ចង់អួតថាឡានខ្លួនឯងធន់ Ford ហ៊ានធ្វើតេស្តសាហាវដល់ម្លឹង! (មានវីដេអូ)

August 7, 2019

នៅឯមជ្ឍមណ្ឌល Environmental Test Center របស់ក្រុមហ៊ុន Ford ថ្មី ស្ថិតក្នុងទីក្រុង Cologne ប្រទេសអាល្លឺម៉ង់ ក្រុមវិស្វករអាចសាកល្បងរថយន្តម៉ូដែលថ្មីៗ ទៅតាមលក្ខខណ្ឌអាកាសធាតុណាមួយដែលពួកគេចង់បាន។

ជាក់ស្តែង ពួកគេអាចធ្វើការសាកល្បងព្យុះភ្លៀង , កម្រិតកម្ពស់ដែលខ្ពស់ជាងកំពូលភ្នំ Mont Blanc (៤ ៨១០ ម៉ែត្រ) ឬ អាចសាកល្បងកម្តៅ ក្តៅជាងវាលខ្សាច់ Sahara និង សាកល្បងកម្រិតត្រជាក់ប្រៀបដូចតំបន់ត្រូពិច Siberia ជាដើម។

ក្រៅពីនោះ Ford ក៏អាចធ្វើការសាកល្បងទាំងភាពត្រជាក់ និងកម្តៅ ក្នុងពេលតែមួយនៅឯមជ្ឍមណ្ឌលខាងលើទៀតផង។ ចង់ដឹងថាកន្លែងធ្វើតេស្តអាកាសធាតុ និងរថយន្ត Ford អាចធន់បានកម្រិតណា សូមទស្សនាវីដេអូខាងក្រោមនេះទាំងអស់គ្នា៖

ផ្ទាំងផ្សាយពាណិជ្ជកម្ម

កប់បាត់! Infiniti គ្រោងផលិតឡានអគ្គិសនី សាកភ្លើងម្តង ជិះបាន ៥០០ គ.ម៉

August 7, 2019

នាពេលថ្មីៗនេះ ក្រុមហ៊ុនរថយន្តបុត្រសម្ព័ន្ធរបស់ Nissan គឺ Infiniti បានប្រកាសពីគម្រោងបង្កើតគ្រោងឆ្អឹងថ្មីសម្រាប់រថយន្តអគ្គិសនី។ ឥឡូវនេះ Infiniti ក៏បានបង្ហើបឲ្យដឹងបន្ថែមថា គ្រោងឆ្អឹងថ្មីនោះនឹងត្រូវប្រើលើរថយន្តនាពេលអនាគតទាំងអស់ លើកលែងតែម៉ូដែល QX80 ប៉ុណ្ណោះ។

មិនតែប៉ុណ្ណោះ គ្រោងឆ្អឹងថ្មីនឹងរចនាឡើងដើម្បីជួយដល់ប្រព័ន្ធថាមពលអគ្គិសនី ក៏ដូចជា ប្រព័ន្ធ e-POWER របស់រថយន្ត Infiniti ទាំងអស់។ នេះមានន័យថា រថយន្តស៊េរីក្រោយៗនឹងត្រូវបំពាក់ម៉ូទ័រអគ្គិសនីមួយ , អាគុយមួយ និង ម៉ាស៊ីនសាំងមួយ។

លោក Roland Krueger ប្រធានក្រុមហ៊ុន Infiniti មិនទាន់ត្រៀមលក្ខណៈដើម្បីប្រាប់ព័ត៌មានជាក់លាក់ឡើយ ប៉ុន្តែលោកបានចង្អុលបង្ហាញថា រថយន្តដែលប្រើគ្រោងឆ្អឹងថ្មី នឹងអាចមានកម្លាំងរហូតដល់ ៤០០ សេះ ខណៈរថយន្តអគ្គិសនីវិញនឹងអាចធ្វើដំណើរបានយ៉ាងហោចណាស់ចម្ងាយ ៥០០ គីឡូម៉ែត្រ ដោយប្រើប្រាស់ថាមពលអគ្គិសនីសុទ្ធ។

