ប្រមាញ់បាន Mercedes-Benz G-Class ឆ្នាំ២០២១ កំពុងសម្ងំធ្វើតេស្ត

May 26, 2020

នាពេលថ្មីៗនេះ គេប្រមាញ់បានរថយន្ត Mercedes-Benz G-Class (G500 / G550) ស៊េរីថ្មី កំពុងសម្ងំលាក់ខ្លួនធ្វើតេស្ត មុនពេលបង្ហាញខ្លួនជាផ្លូវការ។

តាមរយៈរូបថតប្រមាញ់បានទាំងនោះ យើងអាចមើលឃើញថា រថយន្ត G-Class ថ្មី ក៏មិនខុសពីស៊េរីមុនៗដែរ ដោយនៅតែរក្សាការឌីហ្សាញរូបរាងជ្រុងៗ ជាមួយនឹងចង្កៀងមុខមូលយ៉ាងទាក់ទាញ។

ដោយឡែក រថយន្តកំពុងធ្វើតេស្តនោះ មានបំពាក់រឺហ្គែរ ២ជាន់នៅលើដំបូង ហើយមានអំពូលភ្លើង LED ភ្ជាប់នៅលើនោះ ព្រមទាំងរបាំងការពារកង់សាគួនៅខាងក្រោយផងដែរ។ បន្ថែមពីនោះ គេក៏សង្កេតឃើញកន្លែងប្លែកខុសគ្នាដទៃទៀត ដូចជា ឈ្នាន់ជើងចំហៀង និងរបាំងកង់ ក៏ដូចជាកាងមុខ និងកាងក្រោយផងដែរ។

ទោះជាយ៉ាងណាក៏ដោយ មិនទាន់មានការបញ្ជាក់ជាផ្លូវការនៅឡើយទេអំពីជម្រើសម៉ាស៊ីនរបស់វា ប៉ុន្តែគេរំពឹងថា វានឹងប្រើម៉ាស៊ីនចំណុះ ៤,០លីត្រ twin-turbo V8 ដោយ G-Class ស៊េរីមុនដែលបំពាក់ម៉ាស៊ីននេះ គឺអាចបង្កើតកម្លាំងបាន ៤១៦សេះ៕

ផ្ទាំងផ្សាយពាណិជ្ជកម្ម

Kia Rio ឆ្នាំ២០២១ ចេញជាផ្លូវការ រាងតូចច្រឡឹង តែទំនើបខ្លាំង

May 26, 2020

ក្រុមហ៊ុន Kia បានប្រកាសចេញរថយន្តខ្នាតតូចម៉ូដែល Rio ស៊េរីឆ្នាំ២០២០ របស់ខ្លួនជាផ្លូវការ ដោយបានអាប់ដេតការឌីហ្សាញមួយចំនួន និងបន្ថែមបច្ចេកវិទ្យាកាន់តែទំនើប។

Kia Rio ឆ្នាំ២០២១ បំពាក់ចង្កៀងមុខប្រភេទ Full LED ជាមួយភ្លើងបំភ្លឺពេលថ្ងៃ DRL និងអំពូលកាត់អ័ព្ទផងដែរ។ រថយន្តនេះមានបន្ថែមពណ៌ថ្មី ២ ទៀត គឺ ពណ៌ប្រផេះ (Perennial Grey) និង ខៀវ (Sporty Blue)។

ចំណែកឯកាប៊ីនខាងក្នុងវិញ Kia Rio ថ្មីបានបំពាក់កុងទ័រឌីជីថលទំហំ ៤,២អ៊ីញ និងអេក្រង់ Touchscreen ទំហំ ៨អ៊ីញ មានមុខងារ Bluetooth និងអាចភ្ជាប់ Apple CarPlay និង Android Auto ដោយមិនបាច់ប្រើខ្សែ ផងដែរ។

រថយន្តខ្នាតតូចនេះបំពាក់ម៉ាស៊ីន Mild-hybrid ដំបូងបង្អស់របស់ Kia គឺ ម៉ាស៊ីនសាំងចំណុះ ១,០លីត្រ T-GDi (Turbocharged Gasoline Direct injection) ទំហំ ៣ស៊ីឡាំង ជាមួយប្រព័ន្ធ Mild-hybrid 48V ធ្វើឲ្យវាកាន់តែសន្សំសំចៃ។

ក្រៅពីម៉ាស៊ីន Mild-hybrid វាក៏មានជម្រើសម៉ាស៊ីនសាំងធម្មតា គឺ ចំណុះ ១,០លីត្រ T-GDi កម្លាំង ៩៩សេះ និងចំណុះ ១,២លីត្រ naturally aspirated កម្លាំង ៨៣សេះផងដែរ។

