ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 72

Mazda EZ-6 អាចនឹងផលិតក្នុងប្រទេសថៃ ដើម្បីពង្រីក​ទីផ្សារនៅ​តំបន់អាស៊ីអាគ្នេយ៍

[បរទេស] ក្រុមហ៊ុនផលិតរថយន្ត Mazda គ្រោងនឹងធ្វើការដាក់បង្ហាញចេញជាផ្លូវការនៅរថយន្តអគ្គីសនីសុទ្ធ Mazda EZ-6 នៅក្នុងទីផ្សារប្រទេសថៃ ក្នុងឆ្នាំ ២០២៥ ដើម្បីពង្រីក​ទីផ្សារនៅ​តំបន់អាស៊ីអាគ្នេយ៍ ។

Mazda EZ-6 ត្រូវបានផលិតឡើងដោយក្រុមហ៊ុន Changan និង Mazda ដោយប្រើប្រាស់នៅគ្រោងឆ្អឹង EPA platform របស់ Mazda ផ្តល់នៅជម្រើសថាមពលចំនួន ២ ប្រភេទរួមមាន៖

  • ម៉ូទ័រអគ្គិសនីចំនួន ១ អាចផលិតកម្លាំងបាន ២៥៤ សេះ និងកម្លាំងរមួល ៣២០ ញ៉ូតុនម៉ែត្រ ផ្គួបជាមួយជម្រើសកញ្ជប់អាគុយទំហំ ៥៦,១ និង ៦៨,៨ គីឡូវ៉ាត់ម៉ោង អាចបើកបរបានចម្ងាយចាប់ពី ៤៨០ ទៅ ៦០០ គីឡូម៉ែត្រ នៅពេលសាកថ្មពេញម្តង និងគាំទ្រការសាកថ្មល្បឿនលឿន ដែលអាចសាកឡើងពី ៣០ ទៅ ៨០ ភាគរយ ប្រើរយៈ​ពេលត្រឹមតែ ១៥នាទី ប៉ុណ្ណោះ សម្រាប់ម៉ូដែល EV
  • ម៉ាស៊ីនសាំងចំណុះ ១,៥លីត្រ និងម៉ូទ័រអគ្គិសនីចំនួន ១ អាចផលិតកម្លាំង ៣០៧ សេះ ផ្គួបជាមួយអាគុយទំហំ ៦៨,៨ គីឡូវ៉ាត់ម៉ោង អាចបើកបរបានចម្ងាយ ២០០ គីឡូម៉ែត្រ ដោយប្រើប្រាស់ថាមពលអគ្គិសនីសុទ្ធ ដែលអាចសាកឡើងពី ៣០ ទៅ ៨០ ភាគរយ ប្រើរយៈ​ពេលត្រឹមតែ ២០នាទីប៉ុណ្ណោះ និងអាចបើកបរបានសរុប ១៣០០គីឡូម៉ែត្រនៅពេលចាក់សាំងពេញ សម្រាប់ម៉ូដែល EREV ។

គួរឲ្យដឹងថា ជាផ្នែកនៃយុទ្ធសាស្ត្ររបស់ខ្លួន ក្រុមហ៊ុន Mazda និង Mazda Thailand កំពុងវិនិយោគទឹកប្រាក់ចំនួន ១៤៨,៣៧ លានដុល្លារអាមេរិក ក្នុងការសាងសង់រោងចក្រផលិតរថយន្តរបស់ខ្លួននៅប្រទេសថៃ ជាមួយនឹងសមត្ថភាពផលិតប្រចាំឆ្នាំ ១០០ ០០០ គ្រឿង រោងចក្រនេះនឹងផ្តោតលើការផលិតរថយន្ត SUV ខ្នាតតូចសម្រាប់នាំចេញទៅកាន់ទីផ្សារប្រទេសជប៉ុន និងអាស៊ាន និងការលក់ក្នុងស្រុកនៅក្នុងប្រទេសថៃ ។ លើសពីនេះ Mazda EZ-6 ក៏បានរំពឹងថា អាចនឹងផលិតនៅក្នុងរោងចក្រនេះផងដែ ៕

ផ្ទាំងផ្សាយពាណិជ្ជកម្ម

ក្រុមហ៊ុន GAC ផ្លូវការប្រកាសលក់រថយន្ត GN8 កម្រិត Master តម្លៃពិសេសជាងមុន ដោយមានការគាំទ្រពីរោងចក្រ

រាជធានីភ្នំពេញ, ថ្ងៃទី១៥ កុម្ភៈ ឆ្នាំ២០២៥ ក្រុមហ៊ុន GAC Motor Cambodia ដែលជាក្រុមហ៊ុនបុត្រសម្ព័ន្ធរបស់ TH Group បានប្រកាសដល់សាធារណអំពីសិទ្ធនាំចូល និងចែកចាយផ្ដាច់មុខលើម៉ាករថយន្ត GAC  និងគ្រឿងបន្លាស់រថយន្តតែមួយគត់នៅកម្ពុជា ដោយមានការចុះបញ្ជីត្រឹមត្រូវនៅក្នុងក្រសួងពាណិជ្ជកម្ម។

