ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 71

Leapmotor ដាក់លក់ឡាន B01 EV របស់ខ្លួននៅចិន តម្លៃតែ ១មុឺនដុល្លារ ប៉ុណ្ណោះ

ទីបំផុត! បន្ទាប់់ពីរង់ចាំអស់រយៈពេលជាយូរ ពេលនេះ រថយន្តអគ្គិសនី Leapmotor B01 ប្រភេទ Sedan របស់ក្រុមហ៊ុន Leapmotor បានប្រកាសចេញលក់ជាផ្លូវកានៅក្នុងប្រទេសចិនហើយ ដោយមានតម្លៃលក់ចាប់ពី ១២ ៥០០ដុល្លារ ដល់ ១៦ ៧០០ដុល្លារ តែប៉ុណ្ណោះ។

Leapmotor B01: non solo suv - alVolante.it

រថយន្ត Leapmotor B01 ត្រូវបានផលិតឡើងផ្អែកលើគ្រោងឆ្អឹង LEAP 3.5 មានប្រវែងតួខ្លួនសរុប ៤ ៧៧០ ម.ម ទទឹង ១ ៨៨០ ម.ម កម្ពស់ ១ ៤៩០ ម.ម និងប្រវែងគម្លាតកង់មុខក្រោយ ២ ៧៣៥ ម.ម ដំណើរដោយ៖

  • ម៉ូទ័រអគ្គិសនីចំនួន ១ ប៉ុង ១ (RWD) ផលិតកម្លាំងបាន ១៣៤សេះ ផ្គួបជាមួយកញ្ចប់អាគុយទំហំ ៤៣,៩គីឡូវ៉ាត់ម៉ោង អាចបើកបរបានចម្ងាយ ៤៣០គីឡូម៉ែត្រ។
  • ម៉ូទ័រអគ្គិសនីចំនួន ១ ប៉ុង ១ (RWD) ផលិតកម្លាំងបាន ១៣៤ និង ២១៥សេះ ផ្គួបជាមួយកញ្ចប់អាគុយទំហំ ៥៦,២គីឡូវ៉ាត់ម៉ោង អាចបើកបរបានចម្ងាយ ៥៥០គីឡូម៉ែត្រ។
  • ម៉ូទ័រអគ្គិសនីចំនួន ១ ប៉ុង ១ (RWD) ផលិតកម្លាំងបាន ២១៥សេះ ផ្គួបជាមួយកញ្ចប់អាគុយទំហំ ៦៧,១គីឡូវ៉ាត់ម៉ោង អាចបើកបរបានចម្ងាយ ៦៥០គីឡូម៉ែត្រ។

សម្រាប់ការរចនាផ្នែកខាងក្រៅរបស់រថយន្តនេះ គឺមានបំពាក់នូវរ៉ាដានៅលើដំបូល, ភ្លើងបំភ្លឺពេលថ្ងៃរចនាជាមួយរបា ប៉ាណាខាងមុខបិទជិតភ្ជាប់ជាមួយអំពូល LED និងទទួលបាននូវជម្រើសពណ៌ជាច្រើនរួមមានពណ៌ស្វាយ ប្រាក់ ប្រផេះ ស ផ្កាឈូក ខ្មៅ និងពណ៌ខៀវ។

Double the value of a Tesla: Leapmotor builds a half-price Model 3

ចំពោះផ្នែកខាងក្នុងវិញ ទទួលបាននូវកុងទ័រឌីជីថលទំហំ ៨.៨ អុីញ, អេក្រង់កម្សាន្ដទំហំ ១៤.៦ អុីញ មានកម្រិតបង្ហាញ 2.5K, ប្រព័ន្ធប្រតិបត្តិការ Leapmotor OS 4.0 Plus ដែលមានមុខងារ AI និងប្រព័ន្ធ Leapmotor Pilot ជាដើម៕

ផ្ទាំងផ្សាយពាណិជ្ជកម្ម

អាមេរិក នឹងយកពន្ធតែ 15% ប៉ុណ្ណោះ សម្រាប់ឡានជប៉ុន!

ទីបំផុត! បន្ទាប់ពីមានការរចចា ពេលនេះ ប្រទេសជប៉ុន និងសហរដ្ឋអាមេរិកបានសម្រេចចុះនូវហត្ថលេខាលើកិច្ចព្រមព្រៀងយុទ្ធសាស្ត្រពាណិជ្ជកម្មថ្មីហើយ។

ក្នុងនោះ សម្រាប់កិច្ចព្រមព្រៀងថ្មីនេះ ជប៉ុននឹងវិនិយោគ ៥៥០ ពាន់លានដុល្លារ នៅក្នុងវិស័យសំខាន់ៗមួយចំនួនដូចជាឧបករណ៍អេឡិចត្រូនិក, ថាមពល និងបញ្ញាសិប្បនិម្មិត AI នៅសហរដ្ឋអាមេរិក ខណៈពេលអាមេរិកវិញ ក៏បានយល់ព្រមកាត់បន្ថយពន្ធលើរថយន្ត និងទំនិញជប៉ុនផ្សេងៗពី ២៧,៥% មកត្រឹម ១៥% ផងដែរ។

