Toyota ដាក់លក់ឡាន Venza នៅអាមេរិកជាថ្មី ក្រោយខកខាន ៥ឆ្នាំ

May 19, 2020

Toyota Venza បានបង្ហាញវត្តមាននៅទីផ្សារសហរដ្ឋអាមេរិកជាថ្មីម្ដងទៀតក្រោយបាត់វត្តមានជិត ៥ ឆ្នាំ ដោយវិលត្រឡប់ម្ដងនេះជាមួយស៊េរីឆ្នាំ ២០២១ មានការផ្លាស់ប្ដូររូបរាងថ្មី។ តាមពិតទៅរថយន្តនេះដូចជា Toyota Harrier ដែលដាក់លក់ជប៉ុនដែរ គ្រាន់តែប្ដូរឈ្មោះ។

Toyota Venza ស៊េរីឆ្នាំ ២០២១ ដែលលក់នៅអាមេរិកគឺមានតែជាប្រភេទប្រព័ន្ធ Hybrid ដែលមានបំពាក់ដោយម៉ាស៊ីនសាំងចំណុះ ២,៥លីត្រ គួបផ្សំជាមួយម៉ូទ័រអគ្គិសនីចំនួន ៣ ដែលអាចផ្ដល់កម្លាំងបានសរុប ២១៩ សេះ និងមានកម្រិតស៊ីសាំង ៥,៨៨ លីត្រ ក្នុងចម្ងាយ ១០០ គីឡូម៉ែត្រ។

អំពីរូបរាងរបស់ Venza ក្រុមហ៊ុន Toyota មិនបាននិយាយពណ៌នាច្រើននោះទេអំឡុងកម្មវិធីប្រកាសចេញ ដោយវាមានរូបរាងស្ទើរតែដូចគ្នាបេះដាក់ទៅនឹង Toyota Harrier សម្រាប់ទីផ្សារប្រទេសជប៉ុន។

ផ្នែកខាងក្នុងមានបំពាក់ដោយអេក្រង់ទំហំ ៨អ៊ីញ និងមាន Option ទំហំ ១២,៣អ៊ីញ ដែលគាំទ្រប្រព័ន្ធ Android Auto, Apple CarPlay និង Amazon Alexa។ វាក៏មានបំពាក់ប្រព័ន្ធសំឡេងដែលមានរន្ធបំពងសំឡេងចំនួន ៦ មកជាស្តង់ដារ ប៉ុន្តែអាចប្ដូរដាក់ប្រព័ន្ធសំឡេង JBL ដែលមានរន្ធបំពងសំឡេងចំនួន ៩ ផងដែរ។ Option គួរឲ្យចាប់អារម្មណ៍មួយទៀតគឺដំបូល Star Gaze ដែលបំពាក់ដោយបច្ចេកវិទ្យាកញ្ចក់ Electrochromic អាចប្ដូរកញ្ចក់ពីថ្លាទៅស្រអាប់បានយ៉ាងពិសេស។

Toyota Venza ឆ្នាំ ២០២១ នឹងចេញលក់នៅអំឡុងខែមិថុនា ទៅខែកញ្ញាខាងមុខនេះ ដែលស្ថិតនៅចន្លោះ RAV4 និង Highlander។ Toyota មិនបានប្រាប់អំពីតម្លៃនោះទេ ប៉ុន្តែវាទំនងជាមានចាប់ពីក្រោម ៣ម៉ឺនដុល្លារ៕

ផ្ទាំងផ្សាយពាណិជ្ជកម្ម

Mazda CX-3 មានជម្រើសពណ៌ថ្មី និងម៉ាស៊ីនតូច ស៊ីសាំងត្រឹម ៥,៩លីត្រ/១០០គ.ម៉

May 19, 2020

Mazda បានអាប់ដេតលើរថយន្ត CX-3 នៅក្នុងប្រទេសជប៉ុន ដោយបន្ថែមជម្រើសម៉ាស៊ីនតូច និងពណ៌ថ្មីផងដែរ។

