រកឃើញរថយន្តទាំង ៩ ឈ្នះពាន “2020 Car Of The Year Awards” នៅអង់គ្លេស

February 17, 2020

ក្រុមអ្នកកាសែតមកពីស្ថាប័នចំនួន ២៩ផ្សេងៗគ្នា បានសម្រេចការបោះឆ្នោតជុំចុងក្រោយ ដើម្បីស្វែងរកអ្នកឈ្នះពានរង្វាន់ “2020 UK Car of the Year” នៅក្នុងប្រភេទចំនួន ៩ ខុសៗគ្នា។

នៅក្នុងនោះ មានតែរថយន្ត Porsche ប៉ុណ្ណោះ ដែលឈ្នះពានរង្វាន់ ២ប្រភេទខុសគ្នា ដោយរថយន្ត Porsche 911 ឈ្នះពាន “Best Cabriolet” និង Porsche Taycan ឈ្នះពាន “Best Performance”។

ក្រៅពីនោះក៏មានរថយន្តរបស់ក្រុមហ៊ុនកូរ៉េ Kia គឺម៉ូដែល e-Niro ឈ្នះពានរង្វាន់ “Best Crossover” ស្របពេលដែលពានរង្វាន់ “Best Small Hatch” បានទៅលើរថយន្ត Mazda3៕

ខាងក្រោមនេះគឺជារថយន្តដែលឈ្នះពាន់រង្វាន់ “2020 UK Car of the Year Winners” នៅក្នុងប្រភេទនិមួយៗ៖

Best Supermini – Renault Clio

Best Small Hatch – Mazda Mazda3

Best Executive – Tesla Model 3

Best Luxury – Bentley Flying Spur

Best Estate – BMW 3-Series Touring

Best Crossover – Kia e-Niro

Best Premium Crossover – Range Rover Evoque

Best Cabriolet – Porsche 911

Best Performance – Porsche Taycan

ផ្ទាំងផ្សាយពាណិជ្ជកម្ម

Rolls-Royce កំពុងបញ្ចុះតម្លៃស្ងាត់ៗ លើរថយន្តរបស់ខ្លួន

February 17, 2020

បើតាមការប្រទះឃើញរបស់ Cox Automative បានឲ្យដឹងថា Rolls-Royce នៅអាមេរិកបានធ្វើការបញ្ចុះតម្លៃជាសម្ងាត់លើរថយន្ត Dawn, Ghost និង Wraith របស់ខ្លួន មានទាំងស៊េរីឆ្នាំ ២០១៩ និង ២០២០ ដែលការបញ្ចុះតម្លៃនេះមិនបានផ្សព្វផ្សាយលើវិបសាយរបស់ Rolls-Royce ឡើយ។

សម្រាប់រថយន្តម៉ូដែលឆ្នាំ ២០១៩ ក្រុមហ៊ុនបានផ្ដល់ការបញ្ចុះតម្លៃរហូតដល់ ២០ ០០០ ដុល្លារ សម្រាប់ម៉ូដែល Dawn Ghost និង Wraith។ ជាមួយការបញ្ចុះតម្លៃរថយន្ត Dawn ចុះពី ៣៤៦ ៣០០ ដុល្លារ នៅត្រឹម ៣២៦ ៣០០ ដុល្លារ។ ចំណែករថយន្ត Ghost ចុះពី ៣១១ ៩០០ ដុល្លារ មកនៅ ២៩១ ៩០០ ដុល្លារ ហើយរថយន្ត Wraith ចុះពី ៣២០ ៥០០ ដុល្លារ មកនៅ ៣០០ ៥០០ ដុល្លារ។

សម្រាប់រថយន្តស៊េរីឆ្នាំ ២០២០ វិញទទួលបានបញ្ចុះតម្លៃ ១៥ ០០០ ដុល្លារ ដែលមានសម្រាប់ម៉ូដែលទាំងបីដូចគ្នា។ រថយន្ត Dawn មានតម្លៃ ៣៣១ ៣០០ ដុល្លារ, រថយន្ត Ghost មានតម្លៃ ២៩៦ ៩០០ ដុល្លារ និងរថយន្ត Wraith ពេលចុះរួចសល់តម្លៃ ២៨១ ៩០០ ដុល្លារ។ ការបញ្ចុះតម្លៃនេះដែរមានត្រឹមថ្ងៃទី ៣១ ខែមីនាប៉ុណ្ណោះ៕

