ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 92

Land Rover Defender ម៉ូដែលឆ្នាំ ២០២៦ អាប់ដេតបន្ថែម បង្ហាញខ្លួនជាផ្លូវការ

[បរទេស] ក្រុមហ៊ុនផលិតរថយន្ត Jaguar បានធ្វើការបញ្ចេញជាផ្លូវការនៅរថយន្ត Land Rover Defender ស៊េរីឆ្នាំ ២០២៦ ប្រភេទ SUV off-road ដែលទទួលបានការអាប់ដេតបន្ថែម គ្រោងនឹងចេញនៅក្នុងឆ្នាំ ២០២៦ ខណៈតម្លៃក្រុមហ៊ុនមិនទាន់បង្ហាញនៅឡើយទេ ។

Land Rover Defender ម៉ូដែលឆ្នាំ ២០២៦ បន្តផ្តល់ជូនជាមួយនឹងម៉ាស៊ីនសាំង និងម៉ាស៊ូត ចំណុះ ៥,០ លីត្រ V8 twin-turbo ជាមួយប្រព័ន្ធ mild-hybrid និង PHEV អាស្រ័យទៅតាមម៉ូដែល ប្រភេទប៉ុង ២ full-time 4WD ភ្ជាប់ដោយប្រអប់លេខអូតូ ៨វគ្គ ។

សម្រាប់រូបរាង និងការឌីស្សាញផ្នែកខាងក្រៅ ទទួលបានព​ណ៌តួខ្លួនថ្មីចំនួន ២ ពណ៌ រួមមានពណ៌ប្រផេះ និងពណ៌បៃតង ខណៈផ្នែកខាងមុខមានសណុំចង្កៀង LED ឌីស្សាញថ្មី ជាមួយប៉ាណារាងជាសំណាញ់ពណ៌ខ្មៅ ព្រមទាំងទទួលបានថាសកង់ថ្មីទំហំ ២២អ៉ីញ ខណៈផ្នែកខាងក្រោយរក្សាការឌីស្សាញដដែល ។

ចំពោះនៅផ្នែកខាងក្នុង ទទួលបានអេក្រង់កំសាន្ត touchscreen ទំហំ ១៣,១ អ៉ីញ (ដោយពីមុនទំហំតែ ១១,៤ អ៉ីញ) លើសពីនេះ ក៏បានបន្ថែមនៅប្រព័ន្ឍធ Adaptive Off-Road Cruise Control ដែលអាចលៃតម្រូវល្បឿនទៅតាមស្ថានភាពផ្លូវជាក់ស្តែងផងដែរ ៕

ផ្ទាំងផ្សាយពាណិជ្ជកម្ម

Maextro S800 បង្ហាញខ្លួនជាផ្លូវការដាក់លក់ក្នុងតម្លៃចន្លោះពី៩មុឺនជាងដល់១៤មុឺនដុល្លារ

ក្រុមហ៊ុន Huawei និង JAC Motors បាន​ប្រកាស​ជា​ផ្លូវការក្នុងការដាក់បង្ហាញរថយន្ត​ប្រណីត​លំដាប់​កំពូល​របស់​ពួកគេ គឺម៉ូឌែល Maextro S800 នៅ​ក្នុង​ប្រទេស​ចិន។ រថយន្ត​នេះ​ដាក់លក់ជាមួយ​តម្លៃ​ចន្លោះ​ពី ៧០៨ ០០០ ទៅ ១ ០១៨ ០០០យ័ន ស្មើនឹង ៩៨ ៣០០ ទៅ ១៤១ ០០០ដុល្លារ​។

រថយន្ត S800 ត្រូវ​បាន​ផ្តល់​ជូន​ទាំង​ម៉ូដែល​អគ្គិសនី​សុទ្ធ (pure electric) និង​ម៉ូដែល​អគ្គិសនី​លាយសាំង (EREV)។ ម៉ូឌែលអគ្គិសនី​សុទ្ធ ​ដំណើរការដោយ​ម៉ូទ័រអគ្គិសនី​ចំនួន៣ ​អាចផលិតកម្លាំងបាន ៨៥២សេះ និងបំពាក់មកជាមួយថអាគុយទំហំ ៩៤.៣ kWh អាចបើកបរបានចម្ងាយ ៦២២ គីឡូម៉ែត្រ គិតតាមស្ដង់ដារវាស់ល្បឿន CLTC ។ រថយន្ដក៏គាំទ្រការសាកថ្មល្បឿនលឿន 5C charging សាកថ្មពី ១០%-៨០% ប្រើពេលត្រឹមតែ១២នាទី។

