Range Rover បុរាណប្រែខ្លួនជាឡានអគ្គិសនី លក់តម្លៃដល់ជាង៣០ម៉ឺនដុល្លារ

83

ក្រុមហ៊ុន​ Lunaz ដែល​មាន​មូលដ្ឋាន​នៅ​ចក្រភព​អង់គ្លេស​បាន​​សម្រេច​រួច​រាល់​លើ​ការ​កែ​ច្នៃ​រថយន្ត​ Range Rover Classic ទៅ​ជា​រថយន្ត​ដែល​ដើរ​ដោយ​ថាមពល​អគ្គិសនី។

រថយន្ត​ Range Rover Classic ​ត្រូវ​បាន​ផលិត​ចាប់​ពី​​ឆ្នាំ ១៩៦៩ ​ដល់​​ទសវត្ស​ឆ្នាំ ១៩៩៦ ដែល​ជា​រថយន្ត​​ SUV ជំនាន់​ដំបូង​​គេ​បំផុត​ដែល​ប្រើ​ប្រាស់​ត្រកូល Range Rover។ ប្រសិន​បើ​តាម​គម្រោង​ការ​ នៅ​ពេល​ដែល​ចេញ​លក់​លើ​ទីផ្សារ រថយន្ត​ Range Rover Classic មួយ​គ្រឿងៗ​នឹង​លក់​ក្នុង​តម្លៃ​ប្រមាណ ៣២៤ ០០០​ដុល្លារ។

Sponsored

គួរ​ដឹង​ថា​ក្រុមហ៊ុន Lunaz ធ្លាប់​បាន​កែច្នៃ​រថយន្ត​បុរាណ​ជា​ច្រើន​ម៉ូដែល​មក​ហើយ ​មាន​ទាំង​ម៉ាក Jaguar, ម៉ាក Bentley និង​ម៉ាក Rolls-Royce ផង​ដែរ។ ក្រុមហ៊ុន​និយាយ​ថា​តម្រូវ​ការ​លើ​រថយន្ត​បុរាណ​ដែល​ប្រើ​ប្រាស់​ម៉ូទ័រ​អគ្គិសនី​គឺ​មាន​ខ្ពស់​ពី​សំណាក់​អតិថិជន។

រថយន្ត​ Range Rover Classic ប្រភេទ​អគ្គិសនី​នឹង​មាន​ជា​ពីរ​ប្រភេទ​ឲ្យ​អតិថិជន​ជ្រើស​រើស​គឺ​មាន​ប្រភេទ Town និង​ប្រភេទ Country។ ប្រភេទ Town ​ផលិត​ឡើង​ដោយ​ផ្អែក​លើ​ផាសុកភាព​របស់​អ្នក​ដំណើរ​ខាង​ក្រោយ ខណៈ​ប្រភេទ Country នឹង​ជា​ប្រភេទ​សម្រាប់​តម្រូវ​តាម​ចំណូល​ចិត្ត​អ្នក​និយម​ Off-Road៕​​​

Sponsored