លោកអ្នក​ នឹងទទួលបានសារ​ SMS រំលឹកឱ្យទៅបន្ត​ សុពលភាពបណ្ណបេីកបរ​ ពីក្រសួងសាធារណការ​ និងដឹកជញ្ជូន — បងប្អូនប្រជាពលរដ្ឋ នឹងទទួលបានសារ​ SMS រំលឹកឱ្យទៅបន្ត​ សុពលភាពបណ្ណបេីកបរ​ ពីក្រសួងសាធារណការ​ និងដឹកជញ្ជូន។ ចំពោះអ្នកកាន់បណ្ណបើកបរមួយចំនួន ដែលមិនទាន់ទទួលបានសាររំលឹក ដោយសារបានប្តូរលេខទូរសព្ទ ឬមិនបានផ្តល់លេខទូរសព្ទពេលដែលមកទទួលសេវាចុងក្រោយបង្អស់ សូមពិនិត្យមើលសុពលភាពបណ្ណបើកបររបស់ខ្លួន ដើម្បីប្តូរ និងពន្យារទាន់ពេលវេលា និងផ្តល់លេខទូរសព្ទ មកកាន់ក្រុមការងារយើងខ្ញុំ។ បងប្អូនប្រជាពលរដ្ឋ អាចប្តូរ និងពន្យារបណ្ណបើកបរ នៅមណ្ឌលផ្តល់បណ្ណបើកបរនៅផ្សារទំនើបអ៊ីអន១ (ចន្ទ-អាទិត្យ ម៉ោង០៩:០០ព្រឹក – ០៨:០០យប់) មណ្ឌលផ្តល់បណ្ណបើកបរនៅផ្សារទំនើបអ៊ីអន២ (ចន្ទ-អាទិត្យ ម៉ោង០៩:០០ព្រឹក – ១០:០០យប់) អគ្គនាយកដ្ឋានដឹកជញ្ជូនផ្លូវគោក និងមន្ទីរសាធារណការ និងដឹកជញ្ជូន ទូទាំង២៥ រាជធានី-ខេត្ត។ :::ឯកសារ៖ ១. អត្តសញ្ញាណប័ណ្ណសញ្ជាតិខ្មែរ ២. លិខិតបញ្ជាក់កាយសម្បទា(អាចធ្វើនៅទីតាំងផ្ទាល់ ករណីនៅ AEON ១&២) ៣. រូបថត ៤x៦ ផ្ទៃពណ៌ស ៣សន្លឹក(ថតនៅទីតាំងផ្ទាល់ករណីនៅ AEON 1&2) ៤. ពាក្យបណ្តឹងបាត់បណ្ណបើកបរបញ្ជាក់ពីប៉ុស្តិ៍រដ្ឋបាល (ក្នុងករណីបាត់បណ្ណបើកបរ)។ — សម្រាប់បងប្អូនប្រជាពលរដ្ឋ ដែលមានបំណងចង់ប្រឡងបណ្ណបើកបរយានយន្ត អាចធ្វើបានតាមគ្រប់មន្ទីរសាធារណការ និងដឹកជញ្ជូន ទូទាំង២៥ រាជធានី-ខេត្ត ទាំងការប្រឡងទ្រឹស្តី និងដៃចង្កូត :::ទីតាំងប្រឡងយកបណ្ណបើកបរ៖ – ភ្នំពេញ៖ នៅអង្គភាពផ្តល់បណ្ណបើកបរ របស់មន្ទីរសាធារណការ និងដឹកជញ្ជូនរាជធានីភ្នំពេញ ស្ថិតនៅផ្លូវ៥៩៨ (ផ្លូវឯកឧត្តម ជាសុផារ៉ា) ខណ្ឌឫស្សីកែវ រាជធានីភ្នំពេញ (ចម្ងាយប្រមាណ៧០០ម៉ែត្រ ពីអគ្គនាយកដ្ឋានដឹកជញ្ជូនផ្លូវគោក ទល់មុខបុរីជីបម៉ុង៥៩៨) – មន្ទីរសាធារណការ និងដឹកជញ្ជូន ទាំង២៤ខេត្ត ផ្សេងទៀត ::: ពេលវេលាផ្តល់សេវា៖ – ថ្ងៃចន្ទ ដល់ សៅរ៍​ ( និងបន្ថែមថ្ងៃអាទិត្យ១ថ្ងៃ នាថ្ងៃទី១០ ឧសភា ២០២០) – ម៉ោង៨:០០ព្រឹក ដល់ ៥:០០ល្ងាច ::: ឯកសារសម្រាប់ការប្រឡងយកបណ្ណបើកបរ៖ ១. អត្តសញ្ញាណប័ណ្ណសញ្ជាតិខ្មែរ ២. លិខិតបញ្ជាក់កាយសម្បទា(អាចធ្វើនៅទីតាំងផ្ទាល់ ករណីនៅ AEON1&2) ៣. រូបថត ៤x៦ ផ្ទៃពណ៌ស ៣សន្លឹក(ថតនៅទីតាំងផ្ទាល់ ករណីនៅ AEON1&2) ៤. ករណីប្រឡងប្រភេទ គ ឃ និង ង ត្រូវមានលិខិតបញ្ជាក់ការសិក្សាពីសាលាង្រៀនបើកបរ។