ចំណែកប្រភេទអគ្គិសនីលាយសាំង EREV ដំណើរការដោយម៉ាសុីនចំណុះ ១.៥ រួមបញ្ចូលជាមួយម៉ូទ័រអគ្គិសនីប្រភេទ Dual-motor 4WD អមជាមួយអាគុយទំហំ ៦៥ kWh ។ រថយន្ដ Maextro S800 ក៏បំពាក់មកជាមួយបច្ចេកវិទ្យាសាកថ្ម 800V high-voltage system គាំទ្រនូវកម្លាំងសាក 6C charging  អាចសាកថ្មចាប់ពី ១០% ទៅ ៨០% ចំណាយពេលត្រឹមតែ ១០.០ នាទីប៉ុណ្ណោះ។

ប្រភេទ EREV មាន២ជម្រើសផ្សេងគ្នា៖

  • EREV ម៉ូទ័រពីរ (Dual-motor EREV): អាចផលិតកម្លាំងបាន ៥២៣សេះ ប្រើអគ្គិសនីសុទ្ធអាចបើកបានចម្ងាយ ៤០០គីឡូម៉ែត្រ ប៉ុន្តែបើប្រើសអគ្គិសនីលាយសាំងអាចបើកបានចម្ងាយ ១ ៣៣៣គីឡូម៉ែត្រ។

  • EREV ម៉ូទ័របី (Tri-motor EREV): ម៉ូដែលនេះផ្តល់កម្លាំងដល់ទៅ ៨៥២សេះ។ ប្រើអគ្គិសនីសុទ្ធអាចបើកបានចម្ងាយ ៣៦៥គីឡូម៉ែត្រ ប៉ុន្តែបើប្រើសអគ្គិសនីលាយសាំងអាចបើកបានចម្ងាយ ១ ២០០គីឡូម៉ែត្រ។ 

រថយន្ដទាំង២ម៉ឌែលនេះសុទ្ធតែប្រើប្រាស់បច្ចេកវិទ្យាអាគុយ Huawei’s Whale Battery 2.0។ បន្ថែមពីនេះអតិថិជនក៏មានជម្រើសរថយន្ដជាជម្រើស ៤កៅអីនិង ៥កៅអី តាមតម្រូវការចង់បានរបស់ខ្លួន។

Maextro S800 ប្រើប្រាស់​ប្រព័ន្ធ​បើកបរ​ឆ្លាតវៃ ADS 4 ចុងក្រោយ​បំផុត​របស់ Huawei ​មាន​សមត្ថភាពអាចបញ្ជាដោយប្រើសម្លេងតាមរយៈ “AI trains AI”។ លើសពីនេះរថយន្ដនេះក៏​បំពាក់មកជាមួយ​ឧបករណ៍​ចាប់សញ្ញា LiDAR ចំនួន ៤ និង​ឧបករណ៍​ចាប់សញា្ញផ្សេង​ទៀត​ចំនួន ៣២ សម្រាប់​ការ​យល់​ឃើញ​ទូលំទូលាយ ៣៦០ដឺក្រេ និង​ការ​គាំទ្រ​សម្រាប់​ស្ថានភាព​បើកបរ​ស្មុគស្មាញ ដូចជា​ការ​បើកបរ​ក្នុង​គន្លង​ផ្លូវ​តូចចង្អៀត ការ​គេចវេស​ឧបសគ្គ​ដោយ​ស្វ័យប្រវត្តិ និង​ការ​ចត​រថយន្ត​បាន​ត្រឹមត្រូវ។ លើស​ពី​នេះ វា​ក៏​មាន​ប្រព័ន្ធ​កាប៊ីន​បើកបរ​ឆ្លាតវៃ Harmony ALPS 2.0 និង​បច្ចេកវិទ្យា​ទំនាក់ទំនង Huawei Galaxy ផង​ដែរ។

សុវត្ថិភាព​គឺ​ជា​ចំណុច​សំខាន់​មួយ​ដែល​លេចធ្លោ ​តួខ្លួនរបស់រថយន្ដនេះ. ​ត្រូវ​បាន​ផ្សំ​ឡើង​ពី​ដែក​ថែប​ដែល​មាន​កម្លាំង​ខ្លាំង​បំផុត និង​អាលុយមីញ៉ូម ដោយ​ក្នុង​នោះ ២៤% ជា​ដែក​ថែប​បង្កើត​ដោយ​កម្ដៅ​លើសពី ១៥០០ MPa។ ការ​​រចនា​នេះធ្វើឡើង​ដើម្បី​បំពេញ​តាម​ស្តង់ដារ​សុវត្ថិភាព C-NCAP ប្រាំ​ផ្កាយ និង C-IASI 3G+៕