នៅក្នុងសន្និសីទសារព័ត៌មាន ស្ដីអំពី “GAC GN8  សិទ្ធនាំចូល និងចែកចាយផ្ដាច់មុខ” ក្រុមហ៊ុនម៉ាកយីហោ GAC នៅកម្ពុជា បានបញ្ជាក់ថា ការនាំចូល និងចែកចាយរថយន្តនីមួយៗរបស់ក្រុមហ៊ុនផ្លូវការត្រូវមានស្តង់ដារគុណភាព និងលក្ខណៈបច្ចេកទេស ស្របតាមស្ថានភាព និងអាកាសធាតុរបស់ប្រទេសនីមួយៗ។ ចំពោះ ម៉ាករថយន្ត GAC គឺមានតែក្រុមហ៊ុន GAC Motor Cambodia តែមួយគត់ដែលបានទទួលសិទ្ធពីក្រុមហ៊ុន GAC Motor ប្រទេសចិន និងបានចុះបញ្ជីនៅក្នុងក្រសួងពាណិជ្ជកម្ម។

ដោយឡែក ក្រុមហ៊ុនមានការព្រួយបារម្ភយ៉ាងខ្លាំងចំពោះផលប៉ះពាល់ដែលបានកើតឡើងក្នុងរយៈពេលកន្លងមកនេះ ដោយអ្នកនាំចូលដែលគ្មានសិទ្ធនាំចូលរថយន្ត GAC GN8 បានបំពានយ៉ាងធ្ងន់ធ្ងរមកលើម៉ាកយីហោមួយនេះ។ ជាក់ស្ដែងក្រុមហ៊ុនផ្លូវការ GAC ទទួលបានព័ត៌មានពីអតិថិជនដែលបានទិញរថយន្ត GAC GN8 ពីអ្នកនាំចូលដែលគ្មានសិទ្ធនាំចូលទាំងនោះ បង្កឲ្យមានផលរំខានអារម្មណ៍ដល់អ្នកប្រើប្រាស់យ៉ាងខ្លាំង ព្រោះ​ថាគាត់បានទិញរថយន្ត GAC GN8 ពីអ្នកនាំចូលមិនផ្លូវការ រថយន្តគ្មានស្តង់ដារត្រឹមត្រូវ បន្ទាប់ពីគាត់បានប្រើប្រាស់រថយន្ត បានជួបនូវបញ្ហារអាក់រអួល Error នៅ លើប្រព័ន្ធ Software និងគ្មានការទទួលខុសត្រូវដោយត្រឹមត្រូវ។

ផលអវិជ្ជមាននេះ វាជាផ្នែកមួយដ៏ធ្ងន់ធ្ងរដែលអាចបំផ្លាញលើម៉ាកយីហោមួយនេះ ដែលធ្វើឲ្យក្រុមហ៊ុន GAC ប្រទេសចិន និងក្រុមហ៊ុនផ្លូវការ GAC នៅកម្ពុជា មិនអាចទទួលយកបាននោះឡើយ និងរឹតតែមិនអាចបណ្ដោយក្រុមអ្នកនាំចូលដែលគ្មានសិទ្ធ បំពានលើម៉ាកសញ្ញានៅក្នុងទីផ្សារ និងម៉ាកយីហោក្រុមហ៊ុនបន្ថែមទៀត។

ក្រុមហ៊ុន GAC កម្ពុជា លើកទឹកចិត្តអតិថិជនដែលមានបំណងចង់ប្រើប្រាស់រថយន្ត GAC GN8 សេរីថ្មី សូមងាកមកជ្រើសរើសរថយន្តដែលនាំចូល-ចែកចាយដោយក្រុមហ៊ុនផ្លូវការ ដែលមានការធានាត្រឹមត្រូវពីរោងចក្រ និងមានតម្លៃសមរម្យ។ សូមជម្រាបជូនថា រថយន្ត GAC GN8 កម្រិត Master (ប្រភេទ Full Options) ដែលនាំចូល-ចែកចាយដោយក្រុមហ៊ុនផ្លូវការ មានតម្លៃពិសេសត្រឹមតែ ៦៥ ០០០ ដុល្លារ ($65,000) តែប៉ុណ្ណោះ។ ទន្ទឹមគ្នានេះ ចំពោះអាជីវករលក់រថយន្តដែលមានបំណងចង់ទិញលក់បន្ត អាចធ្វើការទំនាក់ទំនងផ្ទាល់ជាមួយក្រុមហ៊ុនដើម្បីទទួលបានព័ត៌មានលម្អិតបន្ថែម។

ជាចុងក្រោយ ក្រុមហ៊ុនសូមផ្ដល់នូវការព្រមានជាថ្មី តាមរយៈបណ្ដាញសារពត៌មាន ដើម្បីជូនដំណឹងអ្នកនាំចូលដែលគ្មានសិទ្ធទាំងអស់ឲ្យឈប់ជាបន្ទាន់រាល់ការនាំចូលរថយន្តម៉ាក GAC គ្រប់ម៉ូឌែលទាំងអស់ ជាពិសេសម៉ូឌែល GAC GN8 ហើយប្រសិនបើបន្តបំពានលើសិទ្ធស្របច្បាប់នេះ ក្រុមហ៊ុននឹងអនុវត្តទៅតាមនីតិវិធីច្បាប់នៃព្រះរាជាណាចក្រកម្ពុជា៕ 