ផ្ទាំងផ្សាយពាណិជ្ជកម្ម

ក្រុមហ៊ុនផលិតរថយន្ត GAC ឥឡូវនេះបានបោះជំហ៊ានចូលមកក្នុងប្រទេសកម្ពុជាយើងហើយ បន្ទាប់ពីទទួលបានកេរ្តិ៍ឈ្មោះល្បីល្បាញ នៅក្រៅប្រទេស ហើយក៏បានសហការណ៍ជាមួយ ក្រុមហ៊ុនផលិតរថយន្តធំៗដទៃទៀត ដូចជា Honda និង Toyota ជាដើម។

GAC Group (Guangzhou Automobile Group Co., Ltd.) គឺជាក្រុមហ៊ុនផលិតរថយន្តរបស់ប្រទេសចិន ដែលមានស្នាក់ការកណ្តាលនៅក្នុងទីក្រុង  Guangzhou ខេត្ត  Guangdong ប្រទេសចិន។ GAC មានលក់រថយន្តជាច្រើនប្រភេទ ដូចជា រថយន្តដឹកអ្នកដំណើរ, រថយន្តពាណិជ្ជកម្ម, រថយន្ត SUV, រថយន្តអគ្គិសនី និងរថយន្តក្រុងជាដើម។

បច្ចុប្បន្ន GAC កំពុងសហការណ៍ជាមួយនឹងក្រុមហ៊ុនល្បីៗ ដែលអនុញ្ញាតឲ្យខ្លួនអាចផលិតរថយន្តទាំងនោះលក់នៅក្នុងប្រទេសចិនបាន ហើយម៉ាកទាំងនោះមានដូចជា  Fiat, Honda, Isuzu, Mitsubishi និង Toyota (រួមទាំង Lexus) ផងដែរ។

ក្រៅពីផលិតរថយន្តដោយខ្លួនឯងក្រុមហ៊ុន GAC Group ក៏មានផ្គត់ផ្គង់គ្រឿងបន្លាស់រថយន្ត សម្រាប់ក្រុមហ៊ុនផលិតរថយន្តធំៗជាច្រើន ដោយសារគុណភាពខ្ពស់ដែលអាចជឿទុកចិត្តបាន។ មកទល់នឹងពេលនេះ រថយន្តរបស់ក្រុមហ៊ុន GAC Group បានវាយលុកលើទីផ្សារធំៗជាច្រើន ក្នុងនោះមានដូចជា រុស្ស៊ី, សហភាពអារ៉ាប់រួម, អារ៉ាប៊ីសាអ៊ូឌីត, នីហ្សេរីយ៉ា, ហ្វីលីពីន, គុយវ៉ែត និងមានផែនការវាយលុកទីផ្សារសហរដ្ឋអាមេរិក ជាមួយរថយន្តប្រណីត ទំនើប និងមានគុណភាពរបស់ខ្លួនថែមទៀតផង។

