រថយន្ត Prius គឺមានការប្រើប្រាស់ច្រើននៅតាមទីប្រជុំជនឬជនបទ ដោយសារតែជារថយន្តដែលសន្សំសំចៃបានច្រើនលើការចំណាយថវិការ ជាពិសេសគឺប្រេងឥន្ធនៈរថយន្តតែម្តង ។ ហើយរថយន្ត Prius គឺភ្ជាប់មកជាមួយនៅបច្ចេកវិទ្យាទំនើបជាច្រើនបែប ដែលធ្វើអោយមានការចាប់ចិត្តស្រលាញ់និងមានគម្រោងក្នុងការទិញយកមកប្រើប្រាស់ផងដែរ។ ពេលនេះខាងក្រុមការងារ CAMBO Auto នឹងលើកយកគន្លឹះមួយគឺ របៀបកូវអាគុយរថយន្ត Prius មកបង្ហាញដល់បងប្អូនទាំងអស់គ្នាដូចខាងក្រោម៖
ជំហានទី១ ស្វែងរកទីតាំងប្រអប់ហ្វ៊ុយស៊ីបនៅក្រោមគម្របរថយន្តខាងមុខ
រថយន្ត Prius មិនអាចកូវរថយន្ត ដោយភ្ជាប់ចរន្តទៅនឹងអាគុយដូចរថយន្តម៉ូដែលផ្សេងទៀតបានឡើយ ផ្ទុយទៅវិញក្រុមហ៊ុន TOYOTA បានដំឡើង ដែកដំណប៉ូលបូក (+) (Position Lead) នៅក្នុងប្រអប់ហ៊ុយស៊ីបខាងក្រោមគម្របមុខរថយន្ត។
- ប្រអប់ហ៊ុ្វយស៊ីបមានទីតាំងនៅផ្នែកចំហៀងខាងអ្នកបើកបរនៅក្បែរចង្កៀងខាងមុខម៉ាស៊ីនរថយន្ត
- វាស្ថិតនៅក្រោមគម្របប្រអប់ហ៊្វុយស៊ីបពណ៌ខ្មៅ
ជំហានទី២ ដោះគម្របហ្វ៊ុយស៊ីប
ដោះគន្លឹះនៅផ្នែកម្ខាងនៃប្រអប់ហ៊្វុយស៊ីប ហើយដកវាចេញមកខាងលើ បន្ទាប់មកអ្នកនឹងឃើញហ៊ុ្វយស៊ីបនិងទែមីណាល់នៅខាងក្នុង។
- ត្រូវប្រាកដថាគន្លឹះនៃប្រអប់ហ៊ុ្វយស៊ីបមិនបានបែកឬវៀច ពេលអ្នកគាស់វាចេញ
- ទែមីណាល់នៅក្នុងប្រអប់ហ៊ុ្វយស៊ីបត្រូវបានសម្គាល់ដោយប៉ូលបូក (+) នឹងគ្រប់ដោយគម្របពណ៌ក្រហម
ជំហានទី៣ ភ្ជាប់ខ្សែរកូវអាគុយរថយន្តពណ៌ក្រហមទៅនឹងដែកដំណប៉ូលបូក (+)
មានទែមីណាល់ប៉ូលបូក(+)នៅក្នុងប្រអប់ហ៊ុ្វយស៊ីប ដែលអ្នកអាចភ្ជាប់ខ្សែរពណ៌ក្រហមពីខ្សែរកូវអាគុយបាន។ ភ្ជាប់ចុងម្ខាងទៀតនៃខ្សែរពណ៌ក្រហមទៅនឹងអាគុយប៉ូលបូក(+) នៃរថយន្តមួយទៀត។
- ត្រូវប្រាកដថា ខ្សែរកូវពណ៌ក្រហមត្រូវបានចាប់ភ្ជាប់យ៉ាងរឹងមាំទៅនឹងដែកដំណប៉ូលបូក(+) ក្នុងប្រអប់ហ៊ុ្វយស៊ីប
ជំហានទី៤ ភ្ជាប់ខ្សែរកូវពណ៌ខ្មៅប៉ូលដក(-) ទៅនឹងប៊ូឡុងលើតួររថយន្ត (Prius)
នៅក្នុងប្រអប់ហ៊ុ្វយស៊ីបគឺមិនមានដែកដំណប៉ូលដក (-) សម្រាប់ចាប់ភ្ជាប់ទេ គឺចាប់ភ្ជាប់ទៅនឹងប៊ូឡុងនៅលើតួររថយន្តតែម្តង។ ត្រូវប្រាកដថាក្បាលប៊ូឡុងដែលបានចាប់ភ្ជាប់គឺមិនមានថ្នាំពណ៌គ្របពីលើឡើយ ដើម្បីការចម្លងចរន្តបានល្អ។រួចភ្ជាប់ចុងម្ខាងទៀតនៃខ្សែរកូវពណ៌ខ្មៅទៅនឹងប៊ូលដក(-)នៃអាគុយនៅរថយន្តមួយទៀត
- សូមប្រយ័ត្ននៅពេលដែលខ្សែរទាំងពីរបានភ្ជាប់ទៅនឹងអាគុយរថយន្តមួយទៀត កុំអោយចុងខ្សែរទាំងពីរប៉ះគ្នាព្រោះអាចបង្កើតជាផ្កាភ្លើង
ជំហានទី៥ ចាប់ផ្តើមបើកដំណើរម៉ាស៊ីនរថយន្ត Prius
រង់ចាំពេលពី២ទៅ៣នាទី ដើម្បីអោយអាគុយនៃរថយន្តមួយទៀតសាកថាមពលអោយអាគុយរថយន្ត Prius បានល្មមសិនបន្ទាប់មកចូលក្នុងរថយន្ត ហើយចុចប៊ូតុងថាមពលដើម្បីបើកដំណើរការម៉ាស៊ីនម្តងទៀត ប្រសិនបើមិនអាចបញ្ឆេះបានសូមអ្នកកូវអាគុយរថយន្តទុកបន្តិចទៀតត្រូវប្រាកដការតភ្ជាប់ខ្សែរកូវអាគុយមានប្រសិទ្ធភាពនិងត្រឹមត្រូវ ប្រសិនបើការសាកហាក់ដូចជាមិនដំណើរការ៕
សូមទស្សនាវីដេអូលម្អិតខាងក្រោម៖
