Render របស់ភីកអាប់ Hyundai លេចចេញឡើង ក្រោយធ្លាយរូបគ្រោងឆ្អឹង

May 8, 2020

Hyundai Santa Cruz Concept ត្រូវបានបង្ហាញចេញឡើងតាំងពីឆ្នាំ ២០១៥ មកម្ល៉េះ ហើយរហូតដល់ឆ្នាំ ២០១៧ ទើបក្រុមហ៊ុន Hyundai បញ្ជាក់អំពីការផលិតរថយន្តនេះ ដែលកំណត់ថាចាប់ផ្ដើមការផលិតនាឆ្នាំ ២០២១។

ថ្មីៗចុងក្រោយនេះគេប្រទះឃើញរូបភាពមួយសន្លឹកដែលអះអាងថាជាគ្រោងឆ្អឹងរបស់ Hyundai Santa Cruz។ គ្រោងឆ្អឹងនោះគឺមិនមានអ្វីទាំងអស់ មិនមានលាបទឹកថ្នាំ, មិនមានកាង, មិនមានកង់, មិនមានអំពូលភ្លើង, មិនមានបង្អួច ហើយក៏មិនមានកញ្ចក់ចំហៀងដែរ ពោលគឺមានតែសម្បក។ ជាមួយសម្បកនេះ គេអាចប្រើប្រាស់វាដើម្បីស្រមើស្រមៃចេញជា Render ដ៏ស្រស់ស្អាត ដោយគួបផ្សំជាមួយរូបភាពដែលគេថតបានកន្លងមក ពេលវារត់សាកល្បងលើព្រិល។

ទស្សនារូបភាពខាងក្រោម ដែលបង្កើតឡើងដោយគណនី YouTube ឈ្មោះ AtchaCars ៖

ផ្ទាំងផ្សាយពាណិជ្ជកម្ម

មកស្គាល់ជើងខ្លាំងទាំង ១០ ពូកែខាង Off-road បំផុតប្រចាំឆ្នាំ២០២០

May 8, 2020

រថយន្តតួខ្ពស់ដូចជា SUV និងភីកអាប់ កំពុងតែទទួលបានការពេញនិយមខ្លាំង ដោយសារតែវាធំទូលាយ ហើយអាចស៊ូជាមួយស្ថានភាពផ្លូវ ស្ទើរគ្រប់កាលៈទេសៈទៀតផង។

ទោះជាយ៉ាងណា ក្រុមហ៊ុនផលិតរថយន្តជាច្រើន នៅតែព្យាយាមបង្កើតនូវរថយន្តដែលផ្តោតខ្លាំង ទៅលើការបើកបរបែប Off-road ដើម្បីតម្រូវចិត្តមនុស្សមួយចំនួន ដែលចូលចិត្តបើកបរលើស្ថានភាពផ្លូវលំបាកខ្លាំង។

ខាងក្រោមនេះគឺជាជើងខ្លាំងទាំង ១០ ពូកែខាង Off-road បំផុតប្រចាំឆ្នាំ២០២០៖

Jeep Wrangler

Land Rover Defender

Toyota 4Runner TRD Pro

Ford F-150 Raptor

Jeep Gladiator

Toyota Land Cruiser

Ram Power Wagon

Toyota Tacoma TRD Pro

Land Rover Range Rover

Ram 1500 Rebel

Mercedes-Benz G-Class

ផ្ទាំងផ្សាយពាណិជ្ជកម្ម

Land Rover Defender បំពាក់ម៉ាស៊ីន V8 អាចនឹងកើតមាន!

May 8, 2020

យោងតាមប្រភពព័ត៌មានឲ្យដឹងថា ក្រុមហ៊ុន Land Rover កំពុងសម្ងំផលិតរថយន្ត Defender បំពាក់ម៉ាស៊ីន V8 ដើម្បីប្រជែងជាមួយរថយន្ត Mercedes G-Class។

រថយន្ត Land Rover Defender ថ្មី អាចនឹងបំពាក់ម៉ាស៊ីនសាំងចំណុះ ៥,០លីត្រ Supercharged V8 ដូចរថយន្ត Range Rover Sport SVR ឬ Jaguar F-Type ដែរ។

