ចិនឈរកំពូលតារាង ជាប្រទេសមានទីផ្សាររថយន្តធំជាងគេ ក្នុងចំនោមប្រទេសទាំង ១០ លើពិភពលោក

January 23, 2025

[បរទេស] នៅក្នុងឆ្នាំ ២០២៤ រថយន្តប្រភេទដឹកអ្នកដំណើរ (passenger car) ជិត ៦៥លានគ្រឿងត្រូវបានលក់នៅជុំវិញពិភពលោក ដោតចំនួននេះ ស្មើនឹងរថយន្ត ៥,៤ លានគ្រឿងត្រូវបានលក់ចេញជារៀងរាល់ខែ។ ខាងក្រោមនេះ ជាប្រទេសមានទីផ្សាររថយន្តធំជាងគេទាំង ១០ ដែលលក់រថយន្តបានច្រើនជាងគេ ៖

១០) ប្រទេសអ៉ីតាលី៖ ទីផ្សារប្រទេសមួយនេះ លក់រថយន្តថ្មីបានចំនួនសរុប ១,៥៦ លានគ្រឿង

៩) ប្រទេស Russia៖ ទីផ្សារប្រទេសមួយនេះ លក់រថយន្តថ្មីបានចំនួនសរុប ១,៥៧ លានគ្រឿង

៨) ប្រទេសប៉ារាំង៖ ទីផ្សារប្រទេសមួយនេះ លក់រថយន្តថ្មីបានចំនួនសរុប ១,៧ លានគ្រឿង

៧) ចក្រភពអង់គ្លេស៖ ទីផ្សារប្រទេសមួយនេះ លក់រថយន្តថ្មីបានចំនួនសរុប ១,៩៥ លានគ្រឿង

៦) ប្រទេសប្រេស៊ីល៖ ទីផ្សារប្រទេសមួយនេះ លក់រថយន្តថ្មីបានចំនួនសរុប ២,៤៨ លានគ្រឿង

៥) ប្រទេសអាល្លឺម៉ង់៖ ទីផ្សារប្រទេសមួយនេះ លក់រថយន្តថ្មីបានចំនួនសរុប ២,៨១ លានគ្រឿង

៤) ប្រទេសឥណ្ឌា៖ ទីផ្សារប្រទេសមួយនេះ លក់រថយន្តថ្មីបានចំនួនសរុប ៤,២៧ លានគ្រឿង

៣) ប្រទេសជប៉ុន៖ ទីផ្សារប្រទេសមួយនេះ លក់រថយន្តថ្មីបានចំនួនសរុប ៤,៤២ លានគ្រឿង

២) សហរដ្ឋអាមេរិក៖ ទីផ្សារប្រទេសមួយនេះ លក់រថយន្តថ្មីបានចំនួនសរុប ១៥,៩៧ លានគ្រឿង

១) ប្រទេសចិន៖ ទីផ្សារប្រទេសមួយនេះ លក់រថយន្តថ្មីបានចំនួនសរុប ៣១,៤៦ លានគ្រឿង

គួរឲ្យដឹងថា ទីផ្សាររថយន្តថ្មីដ៏ធំបំផុត សំដៅលើការលក់រថយន្តថ្មីក្នុងស្រុកដែលបានចុះបញ្ចីលក់នៅក្នុងឆ្នាំ ២០២៤ ហើយមិនមែនសមត្ថភាពផលិត ឬការនាំចេញទៅកាន់ប្រទេសផ្សេងទៀតនោះទេ ៕

ផ្ទាំងផ្សាយពាណិជ្ជកម្ម

BYD ប្រកាសចេញ Qin Plus DM-i ថ្មី តម្លៃ ១មុឺនដុល្លារ អាចបើកបាន ៩០គ.ម ដោយអគ្គិសនីសុទ្ធ

January 23, 2025

ក្រុមហ៊ុនផលិតរថយន្ត BYD បានធ្វើការដាក់បង្ហាញចេញជាផ្លូវការនូវរថយន្ត BYD Qin Plus DM-i មុខមាត់ថ្មីស៊េរីជាមួយតម្លៃលក់ចាប់ពី ១២ ៣០០ ដុល្លារ នៅក្នុងប្រទេសចិន ថ្លៃជាងម៉ូឌែលលក់បច្ចុប្បន្នចំនួន ១ ៣៧៥ ដុល្លារ។