គួរបញ្ជាក់ថា សម្រាប់កិច្ចព្រមព្រៀងថ្មីរបស់ជប៉ុន និងអាមេរិកនេះ មិនត្រឹមតែជាការបើកទ្វារសេដ្ឋកិច្ចទេ ប៉ុន្តែក៏បានបង្ហាញពីទំនាក់ទំនងបន្ថែមរ​វាងប្រទេសទាំងពីរទៅកាន់ពិភពលោកផងដែរ៕

ផ្ទាំងផ្សាយពាណិជ្ជកម្ម

រថយន្ដ BYD Dynasty កំពុងបើកធ្វើតេស្ដ មុនពេលចេញលក់នៅចុងឆ្នាំនេះ

រថយន្ត SUV BYD Dynasty ត្រូវបានគេប្រទះឃើញបិទបាំងដោយការបន្លំ ដែលបង្ហាញពីការដាក់លក់នៅក្នុងទីផ្សារនាពេលខាងមុខ មុនដំណាច់ឆ្នាំ ២០២៥។ ម៉ូឌែលថ្មីនេះត្រូវបានគេជឿថាជាកំណែផលិតនៃរថយន្តគំរូ Dynasty-D បានបង្ហាញខ្លួននៅឯកម្មវិធីតាំងពិព័រណ៍រថយន្ត Shanghai Auto Show ឆ្នាំ ២០២៥ ហើយត្រូវបានគេរំពឹងថានឹងមានតម្លៃប្រហែល ៥៥ ០០០ ដុល្លារ។

រូបភាពដែលទទួលបានពី D-Auto បានបង្ហាញថា ទម្រង់រថយន្ត និងលក្ខណៈពិសេសនៃការរចនាសំខាន់ៗរបស់រថយន្តនេះ គឺស្រដៀងគ្នាយ៉ាងខ្លាំងទៅនឹងរថយន្តគំរូ Dynasty-D ប៉ុន្តែមានការកែសម្រួលខ្លះសម្រាប់ផលិតកម្មទ្រង់ទ្រាយធំ។ នៅផ្នែកខាងមុខ រថយន្ត SUV នេះមានរបារភ្លើងផ្ដេកដែលរួមបញ្ចូលគ្នាទៅក្នុងផ្នែកខាងលើប៉ាណាខាងមុខ។ 

លម្អិតគួរឲ្យកត់សម្គាល់មួយនៅលើរថយន្ដធ្វើតេស្ដសាកល្បងនោះមានបំពាក់ lidar លើដំបូល និង កាមេរ៉ាចំនួនបី នៅពីក្រោយកញ្ចក់ការពារ។ ឧបករណ៍ទាំងនេះបានបង្ហាញថា រថយន្ត SUV នេះនឹងត្រូវបានបំពាក់ដោយប្រព័ន្ធជំនួយការបើកបរ “DiPilot Eye B” របស់ BYD គាំទ្រមុខងារ ការរុករកក្នុងទីក្រុង ការបើកបរជំនួយលើផ្លូវល្បឿនលឿន និង មុខងារចតដោយស្វ័យប្រវត្តិ។

រថយន្តគំរូនេះក៏រួមបញ្ចូល ប្រព័ន្ធដ្រូនដែលត្រូវបានអភិវឌ្ឍន៍ដោយផ្ទាល់ដោយ BYD ដែលមានឈ្មោះថា “Lingyuan”។ ចំពោះដ្រូននេះក្រុមហ៊ុន ធ្លាប់បានបង្ហាញជាផ្នែកមួយនៃរថយន្តគំរូ ប៉ុន្តែមិនទាន់ត្រូវបានដាក់បញ្ចូលទៅក្នុងម៉ូឌែលផលិតនៅឡើយទេ។

រូបភាពផ្ទៃក្នុងបានបង្ហាញពី អេក្រង់បញ្ជាកណ្ដាលអណ្ដែត និង ផ្ទាំងកុងទ័រឌីជីថលទំហំធំ។ រថយន្តគំរូ Dynasty-D បានបំពាក់នូវ អេក្រង់បី និង កន្លែងសាកថ្មទូរស័ព្ទឥតខ្សែ នៅលើកុងសូលកណ្ដាល រួមជាមួយជម្រើស កៅអី ៦ និង ៧ កៅអី។ ធាតុទាំងនេះទំនងជានឹងរក្សាទុកនៅលើម៉ូឌែលធ្វើតេស្ដនេះផងដែរ។

BYD មិនទាន់បានបង្ហាញពីលក្ខណៈបច្ចេកទេសនៃប្រព័ន្ធថាមពលរបស់រថយន្ដនេះនៅឡើយទេ។ ទោះជាយ៉ាងណាក៏ដោយ សម្រាប់ជាឯកសារយោង រថយន្ត Tang L បច្ចុប្បន្ន ដែលជាប្រភេទ SUV ធំមួយទៀតនៅក្នុងត្រកូល Dynasty គឺមានទាំងជម្រើស អគ្គិសនីសុទ្ធ (BEV) និងជម្រើសប្រើអគ្គិសនីលាយសាំង (PHEV)។