បន្ថែមពីលើម៉ាស៊ីនមានស្រាប់ គឺម៉ាស៊ីនសាំងចំណុះ ២,០លីត្រ និង ម៉ាស៊ីនម៉ាស៊ូត ១,៨លីត្រ ឥឡូវនេះ Mazda CX-3 មានបំពាក់ម៉ាស៊ីនសាំង naturally aspirated ចំណុះ ១,៥លីត្រ Skyactiv-G ទំហំ ៤ស៊ីឡាំងថ្មី មានកម្លាំង ១១០សេះ ប្រើប្រអប់លេខដៃ ៦វគ្គ និងប៉ុងមួយមកស្តង់ដារ តែក៏មាន Option ប៉ុងពីរ AWD ដែរ។

ដោយសារតែប្រើម៉ាស៊ីនតូចជាងមុន ដូច្នេះ Mazda CX-3 រឹតតែសន្សំសំចៃ ដោយមានកម្រិតស៊ីសាំងជាមធ្យម ៥,៩លីត្រ/១០០គីឡូម៉ែត្រ សម្រាប់ប្រភេទម៉ាស៊ីនចំណុះ ១,៥លីត្រ។

ក្រៅពីនោះ វាក៏បន្ថែមពណ៌ថ្មី គឺពណ៌ប្រផេះ Polymetal Gray Metallic ទៀតផង។ CX-3 ក៏ទទួលបានកៅអីជំនាន់ថ្មី ក៏ដូចជាមុខងារ Apple CarPlay និង Android Auto ផងដែរ។ វានឹងចេញលក់នៅលើទីផ្សារប្រទេសជប៉ុន នៅថ្ងៃទី០៤ ខែមិថុនា ជាមួយនឹងតម្លៃចាប់ពី ១៧ ៦០០ដុល្លារ៕

ផ្ទាំងផ្សាយពាណិជ្ជកម្ម

Toyota Sienna Hybrid ឆ្នាំ២០២១ ថ្មី ស៊ីសាំងកាន់តែតិច ឌីហ្សញរឹតតែកាច

May 19, 2020

Toyota បានបញ្ចេញរថយន្ត Sienna Hybrid ស៊េរីឆ្នាំ២០២១ ជាផ្លូវការ។ Sienna ជំនាន់ទី៤ ថ្មីនេះប្រើគ្រោងឆ្អឹង TNGA-K ហើយបំពាក់ម៉ាស៊ីន Hybrid ជាលើកដំបូង ជួយឲ្យវាកាន់តែសន្សំសំចៃ។

Sienna Hybrid មានកាប៊ីនខាងក្នុងធំទូលាយ ហើយរៀបចំបានយ៉ាងស្រស់ស្អាត ដោយក្នុងនោះមានបំពាក់កុងទ័រឌីជីថលទំហំ ៧អ៊ីញ និងអេក្រង់ Touchscreen ៩អ៊ីញ មានមុខងារ Android Auto និង Apple CarPlay ផងដែរ។

រថយន្តវ៉ែនខ្នាតតូចនេះបំពាក់ម៉ាស៊ីន Hybrid ថ្មី ហៅថា Toyota Hybrid System II ជាមួយនឹងម៉ាស៊ីនសាំងចំណុះ ២,៥លីត្រ ទំហំ ៤ស៊ីឡាំង និងម៉ូទ័រអគ្គិសនី ២ មានកម្លាំងសរុប ២៤៣សេះ ហើយមានកម្រិតស៊ីសាំងជាមធ្យម ៧,១លីត្រ/១០០គីឡូម៉ែត្រ។ វាផ្តល់ជម្រើសបើកបរ ៤ គឺ EV, Normal, Eco និង Sport។

Sienna ឆ្នាំ២០២១ បំពាក់ប្រព័ន្ធ Toyota Safety Sense 2.0 មកស្តង់ដារ ក្នុងនោះមានមុខងារដូចជា Pre-Collision System with Pedestrian Detection/Lowlight Detection, Full-Speed Range Dynamic Radar Cruise Control, Lane Departure Alert with Steering Assist, Lane Trace Assist, Automatic High Beams និង Road Sign Assist។