រថយន្តនេះ ដំណើរការដោយម៉ាស៊ីនសាំងចំណុះ ១,៥លីត្រ ទំហំ ៩៩សេះ និងម៉ូទ័រអគ្គិសនីចំនួន ១ អាចផលិតកម្លាំងបាន ១៦១ សេះ ផ្គួបជាមួយអាគុយអាចបើកបរបានចម្ងាយ ៤៣ និង ៩០គីឡូម៉ែត្រ ដោយអគ្គិសនីសុទ្ធ។

BYD Qin Plus DM-i មានប្រវែងតួខ្លួនសរុប ៤ ៧៨០ ម.ម ទទឹង ១ ៨៣៧ ម.ម កម្ពស់ ១ ៥១៥ ម.ម និងប្រវែងគម្លាតកង់មុខ-ក្រោយ ២ ៧១៨ ម.ម វែង និងខ្ពស់ជាងម៉ូឌែលលក់បច្ចុប្បន្នចំនួន ១៥ និង ២០ ម.ម ភ្ជាប់មកជាមួយការរចនាជាមួយប៉ាណាមុខមួយផ្ទាំងធំ ចង្កៀងមុខ-ក្រោយ LED រាងស្លីមជាងមុន ព្រមទាំងថាសកង់ស្ព័រ ក៏ដូចជាដៃទ្វារប្រភេទ Flush-door handles ។

ខណៈផ្នែកខាងក្នុង នៅតែរក្សាការរចនាដដែល តែមិនភ្ជាប់មកជាមួយដំបូល Panoramic ទេ ប៉ុន្តែអ្នកប្រើប្រាស់ក៏អាចជ្រើសរើសកញ្ចប់ជំនួយការបើកបរកម្រិតខ្ពស់ជាជម្រើសផងដែរ៕

ផ្ទាំងផ្សាយពាណិជ្ជកម្ម

Xiaomi បញ្ចេញពណ៌ថ្មីគឺ Magenta សម្រាប់រថយន្តអគ្គិសនី SU7 ដើម្បីរំលឹកខួបលើកទី ១៥

January 23, 2025

ក្រុមហ៊ុនផលិតរថយន្ត Xiaomi បានប្រកាសចេញជម្រើសពណ៌ថ្មីសម្រាប់រថយន្ត Xiaomi SU7 គឺពណ៌ Magenta ដើម្បីរំលឹកខួបលើកទី ១៥ របស់ពួកគេ មានតម្លៃលក់ប្រហែល ១ ២៥០ ដុល្លារ លើសពីតម្លៃជម្រើសពណ៌ផ្សេងៗដែលមានតម្លៃលក់ត្រឹមតែ ៩៥០ ដុល្លារ ប៉ុណ្ណោះ។

ចំពោះ លក្ខណៈពិសេសរបស់ពណ៌ Magenta នេះ គឺមានសាច់ពណ៌ស្រាលស្រទន់ពេលស្ថិតក្នុងពន្លឺធម្មតា និងមានសាច់ពណ៌ភ្លឺថ្លាពេលស្ថិតក្នុងពន្លឺថ្ងៃ និងពិតជាសាកសមសម្រាប់អ្នកប្រើប្រាស់ស្រីៗវ័យក្មេង។ លើសពីនេះ ក៏មានការរចនាជាពិសេសជាមួយថាសកង់ពណ៌ Magenta ដូចគ្នានឹងតួរថយន្ត និងដុំហ្វ្រាំងពណ៌លឿងផងដែរ។

គួរឲដឹងថា រថយន្តអគ្គិសនី SU7 ទទួលបានជម្រើសចំនួន ៣ រួមមាន៖

Standard Model: ប្រើម៉ូទ័រចំនួន ១ កម្លាំង ២៩៥ សេះ អាចបើកបរបានចម្ងាយ ៧០០ គីឡូម៉ែត្រ
Pro Model: ប្រើម៉ូទ័រចំនួន ១ កម្លាំង ២៩៥ សេះ និងថ្ម ៩៤,៣គីឡូវ៉ាត់ម៉ោង អាចបើកបរបានចម្ងាយ ៨៣០ គីឡូម៉ែត្រ
Max Model: ប្រើម៉ូទ័រចំនួន ២ មានកម្លាំង ៣៦៩ សេះ និង ២៩៥ សេះ អាចបើកបរបានចម្ងាយ ៨០០ គីឡូម៉ែត្រ