លើសពីនេះ Kia Rio ឆ្នាំ២០២១ មានបំពាក់បច្ចេកវិទ្យា Advanced Driving Assistance Systems (ADAS) ដោយក្នុងនោះរួមមានមុខងារដូចជា Forward Collision-Avoidance Assist with pedestrian, vehicle and cyclist recognition, Lane Keeping Assist, Driver Attention Warning, Blind Collision Warning, Intelligent Speed Limit Warning, Smart Cruise Control, Lane Following Assist, Rear Cross-Traffic Collision-Avoidance Assist, Rear Occupant Alert និង Leading Vehicle Departure Alert ទៀតផង៕

ផ្ទាំងផ្សាយពាណិជ្ជកម្ម

Hyundai ឲ្យតម្រុយអំពីមុខមាត់ថ្មីរបស់ Santa Fe ស៊េរីឆ្នាំ ២០២១

May 26, 2020

Hyundai បានបង្ហាញចេញរូបរាង Teaser ដែលបង្ហើបអំពីមុខមាត់ថ្មីនៃរថយន្ត Santa Fe សម្រាប់ស៊េរីឆ្នាំ ២០២១។

រូបភាព Teaser បានបង្ហាញឲ្យឃើញនូវការផ្លាស់ប្ដូរធំមួយខុសពីស៊េរីបច្ចុប្បន្នគឺការបំពាក់អំពូលភ្លើងខាងមុខដែលខណ្ឌចែកដោយអំពូលបំភ្លឺពេញថ្ងៃ (DRL) ប្រភេទ LED ដែលអំពូល DRL នេះគឺមានរាងជាអក្សរ T។ មិនត្រឹមតែធ្វើឲ្យវាប្លែកខុសពី Santa Fe ស៊េរីបច្ចុប្បន្ននោះទេ ប៉ុន្តែក៏ខុសពីម៉ូដែលផ្សេងៗទៀតក្នុងគ្រួសារ Hyundai ផងដែរ។ មួយទៀតនោះគឺរន្ធខ្យល់ផ្នែកខាងមុខមានរចនាបថបែបសំណាញ់ដែលមានទំហំទូលាយជាងមុន។

The 2020 Santa Fe has been rated a Top Safety Pick Plus by the Insurance Institute for Highway Safety.

ក្រៅពីផ្លាស់ប្ដូរមុខមាត់ហើយនោះ Hyundai បានឲ្យដឹងដែរថា Santa Fe ថ្មីនឹងប្រើប្រាស់គ្រោងឆ្អឹងថ្មីជំនាន់ទីបី ដែលមានទម្ងន់ស្រាលជាងមុន អាចឲ្យរថយន្តទប់លំនឹងបានល្អ និងផ្ដល់សុវត្ថិភាពខ្ពស់ផងដែរ។ គ្រោងឆ្អឹងថ្មីនេះក៏អាចឲ្យ Hyundai បន្ថែមជម្រើសម៉ាស៊ីន Hybrid និង Plug-in Hybrid ជាលើកដំបូងបំផុតសម្រាប់ Santa Fe។

Hyundai និយាយថាដំណឹងបន្ថែមអំពីរថយន្ត SUV ថ្មីនេះនឹងបង្ហាញចេញនៅក្នុងពេលប៉ុន្មានសប្ដាហ៍ទៀត ហើយនៅទីផ្សារអឺរ៉ុបរថយន្តនេះនឹងមានលក់ចាប់ពីខែកញ្ញាតទៅ៕

ផ្ទាំងផ្សាយពាណិជ្ជកម្ម

រថយន្ត SUV អគ្គិសនីអនាគតចំនួន ៦ ដែលនឹងជាគូប្រជែងខ្លាំងក្លារបស់ Tesla

May 26, 2020

នាពេលបច្ចុប្បន្ននេះ Tesla គឺជាក្រុមហ៊ុនផលិតរថយន្តអគ្គិសនីលំដាប់លេខមួយក្នុងលោក ដែលក្នុងនោះគឺមានរថយន្ត Model X និង Model Y ដែលជារថយន្ត SUV អគ្គិសនីពេញនិយមបំផុតមួយ។ យ៉ាងណាក្ដីក្នុងពេលឆាប់ៗខាងមុខ នឹងមានលេចមុខរថយន្ត SUV អគ្គិសនីពិសេស ដែលនឹងជាគូប្រជែងខ្លាំងក្លារបស់រថយន្ត Model X និង Model Y។