ផ្ទាំងផ្សាយពាណិជ្ជកម្ម

រថយន្ដអគ្គិសនី Mitsubishi Eclipse Cross ផលិតសម្រាប់ទីផ្សារអឺរ៉ុបនឹងបង្ហាញខ្លួននៅខែកញា្ញ

[បរទេស] ក្រុមហ៊ុន Mitsubishi Motors Europe បានប្រកាសពីការដាក់លក់រថយន្ត SUV ប្រភេទ Crossover អគ្គិសនី (C-SUV) មានឈ្មោះថា “Eclipse Cross” ដែលនឹងត្រូវបង្ហាញខ្លួននៅខែកញា្ញខាងមុខនេះ ហើយនឹងចេញលក់ជាផ្លូវការនៅចុងឆ្នាំ ២០២៥។

រថយន្ត Eclipse Cross ថ្មីនេះត្រូវបានអភិវឌ្ឍជាពិសេសសម្រាប់ទីផ្សារអឺរ៉ុប ដោយមានការកែប្រែកម្រិតអាគុយ ផ្ដល់ជូននូវរយៈចម្ងាយឆ្ងាយ (long-range battery) នឹងធ្វើការដាក់លក់នៅត្រីមាសទី ៤ ឆ្នាំ ២០២៥ រីឯការកែប្រែកម្រិតអាគុយមធ្យម  (mid-range battery) នឹងត្រូវដាក់លក់តាមក្រោយនៅឆ្នាំ ២០២៦។

ម៉ូឌែលថ្មីនេះនឹងក្លាយជាតួអង្គថ្មីមួយ ក្នុងការប្រកួតប្រជែងក្នុងប្រភេទរថយន្ដ C-SUV ដែលទទួលបានការពេញនិយមជាងគេនៅតំបន់អឺរ៉ុប។ រថយន្ត Eclipse Cross (BEV) នឹងក្លាយជារថយន្តអគ្គិសនីសុទ្ធដំបូងគេរបស់ Mitsubishi ដែលបានលក់នៅអឺរ៉ុបចាប់តាំងពីឆ្នាំ ២០១០ នៅពេលដែលរថយន្ដ i-MiEV ដែលជារថយន្តប្រើអគ្គិសនីសុទ្ធ BEV ដំបូងគេដែលចូលទៅក្នុងផលិតកម្មដោយក្រុមហ៊ុនផលិតរថយន្តធំមួយនេះត្រូវបានដាក់លក់។


ម៉ូឌែលថ្មីនេះក៏ជាជំហានដ៏សំខាន់មួយនៅក្នុងយុទ្ធសាស្ត្រធ្វើឲ្យផលិតផលរបស់ក្រុមហ៊ុន Mitsubishi រស់ឡើងវិញនៅក្នុងទ្វីបអឺរ៉ុប ដោយមានគោលបំណងគ្របដណ្តប់លើផ្នែកទីផ្សារស្នូល ជាមួយនឹងការសង្កត់ធ្ងន់លើប្រភេទរថយន្ដ SUV ដែលរួមបញ្ចូលបច្ចេកវិទ្យាថ្មីៗ ទាំងផ្នែកប្រព័ន្ធថាមពល (powertrains) និងប្រព័ន្ធជំនួយការបើកបរឆ្លាតវៃ (Intelligent Driving Assistance Systems – ADAS)៕

ផ្ទាំងផ្សាយពាណិជ្ជកម្ម

ឡានអគ្គីសនីសុទ្ធ MG S5 ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពីប្រទេសអូស្រ្តាលី ANCAP

[បរទេស] កាលពីពេលថ្មីៗកន្លងទៅនេះ រថយន្តអគ្គិសនីសុទ្ធ MG S5 ស៊េរីថ្មីចុងក្រោយ បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំប្រទេសអូស្រ្តាលី Australian NCAP ដោយទទួលបានចំណាត់ថ្នាក់ផ្កាយ ៥។

សម្រាប់ការធ្វើតេស្តសុវត្ថិភាពនេះដែរ រថយន្តអគ្គិសនីសុទ្ធ MG S5 EV បានទទួលពិន្ទុទៅលើការ៖

