[ទីផ្សារបរទេស] Honda បានបង្ហាញចេញរបាយការណ៍លក់ប្រចាំត្រីមាសទីពីរ លើទីផ្សារអាមេរិកខាងជើងរបស់ខ្លួន ដែលឃើញចំនួនលក់ថយចុះសរុប ៥១,២% ដោយតួលេខនេះរួមបញ្ចូលជាមួយម៉ាក Acura ផងដែរ។
គិតចាប់ពីដើមឆ្នាំ មកទល់ចុងខែមិថុនា Honda Civic បានថយចុះចំនួនលក់ ៥៤% ធៀបនឹងឆ្នាំមុន ដោយលក់បានត្រឹម ៩ ៦៣៣គ្រឿង ថយចុះពី ៣២ ៦៦៧គ្រឿង ដែលលក់បានកាលពីឆ្នាំ២០២១ ហើយរថយន្ត Odyssey ឯណោះកាន់តែដុនដាបដោយថយចុះការលក់ ៥៦,៦% មកនៅត្រឹម ២ ៧២១គ្រឿង។
គួរដឹងដែរថាការលក់របស់ម៉ាក Acura សរុបជារួមថយចុះចំនួនលក់ ៥០,៦% នៅត្រីមាសទីពីរនៃឆ្នាំ២០២២នេះ ដោយក្នុងនោះ Acura TLX បានថយចុះការលក់រហូតដល់ ៥៣,៨% មកនៅត្រឹមចំនួន ៧ ១២២គ្រឿងប៉ុណ្ណោះ។
ទៅថ្ងៃខាងមុខ Honda រំពឹងថារថយន្តម៉ូដែលថ្មីៗនឹងជួយបង្កើនចំនួនលក់ឡើងវិញ ព្រោះថាក្រុមហ៊ុននឹងសម្រុកប្រកាសចេញរថយន្តថ្មីៗជាច្រើន ហើយកន្លងមកក៏មានរថយន្តថ្មីៗជាច្រើនបានបង្ហាញវត្តមានរួមមាន Honda HR-V និង Acura Integra ស៊េរីថ្មីៗជាដើម។
ទោះជាការលក់ថយចុះ ប៉ុន្តែ Honda ក៏មានរឿងជោគជ័យមួយចំនួនដែរ ដោយរថយន្ត Integra បានប្រកាសចេញដោយជោគជ័យ ខណៈដែលការលក់របស់រថយន្ត NSX បានកើនឡើង ១៥៣% នៅឆ្នាំលក់ចុងក្រោយរបស់វា៕
