Mazda EZ-60 ទទួលបានការបញ្ជាទិញទុកមុុនជិត ៣ម៉ឺនគ្រឿងហើយ

June 9, 2025

[បរទេស] ក្រុមហ៊ុនផលិតរថយន្ត Mazda បានធ្វើការនាំយករថយន្ត Mazda EZ-60 ស៊េរីថ្មីចុងក្រោយ ទៅដាក់តាំងបង្ហាញនៅឯពិព័រណ៍រថយន្ត Chongqing Auto Show 2025 ដែលកំពុងធ្វើឡើងនៅប្រទេសចិន ក្នុងនោះ Mazda បានប្រកាសថា មកដល់ពេល Mazda EZ-60 ទទួលបានការបញ្ជាកក់ចំនួនច្រើនជាង ២៦ ០០០ គ្រឿងហើយ គិតចាប់ពីថ្ងៃបញ្ចេញជាផ្លូវការ ។

ក្នុងនោះ បើតាមព័ត៌មានការបញ្ជាទិញបច្ចុប្បន្នរបស់ EZ-60 ក្រុមហ៊ុន Mazda និយាយថា អតិថិជនដែលបញ្ជាទិញជាមុនមានអាយុចន្លោះពី ២៥ ទៅ ៤០ ឆ្នាំ ។ លើសពីនេះ ក្រុមហ៊ុនបណ្តាក់រួមគ្នា Changan Mazda ក៏បានអញ្ជើញអ្នកប្រើប្រាស់ឲ្យចែករំលែកទស្សនៈរបស់ពួកគេ ដោយបានរំលេចលើផ្នែកសំខាន់របស់ម៉ូដែលនះ គឺការរចនាលំហូរខ្យល់ aerodynamic នៅផ្នែកខាងក្រៅ រួមទាំងបច្ចេកវិទ្យាទំនើបៗកម្រិតខ្ពស់នៅផ្នែកខាងក្នុង។

គួរឲ្យដឹងថា Mazda EZ-60 ត្រូវបានផលិតឡើងរួមគ្នារវាងក្រុមហ៊ុន Mazda និង Changan នៅប្រទេសចិន ដោយប្រើប្រាស់នៅគ្រោងឆ្អឹង EPA platform ផ្តល់នៅជម្រើសថាមពលចំនួន ២ រួមមាន ប្រើអគ្គីសនីសុទ្ធ EV អាចបើកបរបានចម្ងាយ ៦០០ គីឡូម៉ែត្រ នៅពេលសាកថ្មពេញម្តង និងអាចបើកបរបានចម្ងាយ ១ ៣០០ គីឡូម៉ែត្រ សម្រាប់ម៉ូដែលអគ្គិសនី លាយសាំង EREV ខណៈការចេញលក់ជាផ្លូវការ នឹងធ្វើឡើងនៅខែ ៨ ឆ្នាំ ២០២៥ ៕

ផ្ទាំងផ្សាយពាណិជ្ជកម្ម

ឡានអគ្គិសនី bZ5 របស់ Toyota ប្រកាសចេញលក់នៅចិនតម្លៃខ្ទង់ ២មុឺនដុល្លារ អាចជិះបាន ៦៣០គ.ម

June 9, 2025

បន្ទាប់ពីប្រកាសបង្ហាញចេញនៅខែមុន ពេលនេះ ក្រុមហ៊ុនផលិតរថយន្ត FAW-Toyota បានប្រកាសដាក់លក់ជាផ្លូវការនូវរថយន្តអគ្គិសនីសុទ្ធ Toyota bZ5 ប្រភេទ midsize-SUV របស់ខ្លួននៅក្នុងទីផ្សារប្រទេសចិនហើយ ជាមួយតម្លៃលក់ក្រោម ១៨ ០០០ ដុល្លារ សម្រាប់ជម្រើសធម្មតា ដល់ ២២ ២០០ ដុល្លារ សម្រាប់ជម្រើសមានប្រព័ន្ធជំនួយការអ្នកបើកបរក៏ឆ្លាតវៃកម្រិតទី ២ និងខ្ពស់ជាង ២២ ២០០ ដុល្លារ សម្រាប់ជម្រើសកំពូល ឬក៏ Full-Set ។

