទុកបាន ១ ២៥០លីត្រ នៅពេលបត់កៅអីចុះក្រោម និងទទួលបានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ស្រដៀងទៅនឹងរថយន្តរបស់ Tesla ។

ផ្ទាំងផ្សាយពាណិជ្ជកម្ម

រាងញាក់! ឡានអគ្គិសនីសុទ្ធ Kia EV4 បង្ហាញរូបរាងជាផ្លូវការ

February 17, 2025

[បរទេស] ក្រុមហ៊ុនផលិតរថយន្ត Kia បានធ្វើការដាក់បង្ហាញចេញជាផ្លូវការនៅរូបភាពរបស់រថយន្តអគ្គិសនីសុទ្ធ Kia EV4 ផ្តល់ជូនប្រភេទ sedan និង hatchback មុនពេលដាក់បញ្ចេញជាផ្លូវការនៅថ្ងៃទី ២៧ ខែកុម្ភៈ ឆ្នាំ ២០២៥ នៅឯព្រឹត្តិការណ៍ KIA EV Day ប្រទេសអេស្ប៉ាញ ។

សម្រាប់រូបរាង និងការឌីស្សាញផ្នែកខាងក្រៅរបស់រថយន្ត Kia EV4 ត្រូវបានឌីស្សាញឡើងដោយប្រើប្រាស់ភាសារចនាឲ្យឈ្មោះថា Opposites United design concept មានលក្ខណៈបែបស្ព័រ ព្រមទាំងផ្តោតលើការឌិស្សាញ aerodynamic ដោយមានប៉ាណាមុខបិទជិត ចង្កៀងមុខ-ក្រោយ LED លេងការឌីស្សាញបញ្ឈ ព្រមទាំងថាសកង់ស្ព័រប្រភេទ alloy-wheels ទំហំ ១៩ អ៉ីញ ផងដែរ ។

គួរឲ្យដឹងថា សម្រាប់ Kia EV4 នេះ ក្នុងនោះ ក្រុមហ៊ុនផលិតរថយន្តរបស់ប្រទេសកូរ៉េខាងត្បូង បានបញ្ជាក់ថា នឹងផ្តល់ជូននៅជម្រើសម៉ូដែល GT-Line ដល់ទាំងប្រភេទ Sedan និង Hatchback ខណៈព័ត៌មានលម្អិតបន្ថែមទៀត ក្រុមហ៊ុនមិនបានបង្ហាញនោះទេ ៕

ផ្ទាំងផ្សាយពាណិជ្ជកម្ម

ឡានប្រភេទ Sedan និង SUV របស់ Geely លក់ដាច់ជាងគេក្នុងផ្នែករៀងៗខ្លួន នៅប្រទេសចិន

February 17, 2025

[បរទេស] ការលក់រថយន្តប្រភេទ passenger car នៅក្នុងទីផ្សាប្រទេសចិនកាលពីខែមករា ឆ្នាំ ២០២៥ បានចំនួនសរុបដល់ទៅ ១,៨ លានគ្រឿង ដោយក្នុងនោះ យើងសង្កេតឃើញថា រថយន្តប្រភេទ sedan និង SUV មានការកើនឡើងចំនួនលក់គួរឲ្យគត់សម្គាល់ ។

ជាមួយគ្នានេះ រថយន្តប្រភេទ sedan និង SUV របស់ក្រុមហ៊ុនផលិតរថយន្ត Geely ឈរកំពូលតារាង ក្នុងនាមជាអ្នកលក់ដាច់ជាងគេ នៅក្នុងផ្នែករៀងៗខ្លួន ។

សម្រាប់រថយន្ត Geely Geome ប្រើថាមពលអគ្គិសនីសុទ្ធ ឈរកំពូលតារាងក្នុងផ្នែករថយន្ត sedan ដោយលក់បានចំនួនសរុប ២៨ ១៤៦ គ្រឿង ខណៈរថយន្ត Geely Xingyue L ឈរកំពូលតារាងក្នុងផ្នែករថយន្ត SUV ដោយលក់បានចំនួនសរុប ២៩ ៤៣៤ គ្រឿងកាលពីខែមុន ។

