Nissan Leaf ឆ្នាំ២០២៣ លែងជាឡានអគ្គិសនីថោកបំផុតនៅអាមេរិកទៀតហើយ!

Nissan Leaf EV គឺជារថយន្តអគ្គិសនីដែលទទួលបានការចាប់អារម្មណ៍ និងប្រើប្រាស់យ៉ាងច្រើន អស់រយៈពេលជាច្រើនឆ្នាំមកហើយ នៅសហរដ្ឋអាមេរិក ហើយមកដល់ពេលនេះ វាក៏ទទួលបានការអាប់ដេតច្រើនដែរ។

ទោះបីជាយ៉ាងណាក៏ដោយ សម្រាប់ស៊េរីឆ្នាំ២០២៣ នេះ រថយន្ត Nissan Leaf S និង SV Plus បានឡើងថ្លៃដល់ ២៧ ៨០០ ដុល្លារ និង ៣៥ ៨០០ ដុល្លារ ពោលគឺថ្លៃជាងស៊េរីឆ្នាំ២០២២ ចំនួន ៤០០ដុល្លារ សម្រាប់ទីផ្សារសហរដ្ឋអាមេរិក។

ផ្ទាំងផ្សាយពាណិជ្ជកម្ម

ចំពោះស៊េរីឆ្នាំ២០២៣ វាបានអាប់ដេតទៅលើការឌីហ្សាញតិចតួច និង ពង្រឹងផ្នែកសុវត្ថិភាព ហើយការឡើងថ្លៃនេះមិនបង្កឲ្យមានការខាតបង់ដល់អតិថិជនច្រើនឡើយ ប៉ុន្តែ Leaf EV លែងជារថយន្តអគ្គិសនីមានតម្លៃថោកបំផុតនៅអាមេរិកទៀតហើយ។

ដោយឡែក ដំណែងខាងលើនេះត្រូវបានធ្លាក់លើរថយន្តអគ្គីសនី Chevrolet Bolt EV ឆ្នាំ២០២៣ ដែលមានតម្លៃចាប់ពី ២៦ ៥៩៥ដុល្លារប៉ុណ្ណោះ។ Bolt EV ផ្តល់ចម្ងាយបើកបរ ៤១៦គីឡូម៉ែត្រ នៅពេលសាកភ្លើងពេញម្តង ខណៈម៉ូដែល Leaf EV S ផ្តល់ចម្ងាយបើកបរត្រឹមតែ ២៤០គីឡូម៉ែត្រប៉ុណ្ណោះ។

យ៉ាងណាមិញ Leaf EV ឆ្នាំ២០២៣ មានបំពាក់ប្រព័ន្ធ Nissan Safety Shield 360 មកស្តង់ដារ ដោយក្នុងនោះរួមមានមុខងារសុវត្ថិភាពចំនួន ៦ មុខ។ ចំណែកឯម៉ូដែល SV នឹងមានបន្ថែមប្រព័ន្ធ ProPILOT Assist ព្រមទាំង Steering Assist Technology ិនិង Intelligent Cruise Control ទៀតផង៕

ផ្ទាំងផ្សាយពាណិជ្ជកម្ម