Nissan Rogue ជារថយន្ដដែលលក់ដាច់បំផុតរបស់ក្រុមហ៊ុន Nissan នៅទឹកដីសហរដ្ឋអាមេរិក។ កាលពីឆ្នាំមុនរថយន្តនេះលក់បានចំនួន ២៤៥ ៧២៤គ្រឿង។ ជាមួយចំនួននៃការលក់នេះគឺច្រើនជាងការលក់រថយន្ត Nissan ម៉ូឌែល Pathfinder, Armada, Murano, និង Kicks រួមបញ្ចូលគ្នាទៅទៀត។ នេះបង្ហាញពីប្រជាប្រិយភាពដ៏ខ្លាំងក្លារបស់ Rogue នៅក្នុងទីផ្សាររថយន្តអាមេរិក។
ឥឡូវនេះ យើងមកដឹងពីព័ត៌មានខ្លះៗអំពី រថយន្ត Rogue ឆ្នាំស៊េរីឆ្នាំ២០២៦ ដែលនឹងត្រូដាក់បង្ហាញនៅក្នុងពេលប៉ុន្មានសប្តាហ៍ខាងមុខនេះ។ យ៉ាងណាមិញក្រុមហ៊ុនមួយនេះក៏មិនទាន់បានបង្ហាញព័ត៌មានលម្អិតជាផ្លូវការនៅទេ ប៉ុន្តែប្រភពផ្ទៃក្នុងមួយរូបបានប្រាប់យើងថា ម៉ូឌែលនេះនឹងចាប់ផ្តើមផលិតនៅខែក្រោយ ហើយអាចនឹងដាក់លក់នៅខែសីហា។
ចំណុចគួរឲ្យកត់សម្គាល់ជរថយន្ត Rogue ស៊េរីឆ្នាំ២០២៦ នេះអាចនឹងបំពាក់មកជាមួយប្រព័ន្ធ Plug-in Hybrid ដែលបានប្រើប្រាស់លើរថយន្ត Mitsubishi Outlander Hybrid ។ ប៉ុន្តែ Nissan និយាយថាសម្រាប់ឆ្នាំម៉ូឌែលបន្ទាប់ ពោលគឺឆ្នាំ២០២៧ ពួកគេនិងរចនារថយន្ដ Nissan Rogue ជំនាន់ទី៤ ជាពិសេសបំពាក់ដោយប្រព័ន្ធ Hybrid ដែលត្រូវបានអភិវឌ្ឍផ្ទាល់ដោយក្រុមហ៊ុន Nissan មិនមែនខ្ចីពី Mitsubishi ទៀតទេ។
តាមការរំពឹងទុក Rogue ស៊េរីឆ្នាំ២០២៦ ប្រើប្រាស់ម៉ាស៊ីនទំហំ ៤ស៊ីឡាំង ចំណុអ ២.៤លីត្រ រួមជាមួយម៉ូទ័រអគ្គិសនីចំនួន២ អាចផលិតកម្លាំងបាន ២៤៨សេះ។ អាគុយរបស់ Mitsubishi អាចផ្តល់ចម្ងាយបើកបរដោយថាមពលអគ្គិសនីសុទ្ធបានរហូតដល់ ៦១គីឡូម៉ែត្រ ផ្គូផ្គងជាមួយប្រអប់លេខ Xtronic៕
យោងតាមប្រភពផ្ទៃក្នុង បានឲ្យដឹងថា ក្រុមហ៊ុន Ineos Automotive អាចនឹងជ្រើសរើស Chery iCar V23 ជាប្រភេទរថយន្ត SUV ខ្នាតតូចរបស់ប្រទេសចិន ដែលបានដាក់លក់កាលពីឆ្នាំមុន ជាមូលដ្ឋានសម្រាប់ការបង្កើតរថយន្ដម៉ូឌែលទីថ្មីរបស់ខ្លួន។ ក្រុមហ៊ុនមួួយនេះធ្លាប់បានប្រកាសពីមុនមកថា ខ្លួននឹងបោះបង់ចោលផែនការផលិតរថយន្ត SUV តម្លៃសមរម្យ ហើយងាកមករកម៉ូដែលប្រណីតវិញ ប៉ុន្តែឥឡូវនេះបានប្តូរចិត្តម្តងទៀត យោងតាមការចុះផ្សាយរបស់ទស្សនាវដ្តី Autocar បានរាយការណ៍ថា ក្រុមហ៊ុននេះត្រៀមនឹងនាំយករថយន្ដ “Fusilier” ជំនាន់ថ្មីមកវិញកាន់ទីផ្សារ។ ម៉ូឌែលថ្មីនេះនឹងតូចជាងមុនអាចនឹងប្រើប្រាស់គ្រោងឆ្អឹងរបស់រថយន្ដ iCar V23។
ក្រុមហ៊ុន Chery ក៏បានចូលខ្លួនមកដល់ទីផ្សារអឺរ៉ុបផងដែរ ដោយបានដាក់ឲ្យដំណើរការម៉ាក Ebro របស់ខ្លួននៅប្រទេសអេស្ប៉ាញ និងកំពុងពិចារណាប្រើប្រាស់រោងចក្រ Volkswagen នៅប្រទេសអាល្លឺម៉ង់ ដើម្បីផលិតម៉ាក Lepas ថ្មីនៅក្នុងប្រទេសចិន។ ក្រុមហ៊ុន Jaguar Land Rover ក៏នឹងប្រើប្រាស់គ្រោងឆ្អឹងរបស់ Chery សម្រាប់ម៉ាក Freelander ថ្មីរបស់ខ្លួនផងដែរ ហើយម៉ាក KGM (អតីត SsangYong) របស់កូរ៉េខាងត្បូងក៏កំពុងត្រៀមប្រើប្រាស់គ្រោងឆ្អឹងរបស់ Chery សម្រាប់ម៉ូដែលថ្មីផងដែរ៕