Toyota bZ5 ត្រូវបានផលិតឡើងនៅលើគ្រោងឆ្អឹង e-TNGA platform មានប្រវែង ៤ ៧៨០ ម.ម ទទឹង ១ ៨៦៦ ម.ម កម្ពស់ ១ ៥១០ ម.ម និងប្រវែងគម្លាតកង់ ២ ៨៨០ ម.ម ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ២៦៨ សេះ ផ្កួបជាមួយជម្រើសអាគុយប្រភេទ Blade battery របស់ BYD ទំហំ ៦៥,២៨ និង ៧៤ គីឡូវ៉ាត់ម៉ោង អាចបើកបរបានចម្ងាយ ៥៥០ និង ៦៣០គីឡូម៉ែត្រ នៅពេលសាកថ្មពេញម្តង។

ចំពោះការរចនាផ្នែកខាងក្រៅរបសរថយន្តនេះវិញ គឺមានភាពស្រដៀងគ្នាទៅនឹងម៉ូដែលក្នុងត្រកូល bz របស់ Toyota ផ្សេងៗទៀតដែរ ពោលគឺមានប៉ាណាមុខបិទជិត ចង្កៀងមុខ-ក្រោយ LED រាងជាអក្សរ C អូសកាត់ពីផ្នែកម្ខាងទៅផ្នែកម្ខាង ក៏ដូចជាដៃទ្វារប្រភេទ flush-door ព្រមទាំងប្រើប្រាស់ថាសកង់ទំហំ ២១អ៉ីញ ជាដើម។ លើសពីនេះ ក៏មានបំពាក់ដោយប្រព័ន្ធសេនស័រចំនួន ៣៣ ទីតាំង, កាមេរ៉ា ៧ទីតាំង និងប្រព័ន្ធ radar ៥ ទីតាំង រួមទាំងប្រព័ន្ធចាប់សញ្ញា LiDAR លើដំបូល និងប្រព័ន្ធជំនួយការអ្នកបើកបរក៏ឆ្លាតវៃកម្រិតទី ២ គឺ Momenta 5.0 L2 urban advanced driving assistance system ហើយក៏មាន Auto parking ផងដែរ។

ចំពោះផ្នែកខាងក្នុងវិញ ទទួលបាននូវអេក្រង់កុងទ័របង្ហាញព័ត៌មានឌីជីថលទំហំ ៨,៨ អ៉ីញ និងអេក្រង់កំសាន្ត touchscreen ទំហំ ១៥,៦ អ៉ីញ ក៏ដូចជាដំបូលកញ្ចក់ Panoramic sunroof ប្រវែងជិត ២ម៉ែត្រ បាសម៉ាក JBL ចំនួន ១០គ្រាប់ ភ្លើងលម្អចំនួន ២៥៦ពណ៌ មុខងារ AI ពោងសុវត្ថិភាពចំនួន ៩ចំនុច និងប្រព័ន្ធសុវត្ថិភាព Toyota Safety Sense 3.0 ៕

ផ្ទាំងផ្សាយពាណិជ្ជកម្ម

រថយន្ដត្រកូល Fang Cheng Bao ថ្មីរបស់ BYD រចនាមកផ្ដោតលើការធ្វើដំណើរបែបផ្សេងព្រេង

June 9, 2025

[បរទេស] ក្រុមហ៊ុនផលិតរថយន្តអគ្គិសនី BYD បានចែករំលែករូបភាព Teaser របស់រថយន្ដ Fang Cheng Bao Tai 7 ដែលនឹងបង្ហាញខ្លួនជាផ្លូវការនៅពេលឆាប់ៗនេះ។ រថយន្តនេះរចនាមកផ្ដោតសំខាន់លើអតិថិជន ចូលចិត្តធ្វើដំណើរបែបផ្សងព្រេង។

មុនពេលបង្ហាញខ្លួនជាផ្លូវការ Fang Cheng Bao Tai 7 ធ្លាប់ត្រូវបានគេឃើញនៅប្រទេសចិនក្នុងអំឡុងពេលធ្វើតេស្តផ្លូវផងដែរ។ ចំពោះហ្វេន BYD គ្រាន់តែលឺឈ្មោះត្រកូល Fang Cheng Bao គឺដឹងច្បាស់តែម្ដង ថារថយន្ដនេះមានកម្រិតសមត្ថភាពមិនធម្មតាហើយ។ បច្ចុប្បន្នត្រកូល Fang Cheng Bao មានរថយន្ត off-road ដ៏រឹងមាំដំណើរការជាមួយនឹងប្រព័ន្ធ Plug-in Hybrid ដូចជាម៉ូឌែល Bao 5 និង Bao 8 (ជារឿយៗគេហៅថា Leopard 5 និង Leopard 8)។

