ឡានមួយម៉ូដែលនេះ Chevrolet នឹងឈប់ផលិតទៀតហើយ ចាប់ពីថ្ងៃនេះទៅ

រថយន្ត Chevrolet Impala មួយគ្រឿងចុងក្រោយបង្អស់ បានបើកចេញពីខ្សែសង្វាក់ផលិតកម្ម នៅឯរោងចក្រ Detroit-Hamtramck ក្នុងរដ្ឋ Michigan សហរដ្ឋអាមេរិក។

Impala ស្ថិតក្នុងចំណោមរថយន្ត ៦ម៉ូដែលផ្សេងទៀត ដែល Chevrolet សម្រេចចិត្តឈប់ផលិត ដើម្បីកាត់បន្ថយការចំណាយ ដោយក្នុងនោះរួមមាន Buick LaCrosse, Chevrolet Cruze, Chevrolet Volt, Cadillac CT6 និង Cadillac XTS។

ពាណិជ្ជកម្ម

មិនខុសពីរថយន្តដទៃទៀតដែលគេឈប់ផលិតឡើយ ចំនួនលក់នៃរថយន្ត Impala គឺមិនសូវច្រើននោះទេ។ កាលពីឆ្នាំមុន ក្រុមហ៊ុន Chevrolet លក់វាបានតែ ៤៥ ០០០គ្រឿងប៉ុណ្ណោះ។

បច្ចុប្បន្នក្រុមហ៊ុនខាងលើកំពុងផ្តោតលើការផ្លាស់ប្តូររោងចក្រ Detroit-Hamtramck ទៅជារោងចក្រផលិតរថយន្តអគ្គិសនី ដោយវិនិយោគលុយចំនួន ២,២ពាន់លានដុល្លារ សម្រាប់ផលិតរថយន្ត GMC Hummer EV វិញ៕

Sponsored