[បរទេស] យោងតាមគេហទំព័រ Drive ដែលជាប្រព័ន្ធផ្សព្ធផ្សាយរថយន្តរបស់ប្រទេសអូស្ត្រាលី បានបង្ហាញថា Ford RANGER ប្រភេទ Plug-in Hybrid គ្រោងនឹងចេញលក់ក្នុងប្រទេសអូស្ត្រាលីក្នុងឆ្នាំ ២០២៤ ។ លើសពីនេះ ក៏នឹងដាក់លក់នៅទីផ្សារសហរដ្ឋអាមេរិកផងដែរ។
សម្រាប់ភីកអាប់ Ranger អគ្គិសនីដំបូងគេនឹងត្រូវបានបំពាក់ដោយម៉ាស៊ីនសាំងចំណុះ ២,៣ លីត្រ turbocharged ទំហំ ៤ ស៊ីឡាំងរួមជាមួយនឹងម៉ូទ័រអគ្គិសនីចមួយ ឬម៉ូទ័រអគ្គិសនីពីរ។
គួរបញ្ជាក់ផងដែរថា ពីមុនលោក John Lawler ប្រធានផ្នែកហិរញ្ញវត្ថុរបស់ក្រុមហ៊ុន Ford បាននិយាយថា ប្រទេសថៃនឹងក្លាយជាមូលដ្ឋានផលិតកម្មសម្រាប់រថយន្ត FORD RANGER ហើយ FORD EVEREST នឹងក្លាយជាមជ្ឈមណ្ឌលផលិតកម្មក្នុងតំបន់សម្រាប់អគ្គិសនី EVs+PHEV ។ រថយន្ត Ford Ranger អគ្គិសនី ត្រូវបានគេរំពឹងថានឹងដើរតួយ៉ាងសំខាន់នៅក្នុងផែនការរបស់ក្រុមហ៊ុនរថយន្តយក្សរបស់សហរដ្ឋអាមេរិក។
បន្ថែមពីនេះ លោក Lawler បង្ហើបថា រោងចក្រនៅប្រទេសថៃ ដែលផលិតរថយន្ត Ranger និង Everest ត្រូវបានគេកំណត់ថាជាមជ្ឈមណ្ឌលរថយន្តអគ្គិសនីសម្រាប់ក្រុមហ៊ុន Ford ដោយបង្កើនលទ្ធភាពដែលរថយន្ត Ranger អគ្គិសនីនឹងមកដល់ ៕
