ក្រុមហ៊ុន Ford ទើបតែបានប្រកាសចេញនូវតម្លៃលក់នៃរថយន្ត Mustang Mach 1 សម្រាប់ទីផ្សារប្រទេសអង់គ្លេស ដែលនឹងចេញលក់ជាផ្លូវការ នៅក្នុងខែមិថុនាខាងមុខ។
រថយន្ត Ford Mustang Mach 1 ឆ្នាំ២០២១ នេះនឹងមានតម្លៃចាប់ពី ៧៦ ៧៨០ដុល្លារ ដោយទទួលបានការអាប់ដេតលើរូបរាង និងផ្នែកមេកានិច លើសពីម៉ូដែល Mustang GT។
ផ្ទាំងផ្សាយពាណិជ្ជកម្ម
Mustang Mach 1 បំពាក់ម៉ាស៊ីនចំណុះ ៥,០លីត្រ ទំហំ ៨ស៊ីឡាំង មានកម្លាំង ៤៥៤សេះ ដំណើរការដោយប្រអប់លេខដៃ ៦វគ្គ ហើយក៏មាន Option ប្រអប់លេខអូតូ ១០វគ្គផងដែរ។
Mustang Mach 1 មានបំពាក់កាងកាត់ខ្យល់ខាងមុខដែលឌីហ្សាញថ្មី, កាងកាត់ខ្យល់ខាងក្រោយថ្មី ព្រមទាំងកាងកន្ទុយត្រីខាងក្រោយ ដែលជួយដល់ Aerodynamics ផងដែរ។ មិនតែប៉ុណ្ណោះ វាមានបំពាក់ពូកស្បែកស្ព័រ ហើយថែមទាំងកែកុនប្រព័ន្ធជើងក្រោមទៀតផង៕
ផ្ទាំងផ្សាយពាណិជ្ជកម្ម
