រថយន្ត Volvo ទាំងអស់លក់លើពិភពលោក ពេលនេះត្រូវកំណត់ត្រឹម ១៨០ គ.ម/ម៉

May 21, 2020

តាមការសន្យាដែលបានធ្វើឡើងកាលពីឆ្នាំមុន នាពេលនេះ Volvo បានប្រកាសថារថយន្តថ្មីទាំងអស់ដែលខ្លួនផលិតនឹងមានការកំណត់ល្បឿនអតិបរមាត្រឹម ១៨០ គីឡូម៉ែត្រ/ម៉។

Volvo បាននិយាយថាការកំណត់បែបនេះ គឺដើម្បីបិទនូវគម្លាតដែលសេសសល់នៃការគ្រោះថ្នាក់ធ្ងន់នៅក្នុងគ្រោះថ្នាក់ចរាចរណ៍មកនៅត្រឹមចំណុចសូន្យ។

បន្ថែមពីការកំណត់ល្បឿននេះដែរ រថយន្ត Volvo ទាំងអស់នាពេលនេះក៏មាននូវ Care Key មួយ ដែលអាចឲ្យអ្នកបើកបរកំណត់ល្បឿនអតិបរមាឲ្យទាបនេះបាន។ ឧទាហរណ៍ដូចជាមុនពេលឲ្យរថយន្តឲ្យសមាជិកគ្រួសារ ក្មេងៗ ឬអ្នកមិនមានបទពិសោធន៍បើកបរ ម្ចាស់រថយន្តអាចកំណត់ល្បឿនអតិបរមាឲ្យទាបដើម្បីធានាសុវត្ថិភាពពួកគេ៕

ផ្ទាំងផ្សាយពាណិជ្ជកម្ម

McLaren 600LT Spider Segestria Borealis តម្លៃ ២៧ម៉ឺនដុល្លារ ផលិតតែ ១២គ្រឿងគត់

May 21, 2020

ក្រុមហ៊ុន McLaren បានប្រកាសចេញរថយន្តស្ព័រម៉ូដែលពិសេសេ 600LT Spider Segestria Borealis ដែលនឹងត្រូវផលិតត្រឹមតែ ១២គ្រឿងប៉ុណ្ណោះ។

រថយន្តឈ្មោះវែងដូចទូកង McLaren 600LT Spider Segestria Borealis នេះ ត្រូវបានឌីហ្សាញឡើងដោយក្រុម MSO (McLaren Special Operations) ដោយបំផុសគំនិតតាមសត្វពីងពាងពូជ Segestria Florentina ហើយត្រូវបានគេដាក់រហ្ស័សនាមឲ្យថា “Spider Spider”។

McLaren 600LT Spider Segestria Borealis នេះ នឹងត្រូវដាក់លក់ក្នុងតម្លៃ ២៧៥ ០០០ដុល្លារក្នុងមួយគ្រឿង។ វាបំពាក់ម៉ាស៊ីនចំណុះ ៣,៨លីត្រ twin-turbo ទំហំ ៨ស៊ីឡាំង មានកម្លាំង ៥៩២សេះ ដែលអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ២,៨វិនាទីប៉ុណ្ណោះ៕

ផ្ទាំងផ្សាយពាណិជ្ជកម្ម

Lexus GX 460 ឆ្នាំ២០២០ បង្ហាញខ្លួននៅអឺរ៉ុប និងអាស៊ីកណ្តាល

May 21, 2020

កាលពីឆ្នាំមុន ក្រុមហ៊ុន Lexus បានបង្ហាញរថយន្ត GX 460 ស៊េរីឆ្នាំ២០២០ សម្រាប់ទីផ្សារអាមេរិកខាងជើង ហើយឥឡូវ SUV ប្រណីតរបស់ជប៉ុននេះ បានបង្ហាញខ្លួនជាផ្លូវការនៅអឺរ៉ុបខាងកើត និងអាស៊ីកណ្តាលផងដែរ។