គួរឲ្យដឹងថា រថយន្ត Land Rover Defender ប្រភេទម៉ាស៊ីនធំបច្ចុប្បន្ននេះគឺ ចំណុះ ៣,០លីត្រ ទំហំ ៦ស៊ីឡាំង ដំណើរការជាមួយប្រព័ន្ធ mild-hybrid មានកម្លាំង ៣៩៤សេះ។ គេរំពឹងថា Defender V8 អាចនឹងបង្ហាញខ្លួននៅចុងឆ្នាំ២០២១៕

ផ្ទាំងផ្សាយពាណិជ្ជកម្ម

អំឡុងពេលកូវីដ១៩ផ្ទុះខ្លាំង Tesla Model 3 ក្លាយជាឡានលក់ដាច់ជាងគេនៅអង់គ្លេស

May 7, 2020

កាលពីខែមេសា ទីផ្សាររថយន្តថ្មីនៅចក្រភពអង់គ្លេសរងការប៉ះទង្គិចធ្ងន់ធ្ងរបំផុត ដោយសារវិធានការបិទខេត្ត/ក្រុងដ៏តឹងតែងព្រោះការផ្ទុះជំងឺកូវីដ១៩។

តួលេខចេញផ្សាយដោយសហគមន៍យានយន្ត SMMT បានបង្ហាញថាចំនួនរថយន្តថ្មីដែលចុះបញ្ជីនៅចក្រភពអង់គ្លេសក្នុងខែមេសា មានត្រឹម ៤ ៣២១ គ្រឿងប៉ុណ្ណោះ។ ចំនួនលក់នេះធ្លាក់ចុះខ្លាំងបំផុត បើធៀបនឹងខែមេសាឆ្នាំ ២០១៩ ដែលមាន ១៦១ ០៦៤ គ្រឿង។

ចំនួនរថយន្តសាំង និងម៉ាស៊ូតថ្មីគឺធ្លាក់ចុះ ៩៨,៥% និង ៩៧,៦%, ចំនួនរថយន្ត Plug-in Hybrid ធ្លាក់ចុះ ៩៥,១% និងរថយន្ត Hybrid ធ្លាក់ចុះ ៩៩,៣%។ ប៉ុន្តែគួរឲ្យចាប់អារម្មណ៍បំផុតនោះគឺវិស័យរថយន្តអគ្គិសនីមានលទ្ធផលល្អគួរសម ដែលធ្លាក់ចុះត្រឹម ៩,៧% ប៉ុណ្ណោះ។

តម្រូវការរថយន្តអគ្គិសនីដែលមិនសូវប្រែប្រួលខ្លាំងនេះ ធ្វើឲ្យរថយន្ត Tesla Model 3 ក្លាយជារថយន្តលក់ដាច់បំផុតនៅចក្រភពអង់គ្លេសនាខែមេសា ជាមួយចំនួនលក់ ៦៥៨ គ្រឿង។ រថយន្តលក់ដាច់លំដាប់ទីពីរក៏ជារថយន្តអគ្គិសនីដែរ គឺជា Jaguar I-Pace ដែលមានចំនួនលក់ ៣៦៧ គ្រឿង៕

ផ្ទាំងផ្សាយពាណិជ្ជកម្ម

Lamborghini ម៉ូដែលថ្មីចេញហើយ មួយគ្រឿងតម្លៃ ២៣ម៉ឺនដុល្លារ

May 7, 2020

Lamborghini Huracan EVO RWD Spyder ដែលជារថយន្តម៉ូដែលថ្មីរបស់ក្រុមហ៊ុនរថយន្តអ៊ីតាលី បានបង្ហាញមុខជាផ្លូវការតាមរយៈកម្មវិធីបង្ហាញលើអនឡាញ ដែលមានគាំទ្រនូវបច្ចេកវិទ្យា AR សម្រាប់ការទស្សនាជាលើកដំបូងបំផុត។

រថយន្តម៉ូដែលថ្មីនេះគឺមានតម្លៃ ២២៩ ៤២៨ ដុល្លារនៅសហរដ្ឋអាមេរិក ដែលជាតម្លៃមិនទាន់គិតបញ្ចូលពន្ធនៅឡើយ។ អតិថិជននឹងទទួលបានរថយន្តថ្មីនេះជិះនៅអំឡុងត្រីមាសទី ៣ ឆ្នាំ ២០២០ នេះតែម្ដង។

