Volkswagon Golf ចេញប្រភេទប្រើម៉ាស៊ីនតូចថ្មី តម្លៃត្រឹម ២៨០០០ ដុល្លារ

May 29, 2020

ក្រុមហ៊ុន Volkswagon បានបញ្ចេញរថយន្ត Golf ជំនាន់ថ្មីរបស់ខ្លួន កាលពីប៉ុន្មានខែមុន ដោយផ្តល់ជម្រើសម៉ាស៊ីនសាំងចំណុះ ១,៥លីត្រ ចំនួន២ និងម៉ាស៊ីនម៉ាស៊ូតចំណុះ ២,០លីត្រ TDI ចំនួន២ ព្រមទាំងម៉ាស៊ីនចំណុះ ១,៥លីត្រ eTSI Mild-hybrid មួយទៀតផង។

ឥឡូវក្រុមហ៊ុនអាល្លឺម៉ង់ខាងលើ បានបញ្ចេញរថយន្ត Golf ប្រភេទប្រើម៉ាស៊ីនតូចថ្មី គឺម៉ាស៊ីនសាំងចំណុះ ១,០លីត្រ TSI ទំហំ ៣ស៊ីឡាំង មានកម្លាំង ១០៨សេះ ប្រើប្រអប់លេខដៃ ៦វគ្គ មានតម្លៃត្រឹមតែ ២៨ ៧៥០ដុល្លារប៉ុណ្ណោះ នៅលើទីផ្សារបរទេស។

រថយន្តខ្នាតតូចនេះអាចជាន់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ១០,២វិនាទី ហើយមានល្បឿនអតិបរមាដល់ ២០២គីឡូម៉ែត្រក្នុងមួយម៉ោង។ Volkswagon អះអាងថា វាមានកម្រិតស៊ីសាំងជាមធ្យមត្រឹមតែ ៥,៧លីត្រ-៥,៣លីត្រប៉ុណ្ណោះក្នុង ១០០គីឡូម៉ែត្រ។

Golf ប្រើម៉ាស៊ីនតូចនេះ បំពាក់យ៉ាន់ Alloy ទំហំ ១៦អ៊ីញ។ ចង្កៀង LED អូតូ, ផ្លិតទឹកអូតូ, សេនស័រចូលចតមុនក្រោយ និង កញ្ចក់ចំហៀងចុច ជាដើម។ បន្ថែមពីនេះ វាក៏មានកុងទ័រឌីជីថល Digital Cockpit Pro ទំហំ ១០អ៊ីញ និងអេក្រង់បង្ហាញព័ត៌មានទំហំ ១០អ៊ីញផងដែរ។ Adaptive ក្នុងនោះមុខងារ Cruise Control, Dynamic Road Sign Display, Lane Assist និង Front Assist ក៏បំពាក់មកស្តង់ដារទៀតផង៕

ផ្ទាំងផ្សាយពាណិជ្ជកម្ម

តោះមកដឹងពីតម្លៃសេវាផ្ទេរកម្មសិទ្ធិរថយន្ត!

May 28, 2020

តើអ្នកដឹងទេថា សេវាផ្ទេរកម្មសិទ្ធិរថយន្តមានតម្លៃប៉ុន្មាន??? ខាងក្រោមនេះជាតារាងតម្លៃទៅតាមប្រភេទរថយន្ត៖

សម្រាប់កម្រៃការផ្ទេរកម្មសិទ្ធិរថយន្តធុនតូច ឬស្រាល
- ក្នុងរាជធានី-ខេត្ត (៤៨.០០០៛)
- ឆ្លងរាជធានី-ខេត្ត (១០១.០០០៛)
សម្រាប់កម្រៃការផ្ទេរកម្មសិទ្ធិរថយន្តធុនធំ ឬធ្ងន់
- ក្នុងរាជធានី-ខេត្ត (៦៧.០០០៛)
- ឆ្លងរាជធានី-ខេត្ត (១២៥.០០០៛)

ការផ្ទេរកម្មសិទ្ធិអាចធ្វើនៅអគ្គនាយកដ្ឋានដឹកជញ្ជូនផ្លូវគោក នៅផ្លូវជាសុផារ៉ា ឬនៅមន្ទីរសាធារណការ និងដឹកជញ្ជូនខេត្ត ទៅតាមអាសយដ្ឋានរបស់ម្ចាស់ចុងក្រោយ
បញ្ជាក់តម្លៃនេះមិនរួមបញ្ជូលនឹងពន្ធប្រថាប់ត្រា ៤% របស់អគ្គនាយកដ្ឋានពន្ធដារឡើយ។

សម្រាប់ព័ត៌មានបន្ថែមសូមទាក់ទងទំព័រហ្វេសប៊ុកផ្លូវការរបស់ក្រសួង ដោយចុចទីនេះ!