គួរឲ្យដឹងថា ជាមួយចំនួនលក់សរុប ១,៨ លានគ្រឿង កាលពីខែមករា គឺជាចំនួនថយចុះដល់ទៅ ១២,១% បើធៀបនឹងរយៈពេលដូចគ្នាឆ្នាំមុន និងការថយចុះ ៣១,៩% បើធៀបទៅនឹងតែធ្នូ ឆ្នាំ ២០២៤ ៕

ផ្ទាំងផ្សាយពាណិជ្ជកម្ម

Geely Galaxy L7 EM-i ប្រភេទ PHEV ជិះ ១០០គីឡូម៉ែត្រ ស៊ីសាំង ១លីត្រ ឯតម្លៃចាប់ពីខ្ទង់ ១មុឺនដុល្លារឡើងទៅ

February 17, 2025

[បរទេស] ក្រុមហ៊ុនផលិតរថយន្ត Geely បានធ្វើការដាក់បញ្ចេញជាផ្លូវការនៅរថយន្ត Geely Galaxy L7 EM-i ប្រភេទ PHEV ស៊េរីថ្មីចុងក្រោយ នៅទីផ្សារប្រទេសចិន ជាមួយតម្លៃលក់ចាប់ពី ១៦ ០០០ ដុល្លារ ដល់ ២០ ៥០០ ដុល្លារ ។

Geely Galaxy L7 ប្រទេស PHEV នេះ ផ្តល់នៅជម្រើសថាមពលចំនួន ២

ម៉ាស៊ីនសាំងចំណុះ ១,៥ លីត្រ និងម៉ូទ័រអគ្គិសនីចំនួន ១ អាចផលិតកម្លាំងបានសរុប ២៩៧ សេះ និងកម្លាំងរមួល ៣៩៨ ញ៉ូតុនម៉ែត្រ ។
ម៉ាស៊ីនសាំងចំណុះ ១,៥ លីត្រ និងម៉ូទ័រអគ្គិសនីចំនួន ១ អាចផលិតកម្លាំងបាន ៣០៤ សេះ និងកម្លាំងរមួល ៥៥០ ញ៉ូតុនម៉ែត្រ។ ទាំង ២ នេះ ផ្គួបជាមួយងាគុយទំហំ ១៨,៧ គីឡូវ៉ាត់ម៉ោង អាចបើកបរបានចម្ងាយ ១១៥ គីឡូម៉ែត្រដោយប្រើថាមពលអគ្គិសនីសុទ្ធ ខណៈប្រើអគ្គិសនី លាយសាំង អាចបើកបរបានចម្ងាយ ១២៤០ គីឡូម៉ែត្រ ។ សម្រាប់ការសាកថ្មពីស្ថានីយល្បឿនលឿនបាន ៣០-៨០% ប្រើរយៈពេល ២០នាទី និងមានកម្រិតស៊ីប្រេងខ្ទង់ ១លីត្រ/១០០ គីឡូម៉ែត្រ ។

Geely Galaxy L7 EM-i ត្រូវបានអភិវឌ្ឍឡើងដោយផ្អែកលើម៉ូដែល Geely Galaxy L7 ដោយផ្នែកខាងមុខត្រូវបានបំពាក់ដោយប៉ាណាមុខបិទជិត ចង្កៀងមុខ-ក្រោយ LED រួមទាំងប្រើប្រាស់នៅថាសកង់ស្ព័រទំហំ ១៨ អ៉ីញ និងបន្ថែមនៅឡូហ្គោ EM-i នៅផ្នែកខាងក្រោយផងដែរ ។

