ឡានអគ្គិសនី Mini Cooper SE ឆ្នាំ២០២០ តម្លៃមិនដល់៣ម៉ឺនដុល្លារ

October 29, 2019

ក្រុមហ៊ុន Mini បានបញ្ចេញតម្លៃនៃរថយន្តអគ្គិសនីស៊េរីថ្មីរបស់ខ្លួន គឺ Cooper SE ដែលនឹងដាក់លក់នៅសហរដ្ឋអាមេរិក ក្នុងខែមីនា ឆ្នាំ២០២០ ខាងមុខ។

រថយន្ត Mini Cooper SE ឆ្នាំ២០២០ នេះ នឹងមានតម្លៃចាប់ពី ២៩ ៩០០ដុល្លារលើទីផ្សារអាមេរិក។ វានឹងមានចំនួន ៣ម៉ូដែល ដោយប្រភេទ Base Model បំពាក់យ៉ាន់ទំហំ ១៦អ៊ីង, ចង្កៀងមុខ និងអំពូលកាត់អ័ព្ទប្រភេទ LED, អេក្រង់ទំហំ ៦,៥អ៊ីង, កុងទ័រឌីជីថល, មុខងារ Apple CarPlay, Bluetooth, កាមេរ៉ាក្រោយ, ភ្លិតទឹកអូតូ, កម្តៅកញ្ចក់ចំហៀង, កម្តៅកៅអីមុខ។

ក្នុងនោះក៏មានមុខងារ Cruise control, Active Driving Assistant with Forward Collision Warning និង Acoustic Pedestrian Warning មកស្តង់ដារដែរ។

វាប្រើម៉ាស៊ីនដែលមានកម្លាំង ១៨១សេះ, ប៉ុងមួយវិលកង់មុខ, អាចរត់ពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៦,៩វិនាទី ហើយមានល្បឿនអតិបរមា ១៥០គីឡូម៉ែត្រក្នុងមួយម៉ោង។

កញ្ចប់អាគុយកម្លាំង ៣២គីឡូវ៉ាត់ម៉ោងរបស់វា អាចគាំទ្រការសាកភ្លើងកម្លាំង ៧,៤គីឡូវ៉ាត់ ដោយត្រូវចំណាយពេល ៤ម៉ោងដើម្បីសាកភ្លើងនៅផ្ទះឲ្យបាន ៨០%។ សាកភ្លើងមួយពេញវាអាចរត់បានចម្ងាយចន្លោះពី ២៣៥ ទៅ ២៧០គីឡូម៉ែត្រ៕

ផ្ទាំងផ្សាយពាណិជ្ជកម្ម

Ford ប្រកាសឈប់ផលិតរថយន្តម៉ូដែល Flex

October 29, 2019

Ford Flex គឺជារថយន្តគ្រួសារមួយប្រភេទ ដែលមានភាពខុសប្លែកពីគេបំផុត វាមិនមែនជាប្រភេទរថយន្ត Minivan ហើយក៏មិនមែនជាប្រភេទរថយន្ត SUV ដែរ។

យ៉ាងណាក្ដីភាពខុសប្លែករបស់វាមិនអាចជួយឲ្យក្រុមហ៊ុនរកចំណូលបានច្រើននោះទេ ដូចនេះហើយទើប Ford សម្រេចចិត្តដកចេញនូវរថយន្តម៉ូដែល Flex នេះ។ Ford បានប្រកាសថាការផលិតរថយន្ត Flex នឹងត្រូវបញ្ឈប់នៅរោងចក្រនៃប្រទេសកាណាដា ជាកន្លែងដែលផលិតរថយន្តនេះអស់ជាង ១០ ឆ្នាំមកហើយ។

ទោះបីជាមានអ្នកគាំទ្រស្មោះស្ម័គ្រ ប៉ុន្តែ Flex មិនដែលពេញនិយមសម្រាប់អតិថិជននោះទេ។ ចំនួនលក់ខ្ពស់បំផុតនៅអាមេរិកគឺនៅឆ្នាំ ២០០៨ ដែលរថយន្តនេះលក់បាន ៣៨ ៧១៧ គ្រឿង ហើយវាធ្លាក់នៅត្រឹមចន្លោះ ២០ ០០០ ទៅ ២២ ០០០ គ្រឿង ក្នុងរយៈពេល ៤ ឆ្នាំចុងក្រោយ។