១. Ford Mustang Mach E

ចម្ងាយបើកបរមានចាប់ពី ៣៧០ គ.ម ដល់ ៤៨២ គ.ម
កាលបរិច្ឆេទចេញលក់ ៖ ឆ្នាំ ២០២១
តម្លៃមានចន្លោះពី ៤៣ ៨៩៥ដុល្លារ ទៅ ៦០ ៥០០ដុល្លារ

២. Rivian R1S

ចម្ងាយបើកបរមានចាប់ពី ៣៨៦ គ.ម ដល់ ៦៤៣ គ.ម
កាលបរិច្ឆេទចេញលក់ ៖ ចន្លោះខែមិថុនាទៅខែកញ្ញា ឆ្នាំ ២០២១
តម្លៃចាប់ពី ៧២ ៥០០ដុល្លារ ដល់ ៨៥ ០០០ដុល្លារ

៣. Byton M-Byte

ចម្ងាយបើកបរមាន ៤៣០ គ.ម និង ៥៥០ គ.ម
កាលបរិច្ឆេទចេញលក់ ៖ ចុងឆ្នាំ ២០២០
តម្លៃរំពឹងថាខ្ទង់ ៤៥ ០០០ដុល្លារ

៤. Volkswagen ID.4

ចម្ងាយបើកបររំពឹងថា ៥០០ គ.ម
កាលបរិច្ឆេទចេញលក់ ៖ ដើមឆ្នាំ ២០២១
តម្លៃរំពឹងទុក ៖ ចន្លោះពី ៣៥ ០០០ដុល្លារ ទៅ ៤ម៉ឺនដុល្លារ

៥. Cadillac EV

ចម្ងាយបើកបររំពឹងទុក ៖ ៦៤៣ គ.ម
កាលបរិច្ឆេទចេញលក់រំពឹងទុក ៖ ឆ្នាំ ២០២៣
តម្លៃមិនទាន់មានការបញ្ជាក់

៦. Ocean Fisker

ចម្ងាយបើកបរមានពី ៤០០ គ.ម ដល់ ៤៨២ គ.ម
កាលបរិច្ឆេទចេញលក់ ៖ ឆ្នាំ ២០២២
តម្លៃ ៖ ៣៧ ៤៩៩ដុល្លារ

ផ្ទាំងផ្សាយពាណិជ្ជកម្ម

BMW ចេញវីដេអូបង្រៀនការហៅឈ្មោះម៉ាករបស់ខ្លួនឲ្យត្រឹមត្រូវ

May 25, 2020

មនុស្សភាគច្រើនប្រហែលជាដឹងហើយ BMW ជាពាក្យកាត់នៃពាក្យពេញថា Bayerische Motoren Werke AG ដែលបកប្រែជាភាសាអង់គ្លេសថា Bavarian Motor Works ដោយឈ្មោះនេះគឺតំណាងឲ្យទីតាំងភូមិសាស្ត្រដើមនៃការបង្កើតក្រុមហ៊ុននាថ្ងៃទី ៧ ខែមីនា កាលពី ១០៤ឆ្នាំមុន។

កន្លងមកមានការប្រើប្រាស់វិធីសាស្ត្រផ្សេងៗគ្នាក្នុងការហៅពាក្យកាត់នៃឈ្មោះ BMW។ ប៉ុន្តែពេលនេះក្រុមហ៊ុនបានបញ្ចេញវីដេអូខ្លីបំផុតមួយ ដែលបង្រៀនអំពីវិធីត្រឹមត្រូវក្នុងការហៅពាក្យកាត់នេះ។

ក្នុងវីដេអូបាននិយាយដោយខ្លីបែបនេះថា “ប៊ី-អឹម-វី” ដែលវាគឺជាការហៅដែលត្រឹមត្រូវសម្រាប់ឈ្មោះ BMW ជាភាសាអង់គ្លេស។ ទស្សនាវីដេអូខាងក្រោម ៖

ផ្ទាំងផ្សាយពាណិជ្ជកម្ម

CEO នៃ Mercedes-AMG ឡើងកាន់តំណែងជំនួស CEO នៃ Aston Martin

May 25, 2020

លោក Andy Palmer ត្រូវបានដកចេញពីតំណែងជានាយកប្រតិបត្តិ (CEO) នៃក្រុមហ៊ុនរថយន្ត Aston Martin ស្របពេលដែលតម្លៃហ៊ុនរបស់ក្រុមហ៊ុនបន្តធ្លាក់ចុះខ្លាំង។