ផ្ទាំងផ្សាយពាណិជ្ជកម្ម

មើល Land Rover Defender បញ្ចេញក្បាច់សាហាវៗ ក្នុងវីដេអូខ្លីថ្មីនៃរឿង James Bond

February 17, 2020

ខណៈដែល Land Rover រៀបចំក្នុងការចាប់ផ្ដើមការដឹកជញ្ជូនរថយន្ត Defender ជំនាន់ថ្មីដល់អតិថិជន ក្រុមហ៊ុនបានបង្ហាញនូវវីដេអូពាណិជ្ជកម្មថ្មីខ្លីមួយបង្ហាញអំពីក្បាច់អស្ចារ្យជាច្រើនរបស់រថយន្ត។

វីដេអូពាណិជ្ជកម្មនេះនឹងត្រូវចាក់ផ្សាយពេញ នៅថ្ងៃទី ២០ ខែមីនា ដែលត្រូវបានផ្សាយខ្លះៗជាមុនលើ YouTube បង្ហាញអំពីក្បាច់ជាច្រើនធ្វើឡើងដោយរថយន្ត Defender ក្នុងខ្សែភាពយន្ត James Bond វគ្គចុងក្រោយ ដែលមានចំណងជើងថា “No Time To Die”។ បញ្ជាក់ថាវីដេអូនេះ នឹងមិនមែនជាអ្វីដែលអ្នកនឹងឃើញ ចាប់ពីខែមេសា ឆ្នាំ ២០២០ ពេលភាពយន្តចាប់ផ្ដើមចាក់ផ្សាយនោះឡើយ។

ការបង្ហាញសមត្ថភាពទាំងនេះ តាមពិតគឺជាការហាត់សមសម្រាប់វគ្គដេញតាមក្នុងឈុតមួយនៃភាពយន្ត។ ប៉ុន្តែយ៉ាងណាវាបានបង្ហាញអំពីភាពអស្ចារ្យរបស់ Land Rover Defender ពេលបើកបរលើស្ថានភាពផ្លូវជាច្រើនប្រភេទ។ ទស្សនាវីដេអូដូចតទៅ ៖

ផ្ទាំងផ្សាយពាណិជ្ជកម្ម

មើលរូបប៉ុណ្ណឹងហើយ! មកដឹងពីលក្ខណៈពិសេសទៀត រឹតតែចង់បានរថយន្តនេះ

February 16, 2020

REVIEW+: ថ្ងៃនេះ ទាន់ក្តៅៗ ខ្ញុំសូមធ្វើការ Review រថយន្ត MG RX8 Deluxe 2020 ដែលជារថយន្តលក្ខណៈគ្រួសារ ៧កៅអី ប្រើប្រាស់កេឡេកង់ ៤ (ប៉ុង ២) និងប្រណិតផងដែរ។ យ៉ាងណាមិញរថយន្តនេះក៏ទើបនឹងមកដល់ព្រះរាជាណាចក្រកម្ពុជាក្តៅៗនេះឯង។ រថយន្តនេះផ្តល់នូវភាពទាក់ទាញខ្លាំងនៅផ្នែកខាងក្រៅ ដែលមានទំហំធំមធ្យម ឬយើងអាចនិយាយម្យ៉ាងទៀតថាជាលក្ខណៈ Mid-SUV។

ផ្នែកខាងមុខរចនារំលេចដោយចង្កៀងមុខអំពូលប្រភេទ LED អមជាមួយក្រូម៉េទឹកប្រាក់ ផ្តល់ភាពទាក់ទាញខ្លាំងបំផុត ជាពិសេសអ្វីដែលខ្ញុំស្រលាញ់បំផុតនោះគឺវាស៊ីជាមួយនឹងរថយន្តពណ៌ខ្មៅនេះតែម្តង។ ចំនែកចង្កៀងកាត់អ័ព្ទវិញ គឺទាក់ទាញមែនទែន ដោយសារមានអំពូល LED ចំនួន ៤គ្រាប់តែម្តង។ បន្ថែមជាមួយប្រព័ន្ធសុវត្ថិភាពទៀតនោះ គឺមានសេនស័រ ៤គ្រាប់នៅខាងមុខផងដែរ។

