យោងតាមសារព័ត៌មាន Automotive News បានអោយដឹងថាក្រុមហ៊ុនផលិតរថយន្ត Nissan កំពុងតែធ្វើការសិក្សាទៅលើម៉ូដែលថ្មី សម្រាប់អាជីវកម្មរបស់ខ្លួនដែលជារថយន្តភីកអ៊ាបខ្នាតតូច និងអគ្គិសនីផងដែរ ពោលគឺដើម្បីប្រកួតប្រជែងជាមួយរថយន្តភីកអ៊ាប់ថ្មី Ford Maverick។
ស្ថិតនៅក្នុងជំនាន់នៃការចាប់អារម្មណ៌ខ្លាំងទៅលើរថយន្តភីកអ៊ាប់ មនុស្សទាំងអស់គ្នាបែរមកចង់បានរថយន្តភីកអ៊ាប់បែបកំសាន្តវិញ (Lifestyle) ជៀសជាងការប្រើប្រាស់សម្រាប់ល្បឿន ឬផ្លូវពិបាក Off-Road។ វាជាជោគជ័យរួចទៅហើយ សម្រាប់រថយន្ត ២ម៉ូដែលគឺ Ford Maverick និង Hyundai Santa Cruz ដែលទទួលបានការកក់យ៉ាងច្រើនលើសលប់ ជាពិសេសរថយន្តទាំង២នេះ ត្រូវបានផ្លាស់ប្តូរមកប្រើប្រាស់គ្រោងឆ្អឹងថ្មីដូចទៅនឹងរថយន្តប្រភេទគ្រួសារ Crossover លក្ខណៈ Uni-body។
Nissan មិនទាន់បានប្តេជ្ញាចិត្តធ្វើអ្វីនៅឡើយទេ ក៏ប៉ុន្តែយើងមានអារម្មណ៍យ៉ាងមុតមាំថាការពិភាក្សានេះនឹងលើសពីអ្វីដែលយើងទាំងអស់គ្នាចង់បាន។