ការប្រកាសជាផ្លូវការនឹងធ្វើឡើងនាថ្ងៃអង្គារនេះ ដែលវាជាផ្នែកមួយនៃការផ្លាស់ប្ដូររចនាសម្ព័ន្ធទ្រង់ទ្រាយធំរបស់ Aston Martin។ The Guardian បានឲ្យដឹងថាតំណែងរបស់លោក Andy នឹងត្រូវជំនួសដោយលោក Tobias Moers ដែលបច្ចុប្បន្នជានាយកប្រតិបត្តិនៃ Mercedes-AMG។

ក្រោមការកាន់កាប់របស់លោក Andy តម្លៃហ៊ុនរបស់ Aston Martin គិតចាប់ពីខែតុលា ឆ្នាំ ២០១៨ ពីតម្លៃជាង ៤,៨៧ពាន់លានដុល្លារ បានធ្លាក់មកនៅត្រឹមប្រមាណ ៦៨៤លានដុល្លារ គិតត្រឹមថ្ងៃសុក្រសប្ដាហ៍កន្លងទៅ។ Aston Martin បានឲ្យដឹងថាក្នុងរយៈពេល ៣ខែដំបូងនៃឆ្នាំ ២០២០ នេះ ក្រុមហ៊ុនបានខាតបង់ទឹកប្រាក់ប្រមាណ ១៤៤លានដុល្លារ ដោយសារជំងឺកូវីដ១៩៕

ផ្ទាំងផ្សាយពាណិជ្ជកម្ម

ដល់ពេលបង់ពន្ធផ្លូវហើយបងប្អូន! ចាប់ពីថ្ងៃទី០១ ខែមិថុនា ឆ្នាំ២០២០តទៅ…

May 25, 2020

ទំព័រហ្វេសប៊ុកផ្លូវការរបស់អគ្គនាយកដ្ឋានពន្ធដារ បានធ្វើប្រកាស សេចក្តីជូនដំណឹង ស្តីពី ការប្រមូលពន្ធលើមធ្យោបាយដឹកជញ្ជូននិងយានជំនិះគ្រប់ប្រភេទសម្រាប់ឆ្នាំ២០២០ ដែលនឹងត្រូវចាប់ផ្តើមអនុវត្តន៌ចាប់ពីថ្ងៃ០១ ខែមិថុនា រហូតដល់ថ្ងៃទី៣០ ខែវិច្ឆិកា ឆ្នាំ២០២០ខាងមុននេះ។

នៅក្នុងសេចក្តីជូនដំណឹងនោះផងដែរ ក៏បានបញ្ជាក់ថា ចាប់ពីថ្ងៃទី០១ ខែមករា ឆ្នាំ២០២១ តទៅ អគ្គនាយកដ្ឋានពន្ធដារសហការជាមួយអាជ្ញាធរមានសមត្ថកិច្ច ដើម្បីចុះត្រួតពិនិត្យ ការប្រកាសបង់ពន្ធ និងផាកពិន័យចំពោះម្ចាស់យានយន្តទាំងឡាយណាដែលមិនទាន់បានប្រកាស បង់ពន្ធក្នុងឆ្នាំកន្លងមក តាមច្បាប់ស្តីពីសារពើពន្ធជាធរមាន។

សូមធ្វើការអានសេចក្តីជូនដំណឹងបន្ថែម និងលម្អិត នៅខាងក្រោម៖

ផ្ទាំងផ្សាយពាណិជ្ជកម្ម

លេចចេញរូប Render ឡាន Hyundai Sonata គូទហើម មើលទៅស្អាតប្លែក

May 25, 2020

ចាប់តាំងពីបង្ហាញខ្លួនក្នុងឆ្នាំ១៩៨៥ ពោលគឺ ៧ជំនាន់មកហើយដែលរថយន្ត Hyundai Sonata ផ្តល់ជម្រើសតួខ្លួនគូទហើម Wagon។

ទោះជាយ៉ាងណា ចាប់តាំងពីបញ្ចេញ Sonata ជំនាន់ទី ៨ មក ក៏មានពាក្យចចាមអារ៉ាមបានចាប់ផ្តើមលេចឡើងថា ក្រុមហ៊ុនផលិតរថយន្តកូរ៉េមួយនេះ ប្រហែលជាកំពុងពិចារណាផលិត Sonata ប្រភេទគូទហើមឡើងវិញ។

ថ្វីបើមិនទាន់មានការបញ្ជាក់ពីក្រុមហ៊ុន Hyundai ប៉ុន្តែរថយន្ត Sonata គូទហើម អាចត្រូវប៉ាន់នៅលើទីផ្សារអឺរ៉ុប ដោយសារតែទីនោះ នៅតែពេញនិយមខ្លាំងចំពោះរថយន្តប្រភេទនេះ។

