បន្ទាប់ពីធ្វើការរង់ចាំអស់ជាយូរ ពេលនេះ ក្រុមហ៊ុនផលិតរថយន្ត Haval បានធ្វើការប្រកាសគ្រោងនឹងដាក់បង្ហាញចេញជាផ្លូវការនូវរថយន្ត Haval Big Dog សេរ៊ីឆ្នាំ២០២៦ របស់ខ្លួនហើយ ដោយគ្រោងនឹងធ្វើឡើងនៅក្នុងថ្ងៃទី១៧ ខាងមុខនេះ នៅក្នុងទីផ្សារប្រទេសចិន។
ក្នុងនោះ រថយន្តជំនាន់ថ្មីនេះនឹងទទួលបាននូវការកែលម្អទៅលើប៉ាណាផ្នែកខាងមុខ ប៉ុន្តែការរចនាចង្កៀងមុខ-ក្រោយវិញ គឺនឹងរក្សាទុកនៅដដែល តែនឹងអាប់់ឌែតឲមានគុណភាពខ្លាំង ឬល្អជាងជំនាន់មុន។ លើសពីនេះ សម្រាប់ប្រវែង និងទំហំ ក៏ដូចជាផ្នែកផ្សេងៗទៀតក៏ទំនងជារក្សានៅដដែលផងដែរ។
ផ្ទាំងផ្សាយពាណិជ្ជកម្ម
ចំពោះនៅផ្នែកខាងក្នុងវិញ នឹងទទួលបាននូវកុងទ័របង្ហាញព័ត៌មានឌីជីថលទំហំ ៩អ៊ីញ និងអេក្រង់កំសាន្ត touchscreen ទំហំ ១៤,៦ អ៊ីញ ដែលដំណើរការដោយប្រព័ន្ធ Coffee OS 3 ខណៈព័ត៌មានលម្អិតផ្សេងទាក់ទងនឹងតម្លៃ ម៉ាសុីន ថាមពល មិនទាន់បង្ហាញចេញនៅឡើយទេ៕
ផ្ទាំងផ្សាយពាណិជ្ជកម្ម