មិនមានព័ត៌មានអំពីលម្អិតទាក់ទងជាមួយលក្ខណៈបច្ចេកទេសរបស់រថយន្ដ Fang Cheng Bao Tai 7 ទេ។ ប៉ុន្ដែយោងតាមសន្មត់ពីអ្នកជំនាញរថយន្ដនេះអាចនឹងប្រើប្រាស់ប្រព័ន្ធ Plug-in Hybrid ដោយសារតែវាមានគម្របច្រកចាក់ប្រេង/សាកថ្មនៅផ្នែកខាងក្រោយទាំងពីរ។ ទោះជាយ៉ាងណាក៏ដោយ រថយន្ត BYD មួយចំនួនគាំទ្រការសាកថ្មដោយប្រើឧបករណ៍ភ្ជាប់ពីរ។ ដូច្នេះ មានលទ្ធភាពដែលរថយន្ត SUV នេះជាប្រភេទអគ្គិសនីសុទ្ធ។ រូបភាព Render ក្រៅផ្លូវការនៃរថយន្ត Fang Cheng Bao Tai 7 ត្រូវបានចែករំលែកតាមអនឡាញ ហើយធ្វើឲ្យហ្វេនរបស់រថយន្ដ Fang Cheng Bao ពេញចិត្តយ៉ាងខ្លាំង។

តាមការប៉ាន់ស្មានរថយន្ត Fang Cheng Bao Tai 7 អាចនឹងមានតម្លៃចន្លោះពី ៣០០ ០០០ ទៅ ៣៥០ ០០០យន់ ឬស្មើនិង ៤១ ៧៣០ ទៅ ៤៧ ៦៨០ ដុល្លារ។ គួរបញ្ជាក់ផងដែរចំពោះលម្អិតនិងតម្លៃរបស់រថយន្ដនេះ ក្រុមហ៊ុន BYD នៅមិនទាន់បង្ហាញជាផ្លូវការនៅឡើយទេ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ BYD Seal 06 EV តម្លៃទាប បច្ចេកវិទ្យាខ្ពស់ បង្ហាញខ្លួនជាផ្លូវការ

June 9, 2025

[បរទេស] ក្រុមហ៊ុនផលិតរថយន្ត BYD បានធ្វើការដាក់បង្ហញចេញជាផ្លូវការនៅរថយន្តអគ្គិសនីសុទ្ធ BYD Seal 06 EV ស៊េរីថ្មីចុងក្រោយ នៅទីផ្សារប្រទេសចិន ជាមួយតម្លៃលក់ចាប់ពី ១៥ ២៧០ ដុល្លារ ដល់ ១៨ ០៥០ ដុល្លារ ។

BYD Seal 06 EV ផលិតឡើងនៅគ្រោងឆ្អឹង e-Platform 3.0 Evo ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ២១៥ សេះ ផ្គួបជាមួយអាគុយទំហំ ៥៦,៦ គីឡូវ៉ាត់ម៉ោង សាកថ្មពេញ អាចបើករបានចម្ងាយ ៥៤៥ គីឡូម៉ែត្រ គាំទ្រដោយសាកថ្មល្បឿនលឿន អាចសាកបានពី ៣០-៨០% ប្រើរយៈពេល ២៤នាទី ។

រថយន្តប្រភេទ sedan នេះ មានប្រវែងតួខ្លួនសរុប ៤ ៧២០ ម.ម ទទឹង ១ ៨៨០ ម.ម កំពស់ ១ ៤៩៥ ម.ម និងប្រវែងគម្លាតកង់មុខ-ក្រោយ ២.៨២០ ម.ម ។ សម្រាប់រូបរាង និងការឌីស្សាញផ្នែកខាងក្រៅ គឺស្រដៀងទៅនឹងម៉ូដែលប្រើអគ្គិសនី លាយសាំង PHEV ដោយមានប៉ាណាបិទជិត ចង្កៀងមុខ-ក្រោយ LED ព្រមទាំងថាសកង់ស្ព័រឌីស្សាញថ្មី ។