ក្នុងរយៈពេល ១១ ឆ្នាំមកនេះ Ford លក់រថយន្ត Flex នេះបានជាង ២៩៦ ០០០ គ្រឿង។ ក្រុមហ៊ុនមិនបានបញ្ជាក់អំពីអ្នកជំនួសតំណែងរថយន្ត Flex នេះទេ ប៉ុន្តែអតិថិជនទំនងជាមើលទៅម៉ូដែល Explorer ជំនួសវិញ៕

ផ្ទាំងផ្សាយពាណិជ្ជកម្ម

មើលរូបរាងរថយន្ត Lamborghini Urus ទុកប្រើក្នុងកម្មវិធីប្រណាំងរថយន្ត

October 29, 2019

Lamborghini បានបង្ហាញរូបភាពជាច្រើននៃរថយន្តប្រណាំង Urus ST-X ដែលរថយន្តនេះនឹងត្រូវចូលរួមក្នុងកម្មវិធីប្រណាំងរថយន្ត Super Trofeo 2020 World Finals នៅតំបន់ Misano Adriatico ប្រទេសអ៊ីតាលី។

រថយន្តនេះបានបង្ហាញមុខដំបូងនៅខែវិច្ឆិកាឆ្នាំ ២០១៨ ក្នុងនាមជារថយន្ត Concept តែប៉ុណ្ណោះ។ លើរថយន្តនេះ Lamborghini បានបំពាក់នូវប្រព័ន្ធពន្លត់អគ្គិភ័យ និងធុងប្រេង FT3។ ក្រុមហ៊ុនក៏បានធ្វើការកែប្រែបន្ថែមដើម្បីធានាថា Urus ST-X នេះមានទម្ងន់ស្រាលជាងប្រភេទធម្មតា ដោយវាមានទម្ងន់ត្រឹម ១ ៦៤៩ គីឡូក្រាម ស្រាលជាង ២៥%។

Urus ST-X មានបំពាក់ដោយម៉ាស៊ីន Twin-Turbo ចំណុះ ៤,០ លីត្រ ៨ ស៊ីឡាំង ដូចប្រភេទធម្មតាដែរ ដែលផលិតកម្លាំងបាន ៦៤១ សេះ។ តួលេខនៃល្បឿនមិនទាន់បង្ហាញនៅឡើយទេ ប៉ុន្តែប្រភេទធម្មតាមានល្បឿនអតិបរមា ៣០៥ គ.ម/ម៉ ហើយបង្កើនសន្ទុះពី ០-១០០ គ.ម/ម៉ ក្នុងពេលតែ ៣,៦ វិនាទី៕

ផ្ទាំងផ្សាយពាណិជ្ជកម្ម

Lexus RX 450 ឆ្នាំ ២០២០ នៅវៀតណាម លក់តម្លៃ ២០ម៉ឺនដុល្លារ

October 28, 2019

រថយន្ត RX 450h ស៊េរីឆ្នាំ ២០២០ បានបង្ហាញមុខនៅក្នុងកម្មវិធីតាំងបង្ហាញរថយន្ត VMS កាលពីពេលកន្លងទៅថ្មីៗនេះ។ ពេលនេះមានការបង្ហាញតម្លៃលក់ពីក្រុមហ៊ុន Lexus ប្រចាំប្រទេសវៀតណាម ដែលរថយន្តម៉ូដែលនេះមាន ៤,៦៤ ពាន់លានដុង ស្មើនឹងប្រមាណ ២០ ម៉ឺនដុល្លារ។

RX 450h គឺជាស៊េរីឆ្នាំ ២០២០ ដែលវាមានការផ្លាស់ប្ដូរបន្តិចបន្តួចលើការឌីហ្សាញ និងមានបច្ចេកវិទ្យាថ្មីៗលើសពីស៊េរីមុន។ អំពូលភ្លើងខាងមុខហាក់មានរាងស្លីមជាងមុន ហើយរន្ធខ្យល់បានប្ដូររចនាបថថ្មីផងដែរ។ ចំណែកផ្នែកខាងក្នុងរបស់ RX 450h ឆ្នាំ ២០២០ មិនមានការផ្លាស់ប្ដូរនោះឡើយ។