ជាមួយគ្នានេះ លោក Francois Bancon អនុប្រធានផ្នែកយុទ្ធសាស្រ្តផលិតផលរបស់ក្រុមហ៊ុន Infiniti ក៏បានបញ្ជាក់ថា គ្រោងឆ្អឹងថ្មីនឹងប្រើជាមួយប្រព័ន្ធបើកបរប៉ុងពីរ AWD ដោយសារតែវាអាចបំពាក់ម៉ូទ័រអគ្គិសនីមួយនៅខាងក្រោយ ដើម្បីផ្ដល់ថាមពលទៅកង់ខាងក្រោយ៕

ផ្ទាំងផ្សាយពាណិជ្ជកម្ម

ឆ្លងកាត់ការធ្វើតេស្តឃើញថា Toyota RAV4 ឆ្នាំ ២០១៩ ផ្ដល់សុវត្ថិភាពខ្ពស់បំផុត

August 7, 2019

វិទ្យាស្ថានសិក្សាសុវត្ថិភាពផ្លូវថ្នល់ IIHS បានធ្វើតេស្តលើកម្រិតសុវត្ថិភាពរថយន្ត Toyota RAV4 ស៊េរីឆ្នាំ ២០១៩ ដែលបង្ហាញថារថយន្តនេះអាចផ្ដល់សុវត្ថិភាពបានខ្ពស់បំផុត ពោលទទួលបានកម្រិត Top Safety Pick+ (TSP+) ដែលជាកម្រិតកំពូលមួយ។

ត្បិតបានពិន្ទុខ្ពស់មែន ប៉ុន្តែចំពោះផ្នែកភ្លើងអំពូលខាងមុខ កម្រិតពិន្ទុទទួលបានមានខុសៗគ្នាទៅតាមប្រភេទរថយន្ត។ ជាក់ស្ដែងចំពោះ RAV4 Hybrid Limited ទទួលបានពិន្ទុ “ល្អ” លើផ្នែកអំពូលខាងមុខនេះ ចំណែកប្រភេទប្រើប្រេងសាំង និង Hybrid ដទៃទៀត ទទួលបានពិន្ទុ “បន្ទាប់បន្សំ” និង “ខ្សោយ”។

RAV4 មិនមែនជារថយន្តតែមួយគត់ដែលមិនអាចទទួលបានពិន្ទុខ្ពស់ពី IIHS លើផ្នែកអំពូលនេះទេ ថ្មីៗនេះរថយន្ត Kia Telluride ក៏ត្រូវបាន IIHS ឲ្យពិន្ទុបែបនេះដែរ។ អំពូលភ្លើងខាងមុខបានក្លាយជាកត្តាសុវត្ថិភាពគួរព្រួយបារម្ភមួយនៅអាមេរិក ដោយសារច្បាប់ចាស់ហាមមិនឲ្យក្រុមហ៊ុនផលិតរថយន្តប្រើប្រាស់អំពូល Adaptive។

ក្រៅពីផ្នែកអំពូលនេះ RAV4 ទទួលបានពិន្ទុ “ល្អ” លើផ្នែកដទៃទៀត ធ្វើឲ្យវាក្លាយជារថយន្ត SUV ខ្នាតតូច មួយក្នុងចំណោមរថយន្ត ៥ ទៀតដែលទទួលបានពិន្ទុ TSP+។ រថយន្ត ៥ ទៀតមានដូចជា Mazda CX-5, Subaru Forester, Hyundai Tucson, Hyundai Kona និង Volvo XC40៕