អំពីក្រុមហ៊ុន

THH IMPORT EXPORT Co., Ltd ដែលជាក្រុមហ៊ុនបុត្រសម្ព័ន្ធមួយរបស់ TH Group បានទទួលសិទ្ធនាំចូល និងចែកចាយលក់រថយន្ត GAC និងគ្រឿងបន្លាស់រថយន្តផ្តាច់មុខតែមួយគត់ក្នុងព្រះរាជាណាចក្រកម្ពុជា ចាប់តាំងពីឆ្នាំ ២០២០ ពីក្រុមហ៊ុន GAC Motor ដែលជាក្រុមហ៊ុនផលិតរថយន្តគុណភាពខ្ពស់របស់ប្រទេសចិន។

សម្រាប់ព័ត៌មានបន្ថែមអំពីក្រុមហ៊ុន សូមចូលទៅកាន់គេហទំព័រហ្វេសបុកផេកផ្លូវការ GAC Motor Cambodia ឬលេខទំនាក់ទំនងផ្នែកលក់

  • 095 999 029 (KH/ Eng)
  • 095 999 026 (中文)
ផ្ទាំងផ្សាយពាណិជ្ជកម្ម

Toyota បញ្ចេញគំរូឡាន Innova ប្រើអគ្គិសនីសុទ្ធ BEV នៅប្រទេសឥណ្ឌូនេស៊ី

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅគំរូរថយន្តអគ្គីសនីសុទ្ធ Toyota Kajang Innova BEV Concept នៅឯពិព័រណ៍រថយន្ត CN Mobility Show 2025 ដែលកំពុងធ្វើឡើងនៅប្រទេសឥណ្ឌូនេស៊ី ។

Toyota Kajang Innova BEV Concept បំពាក់ដោយម៉ូទ័រអគ្គិសនីចំនួន ១ អាចផលិតកម្លាំងបាន ១៧៩ សេះ និងកម្លាំងរមួល ៧០០ ញ៉ូតុនម៉ែត្រ ផ្គួបជាមួយអាគុយទំហំ ៥៩,៣ គីឡូវ៉ាត់ម៉ោង ខណៈចម្ងាយនៃការបើកបរ មិនមានព័ត៌មានបង្ហាញនៅឡើយទេ ។

សម្រាប់រូបរាង និងការឌីស្សាញផ្នែកខាងក្រៅរបស់រថយន្តប្រភេទ Minivan នេះ មានភាពខុសគ្នាពីម៉ូដែល Innova ដើម ដោយមានប៉ាណាមុខបិទជិត ចង្កៀងមុខ-ក្រោយ LED ឌីស្សាញអូសកាត់ពីផ្នែកម្ខាងដល់ផ្នែកម្ខាង ព្រមទាំងថាសកង់ទំហំ ១៦អ៉ីញ និងទ្វារឃ្លុបក្រោយបើក-បិទដោយថាមពលអគ្គិសនី ។

ចំពោះនៅផ្នែកខាងក្នុងវិញ មានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen រួមទាំងអេក្រង់សម្រាប់អ្នកដំណើរជួរទី ២ និងកន្លែងសាកថ្មឥតប្រើខ្សែផ្តលើជូននៅផ្នែកអ្នកបើកបរ និងផ្នែកជួរទី ២ ផងដែរ ៕

ផ្ទាំងផ្សាយពាណិជ្ជកម្ម

Toyota បញ្ចេញបច្ចេកវិទ្យាសម្រាប់ប្រព័ន្ធ FCEV ជំនាន់ថ្មី តម្លៃទាបជាងមុន និងផ្តល់ចម្ងាយបើកបរបានឆ្ងាយជាងមុន ២០%

[បរទេស] ក្រុមហ៊ុនផលិតរថយន្ត Toyota គ្រោងនឹងធ្វើការដាក់បញ្ចេញជាផ្លូវការនៅ ប្រព័ន្ធកោសិកាប្រេងឥន្ធនៈ (FCEV) ជំនាន់ទី ៣ ថ្មី សម្រាប់រថយន្តប្រើដើរដោយចំហាយទឹក Hydrogen នៅឯពិព័រណ៍ International Hydrogen & Fuel Cell Expo ប្រទេសជប៉ុន ត្រៀមធ្វើឡើងនៅថ្ងៃទី ១៩ ខែកុម្ភៈ ឆ្នាំ ២០២៥ ។

ក្នុងនោះ ក្រុមហ៊ុនផលិតរថយន្តរបស់ប្រទេសជប៉ុនមួយនេះ បានអះអាងថា ប្រព័ន្ធថ្មីនេះ ក្រៅពីមានតម្លៃសមរម្យ ប្រើប្រាស់បានយូរ និងផ្តល់ចម្ងាយបើកបរបានឆ្ងាយជាងមុនដល់ទៅ ២០% ហើយ​ក៏​ប្រើ​បានយូរ​ជាង​ជំនាន់​មុន​ ២ដង​ ​មានភាពធន់ អាចប្រៀបធៀន​នឹង​អាយុកាល​របស់​ម៉ាស៊ីន​ម៉ាស៊ូត។

មិនត្រឹមតែប៉ុណ្ណោះ ប្រព័ន្ធកោសិកាប្រេងឥន្ធនៈជំនាន់ទី ៣ នេះ ក៏ត្រូវបានអភិវឌ្ឍឡើងសម្រាប់ប្រើប្រាស់ទៅលើរថយន្តជាច្រើនប្រភេទ រួមទាំងរថយន្តដឹកអ្នកដំណើរ, រថយន្តពាណិជ្ជកម្ម, កាបាល់ និងរថភ្លើងផងដែរ ។