បន្ថែមពីនេះក៏មានពោងសុវត្ថិភាព ១០ និងមុខងារផ្សេងទៀតដូចជា Enhanced Vehicle Stability Control (VSC) with Traction Control (TRAC), Electronic Brake-force Distribution (EBD), Brake Assist (BA), Anti-lock Braking System (ABS) និង Smart Stop Technology (SST) ផងដែរ៕

ផ្ទាំងផ្សាយពាណិជ្ជកម្ម

Ford ចេញមុខបញ្ជាក់អំពីដំណឹងល្អទាក់ទង F-150 ជំនាន់ថ្មី

May 18, 2020

រថយន្តដែលគេទន្ទឹងរង់ចាំបង្ហាញវត្តមានជាផ្លូវការច្រើនបំផុតនោះគឺ Ford F-150 ជំនាន់ថ្មី។ គួរសោកស្ដាយការបង្ហាញចេញ និងការផលិតរថយន្តនេះមានការពន្យារពេលជាបន្តបន្ទាប់ដោយសារជំងឺកូវីដ១៩។ យ៉ាងណាក្ដីនាពេលនេះ Ford បានចេញមុខប្រាប់អំពីដំណឹងល្អដល់អតិថិជនគឺ រថយន្ត Ford F-150 នឹងចាប់ផ្ដើមធ្វើការដឹកជញ្ជូនចេញឲ្យអតិថិជននៅក្នុងឆ្នាំនេះតែម្ដង។

Kelli Felker ជាអ្នកចាត់ការផ្នែកទំនាក់ទំនងនៅ Ford បាននិយាយថា ៖ “យើងអាចដឹកជញ្ជូនរថយន្ត Ford F-150 ជំនាន់ថ្មីដល់អតិថិជនចាប់ផ្ដើមពីអំឡុងត្រីមាសទី ៤ ឆ្នាំនេះ។ ក្រុមការងារបន្តធ្វើការបានយ៉ាងបញ្ហាដើម្បីឲ្យទាន់តាមផែនការ ទោះជួបបញ្ហាប្រឈមដោយសារកូវីដ១៩ក្ដី។ យើងទន្ទឹងរង់ចាំបង្ហាញរថយន្តភីកអាប់ជំនាន់ថ្មីរបស់យើងឆាប់ៗនេះ ហើយនឹងចាប់ផ្ដើមដឹកជញ្ជូនចាប់ពីឆ្នាំនេះ។”

ការប្រកាសចេញរថយន្ត Ford F-150 ជំនាន់ថ្មីគេនៅមិនទាន់ដឹងថាធ្វើឡើងនាពេលណានៅឡើយទេ ប៉ុន្តែរំពឹងថាធ្វើឡើងនាអំឡុងខែមិថុនាខាងមុខនេះ៕

ផ្ទាំងផ្សាយពាណិជ្ជកម្ម

Lexus ធ្វើរឿងមួយ មិនធ្លាប់ធ្វើពីមុនមក

May 18, 2020

បើផ្អែមតាមកាចុះផ្សាយរបស់ Cars Direct បានឲ្យដឹងថា Lexus នៅអាមេរិកបានធ្វើរឿងមួយដែលមិនធ្លាប់ធ្វើពីមុនមកក្នុងអំឡុងរដូវកាលនេះ គឺបានកាត់បន្ថយអត្រាការប្រាក់នៃការបង់រំលស់រថយន្តទាំងអស់របស់ខ្លួនមកត្រឹម ០% សម្រាប់រយៈពេល ៦០ខែ។

ជាធម្មតាការផ្ដល់ជូនពិសេសបែបនេះគឺកើតមានឡើងនៅអំឡុងចុងឆ្នាំឯណោះ ហើយការផ្លាស់ប្ដូរនេះទំនងជាដោយសារតែការផ្ទុះជំងឺឆ្លងកូវីដ១៩ ដែលរីករាលដាលជុំវិញពិភពលោក។ ខិតប័ណ្ណដែល Lexus ផ្ញើដល់ហាងលក់រថយន្ត Lexus ទាំងឡាយ គឺមានបង្ហាញអំពីការបង់រំលស់ឥតគិតការប្រាក់រយៈពេល ៥ ឆ្នាំ សម្រាប់រថយន្តស៊េរីឆ្នាំ ២០២០ ទាំងអស់ ដែលកន្លងមកគឺគិតអត្រា ០,៩%។