រថយន្តនេះប្រើប្រាស់ថាសកង់ (យ៉ាន់) រចនាជា ២ ពណ៌ បែបស្ព័រ ទំហំរហូតដល់ ២០ អុីញឯនោះ។

ផ្នែកខាងក្រោយ រំលេចដោយអំពូលប្រភេទ LED យ៉ាងស្រទន់ និងអំណាចបំផុត។ ខ្ញុំមិនបាច់និយាយច្រើនទេ ត្រឹមរូបភាពក៏ប្រិយមិត្តរបស់ខេមបូអូ អាចមានអារម្មណ៌ហើយ មែនអត់? ហើយក៏មានសេនស័រចំនួន ៤ គ្រាប់ និងផ្តល់សុវត្ថិភាពខ្ពស់សំរាប់ការចូលចំណត។

យ៉ាងណាមិញខ្ញុំសូមធ្វើការសង្ខេប និងបង្ហាញរូបភាពជាមួយនឹងការពន្យល់ខាងក្រោមផងដែរ៖

ប្រើប្រាស់សោឆ្លាតវ៉ៃ រីឯកៅអីផ្នែកខាងមុខទាំង ២ ប្រើប្រាស់ថាមពលអេឡិចត្រូនិច និងមានមា៉ស៊ីនត្រជាក់នៅកៅអីផងដែរ

ជម្រើសពណ៌ខាងក្នុងត្រូវនឹងអ្វីដែលប្រទេសយើងស្រលាញ់ភាគច្រើន

បច្ចេកវិទ្យាសាកថ្មទូរស័ព្ទ ដោយឥតខ្សែ (Wireless phone charging)

ប្រព័ន្ធកំណត់ការបើកបរ និងប្រព័ន្ធកំណត់ស៊ីតុណ្ហភាពកៅអី

តើអ្នកទាំងអស់គ្នាយល់យ៉ាងណាដែរ? បើចាប់អារម្មណ៌អាចធ្វើការសាកសួរជាមួយក្រុមហ៊ុនផ្ទាល់ ទាំងតម្លៃ ក៏ដូចជាលក្ខណៈពិសេសផ្សេងៗទៀត Tel: ០៧៨ ៧៧៧ ៦២៨។

ផ្ទាំងផ្សាយពាណិជ្ជកម្ម

Honda Fit រូបរាងថ្មីចេញលក់នៅជប៉ុន តម្លៃប្រហែល ១៤ ០០០ ដុល្លារ

February 15, 2020

ជប៉ុនគឺជាទីផ្សារដំបូងក្នុងពិភពលោកដែលអាចទិញរថយន្ត Honda Fit ជំនាន់ថ្មី ជិះមុនគេ។ រថយន្ត Honda Fit ជំនាន់ទីបួនមានលក់ចាប់ពីថ្ងៃទី ១៤ ខែកុម្ភៈ ដោយមានចែកចេញជា ៥ កម្រិត និងមានជម្រើសម៉ាស៊ីនចំនួនពីរ។

រថយន្តប្រភេទនីមួយអាចប្រើប្រាស់ម៉ាស៊ីន ១,៣ លីត្រ ៤ ស៊ីឡាំង ឬប្រភេទ Hybrid ដែលមានជម្រើសបើកបរវិលកង់ពីរផងដែរ។ ប្រភេទទាបជាងគេអាចបង្កើតកម្លាំងបាន ៩៨ សេះ ដែលជិះ ១០០ គីឡូម៉ែត្រស៊ីប្រេងប្រមាណ ៤,៩ លីត្រ។

ចំណែកប្រភេទ Hybrid វិញ អាចបង្កើតកម្លាំងបាន ១០៧ សេះ ស្មើនឹង ៨០ គីឡូវ៉ាត់ ដែល ១០០ គីឡូម៉ែត្រស៊ីប្រេងត្រឹម ៣,៥ លីត្រប៉ុណ្ណោះ។

