ក្រុមហ៊ុន Toyota បានប្រកាសចេញលក់រថយន្តស្ព័រម៉ូដែល Supra ស៊េរីឆ្នាំ២០២១ ជាផ្លូវការ សម្រាប់ទីផ្សារប្រទេសអូស្ត្រាលី ដោយបានអាប់ដេតលើកម្លាំង និងដំណើរការរបស់វាឲ្យកាន់តែប្រសើរជាងមុនឆ្នាំ។
រថយន្ត Toyota Supra ឆ្នាំ២០២១ បំពាក់ម៉ាស៊ីន turbocharged ចំណុះ ៣,០លីត្រ ទំហំ ៦ស៊ីឡាំង មានកម្លាំង ៣៨២សេះ ខ្លាំងជាងមុន ៤៧សេះឯណោះ។
ជាលទ្ធផល វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,១វិនាទី ហើយមានកម្រិតស៊ីសាំងជាមធ្យម ត្រឹមតែ ៧,៧លីត្រ/១០០គីឡូម៉ែត្រ ប៉ុណ្ណោះ។
ជាមួយគ្នានេះ Toyota ក៏បានអាប់ដេតលើដំណើរការរបស់វា ដែលជួយឲ្យវាអាចបើកបរលើផ្លូវកោង កាន់តែប្រសើរជាងមុន។
សម្រាប់ឆ្នាំ២០២១ លក់នៅប្រទេសអូស្ត្រាលីនេះ Supra ចែកចេញជា ២ ម៉ូដែល គឺ GR Supra GT និង GR Supra GTS។ វាបំពាក់ប្រព័ន្ធ Toyota Safety Sense មកស្តង់ដារ ហើយត្រូវបានដាក់លក់ក្នុងតម្លៃចាប់ពី ៦៤ ១៣០ដុល្លារ សម្រាប់ម៉ូដែល GT និង ៧១ ៥០០ដុល្លារ សម្រាប់ម៉ូដែល GTS៕
