កាលពីប៉ុន្មានសប្តាហ៍កន្លងទៅ ក្រុមហ៊ុន Ford បានធ្វើការបញ្ចេញនូវរូបភាពពញ្ញាក់អារម្មណ៍ (Teaser) រួចមកហើយ សម្រាប់រថយន្ត Ford Ranger ឆ្នាំ២០២៣ ប៉ុន្តែគេនៅតែពុំទាន់មើលឃើញពីការផ្លាស់ប្តូរថ្មីនៃរថយន្តនេះ។
ជាក់ស្តែងថ្ងៃនេះ យោងតាមគេហទំព័រ Ranger6G បានធ្វើការបង្ហាញចេញនូវរូបភាពនៃរថយន្តភីកអាប់នេះកំពុងរត់នៅលើផ្លូវដោយពុំមានការបិទបាំងផ្នែកខាងមុខជិតដូចពេលកន្លងឡើយ។ ដូចទៅនឹងរូបភាពដែលបានបញ្ចេញនេះ ផ្នែកខាងមុខបំពាក់ជាមួយប៉ាណា អមដោយចង្កៀង និងអំពូលបំភ្លឺពេលថ្ងៃ រាងជាអក្ស C, Air intake នៅចំកណ្តាល និងកម្ពស់កាងទាបជាងមុន។
សម្រាប់ម៉ូឌែលឆ្នាំ២០២៣ថ្មី វាត្រូវបានគេរំពឹងថានឹងប្រើប្រាស់ជាមួយគ្រោងឆ្អឹង T6 platform ជម្រើសម៉ាស៊ីន ២,៣លីត្រ EcoBoost ៤ស៊ីឡាំង កម្លាំង ៣០០សេះ និងកម្លាំង៤៤១ញ៉ូតុនម៉ែត្រ ឬ ២,៧លីត្រ EcoBoost ៦ស៊ីឡាំង កម្លាំង ៣៣០សេះ និងកម្លាំង ៥៦៣ញ៉ូតុនម៉ែត្រ ឬ ជម្រើសម៉ាស៊ីន ៣,០លីត្រ EcoBoost V6 កម្លាំង ៤០០សេះ និងម៉ាស៊ីន Plug-in Hybrid៕