តម្លៃលើទីផ្សារប្រទេសជប៉ុនគឺមានចាប់ពីប្រមាណ ១៤ ១៨០ ដុល្លារ សម្រាប់ប្រភេទសាំងធម្មតា ចំណែកប្រភេទ Hybrid វិញគឺមានតម្លៃចាប់ពីប្រមាណ ១៨ ១៨៥ ដុល្លារ៕

ផ្ទាំងផ្សាយពាណិជ្ជកម្ម

ទាំងនេះជាឡានថ្មីផ្ដល់សុវត្ថិភាពខ្ពស់បំផុតនៅអាមេរិក

February 15, 2020

វិបសាយរថយន្ត Carbuzz បានបង្ហាញចេញឈ្មោះរថយន្តដែលអាចផ្ដល់សុវត្ថិភាពខ្ពស់បំផុតដល់អ្នកបើកបរ ក្រោយឆ្លងកាត់ការធ្វើតេស្តរបស់វិទ្យាស្ថានសុវត្ថិភាពផ្លូវថ្នល់របស់អាមេរិកហៅកាត់ IHS។ មានចែកចេញជាពីរផ្នែកគឺ Top Safety Pick+ ដែលផ្ដល់សុវត្ថិភាពខ្ពស់បំផុត និង Top Safety Award ផ្ដល់សុវត្ថិភាពបន្ទាប់។

រថយន្តជាប់ឈ្មោះ Top Safety Pick+ ឆ្នាំ ២០២០

Acura RDX

• Audi A6

• Cadillac XT6

• Genesis G70

• Genesis G80

• Honda Insight

• Hyundai Nexo

• Lexus ES

• Lexus NX

• Mazda 3 sedan and hatchback

• Mazda 6

• Mazda CX-3

• Mazda CX-5 (មាន automatic emergency braking)

• Mercedes-Benz C-class sedan (មាន automatic emergency braking)

• Mercedes-Benz GLE-class (មាន automatic emergency braking)

• Nissan Maxima

• Subaru Crosstrek Hybrid

• Subaru Forester

• Subaru Legacy

• Subaru Outback (ផលិតបន្ទាប់ពីខែតុលាឆ្នាំ ២០១៩)

• Tesla Model 3

• Toyota Camry

រថយន្តជាប់ឈ្មោះ Top Safety Pick ឆ្នាំ ២០២០

Audi A7

• Audi Q8

• BMW 3 Series

• Chevrolet Equinox

• Ford Edge

• Ford Escape

• Honda Accord

• Honda Civic coupe, sedan, hatchback (លើកលែងតែType R)

• Honda CR-V

• Hyundai Elantra, Elantra GT(មាន automatic emergency braking)

• Hyundai Kona (មាន automatic emergency braking)

• Hyundai Palisade

• Hyundai Santa Fe

• Hyundai Sonata

• Hyundai Tucson

• Hyundai Veloster (មាន automatic emergency braking)

• Kia Forte (មាន automatic emergency braking)

• Kia Sorrento (មាន automatic emergency braking)

• Kia Soul (មាន automatic emergency braking)

• Kia Sportage

• Kia Stinger (មាន automatic emergency braking)

• Kia Telluride

• Lexus RX

• Lexus UX

• Lincoln Corsair

• Mazda CX-9 (មាន automatic emergency braking)

• Nissan Altima (មាន automatic emergency braking)

• Subaru Ascent

• Subaru Crosstrek (មាន automatic emergency braking)

• Subaru Impreza, WRX (មាន automatic emergency braking)

• Toyota Corolla sedan និង hatchback (មាន automatic emergency braking)