គួរឲដឹងថា រថយន្តអគ្គិសនី SU7 មានតម្លៃលក់ចាប់ពី ២៩ ៦៥០ ដុល្លារ ដល់ ៤១ ២០០ ដុល្លារ នៅក្នុងទីផ្សារប្រទេសចិន៕

ផ្ទាំងផ្សាយពាណិជ្ជកម្ម

គំរូរថយន្ត Suzuki Jimny ស៊េរីឆ្នាំ ២០២៥ ប្រភេទទ្វារ ៥ ឌីស្សាញថ្មី បង្ហាញខ្លួនជាផ្លូវការ

January 23, 2025

[បរទេស] ក្រុមហ៊ុនផលិតរថយន្ត Maruti Suzuki បានធ្វើការដាក់បង្ហញចេញនៅគំរូរថយន្ត Suzuki Jimny Conqueror Concept ស៊េរីឆ្នាំ ២០២៥ ប្រភេទទ្វារ ៥ នៅឯពិព័រណ៍រថយន្ត BME 2025 ដែលកំពុងធ្វើឡើងនៅប្រទេសឥណ្ឌា ។

Suzuki Jimny Conqueror Concept ស៊េរីឆ្នាំ ២០២៥ ដំណើរការដោយម៉ាស៊ីនសាំងចំណុះ ១,៥ លីត្រ ទំហំ ៤ស៊ីឡាំង អាចផលិតកម្លាំងបាន ១០០ សេះ និងកម្លាំងរមួល ១៣០ ញ៉ូតុនម៉ែត្រ ដោយអាចភ្ជាប់ជាមួយប្រអប់លេខដោយដៃ ៥ វគ្គ ឬស្វ័យប្រវត្តិ ៤ វគ្គ ។

សម្រាប់ការឌីស្សាញផ្នែកខាងក្រៅផ្តល់មិនមានអ្វីផ្លាស់ប្តូរច្រើនពីម៉ូដែលដើមនោះទេ ប៉ុន្តែត្រូវបានតុងតែងដោយពណ៌ប្រផេះ លាយពណ៌ខ្មៅថ្មី ព្រមទាំងបន្ថែមនៅកាងដំបូល roof-rail, កាងផ្នែកខាងមុខជាមួយឧបករណ៍សម្រាប់អូសទាញ ព្រមទាំងថាសកង់ស្រោបដោយសំបកប្រភេទ all-terrain tire ផងដែរ ។ ខណៈផ្នែកខាងក្នុង មិនមានព័ត៌មានបង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

Jetour បញ្ចេញជាផ្លូវការឡានប្រភេទ SUV off-road ប្រើ EREV កម្លាំងលើស ១ពាន់សេះ

January 23, 2025

[បរទេស] ក្រុមហ៊ុនផលិតរថយន្ត Jetour ដែលស្ថិតក្រុមហ៊ុន Chery Group បានធ្វើការដាក់បង្ហាញចេញជាផ្លូវការនៅរថយន្ត Jetour G700 ប្រភេទ SUV off-road បែប Luxury គ្រោងនឹងដាក់លក់ជាផ្លូវការនៅត្រីមាសទី ៣ ឆ្នាំ ២០២៥ នៅទីផ្សារប្រទេសចិន ខណៈតម្លៃមិនទាន់បង្ហាញនៅឡើយទេ ។

Jetour G700 ផលិតឡើងនៅលើគ្រោងឆ្អឹង body-on-frame ផ្តល់ជូននៅជម្រើសថាមពលចំនួន ២ ប្រភេទរួមមាន៖