ចំពោះនៅផ្នែកខាងក្នុងមានកុងទ័របង្ហាញព័ត៌មានឌីជីថលទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១៣,២ អ៉ីញ គាំទ្រដោយប្រព័ន្ធប្រតិបតិ្តការឈីប Qualcomm Snapdragon 8155 ។ លើសពីនេះ ក៏មានអេក្រង់ទំហំ ១៦,២ អ៉ីញ សម្រាប់អ្នកដំណើរខាងមុខ ក៏ដូចជាកន្លែងសាកថ្មឥតប្រើខ្សែជាដើម ៕

ផ្ទាំងផ្សាយពាណិជ្ជកម្ម

Volkswagen គ្រោងបញ្ចេញ ID.2X ថ្មី នៅឆ្នាំក្រោយដើម្បីជំនួស T-Cross អគ្គិសនី

February 17, 2025

ក្រុមហ៊ុន Volkswagen បានប្រកាសថា រថយន្ត SUV អគ្គិសនី ID.2X នឹងត្រូវបានបង្ហាញចេញនៅក្នុងព្រឹត្តិការណ៍ IAA Mobility នៅក្នុងទីក្រុង Munich ក្នុងខែកញ្ញានេះ ជាមួយតម្លៃលក់ប្រហែល ៣១ ០០០ ដុល្លារ។

ក្នុងនោះ ID.2X នឹងប្រើនូវម៉ូទ័រអគ្គិសនីចំនួន ១ FWD ផ្គួបជាមួយជម្រើសថ្ម ៣៨ និង ៥៨ គីឡូវ៉ាត់ម៉ោង អាចធ្វើឲ្យរថយន្តដំណើរការប្រហែល ៤៥០ គីឡូម៉ែត្រ។ ចំពោះការរចនា ID.2X នឹងមានការរចនាថ្មីនៅក្នុងផ្នែកខាងក្នុងជាមួយនឹងផ្ទាំងបង្ហាញព័ត៌មានទំហំ ១២,៩ និង ១០,៩ អ៊ីញ។

បើយោងតាមលោក Schäfer នាយកប្រតិបត្តិ Volkswagen បាននិយាយថា ក្រុមហ៊ុនរបស់ពួកគេកំពុងផ្តោតទៅលើការអភិវឌ្ឈរថយន្ត EV ដែលមានតម្លៃសមរម្យ ។ ក្រៅពី ID.2X ក្រុមហ៊ុន Volkswagen ក៏មានគម្រោងបង្ហាញរថយន្ត ID.EVERY1 នៅថ្ងៃទី ០៥ ខែមិនា ខាងមុខនេះផងដែរ ដែលត្រូវបានរំពឹងថាមានតម្លៃលក់ប្រហែល ២១ ៣០០ ដុល្លារ ៕

ផ្ទាំងផ្សាយពាណិជ្ជកម្ម

LEXUS LX 700h កំពុងតែត្រៀមខ្លួនដើម្បីវាយលុកទីផ្សាររថយន្តប្រណិត Hybrid ក្នុងប្រទេសកម្ពុជា?

February 17, 2025

LEXUS បាននាំមកនូវស្តង់ដារនៃប្រណីតភាព និងការច្នៃប្រឌិតឡើងវិញ ជាមួយនឹងការដាក់បង្ហាញជាផ្លូវការ នូវកំពូលរថយន្តប្រណីត SUV កម្រិត Flagship របស់ខ្លួន គឺ LX 700h នៅលើទីផ្សារពិភពលោក។

LEXUS LX 700h គឺជាម៉ូដែលដំបូងបង្អស់គេក្នុងត្រកូល LX ដែលបានបំពាក់មកជាមួយបច្ចេកវិទ្យា នៃការបញ្ចូលគ្នារវាងម៉ាស៊ីន និងអាគុយហាយប្រ៊ីដ ហើយនេះក៏ជាការប្តេជ្ញាចិត្តខ្ពស់របស់ LEXUS ក្នុងការលាយបញ្ចូលគ្នា នូវកម្រិតផាសុកភាពលំដាប់ថ្នាក់ខ្ពស់ ប្រណិតភាព និងបានអភិវឌ្ឍន៍សមត្ថភាព នៃការបើកបរបែបផ្សងព្រេង Off-Road ។