ផ្ទាំងផ្សាយពាណិជ្ជកម្ម

ចិនបង្ហាញរថយន្ត SUV ប្រើទ្វារប្លែកបំផុត

August 7, 2019

ក្រុមហ៊ុន Startup ខាងរថយន្តអគ្គិសនីរបស់ចិនឈ្មោះ Human Horizons បានបង្ហាញអំពីគំរូរថយន្ត SUV ម៉ូដែលដំបូងរបស់ខ្លួន ដែលមានឈ្មោះថា HiPhi 1។

HiPhi គឺជារថយន្ត SUV ប្រើប្រាស់ថាមពលអគ្គិសនី ដែលទ្វារក្រោយរបស់វាឌីហ្សាញដូចជាស្លាបស្រដៀងនឹងរថយន្ត Tesla Model X ហើយមានទ្វារមួយទៀតបើកបញ្ច្រាសទិសពីទ្វារជួរខាងមុខ។ នៅផ្នែកខាងក្នុងមានកៅអីអង្គុយចំនួន ៣ ជួរ និងមានអេក្រង់បង្ហាញទិន្នន័យធំៗរបស់ដល់ ៣ ឯណោះនៅផ្នែកខាងមុខ។

Human Horizons បាននិយាយថាប្រភេទផលិតផលសម្រេច នឹងមានលក្ខណៈស្រដៀងនឹងប្រភេទគំរូនេះ ប៉ុន្តែធាតុផ្សំពិសេសមួយចំនួននឹងត្រូវដកចេញ។ ជាក់ស្ដែងគឺនឹងប្រើប្រាស់កញ្ចក់មើលចំហៀង ជំនួសឲ្យកាមេរ៉ាមើលក្រោយ ដោយសារមុខងារនេះមិនទាន់ទទួលបានការអនុញ្ញាតខាងច្បាប់ចិននៅឡើយទេ។ ចំពោះកាលបរិច្ឆេទចេញលក់ មិនទាន់កំណត់នៅឡើយទេ៕

ផ្ទាំងផ្សាយពាណិជ្ជកម្ម

ដំបូលសូឡាលើ Hyunda Sonata ឆ្នាំ ២០២០ អាចសាកអាគុយបានថាមពលដល់ ៦០% ក្នុងមួយថ្ងៃ

August 6, 2019

រថយន្ត Hyundai Sonata ស៊េរីឆ្នាំ ២០២០ ប្រភេទ Hybrid ដែលមានបំពាក់ដោយដំបូលសូឡា នឹងចេញលក់នៅទីផ្សារអាមេរិកខាងជើងឆាប់ៗនេះ ហើយពេលនេះក្រុមហ៊ុនបានប្រាប់ដំណឹងលម្អិតបន្ថែមទៀតជុំវិញប្រព័ន្ធសាកថ្មរបស់ដំបូលសូឡានេះ។

ផ្ទាំងសូឡាគឺត្រូវបានបំពាក់លើដំបូង ដែលវាអាចសាកបញ្ចូលថាមពលឲ្យអាគុយរថយន្ត ទោះបីក្នុងពេលរថយន្តកំពុងបើកបរ ដើម្បីកុំឲ្យអាគុយអស់ថាមពល ជួយសន្សំសំចៃការប្រើប្រាស់ប្រេងឥន្ធនៈ និងកាត់បន្ថយឧស្ម័នកាបូនឌីអុកស៊ីតសាយភាពទៅបរិយាកាស។

ជាមួយដំបូលនេះ អាចឲ្យរថយន្ត Sonata Hybrid ឆ្នាំ ២០២០ បើកបរបានឆ្ងាយជាងមុនផងដែរ។ ក្រុមហ៊ុនបានលើកឡើងថាប្រព័ន្ធដែលមានមកជាស្តង់ដារនេះ អាចសាកថាមពលអាគុយបាន ៣០ ទៅ ៦០% ក្នុងមួយថ្ងៃ ហើយការសាកថាមពលរយៈពេល ៦ ម៉ោងក្នុងមួយថ្ងៃ អាចបង្កើនរយៈចម្ងាយធ្វើដំណើរបានដល់ ១ ៣០០ គីឡូម៉ែត្រក្នុងមួយឆ្នាំ។