• Toyota RAV4

• Volkswagen Tiguan

• Volvo S60

• Volvo XC40

ផ្ទាំងផ្សាយពាណិជ្ជកម្ម

ចំនួនលក់ឡាននៅចិនធ្លាក់ចុះ ១៨% ដោយសារវីរុសកូរ៉ូណា ហើយអាចធ្លាក់ចុះជាងនេះទៀត

February 15, 2020

ទីផ្សារលក់រថយន្តចិនបានចាប់ផ្តើមទទួលរងផងប៉ះពាល់ ដោយសារតែវីរុសកូរ៉ូណា ខណៈចំនួនលក់នៃរថយន្តក្នុងស្រុកបានធ្លាក់ចុះខ្លាំង។

យោងតាមសមាគមន៍ China’s Association of Automobile Manufacturers បានឲ្យដឹងថា ក្រុមហ៊ុនផលិតរថយន្តធំៗនៅប្រទេសចិន លក់រថយន្តមិនបាន ២លានគ្រឿងផងនៅទូទាំងប្រទេស កាលពីខែមុន ធ្លាក់ចុះ ១៨% បើប្រៀបធៀបទៅនឹងខែមករា ឆ្នាំ២០១៩។

សមាគមន៍ខាងលើបានអះអាងថា វីរុសកូរ៉ូណា គឺជាមូលហេតុដ៏សំខាន់មួយនៃការធ្លាក់ចុះចំនួនលក់ ក្នុងខែមករា ហើយព្រមានថាចំនួនលក់អាចនឹងធ្លាក់ចុះខ្លាំងជាងនេះទៀត ក្នុងខែកុម្ភៈ។

គួររំលឹកឲ្យដឹងថា រោងចក្រផលិតរថយន្តធំៗជាច្រើននៅទូទាំងប្រទេសចិន បាននាំគ្នាបិទទ្វារបណ្តោះអាសន្ន ក្នុងមួយរយៈពេលចុងក្រោយនេះ ដោយសារតែវីរុសកូរ៉ូណា ខណៈខ្លះបានបើកទ្វារវិញ ប៉ុន្តែមិនធ្វើការពេញម៉ោងដូចមុនឡើយ៕

ផ្ទាំងផ្សាយពាណិជ្ជកម្ម

Aston Martin ចេញឡានស្ព័រ Vantage Roadster បើកដំបូលថ្មី ឆ្នាំ២០២០

February 15, 2020

ក្រុមហ៊ុន Aston Martin បានបញ្ចេញរថយន្តស្ព័របើកដំបូលថ្មី ម៉ូដែល Vantage Roadster ស៊េរីឆ្នាំ២០២០ ជាផ្លូវការ។

រថយន្ត Aston Martin Vantage Roadster នេះ បំពាក់ដំបូលក្រណាត់ទន់ ដែលអាចបើក ឬបិទក្នុងរយៈពេលត្រឹមតែ ៧វិនាទីប៉ុណ្ណោះ។ បើប្រៀបធៀបជាមួយគូប្រជែងរបស់វា ដូចជា Porsche 911 Cabriolet ប្រើពេល ១២វិនាទី និង Mercedes-AMG GT Roadster ប្រើពេល ១១វិនាទី។

រថយន្តស្ព័ររបស់ចក្រភពអង់គ្លេសនេះ បំពាក់ម៉ាស៊ីនចំណុះ ៤,០លីត្រ twin-turbo ទំហំ ៨ស៊ីឡាំង មានកម្លាំង ៥១០សេះ ប្រើប្រអប់លខអូតូ ៨វគ្គ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៣,៧វិនាទី។

គួរឲ្យដឹងថា Vantage Roadster នឹងចេញលក់ក្នុងឆ្នាំ២០២០ នេះតែម្តង ជាមួយតម្លៃចាប់ពីខ្ទង់ ១៦១ ០០០ដុល្លារលើទីផ្សារបរទេស៕

ផ្ទាំងផ្សាយពាណិជ្ជកម្ម

លេចឮថា Toyota គ្រោងចេញ GR C-HR ទុកប្រជែង Ford និង Hyundai

February 14, 2020

បច្ចុប្បន្ននេះ Toyota មានរថយន្តត្រកូល GR ចំនួន ២ គឺ GR Yaris និង GR Supra។ ជាមួយគ្នានេះ GT 86 ជំនាន់ថ្មី ក៏នឹងត្រូវចូលខ្លួនក្នុងត្រកូល GR ដែរ ដោយហៅឈ្មោះថា GR 86 វិញ ព្រមទាំង Corolla ផងដែរ។ ឥឡូវនេះ គេលេចឮដំណឹងមកថា C-HR ក៏នឹងត្រូវចូលរួមជាមួយត្រកូល GR ផងដែរ។