សម្រាប់ម៉ូឌែលប្រើអគ្គិសនីលាយសាំង PHEV ដំណើរការដោយម៉ាសុីន 1.5 និងម៉ូទ័រអគ្គិសនីនៅផ្នែកមុខ-ក្រោយអាចផលិតកម្លាំងបាន ២០០ គីឡូវ៉ាត់ ចំណែកឯម៉ូឌែលប្រើអគ្គិសនីសុទ្ធ BEV អាចបើកបរបានចម្ងាយ ៦៧០គីឡូម៉ែត្រ គិតតាមស្តង់ដារវាស់ចម្ងាយ CLTC។

ជាមួយនឹងតម្លៃដែលបានព្យាករទុករថយន្ដអាចនឹងដាក់លក់ជាមួយតម្លៃប្រហែល ៥៥,០០០ ដុល្លារ។ រថយន្ត BYD SUV ថ្មីនេះទំនងជានឹងប្រកួតប្រជែងជាមួយរថយន្ត SUV ទំហំធំលំដាប់ខ្ពស់ក្នុងស្រុកដូចជា Aito M9, Li Auto L9  និង Lynk & Co 900។ ព័ត៌មានផ្លូវការបន្ថែម រួមទាំងការរចនាចុងក្រោយ និងព័ត៌មានលម្អិតអំពីប្រព័ន្ធថាមពល ត្រូវបានគេរំពឹងថានឹងចេញផ្សាយកាន់តែខិតជិតដល់ថ្ងៃដាក់លក់របស់វានៅចុងឆ្នាំនេះ៕

ផ្ទាំងផ្សាយពាណិជ្ជកម្ម

នៅឆ្នាំនេះ GM អាចនឹងខាតលុយដល់ទៅ ៥ពាន់លានដុល្លារ ឯណ្ណោះ ដោយសារពន្ធរបស់ត្រាំ!

បន្ទាប់ពីការដាក់ពន្ធជាច្រើន ពេលនេះ ក្រុមហ៊ុន General Motors (GM) ដែលជាក្រុមហ៊ុនផលិតរថយន្តធំជាងគេសហរដ្ឋអាមេរិក​ គឺត្រូវបានរាយការណ៍ហើយថា បាន និងកំពុងប្រឈមមុខនូវបញ្ហាជាច្រើនទៅផ្នែកសេដ្ឋកិច្ចរបស់ខ្លួន ដោយក្នុងនោះ ពួកគេគឺបានបាត់បង់ប្រាក់ដល់ទៅ ១,១ពាន់លានដុល្លារ ឯណ្ណោះ នៅក្នុងត្រីមាសទី ២ ដោយពន្ធរបស់លោកដូណាល់ ត្រាំ។

គួរបញ្ជាក់ថា ទោះបីជានៅក្នុងត្រីមាសទី ២ ក្រុមមួយនេះបានរកប្រាក់ចំណូលសរុបបានច្រើនដល់ ៤៧,១ ពាន់លានដុល្លារ ក៏ដោយ ក៏ប៉ុន្តែប្រាក់ទាំងនេះគឺមិនទាន់ត្រូវបានគិតពន្ធ និងការប្រាក់នៅឡើយនោះទេ ហើយនៅក្នុងឆ្នាំ២០២៥ នេះទៀតសោក ពួកគេគឺអាចនឹងបាត់បង់ប្រាក់សរុបរហូតដល់ទៅ ៥ពាន់លានដុល្លារ ឯណ្ណោះ។

ជាមួយគ្នានេះ បើយោងតាមការរាយការណ៍របស់ក្រុមហ៊ុន GM ផ្ទាល់គឺបានឲដឹងថា ទោះបីក្នុងពេលបច្ចុប្បន្ននេះ ពួកគេកំពុងជួបនឹងបញ្ហាពន្ធគយ និងសេដ្ឋកិច្ចក៏ដោយ ក៏ពួកគេនៅតែប្តេជ្ញាចិត្តក្នុងការអភិវឌ្ឍន៍រថយន្តថ្មីៗសម្រាប់បំពេញតម្រូវការទីផ្សាររបស់អតិថិជនទាំងនៅក្នុងស្រុក និងអន្តរជាតិដដែលផងដែរ ជាពិសេសគឺរថយន្តអគ្គិសនី៕

ផ្ទាំងផ្សាយពាណិជ្ជកម្ម

ISUZU បញ្ចេញតម្លៃ D-MAX EV នៅអង់គ្លេស ថ្លៃជិត ១០មុឺនដុល្លារ!

