រាជធានីភ្នំពេញថ្ងៃទី ២៦ ខែ តុលា ឆ្នាំ ២០២០៖ Royal Enfield មានមោទនភាពក្នុងការប្រកាសថា ម៉ូឌែលម៉ូតូរបស់ខ្លួនគឺ Interceptor 650 បានឈ្នះពានរង្វាន់ “Best Retro Bike of the Year 2020” របស់ MCN សម្រាប់ឆ្នាំទី២ នេះ។ តាមរយៈពានរង្វាន់ “Best Retro Bike of the Year 2020” MCN បាននិយាយថា៖ « ម៉ូតូ Interceptor 650 បានឆក់យកបេះដូង និងទាក់ទាញការចាប់អារម្មណ៍ ដោយកង់បែបបុរាណ ដែលមិនមានគូប្រជែងណា អាចធ្វើការលាយបញ្ចូលគ្នានៃភាពបុរាណ និងទាន់សម័យបានល្អ ដូច Royal Enfield ឡើយ »។
ពានរង្វាន់ប្រចាំឆ្នាំរបស់ MCN មាន ១៨ ប្រភេទ សម្រាប់ផ្ដល់ជូនដល់យានជំនិះគ្រប់ប្រភេទ ដោយ MCN បានសហការជាមួយក្រុមអ្នកជំនាញដើម្បីវិនិច្ឆ័យលើឧស្សាហកម្មម៉ូតូសម្រាប់ពានរង្វាន់ប្រចាំឆ្នាំរបស់ខ្លួន។ ក្រុមអ្នកសារព័ត៌មាន និងអ្នកប្រណាំងម៉ូតូដែលមានបទពិសោធ បានជជែកដេញដោលពីគុណសម្បត្តិ និងគុណវិបត្តិរបស់ម៉ាស៊ីននីមួយៗ ថាតើវាសមនឹងសេចក្តីត្រូវការនៃទីផ្សារដែរ ឬទេ ហើយប្រភេទមួយដែលដែលវាស្ថិតនៅ។ ការពិចារណាត្រូវបានផ្តល់ទៅឱ្យការអនុវត្តការលក់ ប្រតិកម្មរបស់អ្នកអាន/អតិថិជន ការរចនា ការច្នៃប្រឌិតបច្ចេកទេស និងការអនុវត្តជាទូទៅដើម្បីចេញមកជាមួយអ្នកឈ្នះរួមនៅក្នុងប្រភេទនីមួយៗ។ MCN បានពន្យល់ថា “ វាមិនងាយស្រួលទេក្នុងការឈ្នះពានរង្វាន់ MCN និងម៉ាស៊ីនណាដែលពិតជាបានបំពេញតម្រូវការទីផ្សារ និងទទួលបានការចាប់អារម្មណ៍ពីគណៈកម្មការវិនិច្ឆ័យដ៏មានជំនាញ »។
Royal Enfield ពិតជាមានមោទនភាពចំពោះភាពជោគជ័យរបស់ម៉ូឌែលកូនភ្លោះ ដែលមិនធ្លាប់មានចាប់តាំងពីការដាក់ឲ្យប្រើប្រាស់នូវ Interceptor 650 និង Continental GT នៅរដ្ឋកាលីហ្វ័រញ៉ា កាលពីខែតុលាឆ្នាំ ២០១៨។ MCN ដែលជាផ្នែកមួយនៃការធ្វើតេស្ត៍ម៉ូឌែលកូនភ្លោះនៅរដ្ឋកាលីហ្វ័រញ៉ាបានបង្ហាញថា៖ « ម៉ាស៊ីននេះមានភាពរស់រវើកដោយមិនមានការព្រួយបារម្ភ សប្បាយរីករាយក្នុងការជិះ ប្រកបដោយទំនុកចិត្ត »។
ភាពជោគជ័យជាបន្តរបស់ Interceptor 650 បានឆ្លុះបញ្ចាំងពីភាពជោគជ័យនៃការលក់នៅចក្រភពអង់គ្លេស ដែលជាម៉ូតូ naked bike ដែលលក់ដាច់បំផុតប្រចាំឆ្នាំរបស់ចក្រភពអង់គ្លេស ក៏ដូចជាម៉ូតូដែលលក់ដាច់បំផុតនៅគ្រប់ប្រភេទទាំងអស់នៅក្នុងខែមិថុនាឆ្នាំ ២០២០ ។ លោក Vimal Sumbly ប្រធាន APAC Business for Royal Enfield មានប្រសាសន៍ថា៖ « Interceptor គឺជាការរស់ឡើងវិញដ៏ទំនើបនៃកង់បុរាណដែលមានអាយុកាល ៧០ឆ្នាំ ដែលជាកង់ដំបូងរបស់ម៉ូឌែលភ្លោះដ៏លេចធ្លោ និងទទួលបានជោគជ័យយ៉ាងខ្លាំងពីការបណ្តាក់ទុនរួមគ្នារវាងក្រុម Chennai និងក្រុមចក្រភពអង់គ្លេសនៅ Bruntingthorpe ។ ខ្ញុំមានសេចក្តីសោមនស្សរីករាយក្នុងការចែករំលែកថា យើងបានឆ្លងកាត់ការលក់រាយរបស់កូនភ្លោះ 650cc ចំនួន ៦០០០ គ្រឿងនៅក្នុងតំបន់ APAC ។ កូនភ្លោះត្រូវបានគេពេញចិត្តយ៉ាងខ្លាំងចាប់តាំងពីការចាប់ផ្តើម ហើយវាគឺជាកិច្ចសហការរវាងអង់គ្លេស និងឥណ្ឌា។ Interceptor បានឈ្នះពានរង្វាន់ជាច្រើនក្នុងរយៈពេល ២ឆ្នាំចុងក្រោយនេះ។ មិនតែប៉ុណ្ណោះយើងជាយីហោពិភពលោកពិត ដែលនឹងបន្តរីកចម្រើន និងច្នៃប្រឌិតថ្មី យើងររំភើបយ៉ាងខ្លាំងចំពោះសក្តានុពលនៃយីហោនៅអាស៊ីអាគ្នេយ៍ ជាមួយនឹងការរីកចម្រើន និងការឆ្លើយតបដែលយើងបានឃើញក្នុងរយៈពេលពីរឆ្នាំកន្លងមកនេះ »។
អំពីក្រុមហ៊ុន Royal Enfield៖ Royal Enfield គឺជាយីហោម៉ូតូចាស់ជាងគេដែលបន្តឈរជើងមកទល់បច្ចុប្បន្ន ដោយបានបង្កើតម៉ូតូលើកដំបូងនៅឆ្នាំ ១៩០១។ Royal Enfield គឺជាបុត្រសម្ព័ន្ធរបស់ក្រុមហ៊ុន Eicher Motors Limited ដោយបានបង្កើតម៉ូតូទំហំកណ្ដាលនៅក្នុងប្រទេសឥណ្ឌា ជាមួយនឹងរូបរាង classic ការរចនាកង់បែបបុរាណ តែស្អាតប្លែក។ ដោយមានមូលដ្ឋានផលិតកម្មថ្មីរបស់ខ្លួននៅ Chennai នៃប្រទេសឥណ្ឌា ក្រុមហ៊ុន Royal Enfield អាចបង្កើនផលិតកម្មរបស់ខ្លួនយ៉ាងឆាប់រហ័សធៀបនឹងការកើនឡើងនៃតម្រូវការម៉ូតូ។ ជាមួយនឹងការលូតលាស់ជាង ៤០% ជារៀងរាល់ឆ្នាំក្នុងរយៈពេល ៥ ឆ្នាំចុងក្រោយនេះ Royal Enfield បានក្លាយជាអ្នកដើរតួយ៉ាងសំខាន់នៅក្នុងទីផ្សារម៉ូតូធុនមធ្យម និងកំពុងធ្វើការឆ្ពោះទៅរកការបង្កើតថ្មី ជាមួយនឹងម៉ូតូដែលបង្កើតនូវបទពិសោធន៍ដ៏អស្ចារ្យ ជាប់ចិត្ដ និងសប្បាយរីករាយក្នុងការជិះ។
ការដាក់បង្ហាញរបស់ Royal Enfield រួមបញ្ចូលទាំង Interceptor 650 និង Continental GT 650 ដែលបំពាក់ដោយម៉ាស៊ីនស៊ីឡាំងភ្លោះ 648cc ។ Royal Enfield ក៏ផលិតប្រភេទ Classic, Bullet និង Thunderbird ក្នុងកម្លាំង 350 និង 500cc ផងដែរ ហើយម៉ូឌែល Himalayan ក្នុងគោលបំណងបំពាក់ដោយម៉ាស៊ីន LS410 ថ្មី។ Royal Enfield ប្រតិបត្តិការតាមរយៈហាងចំនួន ១៨ ដែលដំណើរការដោយក្រុមហ៊ុន ជាង ៩៤០ ជាហាងទ្រង់ទ្រាយធំ និង ៥០០ ជាហាងទ្រង់ទ្រាយតូច នៅគ្រប់ទីក្រុង និងទីប្រជុំជននានាក្នុងប្រទេសឥណ្ឌា ហើយនាំចេញទៅប្រទេសជាង ៥០ នៅទូទាំងពិភពលោករួមមាន សហរដ្ឋអាមេរិក ចក្រភពអង់គ្លេស បណ្តាប្រទេសអ៊ឺរ៉ុប និងអាមេរិកឡាទីនមួយចំនួនក៏ដូចជាមជ្ឈិមបូព៌ា និងអាស៊ីអាគ្នេយ៍។
Royal Enfield ក៏រៀបចំនិងគាំទ្រព្រឹត្តិការណ៍ប្រណាំង និងជិះជាច្រើននៅទូទាំងពិភពលោកផងដែរ អ្វីដែលកាន់តែលេចធ្លោជាងនេះគឺ កម្មវិធីប្រណាំងម៉ូតូ Rider Mania ដែលជាការប្រមូលផ្តុំប្រចាំឆ្នាំរបស់អ្នកប្រណាំង Royal Enfield ពីទូទាំងពិភពលោក ទៅកាន់ឆ្នេរខ្សាច់ដ៏គួរឲ្យទាក់ទាញ របស់ Goa និង Himalayan Odyssey ដែលជាទីតាំងជិះយ៉ាងលំបាកបំផុត នៃផ្លូវពិបាកបំផុត និងភ្នំខ្ពស់បំផុត។ Royal Enfield ក៏បានបង្កើតនូវកម្មវិធីពេញនិយម «One Ride» ដែលមនុស្សនៅជុំវិញពិភពលោកជិះម៉ូតូរបស់ពួកគេនៅថ្ងៃអាទិត្យដំបូងនៃខែមេសា៕