រថយន្ត Lexus GX 460 ឆ្នាំ២០២០ ត្រូវបានផលិតផ្អែកតាមរថយន្ត Toyota Land Cruiser Prado ដោយវាបានបំពាក់ប៉ាណាមុខធំប្រចាំត្រកូល Lexus ជាមួយនឹងចង្កៀង LED ភ្នែក៣ មើលទៅរឹតតែកាច។

Lexus ក៏បានបន្ថែមពណ៌ថ្មីសម្រាប់ GX 460 នេះដែរ គឺ Sonic Titanium, White Pearl, Mercury Grey, Black, Starlight Black, Garnet Red, Fire Agate និង Deep Blue។

បន្ថែមពីនេះ GX 460 ថ្មីមានមុខងារ Crawl Control ដែលអាចឲ្យវាគេចផុតពីការជាប់ផុងយ៉ាងងាយស្រួល ខណៈមុខងារនេះក៏មានលើ Lexus LX 570 និង Toyota Land Cruiser ផងដែរ។ រថយន្ត SUV ខ្នាតធំនេះបំពាក់ម៉ាស៊ីនសាំងចំណុះ ៤,៦លីត្រ V8 មានកម្លាំង ២៩២សេះ ប្រើប្រអប់លេខអូតូ ECT-i ៦វគ្គ និងប៉ុងពីរ៕

ផ្ទាំងផ្សាយពាណិជ្ជកម្ម

ថតបានគូប្រជែងរបស់ F-150 Raptor រត់សាកល្បងលើដងផ្លូវ

May 20, 2020

វីដេអូចេញផ្សាយដោយ TFLNow បានបង្ហាញអំពីរូបរាងរថយន្តភីកអាប់មួយគ្រឿងបើកបរសាកល្បងលើដងផ្លូវ ដែលគេជឿជាក់ថាជារថយន្តគំរូនៃ Ram Rebel TRX ដែលនឹងជាគូប្រជែងខ្លាំងក្លាមួយរបស់ Ford F-150 Raptor។

វីដេអូមិនបានបង្ហាញអ្វីច្រើននោះទេ ក្រៅតែពីទ្រង់ទ្រាយរបស់វាដែលមើលទៅមានទំហំធំ។ ចំណែករចនាបថរបស់រថយន្តត្រូវបានបិទបាំងជិតមិនឲ្យមើលដឹងថាមានរចនាបថបែបណានោះឡើយ។

បើតាមវិបសាយ Mopar Insider បានឲ្យដឹងការផលិតនៃរថយន្ត Ram Rebel TRX នេះនឹងចាប់ផ្ដើមនៅខែកញ្ញា ឬខែតុលា ហើយហាងលក់រថយន្តទាំងឡាយក៏បានដឹងដំណឹងនេះជាមុនដែរ។

ការចុះផ្សាយកន្លងមក បានឲ្យដឹងថា Ram Rebel TRX គឺនឹងដំណើរការដោយម៉ាស៊ីន Hellcat V8 Supercharged ចំណុះ ៦,២លីត្រ ដែលមានកម្លាំង ៧០៧សេះ ប្រើប្រព័ន្ធបើកបរវិលកង់ទាំងបួន និងប្រអប់លេខស្វ័យប្រវត្តិ ៨វគ្គ។ ចំណែកលក្ខណៈសម្បត្តិផ្សេងទៀតគេមិនទាន់ដឹងច្បាស់នោះទេ ហើយរំពឹងថាវាអាចមានតម្លៃចាប់ពីប្រមាណ ៥៣ ០០០ ដុល្លារ ជាតម្លៃប្រហាក់ប្រហែលនឹង Ford F-150 Raptor ដែរ៕

ផ្ទាំងផ្សាយពាណិជ្ជកម្ម

វីដេអូ Bugatti Chiron Pur Sport បញ្ចេញកម្លាំង ១៤៧៩សេះ លើទីលាន

May 20, 2020

Bugatti បានបង្ហាញនូវវីដេអូធ្វើតេស្តរថយន្ត Chiron Pur Sport នៅទីលាន Bilster Berg នាប្រទេសអាល្លឺម៉ង់ ដើម្បីសាកល្បងកម្លាំងរថយន្តមហាកម្លាំងមួយនេះ។