បន្ទាប់ពីប្រកាសបង្ហាញចេញកាលពីឆ្នាំមុន ពេលនេះ ក្រុមហ៊ុន Isuzu បានប្រកាសបើកកក់ជាផ្លូវការនូវរថយន្តភីកអាប់អគ្គិសនី ISUZU D-MAX EV របស់ខ្លួននៅក្នុងទីផ្សារចក្រភពអង់គ្លេសហើយ ជាមួយតម្លៃលក់ចាប់ពី ៨០ ៨០០ដុល្លារ ដល់ ៨៤ ២០០ដុល្លារ ហើយគ្រោងនឹងប្រកាសចែកចាយទៅកាន់អតិថិជនជាផ្លូវការនៅក្នុងខែកុម្ភៈ ក្នុងឆ្នាំ២០២៦ ខាងមុុខនេះ​។

ក្នុងនោះ រថយន្តនេះ គឺត្រូវបានផលិតឡើងលើកគ្រោងឆ្អឹង Isuzu Dynamic Mobility Driving Platform មានប្រវែងតួខ្លួនសរុប ៥ ២៨០ ម.ម ទទឹង ១ ៨៧០ ម.ម កម្ពស់ ១ ៨១០ ម.ម កម្ពស់ពីដីទៅបាតរថយន្ត ២១០ ម.ម ទម្ងន់ ២ ៣៥០ គីឡូក្រាម និងប្រវែងគម្លាតកង់មុខ-ក្រោយ ៣ ១២៤ ម.ម ដំណើរការដោយម៉ូទ័រអគ្គិសនីចំនួន ២ ប៉ុង ២ (4WD) អាចផលិតកម្លាំងបាន ១៨៨ សេះ និងកម្លាំងរមួល ៣២៥ ញ៉ូតុនម៉ែត្រ អាចបើកបរពី ០ ទៅ ១០០គ.ម/ម៉ោង ប្រើពេល ១០,១វិនាទី មានល្បឿនអតិបរមា ១២៩គ.ម/ម៉ោង ផ្គួបជាមួយអាគុយទំហំ ៦៦,៩ គីឡូវ៉ាត់ម៉ោង អាចបើកបរបានបើកចម្ងាយ ២៦៣ គីឡូម៉ែត្រ (WLTP) នៅពេលសាកថ្មពេញម្តង គាំទ្រការសាកថ្មកម្លាំង ៥០ គីឡូវ៉ាត់ អាចសាកបានពី ២០ ទៅ ៨០% ដោយប្រើរយៈពេលតែ ៦០នាទី ប៉ុណ្ណោះ។ លើសពីនេះ ក៏ទទួលបានប្រព័ន្ធបូមផ្នែកខាងក្រោយប្រភេទ De-Dion suspension ថ្មីផងដែរ ដែលអាចផ្ទុកទម្ងន់បានចំនួន ១ ០១០ គីឡូក្រាម និងអូសសណ្តោងបានចំនួន ២ ៣៥០ គីឡូក្រាម។

សម្រាប់រូបរាង និងការឌីស្សាញផ្នែកខាងក្រៅ និងខាងក្នុងវិញ គឺមិនមានអ្វីខុសប្លែកពីម៉ូដែលប្រើម៉ាស៊ីនម៉ាស៊ូតនោះឡើយ ដោយផ្នែកខាងមុខមានប៉ាណាទំហំធំ អបសងខាងដោយចង្កៀងមុខប្រភេទ bi-LED ក៏ដូចជាសេនស័រជំនួយដល់ប្រព័ន្ធចេញ-ចូលចំណត កុងទ័របង្ហាញព័ត៌មានឌីជីថលទំហំ ៧អ៉ីញ និងអេក្រង់កំសាន្ត touchscreen ទំហំ ៩អ៉ីញ ជាដើម។

គួរបញ្ជាក់ថា បើប្រៀបធៀបតម្លៃខាងលើនេះទៅនឹងជម្រើសប្រើម៉ាសុីនម៉ាស៊ូត គឺមានភាពខុសគ្នាដល់ទៅ ២ដង ឯណ្ណោះ ខណៈតម្លៃនេះទៀតសោកក៏មិនទាន់រាប់បញ្ជូលពន្ធផងដែរ ប៉ុន្តែបើរាប់បញ្ជូលទាំងពន្ធ VAT ២០ភាគរយ របស់ប្រទេសអង់គ្លេស គឺមានតម្លៃដល់ទៅ ៩៧ ២០០ដុល្លារ ឯណ្ណោះ៕

ផ្ទាំងផ្សាយពាណិជ្ជកម្ម

GMW Tank 500 ម៉ូឌែលថ្មីបំពាក់បន្ថែមជាមួួយប្រព័ន្ធ LiDAR ត្រៀមបង្ហាញខ្លួនជាផ្លូវការ

រថយន្ត SUV បែប Off-Road Tank 500 ម៉ូឌែលថ្មីដែលបំពាក់ដោយប្រព័ន្ធ LiDAR នៅលើដំបូល ដើម្បីគាំទ្រដល់ប្រព័ន្ធជំនួយការបើកបរដ៏ទំនើប Coffee Pilot Ultra របស់ក្រុមហ៊ុន Great Wall Motor (GWM)។ ការបង្ហាញខ្លួនជាផ្លូវការរបស់រថយន្ដនឹងធ្វើឡើងនៅថ្ងៃទី ២៥ ខែកក្កដា ហើយគេរំពឹងថានឹងចាប់ផ្តើមបើកការលក់មុន (pre-sales) នៅខែសីហា និងដាក់លក់ជាផ្លូវការនៅត្រីមាសទី ៣នៅក្នុងប្រទេសចិន។

