[បរទេស] ក្រុមហ៊ុនផលិតរថយន្ត Tata Motor បានធ្វើការដាក់បង្ហាញចេញនៅគំរូរថយន្តអគ្គិសនីសុទ្ធម៉ូដែលថ្មីស្រឡាង Avinya X Concept នៅពិព័រណ៍រថយន្ត Auto Expo 2025 ដែលកំពុងធ្វើឡើងនៅប្រទេសឥណ្ឌា ។
គំរូរថយន្ត Tata Avinya X Concept ត្រូវបានផលិតឡើងនៅលើគ្រោងឆ្អឹង EMA Platform របស់ក្រុមហ៊ុន Jaguar Land Rover រំពឹងថាផ្គួបជាមួយអាគុយ ដែលអាចបើកបរបានចម្ងាយ ៤៨០គីឡូម៉ែត្រនៅពេលសាកថ្មពេញម្តង ។
ផ្ទាំងផ្សាយពាណិជ្ជកម្ម
សម្រាប់ការឌីស្សាញផ្នែកខាងក្រៅរបស់រថយន្តនេះ មានលក្ខណៈប្រអប់ជ្រុងបែប minimalistic ដោយមានប៉ាណាមុខបិទជិត ចង្កៀងមុខ-ក្រោយ LED រាងស្លីម ព្រមទាំងថាសកង់ស្ព័រទំហំ ២០អ៉ីញជាដើម ។
ចំពោះនៅផ្នែកខាងក្នុងវិញ ក៏ត្រូវបានឌីស្សាញបែប minimalistic ដោយមានអេក្រង់កំសាន្ត touchscreen ទំហំធំ សម្រាប់បញ្ជាមុខងារទូទៅនៅលើរថយន្ត ព្រមទាំងមានមុខងារផ្ទេរថាមពល V2L ផងដែរ ៕
ផ្ទាំងផ្សាយពាណិជ្ជកម្ម