រថយន្ដអគ្គិសនី Xpeng G7 បានដកចេញអេក្រង់កុងទ័រ ដោយបំពាក់ជាមួយប្រព័ន្ធ AR-HUD ដែលសហការផលិតជាមួយក្រុមហ៊ុន Huawei និងប្រព័ន្ធជំនួយការបើកបរ ដែលដំណើរការដោយបន្ទះឈីប AI Turing របស់ក្រុមហ៊ុនផ្ទាល់។
រថយន្ដរចនាមកដោយបំពាក់ម៉ូទ័រអគ្គិសនីនៅខាងក្រោយ ផ្តល់ជម្រើសអាគុយ២ប្រភេទក្នុងនោះរួមមានអាគុយទំហំ 68.5 kWh និង 80.8 kWh។ ចំពោះរយៈចម្ងាយនៃការបើកបរជាមួយធំជាងគេអាចបើកបាន ៧០២គីឡូម៉ែត្រ គិតតាមស្ដង់ដារវាស់ម្ងាយ CLTC ។ ម៉ូឌែល Ultra ត្រូវបានបំពាក់ដោយបន្ទះឈីប AI Turing គាំទ្រប្រព័ន្ធគណនាថាមពលជាង 2,200 TOPS ត្រូវបានអះអាងថាមានកម្រិតសមត្ថភាពស្មើនឹងថាមពលនៃបន្ទះឈីប Nvidia Orin-X ចំនួនប្រាំបួន ដែលគាំទ្រមុខងារជំនួយការបើកបរកម្រិតខ្ពស់ ក្នុងការបើកបរនៅទីក្រុង, នៅលើផ្លូវហាយវេនិងជំនួយការចូលចតកម្រិតខ្ពស់។
G7 ឌីស្សាញបែប “X Face” ជំនាន់ទីពីរ បំពាក់មកជាមួយភ្លើងបំភ្លឺពេលថ្ងៃអូសកាត់ពេញទឹទឹងផ្នែកខាងមុខ ហើយចង្កៀងមុខរចនាមកបំពាក់ក្នុងរន្ធខ្យល់តែម្ដង។ 
ការរចនាផ្នែកខាងក្រោយបានបំពាក់មកជាមួយចង្កៀងរាងជាបន្ទាត់អូសកាត់ពេញទទឹងផ្នែកខាងក្រោយ ភ្ជាប់ជាមួយកាងក្រោយនៅជាប់ដំបូល។ នៅផ្នែកខាងក្នុងរថយន្ដបានលុបអេក្រង់កុងទ័របង្ហាញព័ត៌មាន ដោយសាររថយន្ដមានបំពាក់មកជាមួយប្រព័ន្ធ AR-HUD ហើយអេក្រង់កណ្តាលទំហំ 15.6 អុីញ ដើម្បីបង្ហាញទិន្នន័យបើកបរ និងប្រព័ន្ធកម្សាន្ត រួមបញ្ចូលគ្នាតែម្ដង។ បរិក្ខានៅផ្នែកខាងក្ននុងប្រើប្រាស់ជាមួយឈ, ប្រាក់ និងស្បែក ហើយមានជម្រើសពណ៌ខាងក្នុងចំនួន៤ប្រភេទ។
ក្រុមហ៊ុន Dacora បាននិយាយថារថយន្តនេះរចនាដោយបង្ហាញពី “ការគោរពចំពោះទម្រង់ដ៏ស្រស់ស្អាតនៃរថយន្ដប្រភេទ Streamline Moderne ក្នុងទសវត្សរ៍ឆ្នាំ 1930″។ ចំពោះព័ត៌មានលម្អិតជាក់លាក់ពីរថយន្ដនៅមានតិចតួចនៅឡើយទេ ប៉ុន្តែមើលតាមរូបភាពរបស់រថយន្ដគម្រូនេះត្រូវបានបំពាក់ជាមួយ គម្របម៉ាស៊ីនឈើឆ្លាក់ដោយដៃ ហើយអមដោយចង្កៀងមុខរាងមូល បន្ថែមមកជាមួយកាងប៉ោងៗ កង់រចនាបថសាមញ្ញ និង ការតុបតែងភ្លឺចែងចាំងដែលបំផុសគំនិតពីសម័យបុរាណ។ ផ្នែកខាងក្រោយបានរចនាតាមបែប Afterburner មានចង្កៀងរាងមូលៗ និងកង់ក្រោយបិទបាំង។
ផ្នែកខាងក្នុងរបស់រថយន្ដបានបំពាក់មកជាមួយឈើ ហើយក្រណាត់ត្បាញពីរោមចៀមនិងស្បែកសរីរាង្គដែលគ្មានជាតិពុល។ ចំពោះអេក្រង់ឌីជីថលត្រូវបានបញ្ចាំងជា Slide ទៅលើបន្ទះឈើ ដោយឧបករណ៍រាងមូលនៅចំកណ្ដាល។
កាន់តែពិសេសនៅផ្នែកខាងក្រោយក៏មានទូរសម្រាប់ដាក់បារី, មានម៉ាស៊ីនឆុងកាហ្វេ ពួកគេក៏មានគម្រោងបន្ថែមទូរសុវត្ថិភាព និង ទូរទឹកកកផងដែរ។