បច្ចុប្បន្ន រថយន្ត Tank 500 ដាក់លក់នៅលើទីផ្សារបច្ចុប្បន្នផ្ដល់មកជាមួយជម្រើស ៥កៅអី និង ៧កៅអី ហើយមានបំពាក់មកជាមួួយម៉ាស៊ីនចំហេះខាងក្នុង (ICE) និងប្រភេទអគ្គិសនីលាយសាំង (PHEV) ដាក់លក់ជាមួួយតម្លៃចប្រហែល ៤៦ ៧០០ដុល្លារ។

រថយន្ត Tank 500 ថ្មីនេះនៅតែបន្តរក្សាការរចនាដូចទៅនឹងម៉ូដែលបច្ចុប្បន្ន។ ភាពខុសគ្នាធំបំផុតគឺបានបំពាក់មកជាមួយ Hesai ATX roof lidar ថ្មីមានទំហំតូចជាង ៦០% និងស្រាលជាង ៥០% ធៀបនឹង Hesai AT128 lidar ដែលបំពាក់នៅលើរថយន្ត Wey Blue Mountain (Lanshan) នេះបើយោងតាមប្រភពពីបណ្តាញសង្គមចិន Autohome។ ក្នុងពេលជាមួយគ្នានេះ ផ្នែកខាងមុខនៃរថយន្តត្រូវបានតុបតែងដោយ ជាមួយប៉ាណាខាងក្នុងរាងចតុកោណកែង លេងបន្ថែមដោយក្រូម។

លើសពីនេះ កម្លាំងម៉ាស៊ីនត្រូវបានគេរំពឹងថានឹងនៅតែរក្សាភាពស៊ីសង្វាក់គ្នាជាមួយម៉ូឌែលបច្ចុប្បន្ន នេះបើយោងតាមព័ត៌មានដែលបានប្រកាសពីមុន។ ប្រព័ន្ធ Plug-in Hybrid Hi4-T និង Hi4-Z ត្រូវដំណើរដោយម៉ាស៊ីនចំណុះ 2.0 អាចផលិតកម្លាំងអតិបរមាបាន ២៤៨ សេះ។

ចំពោះរថយន្ដ Tank 500 Hi4-T បច្ចុប្បន្នដំណើរដោយម៉ូទ័រអគ្គិសនីចំនួន ១អាចផលិតកម្លាំងបាន ១៦១ សេះ និងបំពាក់មកជាមួយអាគុយលីចូម ternary ទំហំ ៣៦.៧ គីឡូវ៉ាត់ម៉ោង ប្រើអគ្គិសនីសុទ្ធអាចបើកបានចម្ងាយ ១១០គីឡូម៉ែត្រ គិតតាមស្តង់ដារវាស់ចម្ងាយ WLTC។

ចំណែកឯម៉ូឌែល Tank 500 Hi4-Z វិញដំណើរការដោយម៉ូទ័រចំនួនពីរ អាចផលិតកម្លាំងបាន ៦១០សេះ និងចំពាក់មកជាមួយអាគុយលីចូម ternary ទំហំ ៥៩.០៥ គីឡូវ៉ាត់ម៉ោង ប្រើអគ្គិសនីសុទ្ធអាចបើកបានចម្ងាយ ២០១គីឡូម៉ែត្រ គិតតាមស្តង់ដារវាស់ចម្ងាយ WLTC៕

ផ្ទាំងផ្សាយពាណិជ្ជកម្ម

Toyota Sequoia ស៊េរីឆ្នាំ ២០២៦ រចនាកាន់តែមកទូលាយហើយផ្ដល់ផាកសុខភាពជាងមុន

បន្ទាប់ពីទទួលបានជោគជ័យលើរថយន្ត Tundra ក្រុមហ៊ុន Toyota បញ្ចេញរថយន្ត Sequoia ស៊េរីឆ្នាំ២០២៦ ទទួលបានការអាប់ដេតបន្ថែមកាន់តែទូលាយនិងផាកសុខភពជាងមុន ខណៈតម្លៃលើម៉ូឌែលចាស់ត្រឹមតែ ១ ៦០០ដុល្លារ។


រថយន្ត SUV ខ្នាតធំ Toyota Sequoia បានបំពាក់មកជាមួួយគ្រោងឆ្អឹង body-on-frame ផ្តល់នូវភាពរឹងមាំ និងធន់ ជាពិសេសសម្រាប់អូសសណ្តោង និងការបើកបរលើផ្លូវលំបាក។ ការផ្លាស់ប្ដូរធំជាងនេះគឺនៅផ្នែកខាងក្នុង ដោយគ្រប់ម៉ូឌែលទាំងអស់ឥឡូវនេះបានបំពាក់មកជាមួយ កៅអីជួរទីបីដែលអាចបត់បានដោយស្វ័យប្រវត្តិ។

បើនិយាយអំពីកៅអីរបស់រថយន្ដ Sequoia Limited បានផ្លាស់ប្តូរពីសម្ភារៈ SofTex ទៅស្បែកពិត ដោយអតិថិជនអាចជ្រើសរើសស្បែកពណ៌ខ្មៅមានដេរជាយពណ៌ស ឬស្បែកពណ៌ប្រផេះជាមួយខ្សែធ្នេរដេរពណ៌ខ្មៅ។ ហើយម៉ូឌែលកំពូល Capstone ក៏បានធ្វើបច្ចុប្បន្នភាពផងដែរ ដោយផ្លាស់ប្តូរពណ៌ខាងក្នុងពីខ្មៅស ទៅជាពណ៌ shale (ប្រផេះស្រាល)។ កៅអីមានការរចនាជាមួយផ្នែកលក្ខណៈបែប textured ស្រស់ស្អាត បន្ថែមពណ៌ត្នោត និងស្លាក Capstone។ ផ្នែកឈើខាងក្នុងក៏បានផ្លាស់ប្តូរពី brown walnut ទៅជា grey walnut ផងដែរ។

