មនុស្សនៅជុំវិញពិភពលោកមានទស្សនៈខុសៗគ្នា ចំពោះម៉ាកយីហោរថយន្តនីមួយៗ។ ឧទាហរណ៍ មនុស្សមួយចំនួនគិតថា រថយន្ត Honda មានសុវត្ថិភាពល្អ ឬស៊ីប្រេងតិច ឯអ្នកខ្លះទៀតគិតថា វាមានបច្ចេកវិទ្យាទំនើប ឬការរចនាស្រស់ស្អាតជាដើម។
ខាងក្រោមនេះគឺជាលក្ខណៈពិសេសរបស់ម៉ាកយីហោនីមួយៗ ដែលជួយឲ្យពួកវាល្បីខ្លាំង៖
១) Toyota
មូលហេតុចម្បងមួយក្នុងចំណោមហេតុផលសំខាន់ៗរបស់រថយន្ត Toyota គឺភាពជឿទុកចិត្តរបស់វា។ អ្នកខ្លះគិតថា វាគួរឲ្យធុញ ព្រោះវាមើលទៅស្រដៀងនឹងរថយន្តស៊េរីចាស់ ប៉ុន្តែបើនិយាយពី ផាសុកភាព , ការបើកបរ និងម៉ាស៊ីនវិញ សឹងតែគ្មានគូប្រៀប។
២) Nissan
បើនិយាយពីភាពជឿទុកចិត្ត មនុស្សជាច្រើនរកឃើញថា Nissan ស្ថិតនៅក្រោម Toyota ប៉ុន្តែបើនិយាយពីលក្ខណៈពិសេស និងមុខងារ ម៉ាកយីហោនេះមានភាពល្អប្រសើរជាងគេ ៣ ដងឯណោះ។
៣) Honda
គេស្គាល់ Honda ថាជាម៉ាកស្ព័រនៃ Toyota និងស្គាល់ដោយសារតែបច្ចេកវិទ្យាម៉ាស៊ីន VTEC ខណៈភាពជឿទុកចិត្ត គឺដូចគ្នាទៅនឹង Toyota ដែរ។
៤) Mitsubishi
គេស្គាល់ Mitsubishi ដោយសារតែសមត្ថភាពបើកបរ Off-road របស់វា។
៥) Subaru
Subaru ជាប់ចំណាត់ថ្នាក់ទី ២ បើប្រៀបជាមួយ Mazda ចំពោះភាពរីករាយ និងតុល្យភាពនៅលើដងផ្លូវ។ ប៉ុន្តែម៉ាកយីហោនេះ ក៏ផ្តល់នូវរថយន្តដែលមានសមត្ថភាព Off-road ល្អបំផុតដែរ។
៦) Volkswagen
រថយន្តអាល្លឺម៉ង់ដែលគួរឲ្យជឿជាក់បំផុត គឺត្រូវបានផលិតដោយក្រុមហ៊ុន Volkswagen តែប៉ុណ្ណោះ។
៧) BMW
ភាពឡូយឆាយ និងស្ព័រ គឺជាពាក្យ ២ ម៉ាត់ដែលកំណត់រថយន្តម៉ាក BMW។ មិនតែប៉ុណ្ណោះ វាត្រូវបានគេស្គាល់ ដោយសារតែ រូបរាងដ៏ស្រស់ស្អាត , កម្លាំងខ្លាំងក្លា , ផាសុកភាព និងការរចនាដ៏ល្អប្រណីតផងដែរ។
៨) Volvo
Volvo ត្រូវបានគេស្គាល់ច្បាស់ដោយសារតែ សុវត្ថិភាព។ ទោះជាយ៉ាងណា មុនស្សជាច្រើនក៏រកឃើញថា រថយន្តម៉ាកនេះមានភាពធំទូលាយ , គួរឲ្យជឿទុកចិត្ត , ផាសុកភាព និងសមស្របសម្រាប់ការងារ។
៩) Ford
Ford ត្រូវបានគេស្គាល់ថាជាម៉ាកយីហោ ដែលផលិតរថយន្តមានតម្លៃសមរម្យសម្រាប់គ្រួសារ និងត្រូវគេស្គាល់ដោយសារភាពរឹងមាំរបស់វាផងដែរ។ ជាមួយនឹងកម្រិតនៃការបត់បែនបានយ៉ាងល្អ Ford ទទួលបានឈ្មោះល្បី សូម្បីតែនៅក្នុងទីផ្សាររថយន្តកម្លាំងខ្លាំង មិនថាជា រថយន្តស្ព័រ SUV ឬ Pickup ឡើយ។
១០) Fiat
ម៉ាកយីហោនេះគ្មានអ្វីអួតខ្លាំង ក្រៅពីការផលិតរថយន្តដែលមានតម្លៃថោកបំផុតឡើយ៕