  • ការការពារអ្នកដំណើរពេញវ័យចំនួន ៩០ ភាគរយ
  • ការការពារអ្នកដំណើរវ័យក្មេង ៨៦ ភាគរយ
  • មុខងារជំនួយការបើកបរ និងសុវត្ថិភាព ៧៩ ភាគរយ
  • ការការពារអ្នកថ្មើរជើង ឬអ្នកធ្វើដំណើរនៅតាមដងផ្លូវចំនួន ៨២ ភាគរយ

រថយន្តនេះ ត្រូវបានផលិតឡើងនៅលើគ្រោងឆ្អឹង NPE platform ដំណើរការដោយ៖

  • ម៉ូទ័រអគ្គិសនីចំនួន ១ អាចផលិតកម្លាំងបាន ១៧០ សេះ និងកម្លាំងរមួល ២៥០ ញ៉តុនម៉ែត្រ ផ្គួបជាមួយអាគុយទំហំ ៥០ គីឡូវ៉ាត់ម៉ោង អាចបើកបរបានចម្ងាយ ៤១៦ គីឡូម៉ែត្រ នៅពេលសាកថ្មពេញម្តង សម្រាប់ម៉ូដែល D និង X
  • ម៉ូទ័រអគ្គិសនីចំនួន ២ អាចផលិតកម្លាំងបាន ២៤៥ សេះ និងកម្លាំងរមួល ៣៥០ ញ៉តុនម៉ែត្រ ផ្គួបជាមួយអាគុយទំហំ ៦៤ គីឡូវ៉ាត់ម៉ោង អាចបើកបរបានចម្ងាយ ៥៥០ គីឡូម៉ែត្រ នៅពេលសាកថ្មពេញម្តង សម្រាប់ម៉ូដែល V ។ សម្រាប់ការសាកថ្មល្បឿនលឿនបានពី ៣០-៨០% ប្រើរយៈពេល ៣០នាទី ៕

ផ្ទាំងផ្សាយពាណិជ្ជកម្ម

Kia EV3 ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពីប្រទេសអូស្រ្តាលី ANCAP

[បរទេស] កាលពីពេលថ្មីៗកន្លងទៅនេះ រថយន្តអគ្គិសនីសុទ្ធ Kia EV3 ស៊េរីថ្មីចុងក្រោយ បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំប្រទេសអូស្រ្តាលី Australian NCAP ដោយទទួលបានចំណាត់ថ្នាក់ផ្កាយ ៥។

សម្រាប់ការធ្វើតេស្តសុវត្ថិភាពនេះដែរ រថយន្តអគ្គិសនីសុទ្ធ Kia EV3 បានទទួលពិន្ទុទៅលើការ៖

  • ការការពារអ្នកដំណើរពេញវ័យចំនួន ៨៣ ភាគរយ
  • ការការពារអ្នកដំណើរវ័យក្មេង ៨៦ ភាគរយ
  • មុខងារជំនួយការបើកបរ និងសុវត្ថិភាព ៨១ ភាគរយ
  • ការការពារអ្នកថ្មើរជើង ឬអ្នកធ្វើដំណើរនៅតាមដងផ្លូវចំនួន ៧៨ ភាគរយ

Kia EV3 ស៊េរីថ្មីចុងក្រោយ ត្រូវបានផលិតឡើងនៅលើគ្រោងឆ្អឹង E-GMP platform បំពាក់ម៉ូទ័រអគ្គិសនីចំនួន ១ អាចផលិតកម្លាំងបាន ២០១ សេះ និងកម្លាំងរមួល ២៨៥ ញ៉ូតុនម៉ែត្រ ផ្គួបជាមួយអាគុយទំហំ ៨១,៤គីឡូវ៉ាត់ម៉ោង អាចបើកបរបានចម្ងាយ ៥០១ គីឡូម៉ែត្រនៅពេលសាកថ្មពេញម្តង ដោយសារការសាកល្បឿនលឿន DC អាចសាកពី ១០-៨០% ប្រើរយៈពេល ៣០ នាទីប៉ុណ្ណោះ ៕

ផ្ទាំងផ្សាយពាណិជ្ជកម្ម

ក្រុមហ៊ុនថ្មីរបស់អ៉ីតាលីបញ្ចេញរថយន្ដ Hypercar ២ម៉ូឌែលបំពាក់មកជាមួយម៉ាសុីន V12

ក្រុមហ៊ុនថ្មីរបស់ប្រទេសអ៉ីតាលីមួយឈ្មោះ Giamaro Automobili បានធ្វើការដាក់បង្ហាញរថយន្ដ Hypercar ២ម៉ូឌែលដែលមានឈ្មោះថា Katla និង Albor។ រថយន្ត Katla គឺជា hypercar ដែលផ្តោតលើការបើកបរក្នុងទីលានប្រណាំង ខណៈម៉ូឌែល Albor ជាប្រភេទរថយន្តបំផុសគំនិតរចនាតាមរថយន្ដប្រណាំងបែប Rally ។



