Mitsubishi បញ្ចេញរថយន្ត SUV ម៉ូដែលថ្មី តម្លៃជិត ៤ម៉ឺនដុល្លារ

July 2, 2025

[បរទេស] ក្រុមហ៊ុនផលិតរថយន្ត Mitsubishi បានធ្វើការដាក់បញ្ចេញជាផ្លូវការថា រថយន្ត Mitsubishi Grandis ស៊េរីឆ្នាំ ២០២៥ ប្រភេទ SUV ប្រើថាមពលកូនកាត់ Hybrid សម្រាប់លក់នៅទីផ្សារអឺរ៉ុប ហើយគ្រោងនឹងចេញលក់នៅចុងឆ្នាំ ២០២៥ ឬដើមឆ្នាំ ២០២៦ ជាមួយតម្លៃលក់ចាប់ពី ៣៩ ១៥៥ ដុល្លារ ។

សម្រាប់រថយន្ត Mitsubishi Grandis ថ្មីនេះ ត្រូវបានផលិតឡើងនៅលើគ្រោងឆ្អឹង CMF-B platform ផ្តល់នៅជម្រើសម៉ាស៊ីន Hybrid ចំនួន ២ រួមមាន៖

ប្រព័ន្ធ Mild-hybrid ធ្វើការជាមួយម៉ាស៊ីនសាំងចំណុះ ១,៣ លីត្រ ជំនួយដោយ Turbocharged អាចផលិតកម្លាំងបាន ១៤០ សេះ ភ្ជាប់ដោយប្រអប់លេខដៃ ៦វគ្គ ឬប្រអប់លេខអូតូ ៧វគ្គ ប្រភេទ dual-clutch
ប្រព័ន្ធ full-hybrid ធ្វើការជាមួយម៉ាស៊ីនសាំងចំណុះ ១,៨ លីត្រ និងម៉ូទ័រអគ្គិសនី ១ អាចផលិតកម្លាំងបានសរុប ១៦០ សេះ ភ្ជាប់ដោយប្រអប់លេខដៃ ៦វគ្គ ឬប្រអប់លេខអូតូ ៧វគ្គ ប្រភេទ dual-clutch ភ្ជាប់ដោយប្រអប់លេខអូតូ ។

រថយន្តនេះ មានប្រវែងតួខ្លួនសរុប ៤ ៤១០ ម.ម ទទឹង ១ ៧៩០ ម.ម កំពស់ ១ ៥៧០ ម.ម និងប្រវែងគម្លាតកង់មុខ-ក្រោយ ២ ៦៣៨ ម.ម ។ សម្រាប់ផ្នែកខាងក្រៅ ទទួលបានការផ្លាស់ប្តូររូបរាងថ្មីទាំងស្រុង ដោយបានប្រើប្រាស់ភាសារចនា Mitsubishi Dynamic Shield ជាមួយប៉ាណាមុខទំហំធំ ចង្កៀងមុខ-ក្រោយប្រភេទ LED ព្រមទាំងថាសកង់ស្ព័រទំហំ ១៧អ៉ីញជាដើម ។

ចំពោះនៅផ្នែកខាងក្នុង ទទួលបានកុងទ័របង្ហាញព័ត៌មានឌីជីថលទំហំ ១០អ៉ីញ និងអេក្រង់កំសាន្ត touchscreen ទំហំ ១០,៤ អ៉ីញ អាចប្រើមុខងារ Apple CarPlay/Android Auto រួមទាំងឧបករណ៍បំពងសំឡេងម៉ាក Harman Kardon និងប្រព័ន្ធជំនួយការអ្នកបើកបរ ADAS កម្រិតខ្ពស់ ដែលបញ្ចូលរដល់ទៅ ២០មុខងារឯណ្ណោះ ៕

ផ្ទាំងផ្សាយពាណិជ្ជកម្ម

Tesla Model 3 ស៊េរីថ្មីចុងក្រោយ អាប់ដេតបន្ថែម ជិះបានឆ្ងាយជាងមុន ឯតម្លៃក៏ថ្លៃជាងមុន

July 1, 2025

[បរទេស] ក្រុមហ៊ុនផលិតរថយន្ត Tesla បានធ្វើការអាប់ដេតបន្ថែមពាក់កណ្តាលឆ្នាំ ទៅលើរថយន្តអគ្គិសនីសុទ្ធ Tesla Model 3 ស៊េរីថ្មីចុងក្រោយ ម៉ូដេល Long-range AWD សម្រាប់នៅទីផ្សារប្រទេសចិន ជាមួយតម្លៃលក់ ៣៩ ៩០០ ដុល្លារ ថ្លៃជាងមុន ១ ៤០០ ដុល្លារ ។

សម្រាប់ការអាប់ដេតបន្ថែមទៅលើរថយន្តអគ្គិសនីសុទ្ធ Tesla Model 3 Long-range AWD ថ្មីនេះ បានបន្ថែមនៅចម្ងាយបើកបរបានឆ្ងាយជាងមុន ៤០គីឡូម៉ែត្រ ពោលគឺសាកថ្មពេញម្តង អាចបើកបរបានចម្ងាយ ៧៥៣ គីឡូម៉ែត្រ ដោយពីមុនបានត្រឹម ៧១៣ គីឡូម៉ែត្រ ខណៈទំហំនៃកញ្ចប់អាគុយនៅដដែល គឺប្រើអាគុយទំហំ ៧៨.១ គីឡូវ៉ាត់ម៉ោង និងអាចរត់ស្ទុះពីកុងទ័រ ០-១០០ គីឡូម៉ែត្រ/ម៉ោង ប្រើពេល ៣,៨ វិនាទី ខណៈពីមុខប្រើពេល ៤,៤ វិនាទី ចេញពីម៉ូទ័រអគ្គិសនីចំនួន ២ ។