ផ្ទាំងផ្សាយពាណិជ្ជកម្ម

បុគ្គលិក McLaren ជាង ២៥% ត្រូវវេចបង្វេចទៅផ្ទះ

May 28, 2020

McLaren Group ដែលមានកាន់កាប់ក្រុម Formula 1 និងម៉ាកយីហោ Supercar បានប្រកាសអំពីផែនការកាត់បន្ថយបុគ្គលិក ១២០០នាក់ ដែលស្មើនឹងជាង ២៥% នៃចំនួនបុគ្គលិកសរុបរបស់ខ្លួន។

ការកាត់បន្ថយបុគ្គលិកនេះគឺជាផ្នែកនៃការធ្វើកំណែទម្រង់ឡើងវិញ ដែលកើតមានដោយការផ្ទុះនូវជំងឺកូវីដ១៩ និងការចំណាយលើការរៀបចំកម្មវិធីប្រណាំងរថយន្ត Formula 1 នាឆ្នាំ ២០២១ ខាងមុខ។

McLaren បានឲ្យដឹងថាខ្លួនរងផលប៉ះពាល់ខ្លាំងដោយសារជំងឺកូវីដ១៩ ដោយការរំសាយចោលកម្មវិធី Formula 1 នាឆ្នាំ ២០២០ ការផ្អាកការផលិតនិងការលក់រាយ រួមទាំងតម្រូវការមានការធ្លាក់ចុះ ធ្វើឲ្យប៉ះពាល់ដល់ចំណូលរបស់ខ្លួនជាខ្លាំង។

McLaren គឺជាក្រុមហ៊ុនចុងក្រោយគេក្នុងចំណោមក្រុមហ៊ុនផលិតដែលបានកាត់បន្ថយបុគ្គលិកព្រោះវិបត្តិកូវីដ១៩។ កាលពីសប្ដាហ៍មុន Rolls-Royce Holdings ដែលជាក្រុមហ៊ុនផលិតម៉ាស៊ីនយន្តហោះរបស់អង់គ្លេស បានប្រកាសអំពីការកាត់បន្ថយបុគ្គលិក ៩ពាន់នាក់ ក្នុងចំណោមបុគ្គលិកសរុប ៥២ ០០០ នាក់របស់ខ្លួន៕

ផ្ទាំងផ្សាយពាណិជ្ជកម្ម

Aston Martin ចាប់ផ្ដើមផលិតឡើងវិញ នូវឡានដែលផ្អាកផលិត ៥៥ឆ្នាំមកហើយ

May 28, 2020

ក្រោយពីចូលរោងចក្រផលិតបានពីរឆ្នាំ និងផលិតមិនបាន ៩០០ គ្រឿងផង Aston Martin ក៏បានសម្រេចចិត្តឈប់ផលិតរថយន្តម៉ូដែល DB5 ក្នុងឆ្នាំ ១៩៦៥។ ពេលនេះក្រុមហ៊ុនបានបន្តការផលិតរថយន្តនេះឡើងវិញ ជាស៊េរីពិសេសផលិតមានកំណត់ដែលឲ្យឈ្មោះថា DB5 Goldfinger Continuation។

រថយន្តពិសេសនេះផលិតឡើងដោយសហការជាមួយអ្នកផលិតខ្សែភាពយន្ត James Bond ដែលរថយន្តមួយគ្រឿងៗចំណាយពេលផលិតប្រមាណ ៤៥០០ ម៉ោង និងមានតម្លៃចាប់ពីប្រមាណ ៣,៣៧លានដុល្លារ មិនគិតបញ្ចូលថ្លៃពន្ធ។ រថយន្តនេះផលិតមានកំណត់ត្រឹម ២៥គ្រឿងប៉ុណ្ណោះ។