ចំពោះប្រព័ន្ធម៉ាស៊ីនវិញ Lexus RX 450h នៅតែបំពាក់ប្រព័ន្ធម៉ាស៊ីន Hybrid ដែលប្រើម៉ាស៊ីនសាំងចំណុះ ៣,៥ លីត្រ ៦ ស៊ីឡាំង គួបផ្សំនឹងម៉ូទ័រអគ្គិសនីចំនួនពីរ អាចផលិតកម្លាំងបាន ៣០៨ សេះ ដូចស៊េរីមុនដែរ៕

ផ្ទាំងផ្សាយពាណិជ្ជកម្ម

ទីបំផុតក្រុមហ៊ុន JLR ទទួលបានប្រាក់ចំណេញ ដោយសាររថយន្តមួយម៉ូដែល

October 28, 2019

កាលពីចន្លោះខែមេសា ដល់ខែមិថុនាឆ្នាំ ២០១៩ ក្រុមហ៊ុន Jaguar Land Rover បានបង្ហាញរបាយការណ៍ហិរញ្ញវត្ថុដែលឃើញថាមានខាតបង់ដល់ទៅ ៥០៦ លានដុល្លារ ដោយសារការលក់ថយចុះ និងការបិទរោងចក្រដោយសារបញ្ហា Brexit ផងដែរ។ វាជាស្ថានការណ៍ដ៏អាក្រក់មួយ ប៉ុន្តែយុទ្ធសាស្ត្រស្រោចស្រង់របស់ JLR ចាប់ផ្ដើមចេញផ្លែផ្កាហើយ។

យោងតាមរបាយការណ៍ហិរញ្ញវត្ថុប្រចាំត្រីមាសទី ៣ របស់ក្រុមហ៊ុន បានបង្ហាញថាក្រុមហ៊ុនអាចរកប្រាក់ចំណេញបានប្រមាណ ២០០ លានដុល្លារ ជាប្រាក់ចំណេញមុនគិតពន្ធ។ មើលលើប្រាក់ចំណូលវិញគឺមានប្រមាណ ៧,៨ ពាន់លានដុល្លារ កើនឡើង ៨% ធៀបនឹងឆ្នាំមុន។

ខណៈដែលចំនួនលក់សរុបថយចុះ ០,៧% គេឃើញថាការលក់នៅប្រទេសចិនរបស់ JLR មានការកើនឡើង ២៤,៣%។ ការចេញលក់រថយន្តថ្មី Range Rover Evoque ក៏បានជួយឲ្យ JLR រកប្រាក់ចំណេញបានផងដែរ ដោយការលក់សរុបលើសកលលោករបស់រថយន្តនេះមានការកើនឡើងដល់ ៥៤,៦%។ ចំណែកចំនួនលក់រថយន្ត Range Rover Sport គឺកើនឡើង ១៧,៥% ហើយការលក់រថយន្ត Jaguar I-Pace ក៏មានការកើនឡើង ២ ៥៩៣ គ្រឿងផងដែរ៕

ផ្ទាំងផ្សាយពាណិជ្ជកម្ម

Hyundai ចង់លក់ឡានអគ្គិសនីឲ្យបានកន្លះលានគ្រឿង នៅឆ្នាំ២០២៥

October 28, 2019

ក្រុមហ៊ុន Hyundai មានគម្រោងធំចំពោះរថយន្តអគ្គិសនីរបស់ខ្លួន ដោយកំណត់គោលដៅលក់ឲ្យបាន ៥៦០ ០០០គ្រឿងក្នុងមួយឆ្នាំ នៅឆ្នាំ២០២៥។

ក្នុងអំឡុងការប្រកាសកាលពីដើមសប្តាហ៍មុន ក្រុមហ៊ុនរថយន្តកូរ៉េខាងត្បូងនេះ ក៏បានបង្ហាញពីគម្រោងចង់បញ្ចេញរថយន្តអគ្គិសនីចំនួន ១៦ម៉ូដែលត្រឹមឆ្នាំ២០២៥។

ជាមួយគ្នានេះ គូប្រជែងដូចជា Volkswagen កំពុងរំពឹងថានឹងលក់រថយន្តអគ្គិសនីឲ្យបាន ២២លានគ្រឿងក្នុងរយៈពេល ១០ឆ្នាំទៀត ខណៈ General Motors ចង់លក់រថយន្តអគ្គិសនីឲ្យបាន ១លានគ្រឿងត្រឹមឆ្នាំ២០២៥។