ចំពោះនៅផ្នែកខាងក្នុង មានអេក្រង់កំសាន្ត touchscreen ទំហំ ១៥,៦ អ៉ីញ គាំទ្រដោយប្រព័ន្ធ DiPlink 100 សម្រាប់បញ្ជាមុខងារទូទៅនៅលើរថយន្ត ក៏ដូចជាប្រព័ន្ធជំនួយការអ្នកបើកបរ DiPilot 100 God’s Eye C ដែលបញ្ចូលនៅមុខងារជាច្រើនទៀតផង ៕

ផ្ទាំងផ្សាយពាណិជ្ជកម្ម

Mitsubishi DST Concept បង្ហាញខ្លួនជាផ្លូវការ នៅប្រទេសជាប់កម្ពុជា

June 7, 2025

[បរទេស] ក្រុមហ៊ុនផលិតរថយន្ត Mitsubishi បានធ្វើការដាក់បង្ហាញចេញជាផ្លូវការនៅរថយន្ត Mitsubishi DST Concept នៅទីផ្សារប្រទេសវៀតណាម ហើយគ្រោងនឹងចេញលក់ជាផ្លូវការនៅចុងឆ្នាំ ២០២៥ ឬដើមឆ្នាំ ២០២៦ ខណៈតម្លៃ ក្រុមហ៊ុនមិនទាន់បង្ហាញនៅឡើយទេ ។

Mitsubishi DST Concept នេះ ជាការនាំចូលពីទីផ្សារប្រទេសឥណ្ឌូនេស៊ី ដែលអភិវឌ្ឍឡើងផ្តោតសំខាន់សម្រាប់ទីផ្សារក្នុងតំបន់អាស៊ាន នៅលើគ្រោងឆ្អឹង unibody platform ដំណើរការដោយម៉ាស៊ីនសាមងចំណុះ ១,៥ លីត្រ អាចផលិតកម្លាំងបាន ១០៣ សេះ ភ្ជាប់ដោយប្រអប់លេខ CVT ជាមួយរបៀបបើកបរចំនួន ៥ រួមមាន Normal, Tarmac, Gravel, Mud និង Wet ។

សម្រាបការឌីស្សាញផ្នែកខាងក្រៅរបស់រថយន្ត SUV ៧កៅអីនេះ នៅតែប្រើប្រាស់ភាសារចនាឲ្យឈ្មោះថា Dynamic Shield Styling Language ជាមួយតួខ្លួនជាជ្រុង មានប៉ាណាមុខមួយផ្ទាំងធំរចនារាងជាសំបុកឃ្មុំ ចង្កៀងមុខ-ក្រោយប្រភេទ LED រាងជាអក្សរ T-shaped កញ្ចក់ចំហៀងប្រើប្រាស់ជាប្រភេទឌីជីថល ព្រមទាំងថាសកង់ស្ព័រឌីស្សាញថ្មីផងដែរ ។

ចំពោះនៅផ្នែកខាងក្នុងតុបតែងផ្តល់នៅប្រណិតភាព និងទាន់សម័យ ជាមួយកុងទ័របង្ហាញព័ត៌មាន និងអេក្រង់កំសាន្ត touchscreen ជាប្រភេទភ្លោះ រួមទាំងកុងស៊ូលកណ្តាលបែបអនាគត ក៏ដូចជាហ្វ្រាំងដៃអេឡិចត្រូនិច ជាមួយមុខងារ Auto Hold ជាដើម ៕

ផ្ទាំងផ្សាយពាណិជ្ជកម្ម

បើសិនរថយន្ដភីកអាប់ខ្លួនទទួលបានជោគជ័យខ្លាំង Kia ពិចារណបន្ថែមជម្រើស SUV

June 7, 2025

មានព័ត៌មានលេចលឺជាច្រើនថា Kia គ្រោងនឹងផលិតរថយន្ដ SUV ផ្ដោតលើគ្រោងឆ្អឹងរបស់រថយន្ដភីកអាប់ Kia Tasman។ ប៉ុន្ដែយ៉ាងណាមិញ បច្ចុប្បន្នតាមការបញ្ជាក់ពីក្រុមហ៊ុនកូរ៉េខាងត្បូងមួយនេះ ពួកគេផ្ដោតលើការលក់រថយន្ដភីកអាប់សិន។

