ក្រុមហ៊ុន Royal Enfield Cambodia រក្សាជំហរយ៉ាងល្អក្នុងការបញ្ចេញម៉ូតូរបស់ខ្លួនដល់អតិថិជន បន្ទាប់ពីការបិទខ្ទប់

យីហោម៉ូតូដ៏ចំណាស់ជាងគេ ដែលកំពុងបន្តផលិតកម្មរបស់ខ្លួន Royal Enfield បានបង្កើតនូវសង្វាក់ផលិតកម្មផលិតម៉ូតូដ៏ស្រស់ស្អាតតាំងពីឆ្នាំ ១៩០១មកម្លេះ។ ម៉ូតូ Royal Enfield គឺផ្តល់នូវភាពទាក់ទាញ, សាមញ្ញ, ងាយស្រួល និងផ្តល់នូវភាពសប្បាយរីករាយក្នុងការធ្វើដំណើរ សម្រាប់ដំណើរផ្សងព្រេង និងសម្រាកលំហែកាយ។ ម៉ូដែលយីហោមួយនេះផងដែរត្រូវបានទទួលស្គាល់ថាជាប្រភេទ Pure Motorcycling ដែលទទួលបានជោគជ័យក្នុងការនាំយកវប្បធម៌សិល្បះម៉ូតូធំរបស់ខ្លួនទៅកាន់បណ្តាប្រទេសអាស៊ីជាច្រើនដូចជា៖ ឥណ្ឌូនេស៊ី, ថៃ, វៀតណាម និងកម្ពុជា។

ម៉ូតូ Royal Enfield បានចាប់ផ្តើមជាមួយនឹងដំនើរការដ៏ល្អនៅក្នុងប្រទេសកម្ពុជាចាប់តាំងពីឆ្នាំ ២០២០ ជាមួយការនាំចូល និងចែកចាយផ្លូវការដោយក្រុមហ៊ុន TF Motors Cambodia, Co., Ltd ។ ម៉ាកយីហោមួយនេះមានចំនួន ៥ ម៉ូដែលសម្រាប់ជ្រើសរើសដូចជា Classic, Himalayan, Interceptor, GT Continental និងវត្តមានឆាប់ៗខាងមុខរបស់ Meteor ដែលធ្វើឱ្យអ្នកចូលចិត្តជិះម៉ូតូធំ, អ្នកផ្សងព្រេង, អ្នកប្រណាំងម៉ូតូ និងយុវជន ជាពិសេសមនុស្សវ័យកណ្តាលដែលលង់ស្រឡាញ់យ៉ាងខ្លាំងនៅពេលនិយាយអំពីការលាយបញ្ចូលគ្នារវាងបេតិកភណ្ឌ ជាមួយតម្លៃ គឺ Royal Enfield ពិតជាសាកសម្យជាយីហោដែលទទួលស្គាល់ច្រើន។

នៅក្នុងពិភពម៉ូតូ អ្វីដែលចាស់ វាគឺជាអ្វីដែលថ្មីម្តងទៀត។ ទោះបីជាមានការហាមឃាត់រាល់ការធ្វើដំណើររវាងពីខេត្តមួយ ទៅខេត្តមួយក៏ដោយ ក៏អ្នកដែលចូលចិត្តជិះម៉ូតូធំ នៅតែយល់ថាវាពិតជាល្អណាស់ក្នុងការចាប់យកម៉ូតូរបស់ Royal Enfield ម្នាក់មួយសម្រាប់ដំណើរកម្សាន្តនាពេលខាងមុខរបស់ពួកគេ។ វាហាក់ដូចជាវប្បធម៌នៃការជិះម៉ូតូធំក្លាយជាប្រធានបទដ៏ពេញនិយមនិងមិនចេះរីងស្ងួតនាពេលថ្មីៗនេះ សម្រាប់អ្នកមានចំណង់ចំណូលចិត្តជិះម៉ូតូធំ។ ដោយយល់ពីសេរីភាពរបស់ពួកគេក្នុងការធ្វើដំណើរជាក្រុម ឬម្នាក់ឯង វាពិតជាជំរុញឱ្យពួកគេចង់មានម៉ូតូធំដែលមានកម្លាំងម៉ាស៊ីន ចាប់ផ្តើមពី ៣៥០ សេសេ ដល់ ៦៥០ សេសេ ដែលម៉ូឌែលទាំងនេះអាចរកបានពីយីហោ Royal Enfield ផ្ទាល់។

សូមថ្លែងអំណរគុណដល់អ្នកគាំទ្រ និងអតិថិជនទាំងអស់ ដែលតែងតែរក្សាទំនាក់ទំនងល្អជាមួយ Royal Enfield Cambodia តាំងពីដំបូង និងជំរុញឱ្យក្រុមហ៊ុនកាន់តែរីកចំរើន ដោយទទួលបានការកក់ និងបញ្ចេញម៉ូតូសម្រាប់អតិថិជនរបស់ខ្លួនរហូតដល់ចំនួន ៥ គ្រឿង បន្ទាប់ពីការបិទខ្ទប់កាលពីខែមេសា ឆ្នាំ ២០២១កន្លងទៅ។ ជាមួយនិងចំនួននៃការកក់បន្ថែម ៥គ្រឿងទៀតសម្រាប់ខែឧសភានេះ ក្រុមហ៊ុន Royal Enfield Cambodia ជឿជាក់ថាម៉ូតូ Enfield នឹងបង្កើតក្រុមរបស់ខ្លួនក្នុងចំណោមក្រុមអ្នកជិះម៉ូតូធំនាពេលឆាប់ៗខាងមុខនេះ៕