គួរបញ្ជាក់ផងដែរថា ប្រព័ន្ធកោសិកាឥន្ធនៈថ្មី ត្រូវបានគេរំពឹងថានឹងមកដល់ការជាផ្លូវការឆ្នាំ ២០២៦ នៅទីផ្សារអាមេរិកខាងជើង, អឺរ៉ុប, ចិន និងជប៉ុន ហើយត្រូវបានប្រើប្រាស់ដោយរថយន្តរបស់ក្រុមហ៊ុន BMW និង Toyota ៕

ផ្ទាំងផ្សាយពាណិជ្ជកម្ម

Wuling Zhiguang EV សាកថ្មម្តងជិះបាន ២០១គីឡូម៉ែត្រ ឯតម្លៃលក់ខ្ទង់ ៦ពាន់ដុល្លារប៉ុណ្ណោះ

ក្រុមហ៊ុនផលិតរថយន្តបណ្តាក់ទុនរួមគ្នា​ SGMW បានធ្វើការដាក់ចេញលក់ជាផ្លូវការនូវរថយន្តអគ្គិសនីសុទ្ធ Wuling Zhiguang EV ជំនាន់ថ្មី ប្រភេទទ្វារ ៥ ជាមួយតម្លៃលក់ចាប់ពីខ្ទង់ ៦ ៥៩០ ដុល្លារ ដល់ ៧ ០០០ ដុល្លារ នៅក្នុងទីផ្សារប្រទេសចិន។

Wuling Hongguang Mini EV ដំណើរការដោយម៉ូទ័រអគ្គិសនីចំនួន ១ ប៉ុង ១ FWD អាចផលិតកម្លាំងបាន ៤០ សេះ និងកម្លាំងរមួល ៨៥ ញ៉ូតុនម៉ែត្រ ផ្គួបជាមួយអាគុយទំហំ ១៧,៧គីឡូវ៉ាត់ម៉ោង អាចបើកបរបានចម្ងាយ ២០១ គីឡូម៉ែត្រ នៅពេលសាកថ្មពេញម្តង គាំទ្រការសាកថ្មល្បឿនលឿន អាចសាកបានពី ៣០ ទៅ ៨០ភាគរយ ប្រើរយៈពេល ៣៥ នាទី ប៉ុណ្ណោះ។

រថយន្តអគ្គិសនីសុទ្ធខ្នាតតូចនេះ មានប្រវែងតួខ្លួនសរុប ៣ ៦៨៥ ម.ម ទទឹង ១ ៥៣០ ម.ម កម្ពស់ ១ ៧៦៥ ម.ម ប្រវែងគម្លាតកង់មុខ-ក្រោយ ២ ៦០០ ម.ម និងទទួលបានការរចនារូបរាងថ្មីជាមួយឌីស្សាញរាងមូលជាងមុន បំពាក់ទ្វារចំហៀងធំជាងមុន ចង្កៀងមុខ-ក្រោយប្រភេទ LED ក៏ដូចជាប្រើប្រាស់នីថាសកង់ថ្មីជាដើម និងអាចផ្ទុកទម្ងន់បានដល់ ១ពាន់ជាងគីឡូក្រាម។

ចំពោះនៅខាងក្នុង ទទួលអេក្រង់កុងទ័រព័ត៌មានទំហំ ៤,២អ៊ីញ កៅអីចំនួន ៤ ឧបករណ៍បំពងសម្លេងចំនួន ២ ចំនុច និងប្រព័ន្ធជំនួយការបើកបរ និងប្រព័ន្ធសុវត្ថិភាពមួយចំនួនផងដែរ៕

ផ្ទាំងផ្សាយពាណិជ្ជកម្ម

BMW X3 ជម្រើសតួវែងផលិតនៅចិនប្រកាសចេញជាផ្លូវការ មានតម្លៃទាបជាង​នៅ​អាល្លឺម៉ង់ខ្ទង់ ១៥ ០០០ដុល្លារ

ក្រុមហ៊ុនផលិតរថយន្ត BMW បានប្រកាសដាក់បង្ហាញចេញជាផ្លូវការនូវរថយន្ត BMW X3 ជម្រើសតួវែងផលិតនៅប្រទេសចិន ជាមួយតម្លៃលក់ចាប់ពី ៤៨ ០០០ ដុល្លារ ពោលគឺមានតម្លៃលក់ទាប់ជាង BMW X3 ដែលដាក់លក់នៅក្នុងប្រទេសអាល្លឺម៉ង់ចំនួន ១៤ ២៥០ ដុល្លារ។

ចំពោះរថយន្តនេះ មានប្រវែងតួខ្លួនសរុប ៤ ៨៦៥ ម.ម ទទឹង ១ ៩២០ ម.ម កម្ពស់ ១ ៦៦៤ និងប្រវែងគម្លាតកង់មុខ-ក្រោយ ២ ៩៧៥ ម.ម ដំណើរការដោយ៖