សម្រាប់ម៉ាស៊ីន Hybrid ដំណើរដោយម៉ាស៊ីន twin-turbo V6 ទំហំ 3.4 រួមបញ្ចូលជាមួយម៉ូទ័រអគ្គិសនីផ្គូផ្គងជាមួយប្រអប់លេខ 10វគ្គ អាចផលិតកម្លាំងសរុប 437 hp កម្លាំងរមួល 790 Nm។ ចំពោះអត្រាប្រើប្រាស់ប្រេង Toyota Sequoia សុី 11.20 L/100km សម្រាប់ការបើកបរក្នុងទីក្រុង ហើយសុី 9.80L/100km លើផ្លូវខេត្ត គិតសរុបជាមធ្យមវាសុីប្រើង 10.69 L/100km។ ចំពោះតម្លៃ Toyota Sequoia ស៊េរីឆ្នាំ 2026 នឹងត្រូវដាក់លក់ជាមួយតម្លៃចាប់ពី $64,025 ថ្លៃជាងឆ្នាំមុន $1,600 ខណៈម៉ូឌែល Limited ដាក់លក់ជាមួយតម្លៃចាប់ពី $69,795 ថ្លៃជាងមុន $970 និងម៉ូឌែល Capstone ដាក់លក់ជាមួយតម្លៃចាប់ពី $84,435 ៕

ផ្ទាំងផ្សាយពាណិជ្ជកម្ម

Xpeng នឹងប្រកាសបញ្ចេញ G6 ប្រភេទ EREV នៅចុងឆ្នាំនេះ!

បន្ទាប់ពីប្រកាសចេញលក់ជាផ្លូវការនូវរថយន្ត Xpeng G6 ប្រភេទអគ្គិសនីកាលពីខែមិនា នៅក្នុងទីផ្សារប្រទេសចិន ពេលនេះ ក្រុមហ៊ុនផលិតរថយន្ត Xpeng Motors គ្រោងនឹងធ្វើការប្រកាសបង្ហាញចេញនូវរថយន្ត Xpeng G6 ប្រភេទ EREV របស់ខ្លួនហើយ ដោយគ្រោងធ្វើឡើងនៅក្នុងពេលឆាប់ៗខាងមុខនេះ។

ក្នុងនោះ​ បើយោងតាមរូបភាពដែលត្រូវបានផ្សព្វផ្សាយនៅក្នុងបណ្តាញសង្គមបានឲដឹងថា រថយន្ត Xpeng G6 ប្រភេទ EREV នេះ ក៏អាចនឹងមានការរចនារូបរាងផ្នែកខាងក្រៅដូចគ្នានឹងប្រភេទអគ្គិសនីផងដែរ ប៉ុន្តែគឺអាចបើកបរបានចម្ងាយសរុបដល់ទៅ ១​៤០០គីឡូម៉ែត្រ ឯណ្ណោះ។

គួរបញ្ជាក់ថា សម្រាប់តម្លៃ ក៏ដូចជាព័ត៌មានលម្អិតផ្សេងៗគឺមិនទាន់បង្ហាញចេញនៅឡើយទេ ប៉ុន្តែសម្រាប់រថយន្ត Xpeng G6 ប្រភេទ EREV នេះ គឺនឹងប្រកាសចេញនៅចុងឆ្នាំ២០២៥​ នេះហើយ ហើយការរចនាផ្នែកខាងក្នុងវិញក៏អាចនឹងមានភាពស្រដៀងគ្នានឹងជម្រើស EV ផងដែរ៕

ផ្ទាំងផ្សាយពាណិជ្ជកម្ម

ក្រុមហ៊ុន GWM ដាក់បង្ហាញរថយន្តស្ព័រលំដាប់កំពូល ត្រៀមប្រជែងជាមួយរថយន្ដ Yangwang U9

លោក Wei Jianjun ប្រធានក្រុមហ៊ុន Great Wall Motor (GWM) បានចែករំលែករូបភាពរថយន្តស្ព័រដំបូងបង្អស់របស់ខ្លួនក្រុមហ៊ុននៅក្នុងប្រទេសចិន។ រថយន្ដនេះនឹងប្រើប្រាស់ប្រព័ន្ធ Plug-in Hybrid ដំណើរការដោយម៉ាស៊ីន V8 ចំណុះ 4.0 លីត្រ បង្កើតដោយក្រុមហ៊ុនផ្ទាល់។ សម្រាប់ម៉ូឌែលនេះនឹងក្លាយជាគូប្រជែងរបស់រថយន្ដ BYD Yangwang U9 ដែលបានដាក់លក់ក្នុងតម្លៃ​ជាមួយតម្លៃ ១៤មុឺន ដល់ ២០មុឺនដុល្លារ។

