Ferrari ចេញជម្រើសទឹកថ្នាំពណ៌ក្រហមថ្មី យកតាមឡានប្រណាំង F1 ២០២២

Ferrari គឺជាក្រុមហ៊ុនផលិតរថយន្តមួយ ដែលតែងតែគិតដល់ Performance និង ការប្រណាំង ហើយរថយន្តរបស់ពួកគេភាគច្រើន សុទ្ធតែបំផុសគំនិតចេញពីរថយន្តប្រណាំង។

ជាក់ស្តែង ថ្មីៗនេះ ក្រុមហ៊ុន Ferrari ទើបតែបានប្រកាសចេញជម្រើសទឹកថ្នាំពណ៌ក្រហមថ្មីមួយទៀត ដែលយកតាមពណ៌លើរថយន្តប្រណាំង Formula 1 ឆ្នាំ២០២២ ម៉ូដែល F1-75។

ពាណិជ្ជកម្ម

ទឹកថ្នាំនោះមានឈ្មោះថា “Rosso F1-75 Opaco” ដែលវានឹងចូលរួមជាមួយនឹងពណ៌ក្រហមចំនួន ៧ ជម្រើសផ្សេងទៀត ដែល Ferrari ផ្តល់ឲ្យ។

គួរឲ្យដឹងដែរថា ពណ៌ក្រហម Rosso F1-75 Opaco នេះ នឹងមានផ្តល់ឲ្យលើម៉ូដែល ដូចជា 812 (GTS, Competizione, Competizione A), 296 GTB, SF90 (Stradale និង Spider), F8 (Tributo និង Spider), Roma, និង Portofino M ព្រមទាំង Daytona SP3 ផងដែរ៕

Sponsored