ប្រៀបធៀបនឹង Chiron ធម្មតា Pur Sport នេះមានទម្ងន់ស្រាលជាងប្រមាណ ៥០ដុល្លារ ហើយវាមានបំពាក់នូវប្រអប់លេខថ្មីដែលអាចបង្កើនល្បឿនអតិបរមារបស់ម៉ាស៊ីនបាន។ ម៉ាស៊ីនរបស់រថយន្ត Pu Sport គឺមាន ១៦ ស៊ីឡាំង ចំណុះ ៨,០លីត្រ ដែលអាចផលិតកម្លាំងបាន ១៤៧៩ សេះ។

Bugatti នឹងចាប់ផ្ដើមការផលិតរថយន្ត Chiron Pur Sport នេះនៅចាប់ពីត្រីមាសទី ៣ឆ្នាំ ២០២០ ដែលមានផលិតត្រឹម ៦០ គ្រឿង ហើយមួយគ្រឿងគឺមានតម្លៃមិនក្រោម ៣លានអឺរ៉ូ (ប្រមាណ ៣,២៨លានដុល្លារ) ឡើយ៕

ផ្ទាំងផ្សាយពាណិជ្ជកម្ម

លោកព្រះ Zlatan Ibrahimovic ជិះឡាន Ferrari អត់ដំបូល តម្លៃ២លានដុល្លារ ផ្អើលគេផ្អើលឯង

May 20, 2020

កីឡាករបាល់ទាត់សញ្ជាតិស៊ុយអែត Zlatan Ibrahimovic ដែលមានតម្លៃខ្លួន ២០០លានដុល្លារ ត្រូវបានគេប្រទះឃើញជិះរថយន្តដ៏កម្រ Ferrari Monza SP2។

រថយន្តស្ព័រអត់ដំបូល Ferrari Monza SP2 របស់ Zlatan នេះ មានតួខ្លួនពណ៌ខ្មៅ និងកាប៊ីនពណ៌ក្រហម យ៉ាងស្រស់ស្អាត។

Monza SP2 បំពាក់ម៉ាស៊ីនចំណុះ ៦,៥លីត្រ naturally-aspirated V12 មានកម្លាំង ៧៩៩សេះ។ វាគឺជាម៉ាស៊ីន naturally-aspirated V12 មានកម្លាំងខ្លាំងបំផុត ដែល Ferrari បានផលិត។

គួរឲ្យដឹងថា ក្រុមហ៊ុន Ferrari នឹងផលិតរយន្តនេះត្រឹម Monza SP2 និងមួយម៉ូដែលទៀតគឺ Monza SP1 (កៅអីតែ១) សរុបត្រឹមតែ ៤៩៩គ្រឿងប៉ុណ្ណោះ ហើយវាមានតម្លៃចាប់ពី ២លានដុល្លារក្នុងមួយគ្រឿង៕

ផ្ទាំងផ្សាយពាណិជ្ជកម្ម

ឡានប្រណីតកូរ៉េ Genesis G80 ឆ្នាំ២០២១ ចេញលក់ហើយ តម្លៃ ៤៧ ០០០ដុល្លារ

May 20, 2020

ក្រុមហ៊ុន Genesis ដែលស្ថិតក្រោមម៉ាក Hyundai បានប្រកាសចេញរថយន្តម៉ូដែល G80 ស៊េរីឆ្នាំ២០២១ ជាផ្លុវការ ដោយមានតម្លៃចាប់ពី ៤៧ ៧០០ដុល្លារ នៅលើទីផ្សារសហរដ្ឋអាមេរិក។

បើប្រៀបធៀបទៅ រថយន្ត Genesis G80 ឆ្នាំ២០២១ ថ្លៃជាងស៊េរីមុន ៥ ១៥០ដុល្លារ ប៉ុន្តែទទួលបានការឌីហ្សាញកាន់តែស្ព័រ និងស្រស់ស្អាតជាងមុន។