  • សម្រាប់ជម្រើស ២៥ លីត្រ, ប្រើម៉ាស៊ីន ២,០ លីត្រ Turbocharged ទំហំ ៤សុីឡាំង អាចផលិតកម្លាំងបាន ១៨៨ សេះ និងកម្លាំងរមួល ៣១០ ញ៉ូតុនម៉ែត្រ ភ្ជាប់ជាមួយប្រអប់លេខស្វ័យប្រវត្តិ ZF ចំនួន ៨ វគ្គ និងប្រព័ន្ធបើកបរប៉ុង ២ (xDrive 4WD) ជាន់ស្ទុះពី ០ ទៅ ១០០គ.ម/ម៉ោង ប្រើពេល ៨,៩វិនាទី។
  • សម្រាប់ជម្រើស ៣០លីត្រ, ប្រើម៉ាស៊ីន ២,០ លីត្រ Turbocharged ទំហំ ៤សុីឡាំង អាចផលិតកម្លាំងបាន ២៥៥ សេះ និងកម្លាំងរមួល ៤០០ ញ៉ូតុនម៉ែត្រ ភ្ជាប់ជាមួយប្រអប់លេខស្វ័យប្រវត្តិ ZF ចំនួន ៨ វគ្គ និងប្រព័ន្ធបើកបរប៉ុង ២ (xDrive 4WD) ជាន់ស្ទុះពី ០ ទៅ ១០០គ.ម/ម៉ោង ប្រើពេល ៦,៦វិនាទី។

សម្រាប់ការរចនាផ្នែកខាងក្រៅ មានការរចនាជាមួយភាសារចនាចុងក្រោយបង្អស់របស់ BMW ពោលគឺមានផ្នែកខាងមុខធំ និងភ្លឺចែងចាំង អមជាមួយទ្វារដៃប្រភេទ flush door handles ថាសកង់ស្ព័រទំហំ ១៩ និង ២០ អ៊ីញ និងប្រើប្រាស់នូវចង្កៀងក្រោយរាងអក្សរ X ។

ចំណែកផ្នែកខាងក្នុងវិញ រថយន្តនេះ ទទួលបានអេក្រង់ភ្លោះទំហំ ១២,៣ និង ១៤,៩ អ៊ីញ កន្លែងសាកថ្មទូរស័ព្ទឥតខ្សែ ដំបូល sunroof កាមេរ៉ាចំនួន ៥ និង ៦ គ្រាប់ រ៉ាដា ultrasonic ចំនួន ១២ចំណុច កៅអីខាងមុខមានមុខងារកំដៅ និងឧបករណ៍បំពងសម្លេងចំនួន ៦ចំនុច ឧបករណ៍បំពងសំឡេង HarmanKardon ចំនួន ១២ គ្រាប់ ភ្លើងលម្អ sky lounge កៅអីស្ព័រ អេក្រង់ HUD រួមជាមួយនឹងប្រព័ន្ធ ADAS ឆ្លាតវៃជាច្រើនទៀតផងដែររួមមាន lane change assistance និង adaptive headlights (អាស្រ័យលើជម្រើស និង Option)៕

ផ្ទាំងផ្សាយពាណិជ្ជកម្ម

BYD បើកទទួលកក់រថយន្ត ២ម៉ូដែល តម្លៃចាប់ពីជាង ២ម៉ឺនដុល្លារស្តើង និងត្រៀមបង្ហាញវត្តមានផ្លូវការនៅកម្ពុជា

ថ្ងៃទី ១៤ ខែកុម្ភៈ ឆ្នាំ ២០២៤ ភ្នំពេញ កម្ពុជា–ក្រុមហ៊ុនផលិតរថយន្តអគ្គិសនីឈានមុខគេលំដាប់ពិភពលោក BYD បានសហការជាមួយ Harmony Auto ដែលជាអ្នកចែកចាយផ្តាច់មុខនៅកម្ពុជា ដើម្បីប្រកាសជាផ្លូវការអំពីការPre-orderនិងចន្លោះតម្លៃPre-order នៃម៉ូឌែលថ្មីចំនួនពីរ BYD Sealion 5 និង ATTO 2។

ចាប់ពីថ្ងៃនេះតទៅ អតិថិជនអាចកក់រថយន្តតាមរយៈអ្នកចែកចាយផ្លូវការ Harmony Auto ដើម្បីទទួលបានបទពិសោធន៍បច្ចេកវិទ្យារថយន្តអគ្គិសនីដ៏ឈានមុខគេ និងបទពិសោធន៍បើកបរដ៏អស្ចារ្យពី BYD។

ការប្រកាសតម្លៃ​Pre-order – តម្លៃដ៏ល្អម្រាប់អតិថិជន

តម្លៃនៃម៉ូដែលទាំងពីរដែលដាក់Pre-order ស្ថិតក្នុងចន្លោះពី៖

BYD Sealion 5: មានតម្លៃលក់ចាប់ពី 26,XXX – 28,XXX ដុល្លារ

BYD ATTO 2: មានតម្លៃលក់ចាប់ពី 21,XXX – 23,XXX ដុល្លារ

ម៉ូឌែលទាំងពីរបានបង្ហាញខ្លួនជាមួយតម្លៃប្រកួតប្រជែងល្អខ្លាំង ដើម្បីផ្តល់ជម្រើស តម្លៃប្រកួតប្រជែងកាន់តែប្រសើរជាងមុនសម្រាប់អតិថិជនកម្ពុជា ។

ការបង្ហាញខ្លួនដំបូងនៅពិព័រណ៍រថយន្តខែមីនា – កុំភ្លេចចូលរួម!