រថយន្តទាំងពីរម៉ូឌែលនេះដំណើរការដោយម៉ាស៊ីន V12 ទំហំ ៧.០ លីត្រ ជាមួយនឹង Turbocharger ចំនួនបួន។ ចំពោះរថយន្ដ Katla មានសមត្ថភាពអាចផលិតបាន ១ ៦៤៧សេះ កម្លាំងរមួល ១ ៥៥៦ញ៉ូតុនម៉ែត្រ ក្នុងនោះក៏មានជម្រើសពិសេស អាចផលិតកម្លាំងដល់ ២ ១២៧សេះ កម្លាំងរមួល ២ ០០៨ញ៉ូតុនម៉ែត្រ។ ជារឿងស្ទើរមិនគួរជឿថារថយន្ដ Katla មានសមត្ថភាពខ្លាំងជាងរថយន្ត Bugatti Tourbillon ទៅទៀត។

ចំពោះរថយន្ត Albor ជាប្រភេទរថយន្ត hypercar ដ៏រឹងមាំមួយ ទទួលបានការបំផុសគំនិតពីរថយន្ត Lamborghini Huracan Sterrato។ រថយន្ដនេះរចនាមកមានកម្ពស់ខ្ពស់ និងបំពាក់ដោយគែបកង់ (fender flares) ធ្វើពីសរសៃកាបូនដ៏ក្រាស់។ ក្រមហ៊ុន Giamaro កំពុងរក្សាព័ត៌មានលម្អិតជាការសម្ងាត់ពាក់ព័ន្ធជាមួយរថយន្ដ Albor ប៉ុន្តែពួកគេបានប្រាប់ថារថយន្តនេះត្រូវបានដាក់ឈ្មោះតាមភ្នំភ្លើង Albor Tholus នៅលើភពអង្គារ។ ពួកគេក៏បានបន្ថែមបង្ហាញផងដែរថា រថយន្ដម៉ូឌែលនេះប្រើប្រាស់ គ្រោងឆ្អឹង Monocoque និងបំពាក់មកម៉ាស៊ីនដូចទៅនឹងរថយន្ត Katla ដែរ។

គួរបញ្ជាក់ផងដែរសម្រាប់ក្រុមហ៊ុន Giamaro Automobili គឺជាក្រុមហ៊ុនផលិតរថយន្ត hypercar របស់អ៉ីតាលីដែលទើបបង្កើតថ្មីមួយ ដោយត្រូវបានបង្កើតឡើងក្នុងឆ្នាំ ២០២១ ដោយលោក Giacomo និង Pierfrancesco Commendatore។ រថយន្ដដំបូងរបស់ពួកគេគឺម៉ូឌែល Katla និង Albor ៕

ផ្ទាំងផ្សាយពាណិជ្ជកម្ម

Aito M7 របស់ Huawei នឹងទទួលបានការអាប់ឌែតថ្មី នៅក្នុងទីផ្សារចិន!

បន្ទាប់ពីការលក់រថយន្ត Aito M7 របស់ខ្លួនមានការធ្លាក់ចុះខ្លាំង ក្រុមហ៊ុន Huawei និង Seres បានប្រកាសឲដឹងថាពួកគេនឹងធ្វើនូវការអាប់ឌែតថ្មី ឬក៏ facelift សម្រាប់រថយន្តមួយម៉ូឌែលនេះ នៅក្នុងទីផ្សារប្រទេសចិន។

ចំពោះការផ្លាស់ប្តូរនេះ គឺកើតឡើងក្រោយពីការលក់របស់ M7 បានធ្លាក់ចុះយ៉ាងខ្លាំងដល់ ៧២,៩% នៅក្នុងរយៈក្នុងរយៈពេល ៤ ខែដំបូង នៅក្នុងឆ្នាំ២០២៥ នេះ។