វាបំពាក់ចង្កៀងមុខ LED, ប្រព័ន្ធស៊ីម៉ាំងភ្លោះ, យ៉ាន់ Alloy ១៨អ៊ីញ, ភ្លិតទឹកអូតូ, កៅអីចុចសារ៉េបាន ១២បែប ហើយមានមុខងារកម្តៅ, អេក្រង់បង្ហាញព័ត៌មាន ១៤,៥អ៊ីញ មានមុខងារ GPS និងផែនទី និងកុងទ័រ LCD ទំហំ ៨អ៊ីញ និង Speaker ១២គ្រាប់ ជាដើម។

ក្នុងនោះ G80 ក៏មានបំពាក់មុខងារជំនួយការបើកបរ ដូចជា forward collision avoidance-assist with pedestrian and cyclist detection, smart cruise control with machine learning, highway driving assist, lane keeping assist, lane following assist, blind-spot collision avoidance-assist, rear cross-traffic collision avoidance-assist រួមទាំងពោងសុវត្ថិភាព ១០គ្រាប់ផងដែរ។

Genesis G80 ផ្តល់ម៉ាស៊ីនចំនួន ២ជម្រើស គឺ ម៉ាស៊ីនចំណុះ ២,៥លីត្រ turbocharged ទំហំ ៤ស៊ីឡាំង មានកម្លាំង ៣០០សេះ និង ម៉ាស៊ីនចំណុះ ៣,៥លីត្រ twin-turbo ទំហំ ៦ស៊ីឡាំង មានកម្លាំង ៣៧៥សេះ៕

ផ្ទាំងផ្សាយពាណិជ្ជកម្ម

អ្នកជិះ Ford Ranger Wildtrack អាចដាក់ឃ្លុបរូត ស្វ័យប្រវត្តិ បញ្ជារតេឡេបានយ៉ាងទំនើប!

May 20, 2020

កាន់តែទំនើបមែនទែន សម្រាប់បងប្អូនម្ចាស់រថយន្ត Ford Ranger Wildtrack អាចធ្វើការដាក់ឃ្លុបរូត ស្វ័យប្រវត្តិ បញ្ជារដោយតេឡេ ងាយស្រួលប្រើប្រាស់ សន្លឹកគំរបក្រាស់រឹងមាំ ដើម្បីការពារឥវ៉ាន់ ឬរបស់របរ ជាពិសេសរដូវភ្លៀងទៀត មិនទទឹក។ គួរបញ្ជាក់ផងដែរថា រាល់ការដាក់ឃ្លុបនេះ គឺយើងខ្ញុំធានាចំពោះការកាត់ ការវះ ដោយគ្មានក្តីបារម្មណ៍ សុវត្ថិភាពក្នុងការរក្សាទុកដាក់របស់របរមានតំលៃរបស់លោកអ្នក។

កុំភ្លេចប្រើបណ្ណបញ្ចុះតម្លៃដោយគ្រាន់តែបង្ហាញអត្ថបទនេះ ឬប្រាប់លេខកូដ CamboAutoFan

ខាងក្រោមនេះជារូបភាពនៃការដំឡើង គំរូផងដែរ។

សម្រាប់ពត័មានបន្ថែមសូមទាក់ទង ០៩២ ៩៦០ ០០០ / ០៩៦ ៥៩៦ ០០០០ / ០៩៧ ៥៩៦ ០០០០ ឬមកទីតាំង iCar ផ្ទាល់ផ្ទះលេខ២៧-២៨, ផ្លូវលេខ៦០៨, ខាងលិចរង្វង់មូលទួលគោក ១៥០ម៉ែត្រ ឬចុច ផែនទីនេះ!