យោងតាមចុះផ្សាយរបស់ Carsales ប្រធានវិស្វករផ្នែកបើកបរ និងការគ្រប់គ្រងរបស់ក្រុមហ៊ុន Kia ប្រទេសអូស្ត្រាលីបាននិយាយថា រថយន្ត SUV ម៉ូឌែល Tasman នឹងមានវត្ដមានក្នុងរយៈពេលបីឆ្នាំខាងមុខ។ ទោះជាយ៉ាងណាក៏ដោយ អគ្គនាយកផ្នែកទីផ្សាររបស់ក្រុមហ៊ុន Kia ប្រទេសអូស្ត្រាលីត្រូវបានគេរាយការណ៍ថា បានបដិសេធរឿងនេះ ហើយបាននិយាយថា ប្រសិនបើរថយន្ដ Tasman ទទួលបានជោគជ័យ នោះជម្រើសជាច្រើនទៀតនឹងកើតមាន ដូច្នេះយើងត្រូវគិតយ៉ាងណាឲ្យភីកអាប់ Tasman ដំណើរការបានល្អសិន ។

ប្រសិនបើរថយន្ត SUV នេះត្រូវបានអនុញ្ញាតឲ្យផលិតជាផ្លូវការ វានឹងទំនងជានឹងក្លាយជាគូប្រជែងជាមួយរថយន្ត Toyota Prado និង Ford Everest។

នេះហាក់ដូចជាបញ្ជាក់ថា ក្រុមហ៊ុនកំពុងពិចារណាបង្កើតរថយន្ត SUV ដោយផ្អែកលើរថយន្តភីកអាប់ Tasman ទោះបីជាពេលនេះវាមិនទាន់ត្រូវបានអនុម័តផលិតជាផ្លូវការនៅឡើយ។

ក្រឡែកមកមើលទីផ្សារប្រទេសអូស្រា្ដលី ប្រជាជនចូលចិត្តរថយន្តភីកអាប់ (trucks) និងរថយន្ត SUV ។ ទិន្នន័យពីសភាពាណិជ្ជកម្មសហព័ន្ធឧស្សាហកម្មយានយន្តបានបង្ហាញថា រថយន្តលក់ដាច់បំផុតនៅក្នុងខែឧសភា គឺ Toyota Hilux និង Ford Ranger ។ រថយន្ត SUV ប្រភេទ body-on-frame ក៏មានប្រជាប្រិយភាពយ៉ាងខ្លាំងផងដែរ ដូចជា Toyota Land Cruiser, Toyota Prado និង Ford Everest គឺជារថយន្តលក់ដាច់បំផុតទាំង ១០នៅកាលពីខែមុន៕

ផ្ទាំងផ្សាយពាណិជ្ជកម្ម

Maextro S800 បានទទួលការបញ្ជាទិញចំនួន ៣ ៦០០ គ្រឿងក្នុងរយៈពេល ៧ថ្ងៃ

June 7, 2025

រថយន្តអគ្គិសនីប្រណីត Maextro S800 កើតចេញពីសហការផលិតរួមគ្នារវាងក្រុមហ៊ុន Huawei និង JAC ទទួលបានការបញ្ជាទិញចំនួន ៣ ៦០០ គ្រឿងក្នុងរយៈពេល ៧ថ្ងៃបន្ទាប់ពីការដាក់លក់លើទីផ្សារនៅក្នុងប្រទេសចិន។

បន្ទាប់ពីការដាក់បង្ហាញខ្លួនជាផ្លូវការ ក្រុមហ៊ុន Huawei បានបង្ហាញថា Maextro S800 ទទួលបានការបញ្ជាទិញចំនួន ១ ៦០០ គ្រឿងត្រឹមតែរយៈពេល ២៤ម៉ោងប៉ុណ្ណោះ។ លោក Yu Chengdong នាយកប្រតិបត្តិរបស់ក្រុមហ៊ុន Huawei បានថ្លែងថា ៧០% នៃការបញ្ជាទិញទាំងនោះ សម្រាប់ម៉ូឌែលកម្រិតខ្ពស់របស់ Maextro S800។