យោងតាម AutoExpress រថយន្ត Toyota GR C-HR អាចនឹងបង្ហាញខ្លួនមុនឆ្នាំ២០២៣។ វានឹងបំពាក់ម៉ាស៊ីនចំណុះ ១,៦លីត្រ Turbocharged ទំហំ ៣ស៊ីឡាំង ដូចរថយន្ត GR Yaris ដែរ។

គួរឲ្យដឹងថា GR Yaris មានកម្លាំងដល់ទៅ ២៥៧សេះ ប្រើប្រអប់លេខដៃ ៦វគ្គ និងប៉ុងពីរ 4WD អាចរត់ពីកុងទ័រ ០-១០០គីឡូម៉ែត្រ ប្រើពេល ៥,៥វិនាទី ហើយមានល្បឿនអតិបរមា ២៣០គីឡូម៉ែត្រក្នុងមួយម៉ោង។

ដោយឡែក ប្រសិនបើ GR C-HR ចូលសង្វាក់ផលិតកម្ម នោះវានឹងក្លាយជាគូប្រជែងរបស់រថយន្ត Volkswagen T-Roc R, Hyundai Kona N និង Ford Puma ST៕

ផ្ទាំងផ្សាយពាណិជ្ជកម្ម

Audi R8 ជំនាន់ថ្មី ទំនងប្រើម៉ាស៊ីន Hybrid V10

February 14, 2020

យោងតាមរបាយការណ៍ពី Top Gear បានបង្ហាញថា រថយន្ត Audi R8 ជំនាន់ថ្មី ទំនងនឹងប្រើម៉ាស៊ីនប្រភេទ Hybrid។

នាយកផ្នែកគ្រប់គ្រង Audi Sport លោក Oliver Hoffman បាននិយាយប្រាប់ឲ្យដឹងថា “មិនទាន់មានការសម្រេចចិត្តនៅឡើយទេ ពាក់ព័ន្ធនឹងបច្ចេកវិទ្យា និងគ្រោងឆ្អឹងនៃ R8 ជំនាន់ថ្មី។ ប៉ុន្តែជាមួយមនុស្សជំនាន់ក្រោយ យើងត្រូវតែអនុវត្តតាមបទប្បញ្ញត្តិទាំងអស់ នៅទូទាំងពិភពលោក។ វាមានន័យថា រថយន្តនេះនឹងមានលាយជាមួយផ្នែកអគ្គិសនី។ ប៉ុន្តែម៉ូដែលបច្ចុប្បន្ន គឺផ្តោតខ្លាំងលើការប្រណាំង ដូច្នេះហើយយើងត្រូវតែបំពេញតាមតម្រូវការនាពេលអនាគត”។

ផ្អែកលើការអះអាងខាងលើ Top Gear ជឿជាក់ថា Audi នឹងធ្វើឲ្យ R8 ជំនាន់ក្រោយ មានសមត្ថភាពក្នុងការប្រណំាំងដដែល ដូច្នេះវានឹងប្រើម៉ាស៊ីន Hybrid ជាជាងដំណើរការដោយថាមពលអគ្គិសនីសុទ្ធ។

យ៉ាងណាក៏ដោយ គេរំពឹងថា Audi R8 ជំនាន់ក្រោយ អាចនឹងមានសមត្ថភាពអស្ចារ្យ ហើយកម្លាំងខ្លាំងរហូតដល់ទៅខ្ទង់ ៨០០សេះ ខណៈរថយន្ត R8 បច្ចុប្បន្នដែលប្រើម៉ាស៊ីនចំណុះ ៥,២លីត្រ ទំហំ ១០ស៊ីឡាំង មានកម្លាំងត្រឹម ៥៦២សេះប៉ុណ្ណោះ៕

ផ្ទាំងផ្សាយពាណិជ្ជកម្ម