ផ្ទាំងផ្សាយពាណិជ្ជកម្ម

ឡាន ២ បាំង ១ទឹកស្អាតៗ មានធានាពីក្រុមហ៊ុនផ្ទាល់ ចាប់ពីឆ្នាំ២០១៣ ដល់ ២០១៩

May 19, 2020

សួស្តីអតិថិជនជាទីស្រឡាញ់ មកដល់ហេីយសម្រាប់លោកអ្នកដែលកំពុងមានតម្រូវការចំពោះ Pick Up អាចមកមេីលនៅតូយ៉ូតាផ្លឹសបាន យេីងមានចាប់ពីសេរ៊ីចាប់ពី ២០១៣ ដល់ ២០១៩៖

សម្រាប់ពត៌មានបន្ថែម ០១៧ ៣៣៣ ១៧៧
គួរបញ្ជាក់ផងដែរថា គ្រប់រថយន្តដែលទិញពីតូយ៉ូតាផ្លឹសនេះ គឺនឹងទទួលបានការធានាចាប់ពី ១ ទៅ ២ឆ្នាំផងដែរ។ សម្រាប់ទីតាំងមើលរថយន្តផ្ទាល់ ស្ថិតនៅលើមហាវិថីសធារណរដ្ឋឆែកក្បែរក្រសួងទេសចរណ៌ ឬចូលទៅកាន់ទំព័របណ្តាញសង្គមផ្លូវការ
ខាងក្រោមនេះ ជារូបភាពនៃរថយន្តនីមួយៗ៖

HILUX REVO Premium ២០១៩ តម្លៃ ៤៤ ០០០ដុល្លារ

HILUX REVO RALLY ២០១៩ តម្លៃ ៤៥ ៥០០ដុល្លារ

ផ្ទាំងផ្សាយពាណិជ្ជកម្ម

ទីបំផុតបានឃើញរូបរាងឡានដែលត្រូវក្លាយជាគូប្រជែងខ្លាំងក្លារបស់ Tesla Model X

May 19, 2020

ក្រុមហ៊ុនផលិតម៉ាស៊ីនបូមសម្អាត Dyson ធ្លាប់បានបង្ហាញផែនការផលិតរថយន្តអគ្គិសនីផ្ទាល់ខ្លួនដើម្បីប្រកួតប្រជែងនឹង Tesla។ យ៉ាងណាក្ដីគម្រោងការត្រូវបានរំសាយចោលកាលពីខែតុលាឆ្នាំកន្លងទៅ ហេតុនេះគេមិនបានឃើញរូបរាងរថយន្តអាថ៌កំបាំងរបស់ Dyson នោះទេ។

យ៉ាងណាក្ដីនាពេលនេះ រូបរាងរថយន្តអគ្គិសនីរបស់ Dyson បានបង្ហាញមុខ អាចឲ្យគេឃើញថាគូប្រជែងរបស់ Tesla Model X មានរូបរាងបែបណា។ រូបរាងរបស់រថយន្តត្រូវបានបង្ហាញដោយលោក James Dyson ជាមហាសេដ្ឋីជនជាតិអង់គ្លេស និងជាម្ចាស់ក្រុមហ៊ុន Dyson ផងដែរ។

រថយន្តដែលលោក James បានបង្ហាញគឺមានឈ្មោះសម្គាល់ថា N526 ដែលមានរចនាបថបែប Premium មានកៅអីអង្គុយចំនួន ៧ និងមានរយៈចម្ងាយបើកបរ ៩៦៥ គីឡូម៉ែត្រឯណោះ។ រយៈចម្ងាយបើកបរនេះស្ទើរតែលើសចម្ងាយរបស់ Tesla Model X ពីរដង ដែលវាមានចម្ងាយបើកបរ ៥០៥ គីឡូម៉ែត្រ ពេលសាកភ្លើងពេញម្ដងៗ។

គួរដឹងថាលោក James បានចម្ងាយទឹកប្រាក់ផ្ទាល់ខ្លួនប្រមាណ ៦០៩លានដុល្លារ ដើម្បីអភិវឌ្ឍន៍រថយន្តអគ្គិសនី មុននឹងផែនការត្រូវបានរំសាយកាលពីឆ្នាំមុន។ នេះអាចបង្ហាញថាដើម្បីអភិវឌ្ឍន៍រថយន្តអគ្គិសនីសម្រាប់លក់លើទីផ្សារបាន ត្រូវចំណាយថវិកាច្រើនលើសលប់ និងចំណាយពេលយូរផងដែរ៕

ផ្ទាំងផ្សាយពាណិជ្ជកម្ម