រថយន្ត Maextro S800 មានជម្រើស៦ម៉ូឌែលដាក់លក់ក្នុងតម្លៃដូចខាងក្រោម៖

Maextro S800 ប្រើអគ្គិសនីសុទ្ធ ៥កៅអី តម្លៃ ៩៦ ៦៦០ដុល្លារ
Maextro S800 ប្រើអគ្គិសនីលាយសាំង ប្រើម៉ូទ័រ២ ៥កៅអី តម្លៃ ៩៦ ៦៦០ដុល្លារ
Maextro S800 ប្រើអគ្គិសនីលាយសាំង ប្រើម៉ូទ័រ៣ ៥កៅអី តម្លៃ ១០៩ ៦១០ដុល្លារ
Maextro S800 ប្រើអគ្គិសនីសុទ្ធ ៤កៅអី តម្លៃ ១១៣ ៧៨០ដុល្លារ
Maextro S800 ប្រើអគ្គិសនីសុទ្ធ ម៉ូទ័រ២ ៤កៅអី តម្លៃ ១១៣ ៧៨០ដុល្លារ
Maextro S800 ប្រើអគ្គិសនីលាយសាំង ប្រើម៉ូទ័រ៣ ៤កៅអី តម្លៃ ១៤១ ៦០០ដុល្លារ

Maextro S800 ប្រើប្រាស់ប្រព័ន្ធបើកបរឆ្លាតវៃ ADS 4 ចុងក្រោយបំផុតរបស់ Huawei មានសមត្ថភាពអាចបញ្ជ ដោយប្រើសម្លេងតាមរយៈ “AI trains AI”។ លើសពីនេះរថយន្ដនេះក៏បំពាក់មកជាមួយឧបករណ៍ចាប់សញ្ញា LiDAR ចំនួន ៤ និងឧបករណ៍ចាប់សញា្ញផ្សេងទៀតចំនួន ៣២ សម្រាប់ការយល់ឃើញទូលំទូលាយ ៣៦០ដឺក្រេ និងការគាំទ្រសម្រាប់ស្ថានភាពបើកបរស្មុគស្មាញ ដូចជាការបើកបរក្នុងគន្លងផ្លូវតូចចង្អៀត ការគេចវេសឧបសគ្គដោយស្វ័យប្រវត្តិ និងការចតរថយន្តបានត្រឹមត្រូវ។ លើសពីនេះ វាក៏មានប្រព័ន្ធកាប៊ីនបើកបរឆ្លាតវៃ Harmony ALPS 2.0 និងបច្ចេកវិទ្យាទំនាក់ទំនង Huawei Galaxy ផងដែរ។

សុវត្ថិភាពគឺជាចំណុចសំខាន់មួយដែលលេចធ្លោ តួខ្លួនរបស់រថយន្ដនេះ. ត្រូវបានផ្សំឡើងពីដែកថែបដែលមានកម្លាំងខ្លាំងបំផុត និងអាលុយមីញ៉ូម ដោយក្នុងនោះ ២៤% ជាដែកថែបបង្កើតដោយកម្ដៅលើសពី ១៥០០ MPa។ ការរចនានេះធ្វើឡើងដើម្បីបំពេញតាមស្តង់ដារសុវត្ថិភាព C-NCAP ប្រាំផ្កាយ និង C-IASI 3G+៕

ផ្ទាំងផ្សាយពាណិជ្ជកម្ម

Toyota លក់ម៉ូដែល Camry ប្រើ Hybrid នៅចិន បានជិត ២ម៉ឺនគ្រឿង ក្នុងរយៈពេល ១ខែប៉ុណ្ណោះ

June 6, 2025

[បរទេស] ក្រុមហ៊ុនផលិតរថយន្ត Toyota ប្រចាំនៅទីផ្សារប្រទេសចិន បានធ្វើការប្រកាសថា រថយន្ត Toyota Camry ស៊េរីថ្មីចុងក្រោយ ដែលមានតម្លៃលក់ចាប់ពី ២៣ ១៣៥ ដុល្លារ លក់បានចំនួនសរុប ១៨ ៩៨៣ គ្រឿងនៅក្នុងខែឧសភា ឆ្នាំ ២០២៥ ដែលចំនួនដែលខ្ពស់ជាងគេផងដែរ ។

