[បរទេស] ក្រុមហ៊ុនផលិតរថយន្ត Cadillac បានដាក់គោលដៅរបស់ខ្លួន ចង់ក្លាយជាក្រុមហ៊ុនផលិតរថយន្តអគ្គិសនីសុទ្ធ EV បែប Luxury ដែលលក់ដាច់បំផុតនៅសហរដ្ឋអាមេរិកក្នុងឆ្នាំ ២០២៥ ។
ក្នុងនោះ យោងតាម John Roth អនុប្រធានក្រុមហ៊ុនរថយន្តរបស់សហរដ្ឋអាមេរិកមួយនេះ បានលើកឡើងពីភាពជោគជ័យរបស់ រថយន្តអគ្គិសនីសុទ្ធ Cadillac Lyriq ដែលឃើញថាការលក់នៅទីផ្សារសហរដ្ឋអាមេរិកបានចំនួន ២៨ ៤០២ គ្រឿង កើនឡើង ២១០,៣% កាលពីឆ្នាំមុន ព្រមទាំងក្លាយជារថយន្ត SUV ប្រណិតខ្នាតមធ្យមដែលលក់ដាច់បំផុតនៅអាមេរិក ។
ក្រោពីនេះ Lyriq ក៏មានរថយន្តអគ្គិសនីសុទ្ធ Escalade IQ រួមទាំងម៉ូដែល Optiq និង Vistiq នឹងមកដល់ក្នុងត្រីមាសទីមួយនៃឆ្នាំ ២០២៥ ដែលនឹងនឹងឲ្យក្រុមហ៊ុន Cadillac មានជម្រើសរថយន្តអគ្គិសនីសុទ្ធនក្នុងគ្រប់ផ្នែករថយន្ត SUV ដ៏ប្រណីត។
គួរបញ្ជាក់ផងដែរថា ក្រុមហ៊ុនផលិតរថយន្ត Cadillac នឹងធ្វើការដាក់បង្ហាញចេញនៅរថយន្តអគ្គិសនីសុទ្ធ EV ជាច្រើនម៉ូដែលបន្ថែមទៀតនៅពេលខាងមុខ ៕