យ៉ាងណាក៏ដោយ គេហទំព័រ Kolesa បានបញ្ចេញរូបភាពបែប Render ក្រៅផ្លូវការ នៃរថយន្ត Hyundai Sonata Sport Wagon គូទហើមថ្មី ដែលមើលទៅពិតជាស្រស់ស្អាត និងទាក់ទាញខ្លាំងមែនទែន ដោយមានទាំងភាពស្ព័រ និងធំទូលាយទៀតផង៕

ផ្ទាំងផ្សាយពាណិជ្ជកម្ម

Toyota ចុះប៉ាតង់ឈ្មោះថ្មី ២ ទំនងប្រើលើ Corolla ថ្មី

May 25, 2020

ថ្មីៗនេះ ក្រុមហ៊ុន Toyota ទើបតែបានចុះប៉ាតង់ឈ្មោះថ្មី ២ គឺ “Toyota BZ” និង “Capstone” សម្រាប់ទីផ្សារសហរដ្ឋអាមេរិក។

យោតតាមប្រភពព័ត៌មានឲ្យដឹងថា “Capstone” អាចជាម៉ូដែល (Trim) ថ្មី ខ្ពស់ជាង Limited ទៅទៀត សម្រាប់រថយន្ត Toyota ជាច្រើនម៉ូដែល ហើយវាក៏អាចជាម៉ូដែល Off-road ផងដែរ។ ទោះជាយ៉ាងណា ប៉ាតង់នោះមិនបានបញ្ជាក់ឲ្យជាក់លាក់ឡើយ ប៉ុន្តែគេគិតថាឈ្មោះវាអាចប្រើជាមួយរថយន្ត Toyota C-HR ហៅថា C-HR Capstone។

ដោយឡែក ឈ្មោះ Toyota BZ វិញ ត្រូវគេគិតថា អាចជាឈ្មោះថ្មីសម្រាប់ Toyota Corolla ប្រភេទគូទហើម Wagon សម្រាប់ទីផ្សារសហរដ្ឋអាមេរិក។ ជាក់ស្តែង Corolla គូទហើម ហៅថា Corolla Touring Sports ត្រូវបានដាក់លក់លើទីផ្សារជាច្រើន នៅតំបន់អឺរ៉ុបរួចមកហើយ។

យ៉ាងណាមិញ ក្រុមហ៊ុន Toyota មិនទាន់បញ្ជាក់បន្ថែមលម្អិតចំពោះឈ្មោះថ្មី ២ នេះឡើយ ដូច្នេះមានតែរង់ចាំមើលតទៅទៀតប៉ុណ្ណោះ៕

ផ្ទាំងផ្សាយពាណិជ្ជកម្ម

ក្រសួងទុកពេលអោយត្រឹម ៣៥ ថ្ងៃទៀត សម្រាប់ការកាត់ឈ្មោះឡាន ដែលរកម្ចាស់ដើមមិនឃើញ

May 24, 2020

ក្រសួងសាធារណការ និងដឹកជញ្ជូន បានធ្វើការប្រកាសនៅលើទំព័រហ្វេសប៊ុកផ្លូវការថា៖ សម្រាប់ការផ្ទេរកម្មសិទ្ធិយានយន្ត ដែលរកម្ចាស់ដើមមិនឃើញ នឹងត្រូវបញ្ចប់ត្រឹមថ្ងៃទី ៣០ ខែ មិថុនា ឆ្នាំ២០២០ ខាងមុខ។ ក្រសួងសាធារណការនិងដឹកជញ្ជូន សូមធ្វើការបញ្ជាក់ និងកើនរំឮកជាថ្មីម្តងទៀត ពីសេចក្តីណែនាំ ” ការផ្ទេរកម្មសិទ្ធិយានយន្ត ដែលរកម្ចាស់ដើមមិនឃើញ ” ដល់បងប្អូនប្រជាពលរដ្ឋដែលកំពុងកាន់កាប់យានយន្ត ទិញលក់តៗគ្នារកម្ចាស់ដើមមិនឃើញ ត្រូវដាក់ពាក្យស្នើសុំផ្ទេរកម្មសិទ្ធិយានយន្ត ឱ្យបានមុនថ្ងៃទី ៣០ ខែ មិថុនា ឆ្នាំ ២០២០ ខាងមុខនេះ។ អាស្រ័យដូចមានបញ្ជាក់ជូនក្នុងខ្លឹមសារនៃសេចក្តីណែនាំ សូមម្ចាស់កម្មសិទ្ធយានយន្ត រួសរាន់ដាក់ពាក្យស្នើសុំឱ្យបានទាន់ពេលវេលា។