Toyota Camry ស៊េរីថ្មីនេះ ជាការផលិតរួមគ្នារវាងក្រុមហ៊ុន Toyota និង GAC ដំណើរការដោយប្រព័ន្ធ Hybrid ធ្វើការជាមួយម៉ាស៊ីនសាំងចំណុះ ២,៥ លីត្រ និងម៉ូទ័រអគ្គិសនីចំនួន ១ ជាស្តង់ដារនៅលើម៉ូដែលទាំងអស់ ។ មិនត្រឹមតែប៉ុណ្ណោះ ក៏ទទួលបាននៅប្រព័ន្ធជំនួយការអ្នកបើកបរ Toyota Safety Sense 3.0 Pro system ជាស្តង់ដារ បញ្ចូលនៅប្រព័ន្ធសុវត្ថិភាព ២៧ មុខងារ ដែលមាន sensor ចំនួនដល់ទៅ ២០គ្រាប់ឯណ្ណោះ ។

សម្រាប់ការរចនានៅផ្នែកខាងក្រៅ មានភាពស្ព័រខ្លាំងបំពាក់ជាមួយប៉ាណាមុខទំហំធំអបជាមួយចង្កៀងមុខ-ក្រោយ LED កញ្ចក់ចំហៀងក្តោបអូតូមានអំពូលស៊ីញូ LED រួមទាំងប្រព័ន្ធផ្តល់សញ្ញាគ្រោះថា្នកមកពីចំហៀង BMS ព្រមទាំងប្រើប្រាស់នៅថាសកង់ស្ព័រទំហំ ១៨ អ៉ីញជាដើម ។

ចំពោះផ្នែកខាងក្នុង មានកុងទ័របង្ហាញព័ត៌មានឌីជីថលទំហំ ១២ អ៉ីញ និងអេក្រង់កម្សាន្ត touchscreen ទំហំ ១២,៣ អ៉ីញ អាចភ្ជាប់មុខងារ Apple CarPlay/Android Auto ព្រមទាំងបានប្រើបច្ចេកវិទ្យារបស់ក្រុមហ៊ុន Huawei ផងដែរ ។ លើសពីនេះ ក៏មានកន្លែងសាកថ្មឥតខ្សែ, ដំបូលកញ្ជក់ panoramic sunroof, ឧបករណ៍បំពងសម្លេងម៉ាក JBL ហើយតម្លៃលក់ចាប់ពី ២៣ ១៣៥ ដុល្លារ ៕

ផ្ទាំងផ្សាយពាណិជ្ជកម្ម

Nissan នឹងនាំយកឡានអគ្គិសនី N7 របស់ខ្លួនទៅលក់នៅទីផ្សារជប៉ុន!

June 6, 2025

ក្នុងពេលថ្មីៗនេះ ក្រុមហ៊ុនផលិតរថយន្ត Nissan ត្រូវបានគេរាយការណ៍ថា នឹងនាំយកនូវរថយន្តអគ្គិសនីថ្មីមួយរបស់ខ្លួនគឺ Nissan N7 ទៅលក់នៅក្នុងទីផ្សារប្រទេសជប៉ុននៅក្នុងពេលឆាប់ៗខាងមុខនេះ ដែលរថយន្តនេះគឺត្រូវបានបង្កើតឡើងដោយការសហការគ្នាជាមួយក្រុមហ៊ុន Dongfeng Nissan របស់ប្រទេសចិន។

គួរឲដឹងថា រថយន្តអគ្គីសនីសុទ្ធ Nissan N7 ត្រូវបានដាក់លក់ជាផ្លូវការនៅក្នុងប្រទេសចិន ចាប់ពីថ្ងៃទី ២៧ ខែមេសា មានជម្រើសចំនួន ៥ ជាមួយតម្លៃលក់ចាប់ពី ១៤ ០០០ ដុល្លារ ដល់ ១៧ ៥០០ ដុល្លារ។

Nissan N7 ផលិតឡើងដោយប្រើប្រាស់គ្រោងឆ្អឹង New Energy architecture ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ២៧២ សេះ ផ្គួបជាមួយអាគុយទំហំ ៥៨ គីឡូវ៉ាត់ម៉ោង អាចបើកបរបានចម្ងាយខ្ទង់ ៦៣៥ គីឡូម៉ែត្រនៅពេលសាកថ្មពេញម្តង ខណៈសាកថ្មតែ ១៩នាទី ក៏អាចបើកបរបានចម្ងាយ ៤០០ គីឡូម៉ែត្រ ដែរ។