គួរឲ្យដឹងថា មិនត្រឹមតែរថយន្តអគ្គីសនីសុទ្ធ Tesla Model 3 ម៉ូដេល Long-range AWD ដែលបានទទួលបានការអាប់ដេតនោះទេ ក្នុងនោះរថយន្ត Tesla Model Y Juniper ស៊េរីថ្មីចុងក្រោយ ម៉ូដែល Long-range AWD ក៏បានអាប់ដេតបន្ថែមដូចគ្នា ដែលអាចបើករបានចម្ងាយឆ្ងាយជាងមុន ដោយពីមុនបានត្រឹម ៧១៩ គីឡូម៉ែត្រ ដោយបច្ចុប្បន្នអាចបើកបាន ៧៥០ គីឡូម៉ែត្រ ឯតម្លៃលក់មិនមានការផ្លាសប្តូរនោះទេ ៕

ផ្ទាំងផ្សាយពាណិជ្ជកម្ម

MG បញ្ចេញឡាន EV ថ្មីរបស់ខ្លួន ត្រៀមដាក់លក់នៅចុងឆ្នាំនេះ!

July 1, 2025

ទីបំផុត! ក្រុមហ៊ុនផលិតរថយន្ត MG បានធ្វើការដាក់ចេញជាផ្លូវការនូវរថយន្តអគ្គិសនី MG4 ថ្មីរបស់ខ្លួនហើយ ហើយគ្រោងនឹងប្រកាសចេញលក់នៅក្នុងខែកញ្ញាខាងមុខនេះ នៅក្នុងទីផ្សារប្រទេសចិន។

រថយន្តនេះ មានប្រវែងតួខ្លួនសរុប ៤ ៣៩៥ ម.ម ទទឹង ១ ៨៤២ ម.ម កម្ពស់ ១ ៥៥១ ម.ម និងប្រវែងគម្លាតកង់មុខ-ក្រោយ ២ ៧៥០ ម.ម ដំណើរការដោយម៉ូទ័រអគ្គិសនីចំនួន ១ ប៉ុង ១ (RWD) ផលិតកម្លាំងបាន ១៦១សេះ ផ្គួបជាមួយកញ្ចប់ថ្ម LFP (តួលេខទំហំថ្ម និងចម្ងាយមិនត្រូវបានគេបង្ហាញទេ) មានល្បឿនអតិបរមា ១៦០ គីឡូម៉ែត្រក្នុងមួយម៉ោង។

សម្រាប់ការឌីស្សាញផ្នែកខាងក្រៅ MG4 ទទួលបាននូវការរចនាជាមួយប៉ាណាបិទជិត ចង្កៀងមុខរាងស្លីម ចង្កៀងក្រោយប្រភេទ LED លេងការឌីស្សាញអូសកាត់ពីផ្នែកម្ខាងទៅម្ខាង ក៏ដូចជារូបរាងដ៏ស្ព័រជាមួយនឹងការរចនាដំបូលលយចេញមកខាងក្រៅ និងថាសកង់ទំហំ ១៧អ៊ីញ ជាដើម។ ចំពោះនៅផ្នែកខាងក្នុងវិញ នឹងទទួលបាននូវប្រព័ន្ធកាប៊ីនឆ្លាតវៃដែលបង្កើតឡើងដោយក្រុមហ៊ុន Oppo ។

គួរបញ្ជាក់ថា ក្រៅពីការបង្ហាញចេញនូវរថយន្តសេរ៊ីថ្មីនេះ ក្រុមហ៊ុន MG ផ្ទាល់ក៏គ្រោងនឹងបញ្ចេញនូវរថយន្តអគ្គិសនីចំនួន ១៣ម៉ូឌែល ផ្សេងទៀត នៅទូទាំងពិភពលោកក្នុងរយៈពេល ២ ឆ្នាំខាងមុខ ផងដែរ ដែលរថយន្តទាំងនេះគឺត្រូវបានវិនិយោគប្រមាណដល់ទៅ ១០០ ពាន់លានយន់ ឬ ១៤ ពាន់លានដុល្លារ ឯណ្ណោះ៕

ផ្ទាំងផ្សាយពាណិជ្ជកម្ម

ភីកអាប់ចិន LDV Terron 9 ដាក់លក់នៅអូស្រ្ដាលីក្នុងតម្លៃ៥មុឺនដុល្លារ

July 1, 2025

រថយន្តភីកអាប់ LDV Terron 9 ត្រូវបានដាក់លក់នៅប្រទេសអូស្រ្ដាលីជាមួយតម្លៃចាប់ពី ៥០ ៩០០ ដុល្លារ សម្រាប់អ្នកដែលមាន ABN (លេខសម្គាល់ពាណិជ្ជកម្ម) សម្រាប់អ្នកទិញឯកជនទូទៅ មានតម្លៃ ៥៣ ៦៤៧ដុល្លារ។