បន្ថែមពីនេះ Lexus ក៏មានផ្ដល់ជូនអត្រាការប្រាក់ ០% រយៈពេល ៣៦ខែ សម្រាប់រថយន្តប្រើប្រាស់រួចរបស់ខ្លួន សម្រាប់ម៉ូដែល Lexus IS, ES, NX និង RX ស៊េរីឆ្នាំ ២០១៦ ដល់ស៊េរីឆ្នាំ ២០១៨ ដែលការផ្ដល់ជូនទាំងអស់នេះនឹងផុតកំណត់នាថ្ងៃទី ១ ខែមិថុនា៕

ផ្ទាំងផ្សាយពាណិជ្ជកម្ម

Acura ប្រកាសឈប់ផលិតឡានម៉ូដែលនេះទៀតហើយ!

May 18, 2020

យោងតាមគេហទំព័រ Automotive News ឲ្យដឹងថា ក្រុមហ៊ុន Acura បានប្រកាសឈប់ផលិតរថយន្តម៉ូដែល RLX ទៀតហើយ ក្រោយស៊េរីឆ្នាំ២០២០ ដើម្បីផ្តោតលើរថយន្ត Sedan និង SUV ផ្សេងទៀត។

រថយន្ត Acura RLX បានបង្ហាញខ្លួនដំបូលក្នុងឆ្នាំ២០១៤ ប៉ុន្តែហាក់តទល់មិនឈ្នះគូប្រជែងមកពីអាល្លឺម៉ង់ ដូចជា BMW 5 Series និង Audi A6 ឡើយ។

គួរឲ្យដឹងថា កាលពីឆ្នាំមុន Acura លក់រថយន្ត RLX ដាច់ត្រឹម ១ ០០០គ្រឿងប៉ុណ្ណោះនៅសហរដ្ឋអាមេរិក ហើយនៅឆ្នាំ២០២០ នេះ ទើបតែលក់បាន ២៦៧គ្រឿងប៉ុណ្ណោះ។ ដោយឡែក Acura លក់រថយន្ត SUV ម៉ូដែល RDX សរុប ៦២ ៨៧៦គ្រឿងកាលពីឆ្នាំមុន។

រថយន្ត Acura RLX ស៊េរីឆ្នាំ២០២០ មានតម្លៃចាប់ពី ៥៥ ៩២៥ដុល្លារ ដោយបំពាក់ម៉ាស៊ីនចំណុះ ៣,៥លីត្រ V6 មានកម្លាំង ៣១០សេះ៕

ផ្ទាំងផ្សាយពាណិជ្ជកម្ម

សោកស្តាយណាស់! ឡានម៉ាស៊ីន V12 ទាំងនេះ លែងមានលក់ទៀតហើយ

May 18, 2020

កាលពីពេលថ្មីៗកន្លងទៅ BMW បានប្រកាសថាខ្លួននឹងឈប់ផលិតរថយន្តប្រើម៉ាស៊ីន V12 គឺម៉ូដែល M760Li នៅចុងឆ្នាំ២០២០។ ក្រៅពី BMW មានក្រុមហ៊ុនមួយចំនួនទៀត ក៏ឈប់លក់រថយន្តម៉ាស៊ីន V12 ផងដែរ នៅលើទីផ្សារអាហ្វ្រិចខាងត្បូង។

១) រថយន្ត Aston Martin DB11 និង DBS Superleggera ដែលបំពាក់ម៉ាស៊ីនចំណុះ ៥,៩លីត្រ និង ៥,២លីត្រ V12