រថយន្តនេះដំណើរការដោយម៉ាស៊ីន 3.5L twin-turbo V6 ភ្ជាប់ដោយម៉ូទ័រអេឡិចត្រិច បច្ចេកវិទ្យាហាយប្រ៊ីដ បង្កើតកម្លាំងសរុប 457 សេះ និងកម្លាំងរមួល 650 ញ៉ូតុនម៉ែត្រ។ កម្លាំងម៉ាស៊ីនកូនកាត់នេះ មិនត្រឹមតែ បង្កើនថាមពលកម្លាំងអោយដំណើរការបានល្អប៉ុណ្ណោះទេ ប៉ុន្តែថែមទាំងជួយបង្កើនប្រសិទ្ធភាពសន្សំសំចៃ បើធៀបនឹងរថយន្ត LX 600 ដែលមិនប្រើហាយប្រ៊ីដ។ ដោយសារតែបច្ចេកវិទ្យាហាយប្រ៊ីដ (Hybrid) ជំនាន់ថ្មីដ៏ទំនើប ជាចំណុចសំខាន់បំផុតមួយ នៅក្នុងទីផ្សាររថយន្ត SUV ប្រណីតកម្រិតខ្ពស់ដ៏ល្អឥតខ្ចោះ។

សរុបមកវិញ LEXUS LX 700h គឺជាការបន្ថែមជម្រើសម៉ូដែលមួយទៀត ដ៏សំខាន់មួយទៅក្នុងត្រកូល LX ដោយផ្តល់នូវការរួមបញ្ចូលគ្នានៃភាពប្រណិត បច្ចេកវិទ្យា និងសមត្ថភាពលើការបើកបរជំនះគ្រប់ស្ថានផ្លូវ។ វាជាសក្ខីភាពមួយចំពោះការប្តេជ្ញាចិត្តរបស់ LEXUS ចំពោះការច្នៃប្រឌិត និងការផ្តោតទៅលើការបំពេញ តម្រូវការរបស់អតិថិជនរបស់ខ្លួន។ ដោយសារតែយើងបានឃើញការប្រកាសបើកទទួលកក់ជាផ្លូវការរួចមកហើយពី Lexus Cambodia ទៅលើរថយន្ត Lexus LX 700h នេះប៉ុន្តែអ្វីដែលយើងមិនទាន់បានដឹងនោះ គឺថ្ងៃសម្ពោធជាផ្លូវការសម្រាប់ទីផ្សារកម្ពុជា។

ការបង្ហាញខ្លួននៃរថយន្ត Lexus LX 700h បានទាក់ទាញចំណាប់អារម្មណ៍ទាំងប្រព័ន្ធផ្សព្វផ្សាយ និងអ្នកស្រលាញ់ចូលចិត្តរថយន្ត ជាពិសេសទៅលើម៉ាកយីហោជប៉ុន Lexus នេះតែម្តង។ គួរបញ្ជាក់ឲ្យដឹងដែរថា LEXUS តែងតែឈរនៅលើកំពូលតារាង នៃទីផ្សាររថយន្តប្រណីត ដោយមានកំណត់ត្រានៃការលក់ខ្ពស់ ព្រមទាំងមានចំណែកទីផ្សាររថយន្តយ៉ាងធំ ទូទាំងពិភពលោកទៀតផង។

ម៉ូដែលនេះទទួលបានភាពជោគជ័យដ៏ធំធេងរួចទៅហើយ នៅក្នុងទីផ្សារសំខាន់ៗ ដូចជា សហរដ្ឋអាមេរិក និងមជ្ឈិមបូព៌ា ដែលវាត្រូវបានគេកោតសរសើរយ៉ាងខ្លាំង ចំពោះវិស្វកម្ម និងបច្ចេកវិទ្យាទំនើបរបស់វា។ ជាងនេះទៅទៀត ប្រជាប្រិយភាពរបស់វានៅតែបន្តកើនឡើង ពាសពេញតំបន់អាស៊ី ដែលជាសញ្ញាបង្ហាញពីតម្រូវការខ្លាំង នៅក្នុងទីផ្សារដែលកំពុងរីកចម្រើនមួយនេះ ផងដែរ។