ក្រុមហ៊ុន LDV គឺជាម៉ាកយីហោមួយជាកម្មសិទ្ធិរបស់ SAIC Motor ជាក្រុមហ៊ុនផលិតរថយន្តដ៏ធំមួយរបស់ចិន។ LDV Terron 9 ដំណើរដោយម៉ាស៊ីនម៉ាស៊ូត ទំហំ៤ស៊ីឡាំង ចំណុះ ២.៥លីត្រ Turbo អាចផលិតកម្លាំង ២១៨សេះ និងកម្លាំងបង្វិល ៥២០ញ៉ូតុនម៉ែត្រ រួមជាមួយប្រអប់លេខអូតូ ៨វគ្គ ដំណើរដោយប៉ុង២ មានសមត្ថភាពអូសណ្ដោងបាន ៣ ៥០០គីឡូក្រោមនិងដឹកបានទម្ងន់ចន្លោះពី ១ ០០៥ ទៅ ១ ១០០គូីឡូក្រោម។

ចំពោះកម្រិតសុីប្រេង រថយន្តភីកអាប់ LDV Terron 9 សុីប្រេងចំនួន ៧.៩លីត្រ ក្នុង១០០គីឡូម៉ែតត្រ។ សម្រាប់ទំហំរូបរាងនៅផ្នែកខាងក្រៅរថយន្ដនេះមានប្រវែងតួខ្លួនសរុប ៥ ៥០០មម ទទឹង ១ ៩៩៧មម កម្ពស់ ១ ៨៧៤មម និងគម្លាតកង់មុខក្រោយ ៣ ៣០០មម។

នៅផ្នែកខាងក្នុងរថយន្ដបានបំពាក់មកជាមួយ អេក្រង់កុងទ័រជីថលទំហំ ១២.៣ អុីញ, អេក្រង់កម្សាន្ត touchscreen ទំហំ ១២.៣ អុីញ មុខងារ Apple CarPlay និង Android Auto ឥតខ្សែ, កៅអីស្រោបដោយស្បែក (Cloth upholstery) កៅអីជាប្រភេទកៅចុចអូតូអាចបញ្ជា៦រប្រៀប, ឧបករណ៍បំពងសម្លេងចំនួន៤គ្រាប់។

បន្ថែមពីនេះរថយន្ដនេះក៏បំពាក់មកជាមួយប្រព័ន្ធ (blind spot monitoring), ប្រព័ន្ធរក្សាគន្លងផ្លូវ (lane keep assist), និងកាមេរ៉ា ៣៦០ដឺក្រេ, ចង្កៀងមុខ Bi-LED មានមុខងារទម្កាក់និងតំឡើងភ្លើងដោយស្វ័យប្រវត្តិនិងកញ្ចក់ជូតទឹកស្វ័យប្រវត្តិពេលមានភ្លៀង (Rain-sensing wipers)។

LDV ក៏ផ្ដលល់ជូននូវជម្រើសកំពូលគឺរថយន្ត Terron 9 Evolve ជាម៉ូឌែលកំពូល បំពាក់ជាមួយប្រព័ន្ធសំឡេង Premium និងកៅអីកម្ដៅ និងខ្យល់ចេញចូល មានតម្លៃចាប់ពី ៥៥ ៩៩០ ដុល្លារ (drive-away) សម្រាប់អ្នកដែលមាន ABN (លេខសម្គាល់ពាណិជ្ជកម្ម) សម្រាប់អ្នកទិញឯកជន ទូទៅមានតម្លៃ ៥៨ ៩៣៧ ដុល្លារ៕

ផ្ទាំងផ្សាយពាណិជ្ជកម្ម

MG5 ស៊េរីថ្មីចុងក្រោយ ដាក់លក់ជាផ្លូវការ ឯតម្លៃអត់ដល់ ១ម៉ឺនដុល្លារ

July 1, 2025

[បរទេស] ក្រុមហ៊ុនផលិតរថយន្ត MG បានធ្វើការដាក់ចេញលក់ជាផ្លូវការនៅរថយន្ត MG5 ស៊េរីឆ្នាំ ២០២៦ ទទួលបានការធ្វើឲ្យប្រសើរឡើងបន្ថែម សម្រាប់នៅទីផ្សារប្រទេសចិន ជាមួយតម្លៃលក់ចាប់ពី ៨ ៣៦០ ដុល្លារ ដល់ ៩ ៧៦០ ដុល្លារ ។

សម្រាប់ផ្នែកថាមពលម៉ាស៊ីន MG5 ស៊េរីថ្មីចុងក្រោយនេះ ផ្តល់នៅជម្រើសចំនួន ២ រួមមាន៖

ម៉ាស៊ីនសាំងចំណុះ ១,៥លីត្រ ទំហំ ៤ស៊ីឡាំង អាចផលិតកម្លាំងបាន ១២៧ សេះ និងកម្លាំងរមួល ១៥៨ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨ វគ្គប្រភេទ CVT មានកម្រិតស៊ីប្រេងខ្ទង់ ៦លីត្រ/១០០ គីឡូម៉ែត្រ ។
ម៉ាស៊ីនសាំងចំណុះ ១,៥លីត្រ ទំហំ ៤ស៊ីឡាំង អាចផលិតកម្លាំងបាន ១៧៨ សេះ និងកម្លាំងរមួល ២៨៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧ វគ្គប្រភេទ dual-clutch មានកម្រិតស៊ីប្រេងខ្ទង់ ៦លីត្រ/១០០ គីឡូម៉ែត្រ ។