រថយន្ត Huracan EVO RWD Spyder គឺមានបំពាក់ម៉ាស៊ីន V10 ចំណុះ ៥,២លីត្រ ដែលមានកម្លាំង ៦០២ សេះ, ប្រើប្រាស់ប្រព័ន្ធបើកបរវិលកង់ក្រោយ (RWD), ប្រើប្រអប់លេខ ៧ វគ្គ និងមានល្បឿនអតិបរមា ៣២៤ គ.ម/ម៉។

រថយន្តនេះមានទម្ងន់ត្រឹម ១ ៥០៩ គីឡូក្រាមប៉ុណ្ណោះ ដោយជាមួយទម្ងន់ស្រាល និងម៉ាស៊ីនកម្លាំងខ្លាំងនេះអាចឲ្យវាស្ទុះបានលឿន ពោលអាចស្ទុះពី ០-១០០ គ.ម/ម៉ ក្នុងពេល ៣,៥ វិនាទី និងពី ០-២០០ គ.ម/ម៉ ប្រើពេលត្រឹម ៩,៦ វិនាទី។

បើប្រៀបនឹងបងប្អូនរបស់វាដែលជា Huracan AWD គេឃើញថាប្រភេទ RWD នេះគឺមានបំពាក់នូវកាងមុខដែលមានព្រុយត្រីនៅចំកណ្ដាលរាងតម្រៀបជាផ្ដេក, មានកាងក្រោយកម្ពស់ខ្ពស់ពណ៌ខ្មៅរលោង និងបំពង់ស៊ីមាំងថ្មីផងដែរ៕

ផ្ទាំងផ្សាយពាណិជ្ជកម្ម

មកមើលកម្រិតស៊ីប្រេង ឡាន SUV កៅអី៣ជួរថ្មីរបស់ Chevrolet

May 7, 2020

រថយន្ត Chevrolet Tahoe និង Chevrolet Suburban ស៊េរីឆ្នាំ២០២១ ដែលទើបតែបង្ហាញខ្លួនថ្មីៗ មានការឌីហ្សាញរូបរាងធំជាងស៊េរីឆ្នាំ២០២០ ប៉ុន្តែក្រុមហ៊ុនអះអាងថា ពួកវាស៊ីប្រេងតិចជាងមុន។

ឥឡូវនេះ ទីភ្នាក់ងារ EPA បានបង្ហាញកម្រិតស៊ីប្រេងជាផ្លូវការរបស់ Tahoe និង Suburban ដោយឃើញភាពប្រសើរតែបន្តិចប៉ុណ្ណោះ។ ទោះជាយ៉ាងណា ទាំងម៉ូដែលប្រើប៉ុងមួយ និងប៉ុងពីរ សុទ្ធតែមានភាពសន្សំសំចៃជាងមុន។

ខាងក្រោមនេះគឺជាកម្រិតស៊ីប្រេងរបស់ Tahoe និង Suburban សម្រាប់ស៊េរីឆ្នាំ២០២១៖

ប្រភេទបំពាក់ម៉ាស៊ីនចំណុះ ៥,៣លីត្រ ប្រើប៉ុងមួយ (2WD) មានកម្រិតស៊ីប្រេង ១៤,៧លីត្រ/ក្នុងក្រុង ១១,៧លីត្រ/ជាមធ្យម ១៣,៨លីត្រ/ក្រៅក្រុង
ប្រភេទបំពាក់ម៉ាស៊ីនចំណុះ ៦,២លីត្រ ប្រើប៉ុងមួយ (2WD) មានកម្រិតស៊ីប្រេង ១៥,៦លីត្រ/ក្នុងក្រុង ១១,៧លីត្រ/ជាមធ្យម ១៣,៨លីត្រ/ក្រៅក្រុង
ប្រភេទបំពាក់ម៉ាស៊ីនចំណុះ ៥,៣លីត្រ ប្រើប៉ុងពីរ (4WD) មានកម្រិតស៊ីប្រេង ១៥,៦លីត្រ/ក្នុងក្រុង ១២,៣លីត្រ/ជាមធ្យម ១៣,៨លីត្រ/ក្រៅក្រុង
ប្រភេទបំពាក់ម៉ាស៊ីនចំណុះ ៦,២លីត្រ ប្រើប៉ុងពីរ (4WD) មានកម្រិតស៊ីប្រេង ១៥,៦លីត្រ/ក្នុងក្រុង ១២,៣លីត្រ/ជាមធ្យម ១៤,៧លីត្រ/ក្រៅក្រុង