គួរឲដឹងថា Aito M7 ត្រូវបានដាក់លក់ដំបូងនៅក្នុងទីផ្សារប្រទេសចិនក្នុងឆ្នាំ ២០២០ ជាមួយតម្លៃចាប់ពី ៣១៩ ៨០០ យន់ ឬ ៤៤ ៤០០ ដុល្លារ ប៉ុន្តែតម្លៃនេះត្រូវបានបញ្ចុះមកវិញត្រឹម ២៥៨ ០០០ យន់ ឬ ៣៥ ៨០០ ដុល្លារ ប៉ុណ្ណោះ នៅចុងឆ្នាំ ២០២៣ ហើយនៅក្នុងឆ្នាំ ២០២៤ វាបានទទួលការបញ្ជាទិញជាង ១៩៣ ០០០ គ្រឿង ប៉ុន្តែនៅក្នុងឆ្នាំ២០២៥ នេះ ការលក់របស់ M7 បានធ្លាក់ចុះយ៉ាងខ្លាំងដល់ ៧២,៩% នៅក្នុងរយៈក្នុងរយៈពេល ៤ ខែដំបូង ចាប់ពីខែមករា ដល់ខែមេសា។

ក្នុងនោះ រថយន្ត Aito M7 ដែលអាប់ឌែតថ្មីនេះ នឹងទទួលបានការកែលម្អផ្នែកខាងមុខ ដោយមានចង្កៀងមុខស្រដៀងគ្នានឹង Aito M9 flagship SUV ដែរ រួមជាមួយបច្ចេកវិទ្យាដូចជា LiDAR នៅលើដំបូល ថាសកង់ថ្មី និងទ្វារដៃប្រភេទ retractable door handles ។

ចំណែកផ្នែកខាងក្នុងវិញ ក៏នឹងត្រូវកែសម្រួលដូចគ្នាផងដែរ ពោលគឺនឹងផ្លាស់ប្តូរនូវទីតាំងប្តូរប្រអប់លេខទៅដាក់នៅជាមួយចង្កូតវិញ​ ហើយមានកន្លែងសាកថ្មឥតខ្សែចំនួន ២ កន្លែងដាក់ពែងថ្មី អេក្រង់ LCD ថ្មីមានរាងស្តើងជាងមុន និងការផ្លាស់ប្តូរមុខងារបញ្ជាសំខាន់ៗជាច្រើនទៅដាក់នៅលើចង្កូតវិញជាដើម៕

ផ្ទាំងផ្សាយពាណិជ្ជកម្ម

MONA M03 របស់ Xpeng ទទួលបានការបញ្ជាទិញជាង ១មុឺនគ្រឿង ក្នុងពេលត្រឹម ១ម៉ោង ប៉ុណ្ណោះ

បន្ទាប់ពីប្រកាសចេញលក់ជាផ្លូវការ នៅក្នុងពេលនេះ រថយន្តអគ្គិសនីសុទ្ធ Mona M03 Series របស់ក្រុមហ៊ុនផលិតរថយន្ត Xpeng គឺទទួលបានការបញ្ជាទិញជាង ១២ ៥៦៦ គ្រឿង ហើយ នៅក្នុងរយៈពេលត្រឹមតែ ១ម៉ោង ប៉ុណ្ណោះ ដែលក្នុងនោះជម្រើស Max គឺមានការបញ្ជាទិញចំនួន ៨៣ភាគរយ ហើយជម្រើស Plus វិញ មានការបញ្ជាទិញចំនួន ១៧ភាគរយ។

សម្រាប់តម្លៃលក់របស់ MONA M03 Max គឺមានតម្លៃលក់ចាប់ពី ១៧ ៩០០ ដុល្លារ ដល់ ១៩ ៣០០ ដុល្លារ នៅក្នុងទីផ្សារប្រទេសចិន ចំណែក MONA M03 Plus វិញ មានតម្លៃលក់ចាប់ពី ១៦ ៥០០ ដុល្លារ ដល់ ១៧ ៩០០ ដុល្លារ។

ចំពោះ MONA M03 Max គឺទទួលបានជម្រើសចម្ងាយបើកបរចំនួន ២ អាចបើកបរបានចម្ងាយ ៥០២ និង ៦០០ គីឡូម៉ែត្រ នៅពេលសាកថ្មពេញម្តង ចំណែក MONA M03 Plus វិញ គឺអាចបើកបរបានចម្ងាយ ៥១៥ និង ៦២០ គីឡូម៉ែត្រ នៅពេលសាកថ្មពេញម្តង។

ទាក់ទងទៅនឹងផ្នែកខាងក្រៅ Mona M03 Series មានភ្ជាប់មកជាមួយប្រព័ន្ធកាមេរ៉ា និងប្រព័ន្ធចាប់សញ្ញា LiDAR ដំណើរការដោយឈីប NVIDIA Orin-X ចំនួន ២ ដែលជំនួយទៅដល់ប្រព័ន្ធបើកបរស្វ័យប្រវតិ្ត មានការឌីស្សាញ ស្រដៀងគ្នានឹងរថយន្តផ្សេងៗដែរ ពោលគឺមានរូបរាងបែបស្ព័រ ប៉ាណាមុខបិទជិត ចង្កៀងមុខ-ក្រោយប្រភេទ LED  ព្រមទាំងថាសកង់ស្ព័រទំហំ ២០អ៉ីញជាដើម ។