រថយន្តប្រភេទ sedan នេះ មានប្រវែងតួខ្លួនសរុប ៤ ៧១៥ ម.ម ទទឹង ១ ៨៤២ ម.ម កំពស់ ១ ៤៨០ ម.ម និងប្រវែងគម្លាតកង់មុខ-ក្រោយ ២ ៦៨០ ម.ម ហើយតួខ្លួនធ្វើអំពីដែក High-strength steel ផ្តល់នៅភាពរឹងមាំជាងមុនទៅដល់ ៦៥% ឯណ្ណោះ ។ សម្រាប់ការឌីស្សាញផ្នែកខាងក្រៅ មានប៉ាណាមុខទំហំ ចង្កៀងមុខ-ក្រោយប្រភេទ LED លេងការឌីស្សាញរាងស្រួច ដែលផ្តល់នៅភាពស្ព័រមួយកម្រិតថែមទៀត ។

ចំពោះនៅផ្នែកខាងក្នុងទទួលបានការតុបតែងពណ៌ថ្មី ពោលគឺមានទឹកក្រូច ជាមួយពណ៌ខ្មៅ ដែលផ្តល់នៅភាពកាន់តែ Premium ខណៈកន្លែងផ្សេងមិនមានការផ្លាស់ប្តូរនោះទេបើធៀបនឹងម៉ូដែលឆ្នាំមុន ដោយបានប្រើកុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១២,៣ អ៉ីញ ក៏ដូចជាកន្លែកសាកថ្មឥតប្រើខ្សែ ព្រមទាំងហ្រ្វាំងដៃអេឡិចត្រូនិច ជាមួយមុខងារ Auto Hold, ភើង ambient-lights ២៥៦ ពណ៌ ព្រមទាំងទទួលបានប្រព័ន្ធជំនួយការអ្នកបើកបរ ADAS កម្រិតទី ២ ផងដែរ ៕

ផ្ទាំងផ្សាយពាណិជ្ជកម្ម

អនុប្រធាន Hyundai N ចេញមុខបដិសេធរឿងថាពួកគេបោះបង់ចោលការផលិតរថយន្តប្រើឥន្ធនៈ

June 30, 2025

Hyundai N កំពុងវិវត្តន៍ខ្លួនយ៉ាងឆាប់រហ័ស ជាផែនការផ្លាស់ប្ដូរដ៏ធំមួយ ជាមួយមហិច្ឆតា បង្កើនល្បឿនក្នុងអភិវឌ្ឍរថយន្តអគ្គិសនីសុទ្ធ (EV-only) ដែលកំពុងទទួលបានការចាប់អារម្មណ៍ខ្លាំងនាពេលបច្ចុប្បន្ន។

ប៉ុន្តែទោះជាយ៉ាងណា នេះមិនមានន័យថារថយន្ដ ពួកគេបោះបង់ការផលិតរថយន្ដប្រើប្រេងឥន្ធនៈនោះទេ ខណៈរថយន្ត Elantra N នៅតែបន្ដឈរជាឈ្មោះជារថយន្តប្រើប្រាស់ម៉ាស៊ីនចំហេះខាងក្នុង (ICE) នៅអាមេរិកខាងជើងនិងអឺរ៉ុប។

យោងតាមបទប្បញ្ញត្តិស្ដីពីការបំភាយឧស្ម័នបានជំរុញឲ្យរថយន្ត Hyundai i20 N និង i30 N ជារថយន្តប្រភេទ “hot hatches” លែងមានវត្តមាននៅលើទីផ្សារអឺរ៉ុបទៀតហើយ។ ក្រោយជួយរឿងនេះគេប៉ាន់ស្មានថាក្រុមផលិតរថយន្ដ Hyundai N នឹងប្រែក្លាយងាកទៅរកការផលិតរថយន្តអគ្គិសនីទាំងស្រុង ដូចទៅនឹងអ្វីដែល Kia កំពុងធ្វើជាមួយរថយន្តកំពូលរបស់ពួកគេត្រកូល GT ។ គួររំលឹកផងដែរ Hyundai N គឺជាក្រុមអ្នកផលិតរថយន្ដបែប Performance ផ្ដោតលើការផ្ដល់ជូននូវបទពិសោធន៍បើកបរបែបស្ព័រ និងការរចនារូបរាងបែបទាក់ទាញ ស្ថិតក្រោមចំណុះ ក្រុមហ៊ុន Hyundai Motor ។

ថ្លែងប្រាប់ទស្សនាវដ្តី Autocar លោក Joon Park អនុប្រធានរបស់ Hyundai N និងជាប្រធានក្រុមយុទ្ធសាស្ត្រទីផ្សារសកល បានច្រានចោលការសន្និដ្ឋានដែលថាក្រុមហ៊ុន Hyundai N នឹងផ្លាស់ប្តូរគោលដៅងាកទៅរកការផលិតរថយន្តអគ្គិសនីទាំងស្រុង។

លោក Park បានមានប្រសាសន៍ថា៖ «បញ្ហាដែលយើងកំពុងជួបប្រទះគឺមានការយល់ឃើញពីសំណាក់ប្រព័ន្ធផ្សព្វផ្សាយ និងអ្នកគាំទ្រថា Hyundai N កំពុងផ្តោតតែលើពិភពរថយន្តអគ្គិសនី តែនេះមិនមែនជាការពិតទេ»។ លោកបានបន្តថា៖ «ទោះបីជាយើងនឹងដាក់បង្ហាញរថយន្តអគ្គិសនី Ioniq 6 N នៅមហោស្រព Goodwood Festival of Speed ក៏ដោយ ក៏យើងមិនបានកំណត់ខ្លួនឯងត្រឹមតែកាផ្ដោតលើរថយន្តអគ្គិសនីទេ។ ជាការពិតណាស់ យើងកំពុងបោះជំហានទៅមុខជាមួយរថយន្តអគ្គិសនី ព្រមទាំងមានជម្រើសជាច្រើនទៀតដែលយើងអាចធ្វើបាន»។