ផ្ទាំងផ្សាយពាណិជ្ជកម្ម

ឡានភីកអាប់ លក់ដាច់ជាងឡានគ្រួសារ ជាលើកដំបូងក្នុងប្រវត្តិសាស្រ្ត

May 7, 2020

ភាពពេញនិយមនៃឡានតួខ្ពស់ និង SUV បាននាំឲ្យអ្នកប្រើប្រាស់ជាច្រើន ងាកទៅចាប់អារម្មណ៍នឹងរថយន្តភីកអាប់ដែរ។ ឥឡូវនេះ នៅសហរដ្ឋអាមេរិក រថយន្តភីកអាប់បានលក់ដាច់ច្រើនជាងរថយន្តគ្រួសារ (Passenger Car) ជាលើកដំបូងបង្អស់ក្នុងប្រវត្តិសាស្រ្ត។

យោងតាមរបាយការណ៍ពី Autodata Corp បានបង្ហាញថា រថយន្តភីកអាប់បានលក់ដាច់ច្រើនជាងរថយន្តគ្រួសារ ជាង ១៧ ០០០គ្រឿងឯណោះ កាលពីខែមេសាកន្លងទៅនេះ។

គួរឲ្យដឹងថា កាលពី៥ឆ្នាំមុន រថយន្តគ្រួសារ បានលក់ដាច់ច្រើនជាងរថយន្តភីកអាប់ ដល់ទៅ ៥០០ ០០០គ្រឿងឯណោះក្នុងរយៈពេល ១ខែ៕

ផ្ទាំងផ្សាយពាណិជ្ជកម្ម

VinFast បញ្ចុះតម្លៃឡានរបស់ខ្លួន ដល់ខ្ទង់ម៉ឺនដុល្លារ

May 6, 2020

ម៉ាករថយន្តវៀតណាម VinFast បានធ្វើការបញ្ចុះតម្លៃរថយន្ត Lux A2.0 និង Lux SA2.0 សម្រាប់ខែឧសភា ឆ្នាំ ២០២០ នេះ ក្រោយពីបានដំឡើងថ្លៃរថយន្តចំនួនបួនលើកជាប់ៗគ្នារួចមក។

គេសង្កេតឃើញថារថយន្ត Lux A2.0 នាខែឧសភានេះគឺមានតម្លៃចាប់ពីប្រមាណ ៣៨ ៣០០ ដុល្លារ ថយចុះប្រមាណ ៩៩៥៧ ដុល្លារ។ ចំណែក Lux SA2.0 វិញគឺមានតម្លៃចាប់ពីប្រមាណ ៥៦ ៥០០ដុល្លារ ទាបជាងមុនប្រមាណ ១១ ០០០ ដុល្លារ។

យ៉ាងណាក្ដី ដើម្បីទទួលបានការបញ្ចុះតម្លៃលើម៉ូដែលទាំងពីរ អតិថិជនត្រូវបង់ថ្លៃពេញ ១០០% តែម្ដង ដែលមានចាប់ពីថ្ងៃទី ៥ ខែឧសភា ដល់ថ្ងៃទី ៣១ ខែឧសភា។ សម្រាប់រថយន្ត VinFast Fadil មិនមានការផ្លាស់ប្ដូរតម្លៃនោះទេ ដោយមានតម្លៃប្រមាណ ១៧ ៧០០ ដុល្លារដូចដើម៕