ចំពោះនៅផ្នែកខាងក្នុងវិញ ត្រូវបានឌីស្សាញបែប Minimalistic មានបំពាក់អេក្រង់កំសាន្ត touchscreen ទំហំ ១៥,៦ អ៉ីញ សម្រាប់បញ្ជាមុខងារទូទៅ ក៏ដូចជាកន្លែងសាកថ្មឥតប្រើខ្សែ ដំបូលកញ្ចក់ Panoramic Glass-roof ប្រវែង ១,២ម៉ែត្រ អាចការពារពន្លឺ UV បានដល់ ៩៩,៩% និងបានបញ្ចូលនូវប្រព័ន្ធជំនួយការអ្នកបើកបរ Xpeng Ai Driving Assistance system ផងដែរ សម្រាប់ជម្រើស Max ៕

ផ្ទាំងផ្សាយពាណិជ្ជកម្ម

MG HS ប្រភេទ PHEV ប្រើអគ្គិសនី លាយសាំង អាចជិះបានលើស ១ពាន់គីឡូម៉ែត្រ តម្លៃខ្ទង់ ៣មុឺនដុល្លារ

[បរទេស] ក្រុមហ៊ុនផលិតរថយន្ត MG បានធ្វើការដាក់បញ្ចេញនៅរថយន្ត MG HS ប្រភេទ PHEV ស៊េរីថ្មីចុងក្រោយ នៅទីផ្សារប្រទេសអូស្រ្តាលី ៣៤ ០៧៥ ដុល្លារ ដល់ ៣៦ ០០០ ដុល្លារ ។

MG HS ដំណើរការដោយប្រព័ន្ធ Plug-in hybrid ធ្វើការជាមួយម៉ាស៊ីនសាំងចំណុះ ១,៥ លីត្រ និងម៉ូទ័រអគ្គិសនី ១ អាចផលិតកម្លាំងបានសរុប ៤០២ សេះ ផ្គួបជាមួយអាគុយទំហំ ២៤,៧គីឡូវ៉ាត់ម៉ោង អាចបើកបរបានចម្ងាយ ១២០ គីឡូម៉ែត្រ ពីការប្រើថាមពលអគ្គិសនីសុទ្ធ ខណៈ​ប្រើអគ្គិសនី លាយសាំងអាចបើកបរបានច្រើនជាង ១ពាន់គីឡូម៉ែត្រ ព្រមទាំងមានប្រព័ន្ធផ្ទេរថាមពល V2L ផងដែរ ។

រថយន្តនេះមានប្រវែងតួខ្លួនសរុប ៤ ៦៥៥ ម.ម ទទឹង ១ ៨៩០ ម.ម កំពស់ ១ ៦៣៤ ម.ម និងប្រវែងគម្លាតកង់មុខ-ក្រោយ ២ ៧៦៥ ម.ម ។ សម្រាប់ការរចនានៅផ្នែកខាងក្រៅ មានលក្ខណៈបែបស្ព័រដោយផ្នែកខាងមុខមានប៉ាណាមួយផ្ទាំងធម អមដោយចង្កៀងមុខប្រភេទ LED មុខងារទម្លើង-ទម្លាក់ហ្វាកូតអូតូ ក៏ដូចជាថាសកង់ស្ព័រទំហំ ១៩អ៉ីញ ព្រមទាំងចង្កៀងក្រោយ LED អូសកាត់ពីផ្នែកម្ខាងទៅផ្នែកម្ខាង និងទ្វាឃ្លុបក្រោយបើក-បិទដោយថាមពលអគ្គិសនី ។

ចំពោះនៅផ្នែកខាងក្នុង ទទួលបានកងុទ័របង្ហាញព័ត៌មានឌីជីថល  និងអេក្រង់កំសាន្ត touchscreen ទំហំ ១២,៣ អ៊ីញដូចគ្នា ជាប្រភេទអេក្រង់ភ្លោះ អាចប្រើមុខងារ Apple CarPlay និង Android Auto រួមទាំងហ្វ្រាំងដៃអេឡិចត្រូនិច ជាមួយមុខងារ Auto Hold កន្លែងសាកថ្មឥតប្រើខ្សែ, កាម៉េរ៉ា ៣៦០ ដឺក្រេ ព្រមទាំងប្រព័ន្ធសុវត្ថិភាពនិងជំនួយការអ្នកបើកបរ MG Pilot ADAS ៕

