ត្រឡប់ទៅកាន់ឆ្នាំ២០១៩ កន្លងទៅ ក្រុមហ៊ុន Ford និង Volkswagen បានប្រកាសភាពជាដៃគូររួមគ្នា ក្នុងការអភិវឌ្ឍន៍រថយន្ត បច្ចេកវិទ្យាបើកបរស្វ័យប្រវត្តិ និងប្រើប្រាស់គ្រោងឆ្អឹង MEB platform លើរថយន្តអគ្គសនីរបស់ Ford និងការអភិវឌ្ឍន៍រថយន្ត Volkswagen Amarok ជំនាន់ថ្មី ដែលប្រើប្រាស់គ្រោងឆ្អឹងដូចគ្នានឹងរថយន្ត Ford Ranger សេរ៊ីថ្មី។
ជាមួយកិច្ចព្រមព្រៀងនេះ Ford និង VW នឹងធ្វើការរួមគ្នាដើម្បីផលិតរថយន្តភីកអាប់ និងរថយន្តសម្រាប់ដឹកចំនួន ៨លានគ្រឿង។ ជាក់ស្តែងនាពេលនេះសម្មតិផលនេះបានបង្ហាញចេញ ជាមួយរថយន្តដឹកអ្នកដំណើរ (Van) ឈ្មោះថា Ford Tourneo Connect។
ជាក់ស្តែងវាបានបំពាក់ជាមួយកៅអីបីជួរ ដែលមានកន្លែងដាក់ឥវ៉ាន់បានចំនួន ៣ ១០០លីត្រ។ បន្ថែមពីនេះវាក៏បានបំពាក់ជាមួយថាសកង់ទំហំ ១៧អ៊ីញ, អេក្រង់កម្សាន្តទំហំ ៨,២៥អ៊ីញ និងកុងទ័របង្ហាញទំហំ ១០,២៥អ៊ីញ។
សម្រាប់រថយន្ត Ford Tourneo Connect បំពាក់ជាមួយជម្រើសម៉ាស៊ីនចំនួន ៣ជម្រើសគឺ ១,៥លីត្រ ទំហំ ៤ស៊ីឡាំង EcoBoost ផលិតកម្លាំងបាន ១១២សេះ និងម៉ាស៊ីនម៉ាស៊ូត EcoBlue ផលិតកម្លាំងបាន ១២០សេះ និង ១១០សេះ៕
