Toyota ចេញឡាន RAV4 ឆ្នាំ២០២២ ជាផ្លូវការ ថែមម៉ូដែលថ្មី SE Hybrid

Toyota RAV4 គឺជារថយន្ត Crossover លក់ដាច់បំផុតនៅអាមេរិក ហើយឥឡូវនេះវាទទួលបានការអាប់ដេតមួយចំនួន សម្រាប់ស៊េរីឆ្នាំ២០២២ ផងដែរ។

អ្វីដែលជាការផ្លាស់ប្តូរធំបំផុតនោះ គឺការបន្ថែមម៉ូដែលថ្មី ហៅថា SE Hybrid ដែលគួបផ្សំរវាងភាពស្ព័រ ជាងម៉ូដែល Hybrid ធម្មតា ប៉ុន្តែមានតម្លៃថោកជាងម៉ូដែល XSE Hybrid។

ផ្ទាំងផ្សាយពាណិជ្ជកម្ម

រថយន្ត Toyota RAV4 ឆ្នាំ២០២២ នឹងមានបំពាក់ជាមួយនឹងពូកក្រណាត់ រំលេចដោយថ្នេរដេរពណ៌បញ្ច្រាសគ្នា ក៏ដូចជាប្រើអេក្រង់កម្សាន្តទំហំ ៧អ៊ីញ និងមានបាស ៦គ្រាប់ទៀតផង។ ក្រៅពីការបន្ថែមម៉ូដែល SE Hybrid ថ្មី រថយន្ត RAV4 ឆ្នាំ២០២២ ក៏បានបន្ថែមពណ៌ថ្មីមួយទៀត ហៅថា Calvary Blue ផងដែរ។

មិនតែប៉ុណ្ណោះ គ្រប់ម៉ូដែលនៃ RAV4 ឆ្នាំ២០២២ ឥឡូវនេះមានបំពាក់លក្ខណៈពិសេសមកស្តង់ដារជាច្រើន ហើយនឹងត្រូវដាក់លក់នៅខែក្រោយ ក្នុងតម្លៃប្រហែល ២៦ ៥០០ដុល្លារ៕

ផ្ទាំងផ្សាយពាណិជ្ជកម្ម