With New Production Base Settled in Jingmen, GWM Expands Its Global Production-GWM News-GWMក្រុមហ៊ុន Great Wall Motor (GWM) ត្រូវបានគេរាយការណ៍ថាកំពុងសម្ងំបង្កើតរថយន្តស្ព័ររបស់ខ្លួនតាំងពីឆ្នាំ ២០២១ មកម្ល៉េះ។ កាលពីថ្ងៃទី ១ ខែមករា ឆ្នាំ ២០២៥ នាយកប្រតិបត្តិ GWM បានចូលរួមកិច្ចប្រជុំទូទៅ និងបានចាប់ផ្តើមការអភិវឌ្ឍឯករាជ្យនៃម៉ាកយីហោប្រណីតថ្មីមួយដែលមានឈ្មោះកូដ “BG” ។ ក្នុងខែដដែលនោះ ពាណិជ្ជសញ្ញាថ្មីរបស់ GWM “自信汽车” (Zixin Qiche, Confidence Auto) ត្រូវបានបោះពុម្ពផ្សាយដោយរដ្ឋបាលកម្មសិទ្ធិបញ្ញាជាតិចិន (CNIPA)។

ក្នុងខែមេសា ឆ្នាំ ២០២៥ លោកស្រី Wu Huixiao ប្រធានផ្នែកបច្ចេកវិទ្យា (CTO) របស់ក្រុមហ៊ុន Great Wall Motor បានបញ្ជាក់ថា ក្រុមហ៊ុនបាននិងកំពុងសិក្សាបង្កើតរថយន្តស្ព័រអស់រយៈពេលប្រាំឆ្នាំជាប់គ្នា។ ហើយនៅថ្ងៃទី ២៣ ខែកក្កដា ប្រធាន GWM លោក Wei Jianjun បានចែករំលែករូបភាពគំរូដំបូងនៃរថយន្តស្ព័រដំបូងរបស់ក្រុមហ៊ុន។

GWM teases its first supercar in China to rival BYD's Yangwangពីមុនមក ក្រុមហ៊ុន GWM ធ្លាប់បាននិយាយថា រថយន្តស្ព័ររបស់ខ្លួននឹងប្រើប្រាស់ម៉ាស៊ីន V8 ចំណុះ 4.0 លីត្រ ដែលក្រុមហ៊ុនបានបង្កើតដោយខ្លួនឯង។ ក្រុមហ៊ុន Great Wall Motor បានចេញផ្សាយជាផ្លូវការនូវម៉ាស៊ីនចំហេះខាងក្នុង (ICE) នេះនៅឯពិព័រណ៍រថយន្តសៀងហៃឆ្នាំ ២០២៥ កាលពីខែមេសា យ៉ាងណាមិញមិនទាន់មានព័ត៌មានលម្អិតបន្ថែមអំពីលក្ខណៈបច្ចេកទេសរបស់វាទេ។

BYD's YangWang U9 dancing supercar revealed new specsរថយន្តស្ព័រដំបូងបង្អស់របស់ GWM បង្កើតមកដើម្បីប្រជែងជាមួយ រថយន្តស្ព័រអគ្គិសនី Yangwang U9 របស់ក្រុមហ៊ុន BYD ។ រថយន្ដ Yangwang U9 ដំណើរដោយម៉ូទ័រអគ្គិសនីចំនួនបួន អាចផលិយកម្លាំងបាន ១ ២៨៧ សេះ និងកម្លាំងបង្វិល ១ ៦៨០ ញូវតុនម៉ែត្រ៕

ផ្ទាំងផ្សាយពាណិជ្ជកម្ម

រថយន្ដផលិតនៅចិន១០ម៉ូឌែល តម្លៃចន្លោះពី៣មុឺន ទៅជាង ៤មុឺនដុល្លារលក់ដាច់បំផុត

ទីផ្សាររថយន្ដថ្មីនៅប្រទេសចិននាពេលបច្ចុប្បន្ន មានការសម្បូរបែបជាខ្លាំង ក្នុងនោះមានទាំងរថយន្ដដាក់តម្លៃក្រោម១មុឺនដុល្លារទៀត។ ប៉ុន្ដែអ្វីដែលគួរឲ្យចាប់អារម្មណ៍គឺរថយន្ដដែលមានតម្លៃចន្លោះពី៣មុឺន ទៅដុល្លារជាង ៤មុឺនដុល្លារ ទទួលបានការចាប់អារម្មណ៍ខ្លាំងនៅប្រទេសចិន មូលហេតុដោយសាររថយន្ដនេះមានកម្រិតសមត្ថភាពអាចទទួលនិងភាពទំនើបក៏មិនអន់ដែរ។

New 2025 Tesla Model Y Facelift Revealed | Jurniខាងក្រោមនេះជារថយន្ដទាំង១០ម៉ូឌែល តម្លៃចន្លោះពី ៣មុឺន ទៅជាង ៤មុឺនដុល្លារ លក់ដាច់បំផុតនៅចិន៖