រថយន្តនេះដំណើរការដោយម៉ាស៊ីន Smartstream G2.0 Gdi HEV ភ្ជាប់នឹងប្រអប់លេខ ៦ វគ្គ ជាមួយបច្ចេកវិទ្យា Active Shift Control។ ម៉ាស៊ីននេះបង្កើតកម្លាំងបាន ១៥០ សេះ ហើយផ្គួបជាមួយម៉ូទ័រអគ្គិសនី អាចជួយបន្ថែមកម្លាំង ៥១ សេះទៀត៕

ផ្ទាំងផ្សាយពាណិជ្ជកម្ម

Jaguar Land Rover សង្ឃឹមលើរថយន្តថ្មី ៥ ម៉ូដែលនេះ នាថ្ងៃខាងមុខ

August 6, 2019

ក្រុមហ៊ុនផលិតរថយន្តអង់គ្លេស Jaguar Land Rover មានរថយន្តសំខាន់ ៥ ម៉ូដែលថ្មី កំពុងស្ថិតក្នុងដំណើរការផលិត ដែលរំពឹងថានឹងជួយធានានូវជោគជ័យរយៈពេលយូរអង្វែងមួយ។ នេះបើតាមការផ្សាយរបស់វិបសាយរថយន្ត Autocars។

ម៉ូដែលដំបូងគេពីក្រុមហ៊ុន Jaguar Land Rover គឺរថយន្តម៉ូដែល Defender ជំនាន់ថ្មី ដែលនឹងបង្ហាញមុខជាផ្លូវការក្នុងពេលឆាប់ៗខាងមុខនេះ ក្រោយពីក្រុមហ៊ុនបានបង្ហើបពីរូបរាងថ្មីជាច្រើនលើកច្រើនសារ។ Defender នេះត្រូវបានគេរំពឹងថានឹងមិនអាចលក់ចេញបានច្រើនណាស់ណានោះទេ ប៉ុន្តែវាជារថយន្តសំខាន់មួយសម្រាប់ម៉ាក Jaguar Land Rover ដែលជាម៉ូដែលមានប្រវត្តិយូរឆ្នាំមកហើយ។

បន្ទាប់ពីម៉ូដែល Defender គឺបានបញ្ចេញរថយន្តអគ្គិសនីថ្មីស្នងតំណែងរថយន្ត Jaguar XJ ដែលកំពុងស្ថិតក្នុងដំណាក់កាលផលិត។ រថយន្តថ្មីនេះក៏នឹងមានជាជម្រើស Plug-in Hybrid សម្រាប់ចេញលក់ដំណាលគ្នា។

ក្រោយពី XJ ថ្មី ក្រុមហ៊ុននឹងបញ្ចេញម៉ូដែល J-Pace ជាប្រភេទរថយន្ត SUV ថ្មី ដែលនឹងមានទំហំធំ និងប្រណីតជាងម៉ូដែល F-Pace។ មានការចុះផ្សាយពីខាងក្រុមហ៊ុនផ្ទាល់ ដែលបានបញ្ជាក់អំពីវត្តមានរថយន្តនេះ ហើយវាអាចមានជាប្រភេទប្រើប្រាស់អគ្គិសនីសុទ្ធផងដែរ។

បកទៅ Land Rover វិញ នឹងមានម៉ូដែលទី ៥ ចូលរួមជាមួយគ្រួសារ Range Rover ដែលនឹងប្រកាសចេញនៅចុងឆ្នាំ ២០២១។ ម៉ូដែលថ្មីនេះ អាចនឹងស្ថិតនៅចន្លោះម៉ូដែល Evoque និង Velar ហើយវាអាចជាម៉ូដែល Range Rover ដំបូងដែលមានជម្រើសប្រើថាមពលអគ្គិសនីសុទ្ធផងដែរ។