ប្រភេទ PHEV ធ្វើការរួមគ្នាជាមួយម៉ាស៊ីនសាំងចំណុះ ២,០ លីត្រ Turbocharged ទំហំ ៤ស៊ីឡាំង និងម៉ូទ័រអគ្គិសនីចំនួន ១ អាចផលិតកម្លាំងបានសរុប ៦០០ សេះ
ប្រភេទ EREV ធ្វើការរួមគ្នាជាមួយម៉ាស៊ីនសាំងចំណុះ ២,០ លីត្រ Turbocharged ទំហំ ៤ស៊ីឡាំង និងម៉ូទ័រអគ្គិសនីចំនួន ៤ អាចផលិតកម្លាំងបានសរុប ១៥៧២ សេះ ។ សម្រាប់ទាំង ២ នេះ គំាទ្រដោយប្រព័ន្ធសាកថ្មល្បឿបលឿន ដោយសាកពី ២០% ដល់ ៨០% ប្រើរយៈពេល ៦នាទីប៉ុណ្ណោះ ។

រថយន្តនេះមានប្រវែងតួខ្លួនសរុប ៥ ១០០ ម.ម និងកំពស់ពីដីទៅបាតរថយន្ត ៣៥០ ម.ម ដោយគាំទ្រពីប្រព័ន្ធជើងក្រោមប្រភេទ air suspension ។ សម្រាប់រូបរាងផ្នែកខាងក្រៅមានលក្ខណៈជាប្រអប់ មានប៉ាណាមួយផ្ទាំងធំ ចង្កៀងមុខ-ក្រោយ LED ព្រមទាំងប្រើប្រើនៅថាសកង់ស្រោបដោយសំបកប្រភេទ Off-road ជាដើម ។

ចំពោះនៅផ្នែកខាងក្នុងវិញ មានអេក្រង់កំសាន្ត touchscreen ទំហំធំ ក៏ដូចជាកន្លែងសាកថ្មឥតប្រើខ្សែ រួមទាំងប្រព័ន្ធជំនួយការអ្នកបើកបររបស់ក្រុមហ៊ុន Huawei ផងដរ ៕

ផ្ទាំងផ្សាយពាណិជ្ជកម្ម

Mazda6 នឹងអស់ជីវិតនៅទីផ្សារប្រទេសអូស្រ្តាលី បន្ទាប់ពីដាច់ឆ្នាំេនះ

January 23, 2025

[បរទេស] ក្រុមហ៊ុនផលិតរថយន្ត Mazda នឹងធ្វើការបញ្ឈប់ការផលិតជាផ្លូវការនៅរថយន្ត Mazda6 ពីទីផ្សារប្រទេសអូស្ត្រាលី ដោយសារបញ្ហានៃការអនុលោមតាមបទប្បញ្ញត្តិការរចនា Australian Design Rule 98/00 ទាក់ទងនឹងប្រព័ន្ធជំនួយការអ្នកបើក ADAS ដែលមកដល់នៅថ្ងៃទី ១ ខែមិនា ឆ្នាំ ២០២៥ ខាងមុខនេះ ។

គួរឲ្យដឹងថា រថយន្ត Mazda6 ដំណើរការដ៏រឹងមាំរយៈពេល ២២ ឆ្នាំនៅក្នុងប្រទេសអូស្ត្រាលី ដោយលក់បានជិត ១៥០ ០០០ គ្រឿង ចាប់តាំងពីការចេញលក់ដំបូងក្នុងឆ្នាំ ២០២២ ។ ខណៈក្នុងឆ្នាំ ២០២៤ រថយន្តនេះ លក់បានត្រឹមតែ ១ ៣៥៤ គ្រឿងក្នុងប្រទេសអូស្ត្រាលី ដែលបង្ហាញពីតម្រូវការធ្លាក់ចុះយ៉ាងខ្លាំង ។

រថយន្ត Mazda6 បានបង្ហាញខ្លួនជាលើកដំបូងនៅឆ្នាំ ២០១២ ព្រមទាំងទទួលបានការកែមុខមាត់ថ្មីនៅក្នុងឆ្នាំ ២០១៥ និងឆ្នាំ២០២៥ ។ លើសពីនេះ Mazda6 ក៏ត្រូវបានបញ្ឈប់ការផលិតនៅទីផ្សារពីទីផ្សារសហរដ្ឋអាមេរិក និងកាណាដានៅឆ្នាំ ២០២១, ចក្រភពអង់គ្លេសនៅឆ្នាំ ២០២៣ និងប្រទេសជប៉ុននៅក្នុង ២០២៤ ដោយសារការរីកដុះដាលនៃរថយន្តប្រភេទ SUV ៕