ចំពោះប្រធានផ្នែករថយន្តសមត្ថភាពខ្ពស់របស់ Hyundai N បានប្រកាសខ្លួនឯងថាជាអ្នកគាំទ្ររថយន្តស្ព័រប្រើប្រាស់ប្រេងឥន្ធនៈ ក៏មិនបានបញ្ជាក់លម្អិតអំពីប្រភេទប្រព័ន្ធថាមពលអ្វីដែលម៉ូឌែល Hyundai N អាចនឹងប្រើប្រាស់នាពេលអនាគតនោះទេ។ទោះជាយ៉ាងណា វាសមហេតុផលណាស់ដែលគិតថាម៉ាកយីហោនេះអាចនឹងអនុវត្តតាមយុទ្ធសាស្ត្រ “ពហុផ្លូវ” របស់ក្រុមហ៊ុនមេរបស់ខ្លួន។ យុទ្ធសាស្ត្រនេះបង្ហាញពីការប្ដេជ្ញាចិត្តរបស់ Hyundai ក្នុងការផ្តល់ជូននូវជម្រើសប្រព័ន្ធថាមពលចម្រុះ រួមមានទាំងរថយន្តអគ្គិសនី (EV), រថយន្ត Hybrid, និងរថយន្តអគ្គិសនីលាយសាំង Extended Range Electric Vehicle (EREV) ដើម្បីឆ្លើយតបទៅនឹងតម្រូវការទីផ្សារផ្សេងៗគ្នាជុំវិញពិភពលោក។

ក្រុមហ៊ុន Hyundai Group បានបញ្ជាក់រួចហើយថាខ្លួនកំពុងអភិវឌ្ឍរថយន្ដ ម៉ូឌែលជាច្រើនប្រភេទ ដែលបំពាក់ប្រព័ន្ធ Hybrid និង EREV (Extended Range Electric Vehicle)។ ប្រព័ន្ធទាំងនេះត្រូវបានបង្កើតឡើងដើម្បីបំពេញបន្ថែមទៅលើវិស័យរថយន្តអគ្គិសនី (battery-electric lineup) ដែលកំពុងរីកចម្រើន៕

ផ្ទាំងផ្សាយពាណិជ្ជកម្ម

Kia Seltos ស៊េរីឆ្នាំ ២០២៦ បង្ហាញខ្លួនជាផ្លូវការ ឯតម្លៃទាបជាងមុនដល់ទៅ ១ពាន់ដុល្លារ

June 30, 2025

[បរទេស] ក្រុមហ៊ុនផលិតរថយន្ត Kia បានធ្វើការបង្ហាញចេញជាផ្លូវការនៅរថយន្តម៉ូដែល Kia Seltos ស៊េរីឆ្នាំ ២០២៦ ជាមួយតម្លៃទាបម៉ូដែលឆ្នាំ ២០២៥ ដល់ទៅ ១ ០០០ ដុល្លារ ពោលគឺមានតម្លៃចាប់ពី ២៥ ០៥៨ ដុល្លារ ហើយគ្រោងនឹងដាក់ចេញលក់នៅក្នុងដើមឆ្នាំ ២០២៦ ។

Kia Seltos ស៊េរីថ្មីចុងក្រោយនេះ ដំណើរដោយម៉ាស៊ីនសាំងចំណុះ ២,០ លីត្រ ទំហំ ៤ស៊ីឡាំង អាចផលិតកម្លាំងបាន ១៤៧ សេះ និងកម្លាំងរមួល ១៧៦ ញ៉ូតុនម៉ែត្រ ភ្ជាប់ដោយប្រអប់លេខអូតូ CVT ។ លើសពី ក៏ផ្តល់នៅជម្រើសម៉ាស៊ីនចំណុះ ១,៦ លីត្រ ជំនួយដោយ Turbochared ទំហំ ៤ស៊ីឡាំង មានកម្លាំង ១៩០ សេះ និងកម្លាំងរមួល ២៦៥ ញ៉ូតុនម៉ែត្រ ប្រើប្រអប់លេខអូតូ ៨វគ្គ ។

សម្រាប់រូបរាង និងការឌីស្សាញផ្នែកខាងក្រៅ មានការឌីស្សាញថ្មី ដល់នៅភាពស្ព័រជាងមុន ដោយទទួលបានប៉ាណាមុខថ្មីឌីស្សាញរាងជាសំបុកឃ្មុំ អបខងខាងដោយសនុំចង្កៀងបំភ្លឺផ្លូវប្រភេទ LED មុខងារទម្លើង-ទម្លាក់ហ្វាកូតអូតូ ព្រមទាំងថាសកង់ស្ព័រទំហំ ១៨អ៉ីញ និងទ្វារឃ្លុបក្រោយបើក-បិទដោយថាមពលអគ្គិសនី ។

ចំពោះនៅផ្នែកខាងក្នុងវិញ ទទួលបានកុងទ័របង្ហាញព័ត៌មានឌីជីថល និងអេក្រង់អេក្រង់កំសាន្ត touchscreen ជាប្រភេទអេក្រង់ភ្លោះទំហំសរុប ២០,៥០ អ៉ីញ អាចប្រើមុខងារ Apple CarPlay/Android Auto រួមទាំងកន្លែងសាកថ្មឥតប្រើខ្សែ ហ្វ្រាំងដៃអេឡិចត្រូនិច ជាមួយមុខងារ Auto Hold និងឧបករណ៍បំពងសំឡេងម៉ាក BOSE ជាដើម ។ បន្ថែមពីនេះ ក៏បានភ្ជាប់មកជាមួយប្រព័ន្ធជំនួយអ្នកបើកបរ ADAS បញ្ចូលមុខងារសំខាន់ៗ និងចាំបាច់ជាច្រើនទៀតផងដែរ ៕

