ក្រុមហ៊ុន General Motor ចង់ចាប់ផ្តើមលក់រថយន្ត SUV ខ្នាតធំរបស់ខ្លួននៅក្នុងប្រទេសចិន ជាលើកដំបូងបង្អស់ក្នុងប្រវត្តិសាស្រ្តរបស់ពួកគេ ដោយសង្ឃឹមថារថយន្តប្រភេទ Flagship ទាំងនេះនឹងជួយឲ្យចំនួនលក់កាន់តែប្រសើរ នៅក្នុងទីផ្សាររថយន្តធំបំផុតលើពិភពលោក។
យោងតាមប្រភពព័ត៌មានបានឲ្យដឹងថា GM គ្រោងនាំយករថយន្ត Chevrolet Tahoe និង Chevrolet Suburban ទៅលក់នៅទីនោះ ក៏ដូចជា Cadillac Escalade និង GMC Yukon Denali ផងដែរ។
ផ្ទាំងផ្សាយពាណិជ្ជកម្ម
គួរឲ្យដឹងថា ក្រុមហ៊ុនផលិតរថយន្តអាមេរិកខាងលើកំពុងតែបង្អួតរថយន្តទាំងប៉ុន្មានម៉ូដែលខាងលើ នៅឯកម្មវិធី China International Import Expo (CIIE) ក្នុងទីក្រុងសៀងហៃ។
គួរបញ្ជាក់ថា នៅក្នុងត្រីមាសទី៣ នៃឆ្នាំ២០២០ នេះ រថយន្ត SUV ខ្នាតមធ្យមរបស់ GM ដោយក្នុងនោះមានម៉ាក Buick និង Cadillac បានជួយឲ្យចំនួនលក់នៅក្នុងប្រទេសចិនរបស់ពួកគេ កើនឡើងរហូតដល់ទៅ ១២% ឯណោះ៕
ផ្ទាំងផ្សាយពាណិជ្ជកម្ម