២) រថយន្ត BMW M760Li និង Rolls-Royce Dawn, Ghost, Wraith និង Cullinan ដែលបំពាក់ម៉ាស៊ីនចំណុះ ៦,៦លីត្រ និង ៦,៨លីត្រ V12

៣) រថយន្ត Ferrari 812 Superfast និង 812 GTS ដែលបំពាក់ម៉ាស៊ីនចំណុះ ៦,៣លីត្រ និង ៦,៥លីត្រ V12

៤) រថយន្ត Lamborghini Aventador S ដែលបំពាក់ម៉ាស៊ីនចំណុះ ៦,៥លីត្រ V12

៥) រថយន្ត Mercedes-Benz S600 L ដែលបំពាក់ម៉ាស៊ីនចំណុះ ៦,០លីត្រ V12

ផ្ទាំងផ្សាយពាណិជ្ជកម្ម

ទិញឡានម៉ឺនដុល្លារ តែអន់ចិត្តរឿងម៉ាញ៉េ លែងជាការពិបាកទៀតហើយ

May 18, 2020

បច្ចុប្បន្នការទិញរថយន្ត ទាំងឡាន ១ទឹក ឬថ្មី ដោយយើងម្នាក់ៗតែងតែចំនាយរាប់ម៉ឺនដុល្លារ ប៉ុន្តែមានអារម្មណ៌មិនពេញចិត្តទៅលើម៉ាញ៉េឡានទៅវិញ។

ដើម្បីដោះស្រាយកង្វល់ ថ្ងៃនេះ យើងខ្ញុំសូមណែនាំម៉ាញ៉េរបស់ជប៉ុន ម៉ូដែលថ្មីម៉ាក Pioneer DMH-Z5350BT មុខងារនិងអត្ថប្រយោជន៍ដូចជា៖
✅ អេក្រង់ ៦,៨ អុីញ ប្រភេទ Capacitive Touch ច្បាស់ មិនចាញ់ពន្លឺថ្ងៃ
✅ អាចប្រើ Apple CarPlay & Android Auto ដើម្បីមើលផែនទីបានយ៉ាងងាយស្រួល និងទំនើប
✅ អាចភ្ចាប់កាមេរ៉ាមើលក្រោយ ងាយស្រួលចេញចូលចំណត ឬថយក្រោយ
✅ ទទួលបានគុណភាពសំឡេងពិរោះរណ្តុំ
✅ អាចភ្ជាប់ជាមួយបូតុងចង្កូតបាន
✅ មានមុខងារ Hand Free ដែលយើងអាចធ្វើការនិយាយទូរស័ព្ទ ដោយមិនកាន់ទូរស័ព្ទ សមស្របជាមួយច្បាប់ចរាចរណ៌ផ្លូវគោកថ្មី
✅ មានមុខងារភ្ជាប់ Bluetooth, USB, AUX
✅ ធានារយៈពេល ១ ឆ្នាំ

កុំភ្លេចប្រើបណ្ណបញ្ចុះតម្លៃដោយគ្រាន់តែបង្ហាញអត្ថបទនេះ ឬប្រាប់លេខកូដ CamboAutoFan

សម្រាប់ពត័មានបន្ថែមសូមទាក់ទង ០៩២ ៩៦០ ០០០ / ០៩៦ ៥៩៦ ០០០០ / ០៩៧ ៥៩៦ ០០០០ ឬមកទីតាំង iCar ផ្ទាល់ផ្ទះលេខ២៧-២៨, ផ្លូវលេខ៦០៨, ខាងលិចរង្វង់មូលទួលគោក ១៥០ម៉ែត្រ ឬចុច ផែនទីនេះ!

នៅមានម៉ាញ៉េជាច្រើនទៀត ដែលលោកអ្នកអាចធ្វើការជ្រើសរើសបាន!