រថយន្តទាំង ២៥គ្រឿងគឺសុទ្ធតែប្រើប្រាស់ពណ៌ខាងក្រៅឈ្មោះ Silver Birch ដូចជារថយន្តដើមដំបូង ហើយវាមានបំពាក់ម៉ាស៊ីនចំណុះ ៤,០លីត្រ ៦ស៊ីឡាំង អាចផលិតកម្លាំងបាន ២៩០សេះ។ ម៉ាស៊ីនមានភ្ជាប់ជាមួយប្រអប់លេខដៃ ៦វគ្គ ដែលបញ្ចូលកម្លាំងដល់កង់ខាងក្រោយ៕

ផ្ទាំងផ្សាយពាណិជ្ជកម្ម

ឡាន Volvo XC40 ប្រភេទអត់ប្រើសាំង ចេញតម្លៃលក់ហើយ!

May 28, 2020

រថយន្តដំណើរការដោយថាមពលអគ្គិសនីសុទ្ធដំបូងបង្អស់របស់ Volvo គឺ XC40 Recharge P8 បានបង្ហាញខ្លួនជាផ្លូវការ នៅចក្រភពអង់គ្លេស ជាមួយនឹងតម្លៃចាប់ពី ៦៥ ៣៤០ដុល្លារ។

SUV ប្រណីតខ្នាតតូចនេះ បំពាក់ម៉ូទ័រអគ្គិសនី ២ មានកម្លាំងសរុប ៤០២សេះ និងអាគុយកម្លាំង ៧៨គីឡូវ៉ាត់ម៉ោង ដែលគាំទ្រកម្លាំងសាក ១៥០គីឡូវ៉ាត់ អាចឲ្យវាសាកភ្លើងដល់ ៨០% ប្រើពេលត្រឹម ៤០នាទី។ XC40 Recharge P8 មានចម្ងាយបើកបរសរុប ៤០០គីឡូម៉ែត្រ នៅពេលសាកភ្លើងពេញម្តង។

ក្រុមហ៊ុនរថយន្តស៊ុយអែតនេះរំពឹងថានឹងបើកឲ្យបញ្ជាទិញ XC40 ប្រើអគ្គិសនី នៅលើទីផ្សារអឺរ៉ុបដទៃទៀត នៅប៉ុន្មានសប្តាហ៍ខាងមុខនេះ ហើយអាចនឹងមានលក់នៅលើទីផ្សារអាមេរិកខាងជើង នៅចុងឆ្នាំ២០២០ ឬ ដើមឆ្នាំ២០២១៕

ផ្ទាំងផ្សាយពាណិជ្ជកម្ម

Range Rover Velar Manhart កម្លាំងជិត ៦០០សេះ ឯរាងកាចខ្លាំង

May 28, 2020

ថ្មីៗនេះ ក្រុមហ៊ុន Land Rover បានបញ្ចេញ SUV កម្លាំងខ្លាំងម៉ូដែល Range Rover Velar SVAutobiography Dynamic Edition ដែលបំពាក់ម៉ាស៊ីនចំណុះ ៥,០លីត្រ supercharged V8 មានកម្លាំង ៥៤២សេះ។

ទោះជាយ៉ាងណា កម្លាំងប៉ុណ្ណេះនៅមិនទាន់គ្រប់គ្រាន់សម្រាប់ Manhart ដែលជាក្រុមហ៊ុនកែច្នៃរថយន្តឡើយ ដោយពួកគេបានយករថយន្តខាងលើមកកែ ដោយឲ្យឈ្មោះថា Range Rover Velar SV 600 ដែលមានកម្លាំងរហូតដល់ទៅ ៥៩២សេះ។

ក្រៅពីកែច្នៃកម្លាំងម៉ាស៊ីន Manhart ក៏បានតុបតែងវាឲ្យមើលទៅរឹតតែកាច ព្រមទាំងផ្លាស់ប្តូរយ៉ាន់ថ្មី ទំហំ ២៣អ៊ីញផងដែរ។

យ៉ាងណាក៏ដោយ Manhart មិនបានបង្ហាញព័ត៌មានលម្អិតបន្ថែមអំពីដំណើរការរបស់វាឡើយ ប៉ុន្តែ Range Rover Velar SVAutobiography Dynamic Edition អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,៣វិនាទី ហើយមានល្បឿនអតិបរមាដល់ ២៧៥គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

