រថយន្ត​ភីកអាប់អគ្គិសនីរបស់ Ford រំពឹងថាចេញលក់ឆ្នាំ ២០២១

កាល​ពី​ដើម​ឆ្នាំ Ford បាន​បញ្ជាក់​អំពី​ផែនការ​ផលិត​រថយន្ត​​ F-150 មួយ​គ្រឿង​ជា​ប្រភេទ​អគ្គិសនី​សុទ្ធ ហើយ​ ៦ ខែ​ក្រោយ​មក​ ពួក​គេ​បាន​បង្ហាញ​អំពី​ថាមពល​របស់​រថយន្ត​ដែល​អាច​អូស​សណ្ដោង​ទម្ងន់​ ៥០០ តោន​បាន។

នៅ​ពេល​នេះ​ ការ​ចុះ​ផ្សាយ​របស់ Auto News បាន​បង្ហាញ​ថា​រថយន្ត F-150 ​ប្រើ​​អគ្គិសនី​សុទ្ធ​​នឹង​បង្ហាញ​មុខ​លឿន​បំផុត​នៅ​​ឆ្នាំ ២០២១ ប្រមាណ​ជា​ ១ ឆ្នាំ​បន្ទាប់​ការ​បង្ហាញ​ចេញ​រថយន្ត​ SUV អគ្គិសនី​របស់ Ford។ នេះ​​ផ្អែក​តាម​ការ​លើក​ឡើង​របស់​ Ted Cannis អ្នក​ដឹក​នាំ​ផ្នែក​​​ផលិត​រថយន្ត​អគ្គិសនី​របស់ Ford។

ផ្ទាំងផ្សាយពាណិជ្ជកម្ម

​​ជា​ការ​បើ​កផ្លូវ​សម្រាប់​រថយន្ត​ F-150​ ​ប្រភេទ​អគ្គិសនី គឺ​ក្រុមហ៊ុន​នឹង​បញ្ចេញ​ F-150 ប្រភេទ Hybrid ជា​មុន​ នៅ​ឆ្នាំ ២០២០។ ​គេ​បាន​កំណត់​គោលដៅ​ថា​នឹង​វាយ​លុក​ទីផ្សារ​មជ្ឈិមបូព៌ា​ និង​អាមេរិក​ខាង​ជើង ដែល​វា​នឹង​មាន​សមត្ថភាព​ខ្លាំង​ក្នុង​ការ​សណ្ដោង និង​ដឹក​ទំនិញ​ធ្ងន់​ៗ​ផង​ដែរ៕​​

ផ្ទាំងផ្សាយពាណិជ្ជកម្ម