ផ្ទាំងផ្សាយពាណិជ្ជកម្ម

Nissan ចេញឡាន Kicks e-Power ឆ្នាំ២០២១ ថ្មី តម្លៃ ២៧០០០ ដុល្លារ

May 16, 2020

ក្រុមហ៊ុន Nissan បានបញ្ចេញរថយន្ត Kicks e-Power ស៊េរីឆ្នាំ២០២១ ជាផ្លូវការ នៅក្នុងប្រទេសថៃ ដែលជាកន្លែងផលិតរថយន្តនេះ សម្រាប់ទីផ្សារតំបន់អាស៊ីអាគ្នេយ៍។ ថៃ ក៏ជាប្រទេសដំបូងផងដែរ ដែលមានផលិតបច្ចេកវិទ្យា e-Power របស់ក្រុមហ៊ុន Nissan នៅក្រៅប្រទេសជប៉ុន។

រថយន្ត Nissan Kicks e-Power នេះ បំពាក់កញ្ចប់អាគុយ lithium-ion កម្លាំង ១,៥៧គីឡូវ៉ាត់ម៉ោងមួយ និងម៉ាស៊ីនសាំងចំណុះ ១,២លីត្រ ទំហំ ៣ស៊ីឡាំង ព្រមទាំងម៉ូទ័រអគ្គិសនី EM57 មួយ មានកម្លាំងសរុប ១២៧សេះ។

បន្ថែមពីនេះ វាក៏មានបំពាក់ប្រព័ន្ធជំនួយការបើកបរជាច្រើន ដោយក្នុងនោះរួមមានមុខងារ ដូចជា Intelligent Driving, Intelligent Cruise Control, Intelligent Forward Collision Warning, Intelligent Emergency Braking, Blind Spot Warning, Rear Cross Traffic Alert, Intelligent Around View Monitor with Moving Object Detection និង Intelligent Rear View Mirror។

Kicks e-Power ផ្តល់ជម្រើសបើកបរចំនួន ៤ គឺ Normal, S ជួយឲ្យជាន់ស្ទុះ, Eco ដើម្បីសន្សំសំចៃសាំង និង EV ដំណើរការដោយថាមពលអាគុយសុទ្ធ។ វានឹងចេញលក់នៅក្នុងខែមិថុនា ជាមួយនឹងតម្លៃចាប់ពី ២៧ ៧៣០ដុល្លារ នៅក្នុងប្រទេសថៃ៕

ផ្ទាំងផ្សាយពាណិជ្ជកម្ម

SUV ប្រណីតកូរ៉េ Genesis GV80 មិនទាន់ចេញលក់ផង មានគេកក់ជិត ១០ម៉ឺនគ្រឿងបាត់

May 16, 2020

CEO ក្រុមហ៊ុន Genesis Motors North America លោក Mark Del Rosso បានប្រាប់គេហទំព័រ Roadshow ថា រថយន្ត SUV ប្រណីតរបស់កូរ៉េខាងត្បូង Genesis GV80 នឹងមិនទាន់ចេញលក់ឆាប់ៗនេះឡើយ ប៉ុន្តែក្រុមហ៊ុនទទួលបានការកក់ទុកជិត ១០ ០០០គ្រឿងបាត់ទៅហើយ។

តាមរយៈចំនួនកក់នេះ វាគឺជាជោគជ័យដ៏ធំធេងមួយរបស់ម៉ាក Genesis ដែលស្ថិតក្រោមក្រុមហ៊ុន Hyundai ខណៈក្រុមហ៊ុន Genesis បានលក់រថយន្តដាច់ត្រឹម ២១ ២៣៣គ្រឿងប៉ុណ្ណោះ នៅសហរដ្ឋអាមេរិក កាលពីឆ្នាំ២០១៩។

គួរឲ្យដឹងថា GV80 នឹងចេញលក់នៅសហរដ្ឋអាមេរិក ក្នុងរដូវក្តៅនេះ ជាមួយនឹងតម្លៃចាប់ពី ៤៨ ៩០០ដុល្លារ។ ប្រភេទ Base Model នឹងប្រើប៉ុងមួយវិលកង់ក្រោយ ហើយបំពាក់ម៉ាស៊ីន Turbocharged ចំណុះ ២,៥លីត្រ ទំហំ ៤ស៊ីឡាំង មានកម្លាំង ៣០០សេះ។