Toyota Prius ធ្លាប់ជារថយន្តដែលទទួលបានការចាប់អារម្មណ៍យ៉ាងខ្លាំង ប៉ុន្តែរហូតមកដល់ពេលនេះ វាហាក់បីដូចជាបាត់បង់អ្នកប្រើប្រាស់ជាច្រើន ស្របពេលដែលយើងកំពុងខិតទៅរកសម័យកាលរថយន្តអគ្គិសនី។
ទោះបីជាយ៉ាងណាក៏ដោយ ក្រុមហ៊ុន Toyota បានបង្ហើបឲ្យដឹងជាលើកដំបូង អំពីរថយន្ត Prius ជំនាន់ថ្មី ក្នុងអំឡុងព្រឹត្តិការណ៍ E-Volution Event របស់ពួកគេ។
ថ្វីបើក្រុមហ៊ុនមិនបានបង្ហាញអំពីព័ត៌មានលម្អិតអ្វីច្រើន ប៉ុន្តែវាបាននិយាយថា “ចាំមើលជំនាន់ក្រោយ”។ ជាមួយនឹងពាក្យដ៏ខ្លីមួយនេះ គេរំពឹងថា រថយន្ត Toyota Prius ជំនាន់ក្រោយ នឹងទទួលបានការឌីហ្សាញរូបរាងថ្មី ហើយខ្លាំងជាងមុន និងសន្សំសំចៃជាងមុនផងដែរ។
គួរឲ្យដឹងថា រថយន្ត Toyota Prius មានជម្រើសម៉ាស៊ីន Hybrid ចំណុះ ១,៨លីត្រ ទំហំ ៤ស៊ីឡាំង ដំណើរការជាមួយម៉ូទ័រអគ្គិសនីមួយ និងកញ្ចប់អាគុយតូចមួយ មានកម្លាំងសរុប ១២១សេះ ហើយមានកម្រិតស៊ីសាំងជាមធ្យម ៤,២លីត្រ/១០០គីឡូម៉ែត្រ និងម៉ាស៊ីន Plug-in Hybrid ដែលមានបំពាក់កញ្ចប់អាគុយទំហំ ៨,៨គីឡូវ៉ាត់ម៉ោង អាចឲ្យវាបើកបរដោយប្រើថាមពលអគ្គិសនីសុទ្ធ ចម្ងាយ ៤០គីឡូម៉ែត្រ៕