សូមបញ្ជាក់ថា បច្ចុប្បន្ននេះ GAC បាននិងកំពុងដាក់លក់រថយន្តនៅក្នុងប្រទេសកម្ពុជា ចំនួន ៣ ម៉ូដែល ផ្តល់ជូនគុណភាពស្តង់ដា អឺរ៉ុប ក្នុងនោះមានមានម៉ូដែល GN8 ជារថយន្តវ៉ែនប្រណីត ៧កៅអី តម្លៃ ៦៨ ០០០ ដុល្លារ  បញ្ចុះតម្លៃមកត្រឹម ៥៣ ៩០០ ដុល្លារ ម៉ូដែល GS8 ជាប្រភេទ SUV ខ្នាតធំ មានតម្លៃ ៦៤ ៥០០ ដុល្លារ បញ្ចុះតម្លៃមកត្រឹម ៥៩ ៥០០ ដុល្លារ  និង ម៉ូដែល GS5 ជា SUV ខ្នាតតូច មានតម្លៃ ៤១ ៩០០ ដុល្លារ បញ្ចុះតម្លៃមកត្រឹម ៣៦ ៩០០ ដុល្លារ៕

សម្រាប់​ព័ត៌មាន​លំអិត​​ អាច​ទំនាក់ទំនង​​ទៅ​កាន់​លេខ​ទូរសព្ទ៖០៩៥ ៩៩៩ ០២៩ ឬ Facebook: https://www.facebook.com/gacmotorcambodia ឬ ​ឬ​​អញ្ជើញ​ទៅ​កាន់​អាសយដ្ឋាន​​ អគារ #១១៥ មហា​វិថី​សហព័ន្ធរុស្សី​ (ផ្លូវ​ ១១០) សង្កាត់ទឹកថ្លា​ ខណ្ឌសែនសុខ​ រាជធានីភ្នំពេញ៕

ផ្ទាំងផ្សាយពាណិជ្ជកម្ម

ការ​ចុះ​ផ្សាយ​របស់ Bloomberg បាន​ឲ្យ​ដឹង​ថា​កាល​ពី​ថ្មីៗ​នេះ Tesla បាន​ផ្អាក​ការ​ផលិត​រថយន្ត​នៅ​រោងចក្រ​ Gigafactory ក្នុង​ទីក្រុង​សៀងហៃ ប្រទេស​ចិន។

Tesla បាន​ប្រាប់​ឲ្យ​បុគ្គលិក​ដែល​ត្រូវ​វិល​ត្រឡប់​ចូល​ធ្វើ​ការ​នា​ថ្ងៃ​ពុធ​ ថា​អាច​បន្ត​ឈប់​ដល់​យ៉ាងហោច​ណាស់​ត្រឹម​ថ្ងៃ​ទី ៩ ខែ​ឧសភា។ នេះ​មាន​ន័យ​ថា Tesla បច្ចុប្បន្ន​នេះ​មិន​មាន​ផលិត​រថយន្ត​នោះ​ទេ ដោយ​រោងចក្រ​នៅ Fremont សហរដ្ឋអាមេរិក​ក៏​បាន​ផ្អាក​ដំណើរ​ការ​ផលិត​ដែរ ​ដែល​​ផ្អាក​ការ​ផលិត​​តាំង​ពី​ថ្ងៃ​ទី ២៣ ខែ​មីនា​មក​ម្ល៉េះ។

ហេតុផល​នៃ​ការ​ផ្អាក​ការ​ផលិត​រថយន្ត​នៅ​ចិន​នេះ​មិន​មាន​ការ​បញ្ជាក់​នោះ​ទេ ប៉ុន្តែ​វិបសាយ​បច្ចេកវិទ្យា​របស់​ចិន​ឈ្មោះ 36kr អះអាង​ថា​គឺ​ព្រោះ​តែ​កង្វះ​ខាត​គ្រឿង​បន្លាស់។ ក្រៅ​ពី​ខ្វះ​ខាត​គ្រឿង​សម្រាប់​ផលិត​រថយន្ត Model 3 ហើយ​នោះ ​គេ​ជឿ​ថា Tesla ក៏​ត្រូវ​ប្រឈម​មុខ​នឹង​បញ្ហា​ទាក់ទង​នឹង​គ្រឿង​ចក្រ​ដំឡើង​រថយន្ត​ដែល​កំពុង​ស្ថិត​ក្នុង​ការ​ជួសជុល៕

ផ្ទាំងផ្សាយពាណិជ្ជកម្ម