ត្រៀមលុយ! Nissan នឹងបង្ហាញឡាន SUV អគ្គិសនីថ្មី ឆាប់ៗនេះហើយ (មានវីដេអូ)

ក្រុមហ៊ុនផលិតរថយន្តជប៉ុន Nissan បានប្រកាសថា ខ្លួននឹងដាក់បង្ហាញចេញនូវរថយន្ត SUV ម៉ូដែលថ្មីសន្លាងមួយ នៅថ្ងៃទី២០ ខែកក្កដា ឆ្នាំ២០២២ នេះ ដែលមានបំពាក់បច្ចេកវិទ្យា Hybrid ជំនាន់ចុងក្រោយបង្អស់របស់ខ្លួន។

ក្រុមហ៊ុន Nissan បាននិយាយថា៖

ផ្ទាំងផ្សាយពាណិជ្ជកម្ម

យើងនឹងបង្ហាញចេញនូវ the all-new Nissan SUV សម្រាប់ទីផ្សារជប៉ុន នៅថ្ងៃទី២០ ខែកក្កដា

គួរឲ្យដឹងថា រថយន្ត SUV នោះនឹងមានបំពាក់ប្រព័ន្ធ e-Power និង បច្ចេកវិទ្យា e-4orce ដែលជាបច្ចេកវិទ្យាអគ្គិសនីរបស់ Nissan។

Nissan e-Power Technology គឺជាការរួមបញ្ចូលគ្នានូវម៉ូទ័រអគ្គិសនីមួយ ជាមួយនឹងម៉ាស៊ីនចំហេះក្នុង ដែលប្រើសម្រាប់ការបម្លែងថាមពល ដែលមានន័យថា រថយន្តនោះនឹងដំណើរការដោយម៉ូទ័រអគ្គិសនីសុទ្ធ ប៉ុន្តែអាគុយវានឹងត្រូវសាកភ្លើងវិញ តាមរយៈម៉ាស៊ីនចំហេះក្នុង ខណៈពេលកំពុងបើកបរ។

ចំណែកឯ e-4orce វិញ គឺសំដៅទៅលើ Nissan Electric Drive Technology សម្រាប់រថយន្តប្រើម៉ូទ័រអគ្គិសនីចំនួន២ និងប៉ុងពីរ ដែលត្រូវបានឌីហ្សាញឡើងសម្រាប់ផ្តល់នូវការបើកបរមានផាសុកភាព និងលំនឹងល្អ៕

ផ្ទាំងផ្សាយពាណិជ្ជកម្ម