ម៉ូដែលចុងក្រោយដែលជាអាវុធសំខាន់របស់ Jaguar Land Rover សម្រាប់ពេលប៉ុន្មានឆ្នាំខាងមុខទៀតនេះ គឺរថយន្ត Land Rover Range Rover ជំនាន់ថ្មី ដែលមានរចនាបថរូបរាងថ្មីទាំងស្រុង៕

ផ្ទាំងផ្សាយពាណិជ្ជកម្ម

Audi Q2 L តួវែងជាងមុន ឯខាងក្នុងរឹតតែទូលាយ

August 6, 2019

នាថ្មីៗនេះ Audi បានបញ្ចេញ SUV ខ្នាតតូចម៉ូដែល Q2 L ដែលជាប្រភេទតួវែង សម្រាប់ទីផ្សារប្រទេសចិន។ Q2 L មានរូបរាង និងលក្ខណៈពិសេសមិនខុសគ្នាប៉ុន្មានពី Q2 ធម្មតាឡើយ។

Q2 L មានប្រវែងសរុប ៤,២ ម៉ែត្រ វែងជាង Q2 ធម្មតា ២៧ មីល្លីម៉ែត្រ។ បើមើលនឹងភ្នែកទទេ ប្រវែងប៉ុណ្ណេះហាក់មិនខុសគ្នាអ្វីឡើយ ប៉ុន្តែវាផ្តល់នូវកន្លែងអង្គុយកាន់តែធំទូលាយដល់អ្នកដំណើរខាងក្រោយ ជាពិសេសកន្លែងដាក់ជើងតែម្តង។

Audi Q2 L ដែលលក់នៅលើទីផ្សារប្រទេសចិន ប្រើម៉ាស៊ីនចំនួន ២ ប្រភេទ គឺម៉ាស៊ីនសាំងចំណុះ ១,៤ លីត្រ ទំហំ ៤ ស៊ីឡាំង មានកម្លាំង ១៩២ សេះ និងមួយទៀត មានកម្លាំង ១៤៨ សេះ។ វាប្រើប្រអប់លេខអូតូ ៧ វគ្គ ប្រភេទ DSG ដូចគ្នា។

Q2 L តួវែងនេះ មានតម្លៃចាប់ពី ៣២ ៦០០ ដុល្លារ ដល់ ៤០ ៥០០ ដុល្លារ សម្រាប់ទីផ្សារប្រទេសចិន៕

ផ្ទាំងផ្សាយពាណិជ្ជកម្ម

អេមណាស់! Nissan 370Z ថ្មី ថែមពណ៌ថ្មី ២ តម្លៃចាប់ពី ៣ ម៉ឺនដុល្លារ

August 6, 2019

គិតរហូតមកដល់ពេលនេះ រថយន្ត Nissan 370Z មានអាយុកាល ១៣ ឆ្នាំហើយ ។ ឥឡូវនេះ ក្រុមហ៊ុនរថយន្តជប៉ុន Nissan បានបញ្ចេញ 370Z ស៊េរីថ្មី ដោយបន្ថែមពណ៌ថ្មីចំនួន ២ គឺ ពណ៌ខៀវ Deep Blue Pearl និង ពណ៌ស (Pearl White)។

Nissan 370Z ប្រើម៉ាស៊ីនចំណុះ ៣,៧ លីត្រ ទំហំ ៦ ស៊ីឡាំង មានកម្លាំង ៣៣២ សេះ ដំណើរការជាមួយប្រអប់លេខដៃ ៦ វគ្គ ឬ លេខអូតូ ៧ វគ្គ។ ចំណែកឯជម្រើសម៉ូដែល Nissan 370Z Nismo នឹងទទួលបានម៉ាស៊ីនកម្លាំង ៣៥០ សេះ , ប្រើប៉ុង ២ , ប្រព័ន្ធបូម 4-wheel independent suspension , ហ្វ្រាំងទំហំធំ និង លក្ខណៈពិសេសជាច្រើនទៀតផង៕