សម្រាប់ត្រកូល LEXUS LX ត្រូវបានគេទទួលស្គាល់យ៉ាងទូលំទូលាយ ចំពោះសមត្ថភាព Off-road របស់វា នៅក្នុងប្រភេទ SUV ប្រណីត។ ក្នុងនាមជាម៉ូដែលកំពូលរបស់ LEXUS ដែលប្រើប្រាស់បច្ចេកវិទ្យាហាយប្រ៊ីដ (Hybrid) រថយន្ត LX 700h រួមបញ្ចូលគ្នានូវដំណើរការ ប្រសិទ្ធភាព និងភាពប្រណីត ក្នុងកញ្ចប់តែមួយ តែម្តង។

តើលោកអ្នកបានត្រៀមខ្លួន ហើយ ឬនៅសម្រាប់ការបង្ហាញវត្តមាន និងតម្លៃផ្លូវការនៅកម្ពុជា?

ផ្ទាំងផ្សាយពាណិជ្ជកម្ម

រថយន្ត Toyota Land Cruiser FJ នឹងបង្ហាញចេញនៅក្នុងឆ្នាំនេះ

February 17, 2025

ក្រុមហ៊ុន Toyota ត្រូវបានគេរាយការណ៍ថា កំពុងរៀបចំគម្រោងផែនការក្នុងការដាក់បង្ហាញចេញនូវរថយន្ត Land Cruiser FJ ដែលជារថយន្តប្រភេទ SUV ខ្នាតតូចរបស់ពួកគេនៅនៅពាក់កណ្តាលឆ្នាំ ២០២៥ នេះ (ចន្លោះខែមិនាដល់ខែឧសភា)។

ក្នុងនោះ រថយន្តនេះ អាចនឹងធ្វើការបង្ហាញខ្លួនជាលើកដំបូងនៅកម្មវិធី Japan Mobility Show ក្នុងខែតុលា។ខណៈបច្ចុប្បន្ន Toyota នៅមិនទាន់បង្ហាញចេញនូវព័ត៌មានលម្អិតបន្ថែមអំពី Land Cruiser FJ នៅឡើយទេ ប៉ុន្តែតម្លៃនឹងបញ្ចេញជាផ្លូវការនៅពេលប្រកាសចេញលក់។

ចំពោះរថយន្តនេះ អាចនឹងក្លាយជាជម្រើសដ៏សក្ដិសមសម្រាប់អ្នកចូលចិត្តរថយន្ត 4×4 ដោយរថយន្ត Land Cruiser FJ ត្រូវបានគេរំពឹងថានឹងជាជំនាន់បន្តនៃ FJ Cruiser ដែលធ្លាប់មានលក់ពីឆ្នាំ ២០០៦ ដល់ ២០២២ ។

ជាមួយគ្នានេះ បើយោងតាមការរាយការណ៍ Land Cruiser FJ នឹងប្រើគ្រោងឆ្អឹង IMV-0 ដែលជាមូលដ្ឋានដូច Tamaraw ជំនាន់ថ្មី ដែលត្រូវបានប្រើសម្រាប់ការអភិវឌ្ឍ Hilux និង Fortuner ជំនាន់ក្រោយ។ លើសពីនេះ ម៉ូដែលថ្មីនេះ អាចនឹងទទួលបានទាំងជម្រើសម៉ាស៊ីនម៉ាស៊ូត និងម៉ាស៊ីនសាំង ដែលអាចផ្តល់កម្លាំងខ្លាំង និងសន្សំសំចៃប្រេងជាងមុនផងដែរ៕

ផ្ទាំងផ្សាយពាណិជ្ជកម្ម