ក្នុងអំឡុងពេលដែលសហរដ្ឋអាមេរិកកំពុងប្រយុទ្ធនឹងជំងឺកូវីដ១៩ មានក្រុមហ៊ុនរថយន្តជាច្រើនបានបញ្ចេញប្រូម៉ូសិនពិសេសដូចជាការបញ្ចុះតម្លៃ និងសម្រួលលើលក្ខខណ្ឌបង់រថយន្តជាដើម។
ក្នុងនោះមានម៉ាករថយន្ត Aston Martin ដែលផ្ដល់ការបញ្ចុះតម្លៃរហូតដល់ជាង ១ម៉ឺនដុល្លារ ដែលមានបញ្ចូលនូវអត្រាការប្រាក់ ០% សម្រាប់ការបង់រយៈពេល ៣៦ ខែដំបូង។ ចំណែកក្រុមហ៊ុន Jaguar Land Rover វិញក៏មានផ្ដល់អត្រាការប្រាក់ ០% រយៈពេល ៧២ ខែ សម្រាប់រថយន្តជាច្រើនម៉ូដែលរបស់ខ្លួនផងដែរ។
ផ្ទាំងផ្សាយពាណិជ្ជកម្ម
ចំណែក Porsche Bentley និង Lamborghini វិញគឺមានផ្ដល់ការលើកលែងបង់ប្រាក់ ៩០ ថ្ងៃ ដែលស្មើនឹង ៣ខែ សម្រាប់អតិថិជនចាស់ៗរបស់ខ្លួនដែលជួបវិបត្តិផ្នែកហិរញ្ញវត្ថុដោយសារជំងឺកូវីដ១៩។ នេះបើផ្អែកតាមការចុះផ្សាយរបស់ CarsDirect៕
ផ្ទាំងផ្សាយពាណិជ្ជកម្ម
