ប្រធានក្រុមហ៊ុន Tesla លោក Elon Musk បានព្រមានថាតម្លៃនៃរថយន្តម៉ាស៊ីនសាំង និងម៉ាស៊ូតមួយទឹកនឹងធ្លាក់ថ្លៃក្នុងពេលប៉ុន្មានឆ្នាំខាងមុខ ដោយសារកំណើតរថយន្តអគ្គិសនីក្នុងឧស្សាហកម្មយានយន្ត។
លើក Elon Musk បានមានការលើកឡើងបែបនេះ ជាការឆ្លើយតបនឹងម្ចាស់រថយន្ត Tesla និងម្ចាស់ភាគហ៊ុននៅ Tesla ដែលនិយាយអំពីការហាមប្រាមរថយន្តប្រភេទម៉ាស៊ីនសាំង/ម៉ាស៊ូតទាំងអស់ចាប់ពីឆ្នាំ ២០៣៥ របស់ចក្រភពអង់គ្លេស។
ផែនការរបស់រដ្ឋាភិបាលអង់គ្លេសក្នុងហាមមិនឲ្យលក់រថយន្តសាំង/ម៉ាស៊ូតថ្មី និងរថយន្ត Hybrid ឲ្យបានលឿនបំផុតត្រឹមឆ្នាំ ២០៣៥ អាចនឹងធ្វើឲ្យរថយន្តដែលចរាចរណ៍លើដងផ្លូវក្លាយជារថយន្តអគ្គិសនីទាំងអស់នៅក្នុងរយៈពេល ១៥ ឆ្នាំ បន្ទាប់ពីការហាមឃាត់។
ចំណែកនៅអាមេរិក រដ្ឋាភិបាលមិនទាន់មានការប្រកាសទាក់ទងនឹងរថយន្តម៉ាស៊ីនសាំង/ម៉ាស៊ូតនៅឡើយទេ ដូចនេះវាអាចត្រូវការពេលយូរថែមទៀតដើម្បីឲ្យរថយន្តប្រភេទនេះធ្លាក់ថ្លៃ៕