Tesla បញ្ចុះតម្លៃឡានខ្លួនរហូតដល់ ៥ពាន់ដុល្លារ

May 27, 2020

ក្រុមហ៊ុន Tesla បានបញ្ចុះតម្លៃរថយន្ត Model 3, Model S និង Model X ដែលលក់លើទីផ្សារអាមេរិកខាងជើង។ នេះបើតាមការឲ្យដឹងពីវិបសាយ Electrek។

រថយន្ត Model S និង Model X ឃើញថាមានការបញ្ចុះតម្លៃ ៥ពាន់ដុល្លារ ដោយ Model S នៅសល់តម្លៃ ៧៤ ៩៩០ដុល្លារ និង Model X នៅសល់តម្លៃ ៧៩ ៩៩០ដុល្លារ។ ចំណែក Model 3 វិញមានការបញ្ចុះតម្លៃ ២ពាន់ដុល្លារ សម្រាប់គ្រប់ Option ទាំងអស់ ដោយពេលនេះវាមានតម្លៃចាប់ពី ៣៧ ៩៩០ដុល្លារ។ ចំពោះ Model Y ដែលជារថយន្តថ្មីរបស់ Tesla មិនមានការផ្លាស់ប្ដូរតម្លៃឡើយ។

បើតាមការបង្ហោះលើគណនី Weibo របស់ Tesla បានបញ្ជាក់ថាក្រុមហ៊ុនក៏នឹងបញ្ចុះតម្លៃរថយន្ត Model S និង Model X ដែលលក់នៅប្រទេសចិនដែរ។ យ៉ាងណាក្ដីសម្រាប់ Model 3 ដែលមានផលិតនៅប្រទេសចិន នឹងមានផ្លាស់ប្ដូរតម្លៃឡើយ។

បើតាម Reuters បានឲ្យដឹងថាការបញ្ចុះតម្លៃនេះ គឺដោយសារ Tesla ចង់ប៉ះប៉ូវការថយចុះតម្រូវការរថយន្តដែលកើតមានព្រោះតែជំងឺកូវីដ១៩៕

ផ្ទាំងផ្សាយពាណិជ្ជកម្ម

កម្មវិធី Geneva Motor Show ឆ្នាំ ២០២១ ក៏អាចត្រូវរំសាយចោលដែរ

May 27, 2020

ក្រោយពីមានការរំសាយកម្មវិធីតាំងបង្ហាញរថយន្ត Geneva Motor Show ឆ្នាំ ២០២០ នេះដោយសារជំងឺកូវីដ១៩ វាទំនងជាការរំសាយនេះត្រូវបន្តដល់កម្មវិធីសម្រាប់ឆ្នាំ ២០២១ ខាងមុខ។

ក្នុងសេចក្ដីថ្លែងការណ៍កាលពីថ្មីៗនេះចេញដោយសហព័ន្ធកម្មវិធី Geneva International Motor Show បានឲ្យដឹងថាចំពោះការរំសាយឆ្នាំនេះ ខ្លួនបានស្នើសុំកញ្ចប់ថវិកាពីរដ្ឋាភិបាលទីក្រុង Geneva ដើម្បីជួយដោះស្រាយដល់ការខាតបង់ដែលប៉ាន់ស្មានថាមានប្រមាណ ១១,៣លានដុល្លារ និងត្រៀមសម្រាប់កម្មវិធីបន្ទាប់។

សហព័ន្ធបានស្នើសុំថវិកាប្រមាណ ១៧,៣លានដុល្លារ ប៉ុន្តែការស្នើសុំនេះត្រូវបានច្រានដោយរដ្ឋាភិបាលនិយាយថាវាផ្ទុយពីលក្ខន្តិកៈរបស់មូលនិធិ។ ដោយសារហេតុផលនេះ ក្រុមហ៊ុនរថយន្តធំៗដែលចូលរួមក្នុងកម្មវិធីតាំងបង្ហាញរថយន្តនេះ បានលើកទឹកចិត្តឲ្យរៀបចំកម្មវិធីនាឆ្នាំ ២០២២ ខាងមុខ ដោយរំលងឆ្នាំ ២០២១ មួយឆ្នាំទៀត៕