ខាងក្រោមនេះគឺជាតម្លៃរថយន្ត Nissan 370Z គ្រប់ម៉ូដែលទាំងអស់នៅលើទីផ្សារបរទេស៖

370Z Coupe លេខដៃ ៦ វគ្គ តម្លៃ ២៩ ៩៩០ ដុល្លារ
370Z Coupe លេខអូតូ ៧ វគ្គ តម្លៃ ៣១ ៣៩០ ដុល្លារ
370Z Coupe Sport លេខដៃ ៦ វគ្គ តម្លៃ ៣៣ ៧២០ ដុល្លារ
370Z Coupe Sport Touring លេខដៃ ៦ វគ្គ តម្លៃ ៣៨ ០៩០ ដុល្លារ
370Z Coupe Sport Touring លេខអូតូ ៧ វគ្គ តម្លៃ ៣៩ ៣៩០ ដុល្លារ
370Z Coupe Nismo លេខដៃ ៦ វគ្គ តម្លៃ ៤៥ ៦៩០ ដុល្លារ
370Z Coupe Nismo លេខអូតូ ៧ វគ្គ តម្លៃ ៤៧ ០៩០ ដុល្លារ
370Z Roadster លេខអូតូ ៧ វគ្គ តម្លៃ ៤១ ៨២០ ដុល្លារ
370Z Roadster Touring លេខអូតូ ៧ វគ្គ តម្លៃ ៤៦ ៥៧០ ដុល្លារ
370Z Roadster Sport Touring លេខអូតូ ៧ វគ្គ តម្លៃ ៤៩ ៤0០ ដុល្លារ

ផ្ទាំងផ្សាយពាណិជ្ជកម្ម

Toyota Hatchback ស៊េរី ២០២០ តម្លៃធូរថ្លៃជាងអ្វីដែលយើងគិត…

August 6, 2019

(បរទេស) បន្ទាប់ពីបញ្ឍប់ការផលិតរថយន្ត Yaris ឆ្នាំ ២០១៩ ក្រុមហ៊ុនតូយ៉ូតាបានបង្ហាញរថយន្តម៉ាក Yaris Hatchback ស៊េរីថ្មីឆ្នាំ ២០២០ ត្រឡប់មកវិញនៅខែមេសា ដែលបានធ្វើឱ្យប្រសើរឡើងលើរថយន្តស៊េរីមុនរបស់វា។ ផ្អែកលើរថយន្ត Mazda2 រថយន្ត Yaris ស៊េរីឆ្នាំ ២០២០ ធ្វើអោយមានការលេចធ្លោរជាមួយនឹងរចនាបថដ៏អស្ចារ្យ រចនាបែបស្ព័រ ជាមួយនឹងផ្នែកខាងក្នុងដែលត្រូវបានកែលម្អផងដែរ។ ហើយដំណឹងនេះនៅតែបន្តដំណើរការ ល្អប្រសើរជាងមុនព្រោះក្រុមហ៊ុន CarsDirect បានទទួលការណែនាំពីការបញ្ជាទិញដែលបញ្ជាក់ពីតម្លៃរថយន្ត Toyota Yaris ស៊េរីឆ្នាំ ២០២០ ។ ខណៈពេលដែលរថយន្ត Sedan ឬ Hatchback ជាធម្មតាមានតម្លៃខុសគ្នា ក្រុមហ៊ុនតូយ៉ូតាកំពុងតែប្រើវិធីសាស្រ្តខុសគ្នាទាំងស្រុង ពីព្រោះរថយន្តម៉ាក Yaris Hatchback ឆ្នាំ ២០២០ នឹងមិនមានតម្លៃថ្លៃជាងប្រភេទ Sedan ឡើយ។