ផ្ទាំងផ្សាយពាណិជ្ជកម្ម

ត្រឹមតែ១ថ្ងៃ Chery Fulwin A9L ទទួលបានការកក់ចំនួន ៥មុឺនគ្រឿង

June 30, 2025

[បរទេស] ទិន្នន័យគិតត្រឹមថ្ងៃទី ២៧ ខែមិថុនា រថយន្ត Chery Fulwin A9L ប្រភេទ Seden ដំណើរកាដោយប្រព័ន្ធ Plug-in Hybrid បានទទួលការកក់ទុកមុនចំនួន ៥១.៩៧១ គ្រឿង ក្រោយត្រូវបានបើកទទួលការបញ្ជាទិញទុកមុន ជាផ្លូវការកាលពីថ្ងៃទី ២៦ ខែមិថុនា ជាមួយនឹងជួរតម្លៃចាប់ពី ២២ ៣០០ ដល់ ៣២ ០០០ដុល្លារ។ រថយន្ដនេះនឹងត្រូវដាក់លក់ជាផ្លូវការនៅថ្ងៃទី ៨ ខែកក្កដា នៅក្នុងប្រទេសចិន។

យោងតាមការបញ្ជាក់ពីក្រុមហ៊ុន តួរថយន្តនេះត្រូវបានផលិតឡើងពីដែកថែបមានសមត្ថភាពខ្ពស់ និងលោហធាតុអាលុយមីញ៉ូមរហូតដល់ ៨៨%។ រថយន្ត Chery Fulwin A9L មានប្រវែងតួខ្លួនសរុប ៥ ០១៨មម ទទឹង ១ ៩៦៥មម កម្ពស់ ១ ៥០០ មមនិងប្រវែងគម្លាតកង់មុខក្រោយ ៣ ០០០ មម។ ចំពោះរថយន្តប្រើប្រាស់ប៉ុង១ មានទម្ងន់ ២ ០៨៥ គីឡូក្រាម រីឯរថយន្តប្រើប្រាស់ប៉ុង២ មានទម្ងន់ ២២៣០ គីឡូក្រាម។ រថយន្ដនេះផ្ដល់នូវនជម្រើស៦ពណ៍ រួមមាន៖ ពណ៌ក្រហម ខ្មៅ ប្រាក់ ស្វាយ បៃតង និងប្រផេះ។

សម្រាប់រូបរាង និងការឌីស្សាញផ្នែកខាងក្រៅរបស់រថយន្តនេះ មានភាពស្ព័រខ្លាំង ប្រណិត បែប Luxury ដោយប៉ាណាភ្ជាប់ជាមួយ Pixel-LED រួមទាំងចង្កៀងមុខមានមុខងារទម្លើង-ទម្លាក់ហ្វាកូតដោយស្វ័យប្រវត្តិ។ នៅផ្នែកខាងក្រោយ ភ្លើងស្តុបរចនាអូសកាត់ពេញទឹទឹងផ្នែកខាងក្រោយ ផ្សំឡើងដោយអំពូល LED ពណ៌ក្រហមចំនួន ៣២០គ្រាប់។ អ្វីកាន់តែពិសេសគឺកាងខាងក្រោយ បើក-បិទដោយស្វ័យប្រវត្តិ ជាក់ស្ដែងនៅពេលល្បឿនរថយន្តឈានដល់ ៩០គីឡូម៉ែត្រក្នុងមួយម៉ោង ខាងក្រោយនិងបើក ហើយវានឹងបុទវិញនៅពេលល្បឿនឡើងដល់ ១១០គីឡូម៉ែត្រក្នុងមួយម៉ោង។ កាងខាងក្រោយនេះថែមទាំងអាចបង្កើតកម្លាំងសង្កត់ (downforce) បាន ៤២៥ ញូតុន នៅពេលរថយន្ដបើកបរក្នុងល្បឿន ១៨០ គីឡូម៉ែត្រក្នុងមួយម៉ោងផងដែរ។

Chery Fulwin A9L ដំណើរការដោយប្រព័ន្ធថាមពល Kunpeng Super Performance Electric Hybrid C-DM 6.0 របស់ក្រុមហ៊ុន Chery រួមបញ្ចូលជាមួយម៉ាស៊ីន ១.៥ អាចផលិតបាន ១៥៤សេះ កម្លាំងរមួល ២២០ញ៉ូតុនម៉ែត្រ។ រថយន្ដនេះប្រើប្រាស់អាគុយប្រភេទ លីចូមដែកផូស្វាត (lithium iron phosphate) ទំហំ ៣៣,៧ គីឡូវ៉ាត់ម៉ោង ផ្តល់រយៈចម្ងាយបើកបរបាន ២៦០គីឡូម៉ែត្រ ពេលប្រើអគ្គិសនីសុទ្ធ ខណៈប្រើអគ្គិសនី លាយសាំង អាចបើករបរបានដល់ ២ ០០០គីឡូម៉ែត្រ។ បន្ថែមពីនេះ វាក៏គាំទ្រការសាកថ្មល្បឿនលឿន (fast charging) សាកពី ៣០% ទៅ ៨០%ចំណាយពេល ១៤.៥ នាទី។