ផ្ទាំងផ្សាយពាណិជ្ជកម្ម

រថយន្តប្រភេទ SUV Off-road របស់ Jetour មួយម៉ូដែលនេះ មានសមត្ថភាពបើកបរក្នុងទឹកដ៏អស្ចារ្យ (មានវីដេអូ)

January 22, 2025

[បរទេស] ក្រុមហ៊ុនផលិតរថយន្ត Jetour ស្ថិតក្រោមក្រុមហ៊ុន Chery បានធ្វើតេស្តបើកបរក្នុងជម្រៅទឹករបស់រថយន្ត Jetour Zongheng ប្រភេទ SUV Off-Road មុនពេលដាក់បញ្ចេញជាផ្លូវការនៅថ្ងៃទី ២២ ខែមករា ឆ្នាំ ២០២៥ នៅប្រទេសចិន

តាមវីដេអូដែលបញ្ចេញពីគេហំព័រ Carnewchina បានបង្ហាញពីសមត្ថភាពរបស់រថយន្តកំពុងធ្វើតេស្តបើកបរនៅក្នុងទឹកដោយជោគជ័យ និងដ៏គួរឲ្យចាប់អារម្មណ៍ ដោយសាររថយន្តបានបំពាក់ជាមួយប្រព័ន្ធ forward-looking off-road technology បើយោងតាមប្រធានក្រុមហ៊ុន Jetour។

គួរបញ្ជាក់ផងដែរថា ក្រុមហ៊ុន Jetour មិនទាន់បង្ហាញព័ត៌មានកម្អិតនៅឡើយទេ ប៉ុន្តែបានបញ្ជាក់ថា រថយន្តនេះ នឹងមានលក្ខណៈពិសេសដូចជា Shanhai T7 ប្រភេទ Off-Road ថ្មី ដោយបំពាក់តួខ្លួនអាចការពារគ្រាប់កាំភ្លើង និងការពារការបំផ្ទុះ ក៏ដូចជាបំពាក់ប្រព័ន្ធ 800V platform របស់ Chery ជាមួយម៉ូទ័រអគ្គិសនីចំនួន ៤ មានកំពស់ពីដីទៅបាតរថយន្ត ៣៥១ ម.ម ព្រមទាំងមានសមត្ថភាពអាចបើកបរឡើងភ្នុំទៀតផង ។

ផ្ទាំងផ្សាយពាណិជ្ជកម្ម

Volvo នឹងបញ្ចប់ជីវិតរថយន្តរបស់ខ្លួនមួយម៉ូដែល បន្ទាប់ពីដាច់ឆ្នាំនេះ

January 22, 2025

[បរទេស] ក្រុមហ៊ុនផលិតរថយន្ត Volvo កំពុងស្ថិតក្នុងការធ្វើបច្ចុប្បន្នភាពសម្រាប់ឆ្នាំ ២០២៥ ទៅលើរថយន្តរបស់ខ្លួន ជាមួយការផ្លាស់ប្តូរឈ្មោះម៉ូដែលជាច្រើន រួមទាំងការបញ្ចប់ជីវិតមួយម៉ូដែលបន្ទាប់ពីដាច់ឆ្នាំនេះ ។

សម្រាប់ការធ្វើបច្ចុប្បន្នភាពក្នុងឆ្នាំ ២០២៥ របស់ក្រុមហ៊ុន Volvo ទៅលើរថយន្តរបស់ខ្លួនរួមមាន៖