BYD Sealion 5 និង ATTO 2 នឹងបង្ហាញខ្លួនជាផ្លូវការនៅ ពិព័រណ៍រថយន្ត Sen Sok ដែលនឹងប្រារព្ធឡើងថ្ងៃទី ១-២ ខែមីនា ឆ្នាំ ២០២៤ ។

អតិថិជននឹងមានឱកាសឃើញដោយផ្ទាល់នូវការរចនាដ៏ទាក់ទាញ និងបច្ចេកវិទ្យានិងការឆ្នៃប្រឌិតឈានមុខគេពី BYD។ សូមអញ្ជើញមកទស្សនា និងដើម្បីជាសក្ខីភាពនៃពេលវេលាដ៏រំភើបមួយនេះ។

ខ្លាំងជាងគេក្នងកម្រិតតែមួយ ​តម្លៃប្រកួតប្រជែងល្អដាច់គេ!

🚗 BYD Sealion 5: ជាប្រភេទម៉ូឌែលរថយន្តដែលបំពាក់ដោយបច្ចេកវិទ្យា DMI Super Hybrid ដែលអាចបើកបរដោយប្រើសាំងក៏បាន អគ្គិសនីក៏បាន។ អាចបើកបរបាន ឆ្ងាយដូចរថយន្តប្រើសាំង សន្សំសំចៃដូចរថយន្តអគ្គិសនី ។ មិនថាជាការធ្វើដំណើរក្នុងទីក្រុង ឬការធ្វើដំណើរឆ្ងាយនោះទេ Sealion 5 អាចផ្តល់ឱ្យអ្នកប្រើប្រាស់នូវការរួមបញ្ចូលគ្នាដ៏ល្អឥតខ្ចោះនៃថាមពលដ៏ខ្លាំងក្លា និងការប្រើប្រាស់សាំងទាបបំផុតដោយលែងបារម្ភពីការបើកបរផ្លូវឆ្ងាយ។

⚡ BYD ATTO 2: ជាប្រភេទម៉ូឌែលរថយន្តអគ្គិសនីសុទ្ធ ដែលមានសមត្ថភាពបើកបរបានឆ្ងាយ មានបច្ចេកវិទ្យាឆ្លាតវៃ និងការរចនាទាន់សម័យ ក្លាយ​ជា​គោល​ដៅ​ក្នុងចំណោមរថយន្ត​កម្រិតតែមួយ ។ វា​មិន​ត្រឹម​តែ​មាន​សមត្ថភាព​ខ្លាំង​ប៉ុណ្ណោះ​ទេ ប៉ុន្តែ​វា​ក៏​ជួយ​សន្សំ​សំចៃដល់អតិថិជនយ៉ាងច្រើន។

កាន់តែធំ កាន់តែខ្លាំង កាន់តែសន្សំសំចៃ តម្លៃប្រកួតប្រជែងកាន់តែល្អ

នៅកម្រិតទីផ្សារតែមួយ ម៉ូឌែលទាំងពីរនេះ ជាជម្រើសដ៏ល្អសម្រាប់អ្នកប្រើប្រាស់ដោយមានទំហំធំជាងមុន កំលាំងខ្លាំងជាងមុន សន្សំសំចៃជាងមុននិងតម្លៃប្រកួតប្រជែងល្អ, មិនថាការធ្វើដំណើរលក្ខណៈគ្រួសារ ឬការបើកបរផ្ទាល់ខ្លួន Sealion 5 និង ATTO 2 អាចបំពេញតម្រូវការជាច្រើនរបស់អ្នកប្រើប្រាស់សម្រាប់ ទំហំខាងក្នុង សមត្ថភាព សន្សំសំចៃ និងគុណភាព ដោយកំណត់ឡើងវិញនូវស្តង់ដារសម្រាប់រថយន្តអគ្គិសនី ។

ម៉ូឌែលរថយន្តជាប់ក្នុងតារាងកំពូល  Pre-order​​​ ក្នុងតម្លៃពិសេស!

ក្នុងនាមជារថយន្តអគ្គិសនីក្នុងតារាងកំពូលដ៏សំខាន់នាពេលអនាគតរបស់ BYD, Sealion 5 និង ATTO 2 បន្តជំរុញការអភិវឌ្ឍន៍ទីផ្សាររថយន្តអគ្គិសនីរបស់កម្ពុជា ជាមួយនឹងកម្លាំងបច្ចេកវិទ្យាឈានមុខគេ និងកំលាំងផលិតផលដ៏ល្អឥតខ្ចោះ។ លើកនេះ BYD បានសហការជាមួយក្រុមហ៊ុន Harmony Auto ដើម្បីផ្តល់ឱ្យអ្នកប្រើប្រាស់កម្ពុជានូវការបញ្ចុះតម្លៃជាមុន និងចេញតម្លៃកានតែប្រកួតប្រជែងបន្ថែមទៀត ដែលអនុញ្ញាតឱ្យអ្នកប្រើប្រាស់កាន់តែច្រើនអាចក្លាយជាមនុស្សដំបូងគេដែលបានទទួលបទពិសោធន៍បច្ចេកវិទ្យារថយន្តអគ្គិសនី BYD ដ៏ឈានមុខគេលើពិភពលោក។

កូតានៃការ Pre-orderមានចំនួនកំណត់ ចាប់យកឱកាសនេះអោយបានទាន់ពេល ដោយកក់ពីឥឡូវនេះទៅ!