ផ្ទាំងផ្សាយពាណិជ្ជកម្ម

Lamborghini បង្ហាញចេញរថយន្តថ្មី ដោយប្រើបច្ចេកវិទ្យា AR មុនគេបំផុត

May 6, 2020

Lamborghini នឹងជាក្រុមហ៊ុនរថយន្តដំបូងគេដែលប្រកាសចេញរថយន្តស៊េរីថ្មីដោយប្រើប្រាស់នូវបច្ចេកវិទ្យា Augmented Reality ដែលហៅកាត់ថា AR។

រថយន្តថ្មីគឺជាម៉ូដែល Huracan EVO RWD Spyder ដែលនឹងបង្ហាញមុខជាផ្លូវការនាថ្ងៃទី ៧ ខែឧសភា តាមរយៈវិបសាយផ្លូវការរបស់ Lamborghini ដែលវាត្រូវនឹងបរិបទបច្ចុប្បន្នតម្រូវឲ្យមនុស្សស្ថិតនៅផ្ទះតាមដែលអាចទៅរួច និងជៀសវាងការជួបជុំនានា។

ដើម្បីអាចទស្សនាការបង្ហាញរថយន្តតាមរយៈបច្ចេកវិទ្យា AR បានគឺត្រូវមាន iPhone ឬ iPad ដែលប្រើ iOS 11 ឡើងទៅ និងមានប្រើបន្ទះឈីបចាប់ពី A9 ឡើងទៅ។ ក្នុងនោះរួមមាន iPhone 6 ឡើងលើ, iPhone SE, iPad Pro, iPad ជំនាន់ទី៥ឡើង, iPad mini ជំនាន់ទី ៥ ឡើង, iPad Air ជំនាន់ទីបី និង iPod touch ជំនាន់ទី៧។

នៅពេលចូលទៅកាន់វិបសាយ Lamborghini នាថ្ងៃស្អែក អំឡុងពេលប្រកាសចេញរថយន្ត អ្នកនឹងឃើញមានប៊ូតុង “See in AR” ដែលអាចឲ្យអ្នកឃើញ Huracan EVO RWD Spyder ច្បាស់ៗនៅនឹងភ្នែក អាចឲ្យវាស្ថិតនៅទីតាំងណាមួយបានតាមចិត្ត៕

ផ្ទាំងផ្សាយពាណិជ្ជកម្ម

Manhart RQ 900 កែចេញពី Audi RS Q8 តម្លៃទិញបាន Lexus 570 ៣គ្រឿង

May 6, 2020

RS Q8 គឺជារថយន្តដ៏ថ្លៃបំផុតមួយរបស់ក្រុមហ៊ុន Audi Sport ហើយក៏ជា SUV ដ៏មានកម្លាំងខ្លាំងបំផុតផងដែរ ក្នុងត្រកូលម៉ាកកង ៤ នេះ។

ថ្មីៗនេះក្រុមហ៊ុនកែច្នៃរថយន្ត Manhart Performance នៅក្នុងប្រទេសអាល្លឺម៉ង់ បានយក Audi RS Q8 ទៅកែច្នៃ ដោយដាក់ឈ្មោះថ្មីឲ្យវាថា Manhart RQ 900។

Manhart RQ 900 នេះ បំពាក់ម៉ាស៊ីនចំណុះ ៤,០លីត្រ twin-turbo V8 មានកម្លាំងរហូតដល់ទៅ ៨៨៨សេះ ខណៈរថយន្ត Audi RS Q8 មានកម្លាំងត្រឹមតែ ៥៩១សេះប៉ុណ្ណោះ។

ក្រៅពីកម្លាំង Manhart RQ 900 ក៏មានកែកុនរូបរាងខាងក្រៅ ព្រមទាំងលក្ខណៈពិសេសមួយចំនួនទៀត ដូចជា ប្រអប់លេខ, យ៉ាន់, ប្រព័ន្ធបូម និងសាក់ស៊ីផងដែរ។ គួរឲ្យដឹងថា រថយន្ត Manhart RQ 900 នេះ នឹងត្រូវផលិតត្រឹមតែ ១០គ្រឿងប៉ុណ្ណោះ ហើយក្នុងមួយគ្រឿងមានតម្លៃប្រមាណ ៣០៣ ៤០០ដុល្លារ លើទីផ្សារបរទេស៕

ផ្ទាំងផ្សាយពាណិជ្ជកម្ម