ផ្ទាំងផ្សាយពាណិជ្ជកម្ម

Mercedes-AMG E53 Coupe និង Cabriolet ឆ្នាំ២០២១ បង្ហាញខ្លួនជាផ្លូវការ

May 27, 2020

រថយន្ត Mercedes-AMG E53 Coupe (ទ្វារ២) និង E53 Cabriolet (បើកដំបូល) ស៊េរីឆ្នាំ២០២១ បានបង្ហាញខ្លួនជាផ្លូវការ ដោយបានអាប់ដេតលើការឌីហ្សាញ, កាប៊ីន និងប្រព័ន្ធបង្ហាញព័ត៌មាន MBUX ផងដែរ។

E53 Coupe និង E53 Cabriolet ថ្មី បំពាក់ម៉ាស៊ីនចំណុះ ៣,០លីត្រ turbocharged ទំហំ ៦ស៊ីឡាំង ជាមួយប្រព័ន្ធ EQ Boost មានកម្លាំងសរុប ៤២៩សេះ ប្រើប្រអប់លេខអូតូ ៩វគ្គ និងប្រព័ន្ធប៉ុងពីរ 4Matic+។ រត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង E53 Coupe ប្រើពេល ៤,៣វិនាទី ខណៈ E53 Cabriolet ប្រើពេល ៤,៥នាទី ហើយមានល្បឿនអតិបរមាដល់ ២៥០គីឡូម៉ែត្រក្នុងមួយម៉ោង។

រថយន្តប្រភេទស្ព័រនេះក៏មានបន្ថែមពណ៌ថ្មីមួយចំនួន រួមទាំង ពណ៌ប្រផេះ (Graphite Grey Metallic) និង ខៀវ (Designo Brilliant Blue Magno) ផងដែរ។

រថយន្ត Mercedes-AMG E53 Coupe និង E53 Cabriolet ស៊េរីឆ្នាំ២០២១ នឹងចេញលក់នៅចុងឆ្នាំ២០២០ ខណៈតម្លៃរបស់វានឹងប្រកាសពេលជិតចេញលក់៕

ផ្ទាំងផ្សាយពាណិជ្ជកម្ម

BMW 6-Series GT ឆ្នាំ២០២១ បង្ហាញខ្លួនជាផ្លូវការ

May 27, 2020

BMW 6-Series Gran Turismo ស៊េរីឆ្នាំ២០២១ បានបង្ហាញខ្លួនជាផ្លូវការ ដោយមានការឌីហ្សាញថ្មី កាន់តែទាក់ទាញ។

រថយន្ត 6-Series Gran Turismo ថ្មីនេះ នៅតែរក្សាទំហំខ្លួនដដែល គឺ ប្រវែង ៥,០៩១មីល្លីម៉ែត្រ, ទទឹង ១,៩០២មីល្លីម៉ែត្រ និងកម្ពស់ ១,៥៣៨មីល្លីម៉ែត្រ។ វាក៏មានផ្តល់ Option ចង្កៀងមុខ Adaptive LED ជាមួយនឹងបច្ចេកវិទ្យា BMW LaserLight ដែលអាចបាញ់ភ្លើងហ្វាបានចម្ងាយដល់ ៦៥០ម៉ែត្រឯណោះ។

ចំណែកឯក្នុងកាប៊ីនវិញ វាបំពាក់អេក្រង់ Touchscreen ទំហំ ១២,៣អ៊ីញ ក៏ដូចជាកុងទ័រឌីជីថលទំហំ ១២,៣អ៊ីញ ព្រមទាំងប្រព័ន្ធសំឡេង Bowers & Wilkins Diamond Surround Sound System ១៦គ្រាប់ទៀតផង។

រថយន្ត BMW 6-Series ចែកចេញជាច្រើនម៉ូដែលផ្សេងៗគ្នា ដូចជា 630i Gran Turismo បំពាក់ម៉ាស៊ីនសាំងចំណុះ ២,០លីត្រ ទំហំ ៤ស៊ីឡាំង ជាមួយប្រព័ន្ធ mild-hybrid 48V មានកម្លាំងសរុប ២៥៨សេះ ព្រមទាំងម៉ូដែល 640i Gran Turismo និង 640i xDrive Gran Turismo កម្លាំង ៣៣៣សេះ។

ចំពោះជម្រើសម៉ាស៊ីនម៉ាស៊ូតវិញ មានដូចជាម៉ូដែល 620d Gran Turismo កម្លាំង ១៩០សេះ, 630d Gran Turismo កម្លាំង ២៨៦សេះ និង 640d xDrive Gran Turismo កម្លាំង ៣៤០សេះ។