ការកុម្ម៉ង់ទិញរថយន្ត Kia EV6 First Edition សម្រាប់ទីផ្សារសហរដ្ឋអាមេរិក បានបើកដំណើរការជាផ្លូវការកាលពីថ្ងៃទី០៨ ខែមិថុនាកន្លងទៅ ហើយត្រឹមតែមួយថ្ងៃប៉ុណ្ណោះមានអ្នកទិញរថយន្តនេះអស់រលីងគ្មានសល់។
រថយន្ត Kia EV6 First Edition មានផលិតត្រឹម ១៥០០គ្រឿងប៉ុណ្ណោះ ដែលជាប្រភេទពិសេសមួយរបស់រថយន្តអគ្គិសនីថ្មីនេះ។ អតិថិជនដែលកុម្ម៉ង់ទិញ EV6 First Edition ទទួលបានជម្រើសកាដូបីប្រភេទ ទីមួយគឺដុំសាកភ្លើងនៅផ្ទះ ទីពីរគឺបណ្ណ័សាកថ្ម ១០០០គីឡូវ៉ាត់ម៉ោង ឬនាឡិកាដៃវៃឆ្លាត Apple Watch មួយគ្រឿង។
ផ្ទាំងផ្សាយពាណិជ្ជកម្ម
គួរបញ្ជាក់រថយន្ត Kia EV6 First Edition មានបំពាក់មកស្រាប់នូវអាគុយចំណុះ ៧៧,៤គីឡូវ៉ាត់ម៉ោង ដោយប្រើប្រាស់នូវម៉ូទ័រអគ្គិសនីភ្លោះ រួមជាមួយប្រព័ន្ធបើកបរវិលកង់ទាំងបួនផងដែរ។ ការដឹកជញ្ជូនរថយន្ត Kia EV6 Edition នឹងចាប់ផ្ដើមនៅត្រីមាសទីមួយនៃឆ្នាំ២០២២៕
ផ្ទាំងផ្សាយពាណិជ្ជកម្ម