ធានារយៈពេលវែងរហូតដល់ ៨ ឆ្នាំ ឬ ១៦០ ០០០ គីឡូម៉ែត្រ,  ប្រើប្រាស់រថយន្តដោយគ្មានការបារម្ម

BYD ផ្តល់នូវការធានាបន្ថែមរយៈពេល  ៨ឆ្នាំ ឬ ១៦០ ០០០ គីឡូម៉ែត្រ សម្រាប់ Sealion 5 និង ATTO 2 ដែលគ្របដណ្តប់យ៉ាងពេញលេញនូវគ្រឿងបន្លាស់ស្នូល និងធានាថាអតិធិជនអាចប្រើប្រាស់យានយន្តដោយគ្មានការព្រួយបារម្ភ។ គោលការណ៍ធានានេះមិនត្រឹមតែឆ្លុះបញ្ចាំងពីទំនុកចិត្តរបស់ BYD លើគុណភាពផលិតផលប៉ុណ្ណោះទេ ប៉ុន្តែថែមទាំងបង្ហាញពីការប្តេជ្ញាចិត្តរយៈពេលវែងរបស់ម៉ាកយីហោ និងសេវាកម្មប្រកបដោយការគិតគូរដល់អ្នកប្រើប្រាស់ផងដែរ។

សម្រាប់ព័ត៌មានលម្អិត សូមចូលទៅកាន់បណ្តាញផ្លូវការរបស់ BYD ដើម្បីពិគ្រោះយោបល់!

តម្លៃផ្លូវការរបស់ BYD Sealion 5 និង ATTO 2 នឹងត្រូវបានប្រកាសនៅថ្ងៃទី ៥ ខែមីនា ឆ្នាំ ២០២៤។ ក្នុងនាមជាភ្នាក់ងារ និងអ្នកចែកចាយផ្តាច់មុខរបស់ BYD នៅកម្ពុជា Harmony Auto មានភ្នាក់ងារ និងសិទ្ធិចែកចាយផ្តាច់មុខដែលទទួលស្គាល់ដោយរាជរដ្ឋាភិបាល ហើយនឹងផ្តល់ឱ្យអ្នកប្រើប្រាស់នូវសេវាកម្មប្រឹក្សាការទិញរថយន្តយ៉ាងពេញលេញ និងការមានការគាំទ្រសេវាកម្មក្រោយពេលលក់។

អតិថិជនអាចទៅកាន់ BYD Showroom ដែលទទួលសិទ្ធិពី Harmony Auto នៅទីតាំងខាងក្រោមសម្រាប់ការប្រឹក្សា ឬកក់រថយន្ត៖

  • 1. BYD 6A Chroy Changva 4S Center (100m from Chroy Changva Bridge)
  • 2.BYD City Mall Showroom (Street 217, opposite City Mall Market)
  • 3. BYD Chip Mong Mall 271 Showroom (Street 271, 2nd Floor, Chip Mong Shopping Mall)
  • 4.BYD Monivong Showroom (Street 93, corner of Street 322, Boeung Keng Kang 1)
  • 5. BYD Chbar Ampov NR1 Showroom (National Road No.1, 16f, Street 361, Phnom Penh)
  • 6. BYD ORKIDE Showroom (Street 2004, Sleng Roleung Village, Ou Baek K’am, Sen Sok District)
ផ្ទាំងផ្សាយពាណិជ្ជកម្ម

Wuling Hongguang Mini EV សាកថ្មម្តងជិះបាន ២០៥គីឡូម៉ែត្រ ឯតម្លៃលក់ខ្ទង់ ៥ពាន់ដុល្លារប៉ុណ្ណោះ

[បរទេស] ក្រុមហ៊ុនផលិតរថយន្តបណ្តាក់ទុនរួមគ្នា​ Wuling-GM គ្រោងនឹងធ្វើការដាក់ចេញលក់ជាផ្លូវការនៅរថយន្តអគ្គិសនីសុទ្ធ Wuling Hongguang Mini EV ជំនាន់ថ្មី ប្រភេទទ្វារ ៥ ដែលមានតម្លៃលក់ខ្ទង់ ៥ ៤៧៥ ដុល្លារ នៅថ្ងៃទី២២ ខែកុម្ភៈ ឆ្នាំ ២០២៥ ក្នុងទីផ្សារប្រទេសចិន។

Wuling Hongguang Mini EV ត្រូវបានផលិតឡើងនៅលើគ្រោងឆ្អឹងធ្វើអំពីដែក ផ្តល់នៅភាពរឹងមាំជាងមុន ៦៧% ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ៤០ សេះ ផ្គួបជាមួយអាគុយទំហំ ១៦,២គីឡូវ៉ាត់ម៉ោង អាចបើកបរបានចម្ងាយ ២០៥ គីឡូម៉ែត្រ នៅពេលសាកថ្មពេញម្តង ដោយការសាកថ្មល្បឿនលឿន បានពី ៣០-៨០% ប្រើរយៈពេល ៣៥ នាទី ។

រថយន្តអគ្គិសនីសុទ្ធខ្នាតតូចនេះ មានប្រវែងតួខ្លួនសរុប ៣ ២៥៦ ម.ម ទទឹង ១ ៥១០ ម.ម កម្ពស់ ១ ៥៧៨ ម.ម ប្រវែងគម្លាតកង់មុខ-ក្រោយ ២ ១៩០ ម.ម និងទទួលបានការរចនារូបរាងថ្មីជាមួយឌីស្សាញរាងមូលជាងមុន បំពាក់ទ្វារចំហៀងធំជាងមុន ចង្កៀងមុខ-ក្រោយប្រភេទ LED  ក៏ដូចជាប្រើប្រាស់នីថាសកង់ថ្មីជាដើម ។