Chery Fulwin A9L ផ្ដល់ជូនអតិថិជនជាជម្រើសប្រើបាស់បប៉ុង១និងប៉ុង២ ដើម្បីផ្ដល់ភាពងាយស្រួលដល់អតិថិជន៖

ដំណើរការដោយប៉ុង១ (FWD)

ដំណើរការដោយម៉ូទ័រអគ្គិសនីខាងមុខ: អាចផលិតកម្លាំងបាន ២១៥សេះ កម្លាំងរមួល ៣១០ញូតុនម៉ែត្រ
កម្រិតសុីសាំង: ៣.៦៥ លីត្រ ក្នុង ១០០គីឡូម៉ែត្រ
អាចបង្កើនល្បឿន ០ ទៅ ១០០ គីឡូម៉ែត្រក្នុងមួយម៉ោងចាយពេល ៧.៩ វិនាទី
ប្រើអគ្គិសនីសុទ្ធអាចបើកបរបាន ២៦០គីឡូម៉ែត្រ ប្រើអគ្គិសនីសាយសាំងអាចបើកបាន ២ ០០០គីឡូម៉ែត្រ

ដំណើរការដោយប៉ុង២ (AWD)

ម៉ូទ័រអគ្គិសនីខាងមុខ: អាចផលិតកម្លាំង ២១៥សេះ កម្លាំងរមួល ៣១០ញូតុនម៉ែត្រ
ម៉ូទ័រអគ្គិសនីខាងក្រោយ អាចផលិតកម្លាំងបាន ២៦១សេះ កម្លាំងរមួល ៣២៤ ញូតុនម៉ែត្រ
កម្រិតសុីសាំង: ៤.៨ លីត្រ ក្នុង ១០០គីឡូម៉ែត្រ
ការបង្កើនល្បឿន ០ ទៅ ១០០ គីឡូម៉ែត្រក្នុងមួយម៉ោងចាយពេល ៤.៩ វិនាទី
ប្រើអគ្គិសនីសុទ្ធអាចបើកបរបាន ២០០គីឡូម៉ែត្រ ប្រើអគ្គិសនីលាយសាំងបើកបាន ១ ៦០០គីឡូម៉ែត្រ

នៅខាងក្នុង រថយន្តនេះត្រូវបានគ្របដណ្ដប់ដោយស្បែក ជាច្រើនកន្លែង និងបំពាក់មកជាមួយអេក្រង់កុងទ័រឌីជីដលទំហំ ១០.២៥ អុីញ អេក្រង់កម្សាន្ដទំហំ ១៥.៦ អុីញ និងចង្កូតរាងអក្សរ D ។ ប្រព័ន្ធបញ្ជានៅផ្នែកខាងក្នុងម បំពាក់មកជាមួយប្រព័ន្ធ Lingxi Smart Cabin 2.0 របស់ Chery ដំណើរជានួយមួយបន្ទះឈីប Qualcomm Snapdragon 8255 មានមុខងារបញ្ជាដោយសំឡេង AI , ការបញ្ជាបញ្ជោះរថយន្ដពីចម្ងាយ, ប្រព័ន្ធ Bluetooth, ភ្លើង Ambient lighting កៅអីខាងមុខចុចអូតូ និង ការសាកឥតខ្សែទំហំ ៥០ វ៉ាត់ (50W wireless charging) សម្រាប់ទូរស័ព្ទដៃ។ អ្វីកាន់តែពិសេសរថយន្ដ បំពាក់នូវពោងសុវត្ថិភាពចំនួនប្រាំបួន ៩គ្រាប់៕

ផ្ទាំងផ្សាយពាណិជ្ជកម្ម

វីដេអូ Tesla Model Y បើកដោយខ្លួនឯងទៅកាន់អតិថិជន កំពុងផ្ទុះការចាប់អារម្មណ៍ (មានវីដេអូ)

June 30, 2025

[បរទេស] ត្រឹមរយៈពេលមួយសប្តាហ៍បន្ទាប់ពីការបើកដំណើរការសេវាកម្ម robotaxi ជាផ្លូវការ ពេលនេះ ក្រុមហ៊ុនផលិតរថយន្ត Tesla បានបញ្ចេញវីដេអូនៃរថយន្តអគ្គិសនីសុទ្ធ Tesla Model Y ស៊េរីថ្មីចុងក្រោយ បើកបរដោយខ្លួនទៅកាន់អតិថិជន ដែលកំពុងផ្ទុះការចាប់អារម្មណ៍ពេញបណ្តាញសង្គម Social Media ។

ក្នុងវីដេអូនេះ បានបង្ហាញពីនេះការធ្វើដំណើរ Tesla Model Y ស៊េរីថ្មីចុងក្រោយ ដែលបានបំពាក់ប្រព័ន្ធបើកបរដោយខ្លួនឯងស្វ័យប្រវត្តិពេញលេញ Full Self-Driving system ចេញពីរោងចក្រ Tesla Gigafactory Texas ទៅកាន់ផ្ទះអតិថិជនដែលជាម្ចាស់រថយន្ត មានចម្ងាយប្រហែល ២៤ គីឡូម៉ែត្រ ចំណាយពេលប្រហែល ៣០នាទី ដោយបានបើកដោយខ្លួនឯងឆ្លងកាត់ផ្លូវផ្សេងៗដូចជាការឈប់ ការជាន់ហ្វ្រាំងពេលមានឧបសគ្គពីមុខ ជាមួយល្បឿនក្រោម ១០០គីឡូម៉ែត្រក្នុងមួយម៉ោង ។