  1. រថយន្ដ Tesla Model Y ផលិតនៅចិនដាក់លក់ក្នុងតម្លៃចន្លោះពីជាង៣មុឺន ដល់៤មុឺនដុល្លារជាង គិតត្រឹមឆមាសទីមួយក្នុងឆ្នាំ២០២៥ រថយន្ដលក់បានចំនួន ១៧១ ៤៩១ គ្រឿង។
      
  2. រថយន្ដ Xiaomi SU7 ដាក់លក់ជាមួយតម្លៃចន្លោះពី៣មុឺន ទៅ៤មុឺនដុល្លារ បច្ចុប្បន្នរថយន្ដលក់បាន ១៥៥  ៦៩២គ្រឿង ចំពោះរថយន្ដរបស់ក្រុមហ៊ុន Xiaomi  ដែលជាចាត់ទុកថាគេគូប្រជែងរបស់ Tesla Model Y ហើយរំពឹងអាចនឹងផ្ដួល Tesla ហក់ឡើងមកឈរលេខ១។
  3. រថយន្ដ Toyota Camry Glorious Edition ផលិតនៅចិនដាក់លក់ជាតម្លៃខ្ទង់ជិត៣មុឺនដុល្លារ បច្ចុប្បន្នលក់បានចំនួន ៩៨ ១២៦គ្រឿង។
  4. រថយន្ដ Toyota Rav4 Rongfang ដាក់លក់ជាមួយតម្លៃជិត៣មុឺនដុល្លារ បច្ចុប្បន្នរថយន្ដនេះលក់បានចំនួន ៩៧ ១៥៩គ្រឿង។ រថយន្ដកើតចេញការសហការផលិតរួមគ្នារបស់ក្រុមហ៊ុនជប៉ុន Toyota និងក្រុមហ៊ុន FAW Toyota ក្នុងប្រទេសចិន។
  5. រថយន្ដ Li Auto L6 ដាក់លក់ជាមួយតម្លៃជិត៤មុឺនដុល្លារ បច្ចុប្បន្នលក់បាន ៩៦ ៣៥៤គ្រឿង នៅក្នុងទីផ្សារប្រទេសចិន។
  6. រថយន្ដ Tesla Model 3 ផលិតនៅចិនដាក់លក់ជាមួយតម្លៃចន្លោះពីជាង២មុឺន ដល់ ៣មុឺនដុល្លារ បច្ចុប្បន្នរថយន្ដនេះលក់បាន ៩១ ៩១៩គ្រឿង
  7. រថយន្ដ Volkswagen Tayron L ផលិតនៅចិនដោយក្រុមហ៊ុន FAW-Volkswagen ដាក់លក់ជាមួយតម្លៃជិត៣មុឺនដុល្លារ បច្ចុប្បន្នលក់បាន ៩១ ១៩៣គ្រឿង
  8. រថយន្ដ Honda CR-V ផលិតនៅចិនដាក់លក់ជាមួយតម្លៃ​ជិត៣មុឺនដុល្លារ បច្ចុប្បន្នលក់បាន ៨៨ ៥១៦គ្រឿង។
    រថយន្ដត្រូវបានផលិតឡើងដោយក្រុមហ៊ុន២ដាច់ដោយឡែកពីគ្នាគឺក្រុមហ៊ុន Dongfeng Honda និង GAC Honda ។
  9. រថយន្ដ Volkswagen Tayron ដាក់លក់ជាមួយតម្លៃជិត៣មុឺនដុល្លារ បច្ចុប្បន្នលក់បាន ៨២ ៧៥៧គ្រឿង
  10. រថយន្ដ BMW 3 Series ផលិតនៅចិនដោយការបណ្ដាក់ទុនរួមគ្នារវាង  BMW និង Brilliance China Automotive Holdings Ltd។ រថយន្ដដាក់លក់ក្នុងតម្លៃ​ចន្លោះពី ២មុឺន ដល់ជិត៤មុឺនដុល្លារ បច្ចុប្បន្នលក់បានចំនួន ៧៩ ៨៤៩គ្រឿង។

Xiaomi Announces 240,000 Locked-in Orders for YU7 SUV in 18 Hours – EVយោងតាមទិន្នន័យពីសមាគមរថយន្តដឹកអ្នកដំណើរចិន (CPCA) ស្ដីពីទីផ្សាររថយន្តដឹកអ្នកដំណើររបស់ចិនបន្ថិច ចំពោះរថយន្ដអ្នកដំណើរលក្ខណៈគ្រួលសារ ត្រូបបានដាក់លក់លក់ចំនួន ២,០៨៤ លានគ្រឿងនៅក្នុងខែមិថុនា កើនឡើង ១៨,១% បើធៀបនឹងឆ្នាំមុន និងការកើនឡើង ៧,៦% បើធៀបនឹងខែមុន។ ក្នុងចំណោមនោះ រថយន្តថាមពលអគ្គិសនី មានចំនួន ១,១១១ លានគ្រឿង កើនឡើង ២៩,៧% បើធៀបនឹងឆ្នាំមុន និងការកើនឡើង ៨,២% បើធៀបនឹងខែមុន៕

ផ្ទាំងផ្សាយពាណិជ្ជកម្ម
1...707172...1,079ទំព័រ 71 នៃ 1,079

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com