ចំពោះនៅខាងក្នុង គឺទទួលបានការអាប់ឌែតថ្មីទៅលើអេក្រង់កម្សាន្តទំហំ ៨អ៊ីញ និងអេក្រង់បង្ហាញព៌ត័មានឌីជីថលទំហំ ៧អ៊ីញ អាចផ្ទុកបាន ៧៤៥ លីត្រននៅពេលបត់កៅអីជួរទី ២ ចុះក្រោម ព្រមទាំងមានកន្លែងផ្ទុក ១៩ ទីតាំង ៕

ផ្ទាំងផ្សាយពាណិជ្ជកម្ម

Chevrolet បញ្ចេញឡានអគ្គិសនីសុទ្ធ EV ថ្មី នៅប្រទេសប្រេស៊ីល

[បរទេស] ក្រុមហ៊ុនផលិតរថយន្ត Chevrolet បានធ្វើការដាក់បង្ហាញចេញនៅរថយន្តអគ្គីសនីសុទ្ធ Chevrolet Spark EUV ប្រភេទ Urban SUV ក្នុង​អំឡុង​ពេល​ព្រឹត្តិការណ៍​អបអរ​គម្របខួប​ ១០០ ឆ្នាំ​របស់ Chevrolet នៅ​ក្នុង​ទីផ្សារ​ប្រទេស​ប្រេស៊ីល ខណៈតម្លៃលក់មិនទាន់បង្ហាញនៅឡើយទេ ។

Chevrolet Spark EUV អាចនឹងបំពាក់ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ១០១ សេះ និងអាគុយទំហំ ៤១,៩ គីឡូវ់ាត់ម៉ោង អាចបើកបរបានចម្ងាយ ២៤៩ គីឡូម៉ែត្រ នៅពេលសាកថ្មពេញម្តង ។

រថយន្តនេះ គឺត្រូវបានប្តូរឈ្មោះថាចេញពីរថយន្ត Baojun Yep Plus ដែលផលិតរួមគ្នារវាងក្រុមហ៊ុន SAIC-GM-Wuling ដោយរក្សាការរូបរាង និងឌីស្សាញ រួមទាំងផ្នែកខាងក្នុង នៅដដែល គ្រាន់តែប្តូរដាក់ឡូហ្គោ Chevrolet ប៉ុណ្ណោះ ។

សម្រាប់គ្រឿងបរិក្ខាដែលបំពាក់នៅលើរថយន្តនេះ រួមមាន ចង្កៀងមុខ-ក្រោយប្រភេទ LED ,ដំបូល roof rack, ថាសកង់ស្ព័រ ក៏ដូចជាអេក្រង់កំសាន្ត touchscreen ទំហំ ១០,២ អ៉ីញ ជាដើម ។ លើសពីនេះ ក៏បានភ្ជាប់មកជាមួយប្រព័ន្ធជំនួយការអ្នកបើកបរ ADAS ផងដែរ ៕

ផ្ទាំងផ្សាយពាណិជ្ជកម្ម

Mazda ប្រកាសបណ្តាក់ទុនចំនួន ១៥០ លានដុល្លារ នៅក្នុងប្រទេសថៃ ដើម្បីផលិតរថយន្តអគ្គិសនីខ្នាតតូចប្រភេទ SUV

ក្រុមហ៊ុន Mazda Motor Corp បានប្រកាសជាផ្លូវការថា ពួកគេនឹងបណ្តាក់ទុនចំនួន ៥ ពាន់លានបាត ឫ ១៥០ លានដុល្លារ នៅក្នុងប្រទេសថៃ ដើម្បីផលិតរថយន្តអគ្គិសនីខ្នាតតូចប្រភេទ SUV ។ នេះបើយោងតាមក្រុមប្រឹក្សាភិបាលនៃការវិនិយោគរបស់ប្រទេសថៃ (BOI) បាននិយាយកាលពីថ្ងៃព្រហស្បតិ៍។

ក្នុងនោះ ក្រុមប្រឹក្សាភិបាលនៃការវិនិយោគរបស់ប្រទេសថៃ (BOI) បាននិយាយថា ការវិនិយោគរបស់ក្រុមហ៊ុន Mazda Motor Corp គឺដើម្បីគាំទ្រដល់ការលក់រថយន្តក្នុងស្រុកថៃផ្ទាល់ និងការនាំចេញទៅកាន់ប្រទេសជប៉ុន និងប្រទេសដទៃទៀតក្នុងតំបន់អាស៊ាន ដោយកំណត់គោលដៅផលិតកម្មចម្បង ១០០ ០០០ គ្រឿងក្នុងមួយឆ្នាំ នេះបើយោងតាមសម្តីរបស់ប្រធានក្រុមហ៊ុន Mazda លោក Moro Masahiro ។

គួរឲដឹងថា ការលក់រថយន្តអគ្គិសនី (EV) នៅក្នុងប្រទេសថៃ ដែលជាទីផ្សាររថយន្ត EV ដ៏ធំបំផុតនៅក្នុងតំបន់អាស៊ីអាគ្នេយ៍ ត្រូវបានគេព្យាករណ៍ថានឹងកើនឡើង ៤០ភាគរយ នៅក្នុងឆ្នាំ ២០២៥ នេះ៕

ផ្ទាំងផ្សាយពាណិជ្ជកម្ម
1...717273...1,017ទំព័រ 72 នៃ 1,017

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com