ផ្ទាំងផ្សាយពាណិជ្ជកម្ម

រថយន្ដអគ្គិសនីខ្នាតតូចរបស់ Kia ប្រទះឃើញកំពុងធ្វើតេស្ត មុនពេលបង្ហាញខ្លួននៅដើមឆ្នាំ ២០២៦

យុទ្ធសាស្ត្ររបស់ក្រុមហ៊ុន Kia គឺពង្រីកបន្ថែមនៃការផលិតរថយន្តអគ្គិសនី (EV) អ្វីដែលក្រុមហ៊ុនកូរ៉េខាងត្បូងមួយនេះមិនអាចបង់បោះបានគឺការផលិតរថយន្ដខ្នាតតូច ផ្ដោតសំខាន់សម្រាប់តម្រូវការប្រើប្រាស់ក្នុងក្រុង។


កាលពីពេលថ្មីៗនេះរថយន្ត Kia EV2 ត្រូវបានគេ លួចថតបាន ពេលកំពុងធ្វើតេស្ត មុនពេលបង្ហាញខ្លួនជាផ្លូវការនៅដើមឆ្នាំ ២០២៦។  គិតមកទល់ពេលនេះក្រុមហ៊ុន Kia បានផលិតរថយន្ដ SUV ខ្នាតធំរហូតដល់ខ្នាតមធ្យម ប៉ុន្ដែពួកគេហាក់ដូចជាមានចន្លោះប្រហោងលើរថយន្ដអគ្គិសនីខ្នាត ប៉ុន្តែឥឡូវនេះមានរថយន្ដ EV2 នឹងមកដជួយបំពេញចន្លោះប្រហោងទាំងនេះ។

ចំពោះម៉ូឌែល EV2 អាចនឹងមិនមែនជាកូនពៅក្នុងត្រកូល EV ទេដោយសារ ក្រុមហ៊ុន Kia ក៏កំពុងពិចារណារថយន្ត EV1 ដែលតូចជាងនេះទៅទៀត ដើម្បីជំនួសរថយន្ត Picanto ផងដែរ។ ក្រុមហ៊ុនមួយនេះក៏មិនទាន់បានបញ្ចេញព័ត៌មានច្រើនអំពីលក្ខណៈបច្ចេកទេសរបស់រថយន្ត EV2 នោះទេ។

រថយន្ត EV2 នឹងដាក់លក់នៅអឺរ៉ុបក្នុងឆ្នាំ ២០២៦ ប៉ុន្តែវានឹងមិនមែនជារថយន្ត EV តូចបំផុតរបស់ Kia នោះទេ។ ចំពោះរថយន្ត Kia ខ្នាតតូចនេះនឹងមិនមានវត្តមាននៅសហរដ្ឋអាមេរិកទេ ខណៈម៉ូឌែល EV3 ដែលនឹងមកដល់ឆាប់ៗនេះ នឹងនៅតែជាកម្រិតដំបូងគេបង្អស់នៃរថយន្ត SUV អគ្គិសនីរបស់ Kia។

គោលបំណងធំរបស់ក្នុងការផលិតរថយន្ដអគ្គិសនីខ្នាតគឺដើម្បីពង្រីកទីផ្សារ ដោយផលិតរថយន្ដខ្នាតតូចដាក់លក់ក្នុងតម្លៃសមរម្យ និងងាយស្រួលប្រើប្រាស់សម្រាប់អតិថិជនទូទៅ។ ការផលិតរថយន្ត EV តូចជាងនេះ ជួយសម្រេចបាននូវគោលដៅនេះ ជាពិសេសសម្រាប់ទីផ្សារដែលមានតម្រូវការខ្ពស់លើរថយន្តតូចៗ ដូចជាទីក្រុងដែលមានប្រជាជនច្រើននៅអឺរ៉ុប។ សរុបមក Kia កំពុងបន្តយុទ្ធសាស្ត្ររបស់ខ្លួនក្នុងការនាំយករថយន្ត EV ជាច្រើនប្រភេទទៅកាន់ទីផ្សារ ដោយផ្តោតលើការផ្តល់ជម្រើសតូចៗ និងមានតម្លៃសមរម្យ ដើម្បីទាក់ទាញអតិថិជនកាន់តែទូលំទូលាយ៕

ផ្ទាំងផ្សាយពាណិជ្ជកម្ម
1...919293...1,080ទំព័រ 92 នៃ 1,080

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com