ត្រកូល Volvo Recharge moniker ត្រូវបានទម្លាក់ចេញពី plug-in hybrids ហើយជំនួសមកវិញនៅម៉ូដែល Volvo T8 ប្រើ mild-hybrid ដើម្បីកាត់បន្ថយការភាន់ច្រឡំរវាងរថយន្តកូនកាត់ និង EV
ម៉ូដែល Volvo XC40 ប្រើអគ្គិសនីសុទ្ធ នឹងត្រូវបានប្តូរឈ្មោះទៅជា EX40
ម៉ូដែល Volvo C40 Recharge នឹងត្រូវបានបញ្ឈប់ការផលិតសម្រាប់ឆ្នាំ ២០២៥ ប៉ុន្តែនឹងត្រលប់មកវិញនៅឆ្នាំ ២០២៦ ជាមួយឈ្មោះ EC40
រថយន្តអគ្គិសនីសុទ្ធ Volvo EX30 នឹងជារថយន្តប្រភេទ Crossover អគ្គិសនីថ្មីសម្រាប់ឆ្នាំ ២០២៥ ជាមួយអាគុយទំហំ ៦៩គីឡូវ៉ាត់ម៉ោង អាចបើកបរបានចម្ងាយ ៤០៧ គីឡូម៉ែត្រនៅពេលសាកថ្មពេញម្តង ជាមួយតម្លៃលក់ចាប់ពី ៤៤ ៩០០ ដុល្លារ ។
រថយន្តអគ្គីសនីសុទ្ធ EX90 ក៏ជាម៉ូដែលថ្មីសម្រាប់ឆ្នាំ ២០២៥ ប្រើម៉ូទ័រអគ្គិសនីចំនួន ២ ជាមួយអាគុយទំហំ ១១១គីឡូវ៉ាត់ម៉ោង អាចបើកបរបានចម្ងាយ ៤៩៩ គីឡូម៉ែត្រនៅពេលសាកថ្មពេញម្តង ជាមួយតម្លៃលក់ចាប់ពី ៧៩ ៩៩៥ ដុល្លារ ។
និងចុងក្រោយគឺម៉ូដែល Volvo XC90 មុខមាត់ថ្មី ប្រើម៉ាស៊ីនចំហេះក្នុង ICE មានតម្លៃលក់ចាប់ផ្តើមពី ៥៨ ៤៥០ ដុល្លារ ៕

ផ្ទាំងផ្សាយពាណិជ្ជកម្ម

Mitsubishi នឹងបញ្ចប់ជីវិតរថយន្តប្រភេទ SUV របស់ខ្លួន ៣ម៉ូដែល នៅទីផ្សារមួយនេះ

January 22, 2025

[បរទេស] ក្រុមហ៊ុនផលិតរថយន្ត Mitsubishi គ្រោងនឹងធ្វើកាបញ្ឈប់ការផលិតនៅរថយន្តប្រភេទ SUV របស់ខ្លួនចំនួន ៣ ម៉ូដែលនៅទីផ្សារប្រទេសអូស្ត្រាលីរួមមាន ASX, Eclipse Cross និង Pajero Sport ដោយសារតែពួកគេមិនគោរពតាមច្បាប់រចនាអូស្ត្រាលីដែលបានធ្វើបច្ចុប្បន្នភាព ADR នឹងចូលជាធរមានចាប់ពីថ្ងៃទី ១ ខែមីនា ឆ្នាំ ២០២៥ ។

ការសម្រេចចិត្តនេះកើតឡើង ទោះបីជាការលក់របស់ម៉ូដែលទាំង ៣ មានការកើនឡើងក៏ដោយ យោងតាមគេហទំព័រ CarGuilde បានឲ្យដឹងថា ម៉ូដែលទាំង ៣ នេះ បានបង្កើតច្រើនជាង ១/៣ នៃការលក់របស់ក្រុមហ៊ុន Mitsubishi នៅទីផ្សារប្រទេសអូស្រ្តាលី ក្នុងឆ្នាំ ២០២៤។

គួរបញ្ជាក់ផងដែរថា ក្រោយពីបញ្ឈប់ការផលិតម៉ូដែលទាំង ៣ ក្នុងនោះ ក្រុមហ៊ុន Mitsubishi ប្រចាំទីផ្សារប្រទេសអូស្ត្រាលី នៅសល់តែម៉ូដែល Outlander SUV និង Triton Pickup ប៉ុណ្ណោះ រួមទាំងម៉ូដែល ASX ដែលមានមូលដ្ឋាននៅ Renault ថ្មី គ្រោងនឹងចូលរួមជាមួយត្រកូលនៅចុងឆ្នាំនេះក៏ដោយ ៕

ផ្ទាំងផ្សាយពាណិជ្ជកម្ម

ញាក់សាច់! Mercedes-Benz បញ្ចេញឡានខ្ទង់សែនដុល្លារ ២ម៉ូឌែល សម្រាប់អ្នកដំណើរជិះ Business Class