ជាមួយគ្នានេះ ប្រធានក្រុមហ៊ុន Tesla គឺលោក Elon Musk បានអះអាងថា គ្មានការបញ្ជាពីចម្ងាយណាមួយត្រូវបានអនុវត្តដោយ Tesla នោះទេ ដោយអះអាងថា គ្រប់យ៉ាងគឺមកពីសមត្ថិភាពនៃប្រព័ន្ធបើកបរដោយខ្លួនឯងស្វ័យប្រវត្តិពេញលេញ Full Self-Driving system របស់ Tesla ៕

ផ្ទាំងផ្សាយពាណិជ្ជកម្ម

រោងចក្រផលិតថ្មលីចូមឥណ្ឌូណេស៊ី-ចិន នឹងបើកដំណើរការនៅចុងឆ្នាំ២០២៦

June 30, 2025

ក្នុងគោលបំណងជម្រុញការអភិវឌ្ឍន៍វិស័យឧស្សាហកម្មរថយន្តអគ្គិសនី (EV) នៅក្នុងប្រទេសខ្លួន ពេលនេះ រដ្ឋាភិបាលរបស់ប្រទេសឥណ្ឌូនេស៊ីបានចូលរួមសហការគ្នាជាមួយក្រុមហ៊ុនបច្ចេកវិទ្យាផលិតអាគុយរថយន្ត EV របស់ប្រទេសចិនហើយ ដែលគម្រោងនេះនឹងសាងសង់រោងចក្រផលិតអាគុយ (lithium-ion battery) ដ៏ធំមួយនៅក្នុងប្រទេសឥណ្ឌូនេស៊ី។

ក្នុងនោះ បើតាមការបញ្ជាក់ពីអ្នកនាំពាក្យក្រសួងថាមពលរបស់ប្រទេសឥណ្ឌូនេស៊ីផ្ទាល់ គឺលោកស្រី Dwi Anggia បានឲ្យដឹងថា គម្រោងនេះ គឺជាការរួមបញ្ចូលគ្នារវាងក្រុមហ៊ុន Indonesia Battery Corporation និងក្រុមហ៊ុន Contemporary Amperex Technology Co. Limited (CATL) របស់ប្រទេសចិន ហើយវាគឺជាជំហានដ៏សំខាន់មួយដែលនឹងនាំឲ្យប្រទេសឥណ្ឌូនេស៊ីក្លាយទៅជាប្រទេសដែលមានឥទ្ធិពលបំផុតសម្រាប់ការផលិតរបស់រថយន្ត EV នៅក្នុងតំបន់អាស៊ីអាគ្នេយ៍។

ចំពោះរោងចក្រផលិតអាគុយនេះ នឹងចាប់ផ្ដើមដំណើរការនៅចុងឆ្នាំ ២០២៦ ខាងមុខ ដោយមានសមត្ថភាពផលិតក្នុងដំណាក់កាលដំបូងប្រហែល ៦,៩ GWh ហើយនឹងត្រូវផ្គត់ផ្គង់ដល់ទីផ្សារក្នុងស្រុក និងក្រៅស្រុក បន្ទាប់មកនឹងពង្រីកសមត្ថភាពផលិតដល់ ១៥ GWh នៅក្នុងពេលអនាគត។

ជាមួយគ្នានេះ រោងចក្រផលិតអាគុយនេះ មិនត្រឹមតែផលិតថ្មសម្រាប់រថយន្តអគ្គិសនីប៉ុណ្ណោះទេ ប៉ុន្តែក៏នឹងត្រូវប្រើប្រាស់សម្រាប់ផលិតថ្មដែលអាចស្តុកទុកថាមពលអគ្គិសនីពីបន្ទះសូឡាផងដែរ ប៉ុន្តែត្រូវសិក្សាជាមុនសិន ហើយអាចនឹងពង្រីកសមត្ថភាពផលិតដល់ ៤០ GWh នៅពេលដែលការសិក្សា និងការអនុម័តបានសម្រេចដោយជោគជ័យ។

គួរបញ្ជាក់ថា រោងចក្រនេះ គឺមានទីតាំងស្ថិតនៅក្នុងតំបន់ West Java ហើយវាគឺជាផ្នែកមួយនៃការវិនិយោគចំនួន ៦ ពាន់លានដុល្លារ ដែលបានចុះហត្ថលេខាជាផ្លូវការនៅក្នុងឆ្នាំ ២០២២ របស់ប្រទេសឥណ្ឌូនេស៊ីដែលបានដាក់គោលដៅផលិតរថយន្តអគ្គិសនីចំនួន ៦០០ ០០០ គ្រឿង ក្នុងឆ្នាំ ២០៣០ ដែលចំនួននេះគឺលើសពី ១៣ ដង នៃចំនួនរថយន្ត EV ដែលបានលក់នៅក្នុងប្រទេសក្នុងឆ្នាំ២០២៤។ ទន្ទឹមនឹងនេះ គម្រោងនេះមិនត្រឹមតែជួយអភិវឌ្ឍសេដ្ឋកិច្ចប្រទេសឥណ្ឌូនេស៊ីប៉ុណ្ណោះនោះទេ ប៉ុន្តែវាក៏ថែមទាំងជាជំហានមួយដែលជួយជំរុញឲប្រទេសឥណ្ឌូនេស៊ីក្លាយជាប្រទេសដែលមានការអភិវឌ្ឈន៍ថាមពលបៃតងបានច្រើនជាងគេក្នុងតំបន់អាស៊ីអាគ្នេយ៍ផងដែរ៕

ផ្ទាំងផ្សាយពាណិជ្ជកម្ម