រថយន្តនេះ មានប្រវែងតួខ្លួនសរុប ៤ ៩៣០ ម.ម ទទឹង ១ ៨៩៥ ម.ម កម្ពស់ ១ ៤៨៧ ម.ម និងប្រវែងគម្លាតកង់មុខ-ក្រោយ ២ ៩១៥ ម.ម ។ សម្រាប់ផ្នែកខាងក្រៅត្រូវបានឌីស្សាញបែប Minimalistic ផ្តល់នៅរូបរាងបែបស្ព័រ មានផ្នែខាងមុខមានប៉ាណាបិទជិត ចង្កៀងមុខ-ក្រោយប្រភេទ LED ព្រមទាំងប្រើប្រាស់នូវថាសកង់ស្ព័រទំហំ ១៩អ៉ីញ ជាដើម។

ចំពោះនៅផ្នែកខាងក្នុងវិញ ក៏ត្រូវបានឌីស្សាញបែប Minimalistic ដែរ ពោលគឺមានអេក្រង់កំសាន្ត touchscreen ទំហំ ១៥,៦ អ៉ីញ ភ្ជាប់មកជាមួយប្រព័ន្ធប្រតិបត្តិការឈីប Qualcomm Snapdragon 8295 រួមទាំងប្រព័ន្ធ Ai DeepSeek ក៏ដូចជាកន្លែងសាកថ្មឥតប្រើខ្សែ និងប្រព័ន្ធជំនួយការអ្នកបើកបរ ADAS ដ៏ឆ្លាតវៃជាច្រើនមុខថារផងដែរ៕

ផ្ទាំងផ្សាយពាណិជ្ជកម្ម

តម្លៃ ១មុឺនដុល្លារ តែអាចបើកបរបានចម្ងាយ ១ ៤០០ គីឡូម៉ែត្រ!

June 6, 2025

[ទីផ្សារចិន] ក្រុមហ៊ុនផលិតរថយន្ត Chery បានធ្វើការប្រកាសដាក់បង្ហាញចេញលក់ជាផ្លូវការនូវរថយន្ត Chery Fulwin A8 សេរ៊ីឆ្នាំ២០២៥ ប្រភេទ plug-in hybrid ជាមួយតម្លៃលក់ចាប់ពី ១១ ១០០ ដុល្លារ ដល់ ១៥ ៣០០ ដុល្លារ នៅក្នុងទីផ្សារប្រទេសចិន។

Chery Fulwin A8 មានប្រវែងតួខ្លួនសរុប ៤ ៧៩០ ម.ម ទទឹង ១ ៨៤៣ ម.ម កម្ពស់ ១ ៤៨៧ ម.ម និងប្រវែងគម្លាតកង់មុខ-ក្រោយ ២ ៧៩០ ម.ម ដំណើរការដោយម៉ាស៊ីន plug-in hybrid អាចបើកបរបានចម្ងាយ ៧០ និង ១៤៥គីឡូម៉ែត្រ ដោយអគ្គិសនីសុទ្ធ និងចម្ងាយសរុប ១ ៤០០គីឡូម៉ែត្រ មានកម្រិតស៊ីប្រេង ៤,៥៥លីត្រ ក្នុងរយៈចម្ងាយបើកបរ ១០០គីឡូម៉ែត្រ។

សម្រាប់ការរចនាផ្នែកខាងក្រៅរបស់ Chery Fulwin A8 គឺមានលក្ខណៈបែបស្ព័រ ដោយមានចង្កៀងផ្នែកខាងមុខថ្មីរាងស្លីម ប៉ាណាទំហំធំ ព្រមទាំងប្រើប្រាស់នូវថាសកង់ស្ព័រទំហំ ១៧ ដល់ ១៩អ៊ីញ និងចង្កៀងក្រោយ LED អូសកាត់ពីផ្នែកម្ខាងទៅផ្នែកម្ខាង។

ចំពោះនៅផ្នែកខាងក្នុងវិញ ទទួលបានកុងទ័របង្ហាញព័ត៌មានជីឌីថល និងអេក្រង់កំសាន្ត touchscreen ថ្មីទំហំ ២៤,៦ អ៊ីញ ដំណើរការដោយបន្ទះឈីប Snapdragon 8155 ក៏ដូចជាបាសសម្លេង កន្លែងសាកថ្មឥតខ្សែ និងប្រព័ន្ធជំនួយការបើកបរកម្រិតខ្ពស់ L2 ជាដើម៕

ផ្ទាំងផ្សាយពាណិជ្ជកម្ម