January 22, 2025

ក្រុមហ៊ុន Mercedes-Benz Malaysia (MBM) និង Malaysia Aviation Group (MAG) បានប្រកាសសហការគ្នាក្នុងការផ្តល់សេវាធ្វើដំណើរក្នុងព្រលានយន្តហោះដ៏ប្រណិតសម្រាប់អ្នកដំណើរដែលទទួលបានសិទ្ធិពីក្រុមហ៊ុនអាកាសចរណ៍ម៉ាឡេស៊ី KLIA ។

ចំពោះការការផ្តល់សេវានេះ បាន និងផ្តើមពីថ្ងៃទី ១៦ ខែមករា ឆ្នាំ ២០២៥ តទៅ។ ដែលក្នុងនោះ រថយន្តប្រណិតចំនួន ២ម៉ូឌែល គឺ Mercedes-Benz S580e និង EQS 500 4MATIC នឹងត្រូវបានប្រើសម្រាប់ការផ្តល់សេវាធ្វើដំណើរឯកជនផ្តាច់មុខដល់អ្នកដំណើរដែលហោះហើរក្នុង Business Suite និង Business Class និងសមាជិក Enrich Platinum ។

លើសពីនេះ សេវាកម្មនេះ នឹងត្រូវបានពង្រីកដល់អតិថិជន Mercedes-Benz ចាប់ពីថ្ងៃទី ០១ ខែមីនា ឆ្នាំ ២០២៥ តទៅ។ ជាមួយគ្នានេះ ម្ចាស់រថយន្ត Mercedes-Benz ក៏នឹងទទួលបានការអញ្ជើញឱ្យចូលរួមក្នុងព្រឹត្តិការណ៍ និងទទួលបានការលើកទឹកចិត្តពិសេសៗជាច្រើនផងដែរ ដូចជាឱកាសចូលរួមក្នុងការធ្វើដំណើរផ្តាច់មុខទៅកាន់ប្រទេសអាល្លឺម៉ង់ នៅពេលពួកគេទិញរថយន្ត Mercedes-Benz ថ្មីជាដើម។

គួរឲដឹងថា រថយន្ត Mercedes-Benz S580e ត្រូវបានដាក់លក់ក្នុងប្រទេសម៉ាឡេសុីក្នុងឆ្នាំ ២០២១ បច្ចុប្បន្នមានតម្លៃខ្ទង់ ១៧មុឺនដុល្លារ ដំណើការដោយម៉ាស៊ីនចំណុះ ៣,០ លីត្រ turbocharged straight-six និងម៉ូទ័រអគ្គិសនី ផលិតកម្លាំងសរុបបាន ៥១០សេះ និងកម្លាំងរមួល ៧៥០ញ៉ូតុនម៉ែត្រ ភ្ជាប់ជាមួយប្រអប់លេខអូតូចំនួន ៨វគ្គ ជាន់ពី ០ ទៅ ១០០ គីឡូម៉ែត្រក្នុងមួយម៉ោងក្នុងរយៈពេល ៥,២ វិនាទី។

ខណៈម៉ូឌែលអគ្គិសនីសុទ្ធ EQS 500 4MATIC វិញ ត្រូវបានណែនាំក្នុងប្រទេសម៉ាឡេសុីក្នុងខែកុម្ភៈ ឆ្នាំ ២០២៣ មានតម្លៃលក់ខ្ទង់ ១៥មុឺនដុល្លារ ប្រើម៉ូទ័រអគ្គិសនីចំនួន ២ ផលិតកម្លាំងបាន ៤៤៩ សេះ និងកម្លាំងរមួល ៨២៨ ញ៉ូតុនម៉ែត្រ ផ្គួបជាមួយអាគុយទំហំ ១០៨,៤គីឡូវ៉ាត់ម៉ោង អាចបើកបរបានចម្ងាយ ៦៩៦គីឡូម៉ែត្រ នៅពេលសាកថ្មពេញម្តង ជាន់ពី ០ ទៅ ១០០ គីឡូម៉ែត្រក្នុងមួយម៉ោងក្នុងរយៈពេល ៤,៨ វិនាទី គាំទ្រការសាកល្បឿនលឿនរហូតដល់ ២០០គីឡូវ៉ាត់ អាចសាកឡើងពី ២០ ទៅ ៨០ភាគរយ ក្នុងរយៈពេលប្រហែល ៣១ នាទី៕

ផ្ទាំងផ្សាយពាណិជ្ជកម្ម