[បរទេស] ក្រុមហ៊ុនផលិតរថយន្ត Isuzu បានធ្វើការដាក់បង្ហាញចេញនៅគំរូភីកអាប់ Isuzu D-Max EV Concept ប្រើប្រាស់ថាមពលអគ្គិសនីសុទ្ធដំបូងបង្អស់របស់ក្រុមហ៊ុន ជាមួយការផលិតចាប់ពីឆ្នាំ ២០២៥ នៅរោងចក្រក្នុងប្រទេសថៃ ។
គំរូភីកអាប់អគ្គិសនីសុទ្ធនេះ ត្រូវបានផលិតឡើងនៅលើគ្រោងឆ្អឹងដូចគ្នាទៅនឹងប្រភេទប្រើម៉ាស៊ីនម៉ាស៊ូតពោលគឺគ្រោងឆ្អឹង Isuzu Dynamic Mobility Driving Platform និងបានបំពាក់ជាមួយម៉ូទ័រអគ្គិសនីចំនួន ១ នៅផ្នែកខាងមុខ អាចផលិតកម្លាំងបាន ១៧៧ សេះ និងកម្លាំងរមួល ៣២៥ ញ៉ូតុនម៉ែត្រ ផ្គួបជាមួយអាគុយទំហំ ៦៦,៩ គីឡូវ៉ាតម៉ោង អាចបើកបរបានចម្ងាយ ៣០០ គីឡូម៉ែត្រនៅពេលសាកថ្មពេញម្តង ប្រភេទបើកបរប៉ុង ២ full-time 4-wheel drive ។
គំរូភីកអាប់ Isuzu D-Max EV Concept ជាម៉ូដែល 4-door body ដោយសំណុំម៉ូទ័រអគ្គិសនីត្រូវបានអភិវឌ្ឍថ្មី ធ្វើការជាមួយគ្នាទាំងផ្នែកខាងមុខនិងខាងក្រោយ ព្រមទាំងបំពាក់ដោយប្រព័ន្ធ suspension ខាងក្រោយប្រភេទ De-Dion suspension ថ្មីទាំងស្រុង ដោយសង្កត់ធ្ងន់លើការបើកបរយ៉ាងរលូន និងសមត្ថភាពបើកបរដ៏ល្អឥតខ្ចោះ ៕