យោងតាមការណែនាំបញ្ជាទិញ រថយន្តប្រភេទ LE Hatchback ឆ្នាំ ២០២០ មានតម្លៃចាប់ពី ១៨,៧០៥ ដុល្លារ និង ១៩,៧០៥ ដុល្លារប្រសិនបើអ្នកតំឡើងកំរិតទៅប្រភេទ XLE ។ សម្រាប់ឯកសារយោងនេះក៏ធ្វើឱ្យ Yaris ឆ្នាំ ២០២០ មានតម្លៃថោកជាងម៉ូឌែលមុនៗ ដែលមានតម្លៃចាប់ពី ១៧,២៨៥ ដុល្លារសម្រាប់ម៉ូដែល LE ដែលស្មើ។

Toyota Yaris Hatchback ២០២០ ទាំងអស់នឹងត្រូវបំពាក់ម៉ាស៊ីន ១,៥លីត្រ ស៊ីឡាំង ៤ កំលាំង ១០៦hp ប្រើប្រាស់កាឡេកង់មុខ ប្រអប់លេខស្វ័យប្រវត្តិ ៦វគ្គ។ សោកស្តាយដែល តូយ៉ូតា បំពាក់លេខដៃ ៦វគ្គលើតែ Yaris Sedan តែប៉ុណ្ណោះ។ ប្រភេទ LE ស្តង់ដារមកជាមួយថាសកង់ទំហំ ១៦ អុីញ អាលុយមីញ៉ូម keyless entry ប្រព័ន្ធការពារអ្នកថ្នើរជើង ខណៈល្បឿនយឺត និងប្រព័ន្ធកំសាន្ត Touch Screen ភ្ជាប់ជាមួយមុខងារ CarPlay របស់ iOS និងប្រព័ន្ធប្រតិបត្តិការ Android។

ផ្ទាំងផ្សាយពាណិជ្ជកម្ម

រថយន្ត Ferrari ពីរម៉ូដែលនេះ លក់ដាច់ជាងគេបំផុត

August 5, 2019

ក្រុមហ៊ុនផលិតរថយន្តមហាកម្លាំងរបស់អ៊ីតាលី Ferrari បានប្រកាសចេញរបាយការណ៍ហិរញ្ញវត្ថុប្រចាំត្រីមាសទី ២ ឆ្នាំ ២០១៩ នេះ ដែលឃើញថាអាចរកប្រាក់ចំណេញបាន ១,១១ ពាន់លានដុល្លារ កើនឡើងពីឆ្នាំមុន ១,០៨ ពាន់លានដុល្លារ។

ក្នុងនោះក្រុមហ៊ុនអាចរកប្រាក់ចំណេញបានប្រមាណ ៣៤៨ លានដុល្លារ មានការកើនឡើង ៨,៧% បើធៀបនឹងពេលដូចគ្នាកាលឆ្នាំមុន។ ក្រឡេកមើលចំនួនលក់វិញ នៅរយៈពេល ៣ ខែគិតចាប់ពីខែមេសា ដល់មិថុនានេះ Ferrari អាចលក់រថយន្តបានសរុប ២ ៦៧១ គ្រឿង។ នៅចិនលក់បាន ២៨៩ គ្រឿងកើនឡើង ៦៣% ចំណែកនៅអាមេរិកលក់បាន ៨០៣ គ្រឿង ធ្លាក់ចុះ ៦%។

គួរដឹងថារថយន្តដែលលក់ដាច់ជាងគេក្នុងត្រីមាសទីពីរនេះ គឺម៉ូដែល Portofino មានម៉ាស៊ីន ៨ ស៊ីឡាំងដែលនៅអាមេរិកមានតម្លៃចាប់ពី ២១៥ ០០០ ដុល្លារ និងម៉ូដែល 812 Superfast ម៉ាស៊ីន ១២ ស៊ីឡាំង មានតម្លៃជាង ៣០០ ០០០ ដុល្លារ៕

ផ្ទាំងផ្សាយពាណិជ្ជកម្ម