គួរឲ្យដឹងថា បច្ចុប្បន្ននេះក្រុមហ៊ុន Hyundai មានរថយន្តអគ្គិសនីម៉ូដែល Ioniq ដែលប្រើកញ្ចប់អាគុយទំហំ ៣៨គីឡូវ៉ាត់ម៉ោង មានកម្លាំង១៣៤សេះ អាចបើកបរបានចម្ងាយជិត ៣០០គីឡូម៉ែត្ររាល់ពេលសាកភ្លើងពេញម្តង។ ក្រៅពីនោះ ក្រុមហ៊ុននេះក៏មានរថយន្ត Hybrid និង Plug-in Hybrid ជាច្រើនម៉ូដែលទៀតផងដែរ៕

ផ្ទាំងផ្សាយពាណិជ្ជកម្ម

Mazda6 ឆ្នាំ២០២០ ចេញតម្លៃលក់តែជាង ២ម៉ឺនដុល្លារ

October 28, 2019

រថយន្ត Mazda6 ស៊េរីឆ្នាំ២០២០ នឹងត្រូវដាក់លក់ជាផ្លូវការនៅសហរដ្ឋអាមេរិក ក្នុងតម្លៃចាប់ពី ២៤ ០០០ដុល្លារ ពោលគឺថ្លៃជាងស៊េរីចាស់ត្រឹម ២០០ដុល្លារប៉ុន្ណោះ។

វាប្រើម៉ាស៊ីនសាំងចំណុះ ២,៥លីត្រ Skyactiv-G មានកម្លាំង ១៨៧សេះ និង ម៉ាស៊ីនសាំងចំណុះ ២,៥លីត្រ Turbocharged មានកម្លាំង ២៥០សេះ ប្រើប្រអប់លេខអូតូ ៧វគ្គ។

វាបំពាក់បច្ចេកវិទ្យាសុវត្ថិភាព i-Activsense ដោយក្នុងនោះមានមុខងារជាច្រើន ដូចជា Mazda Radar Cruise Control with stop and go, Advanced Smart City Brake Support with Pedestrian Detection, Smart Brake Support with Collision Warning, Lane Departure Warning with Lane-Keep Assist និង Blind Spot Monitoring with Rear Cross-Traffic Alert ។

ក្រៅពីនោះ Mazda6 មានម៉ូដែលផ្សេងទៀត ដូចជា Touring តម្លៃចាប់ពី ២៦ ៦០០ដុល្លារ, Grand Touring តម្លៃចាប់ពី ២៩ ៧០០ដុល្លារ, Grand Touring Reserve តម្លៃចាប់ពី ៣២ ២០០ដុល្លារ និង Signature តម្លៃចាប់ពី ៣៥ ៣០០ដុល្លារ៕

ផ្ទាំងផ្សាយពាណិជ្ជកម្ម

ឡាន Cadillac Escalade ពាសដែក អាចមានតម្លៃជិតខ្ទង់លានដុល្លារ

October 26, 2019

ក្រុមហ៊ុនបំពាក់ពាសដែកការពារគ្រាប់ដ៏ល្បីមួយរបស់ប្រទេសកាណាដា មានឈ្មោះថា Inkas Armored Vehicle Manufacturing បានបង្ហាញតម្លៃនៃកញ្ចប់ Option បំពាក់ពាសដែកការពារគ្រាប់ សម្រាប់រថយន្ត Cadillac Escalade ស៊េរីឆ្នាំ ២០១៩ ហៅថា “Chairman Package”។

កញ្ចប់ Option “Chairman Package” នេះ នឹងធ្វើឲ្យរថយន្ត SUV ដ៏ពេញនិយមនាប៉ែកអឺរ៉ុបកាន់តែមានសុវត្ថិភាពសម្រាប់អ្នកដំណើរ ជាមួយនឹងការបំពាក់អាវក្រោះការពារគ្រាប់ ប្រភេទ BR6-level និង 360-degree ballistic armoring ដែលអាចការពារពីគ្រាប់កាំភ្លើងប្រភេទ 7.62mm និង 308 Winchester FMJ ផងដែរ។

ជាមួយគ្នានេះ កញ្ចប់ Option ដ៏ពិសេសខាងលើ នឹងផ្តល់ឲ្យអ្នកដំណើរនូវផាសុកភាពកម្រិតប្រធានាធិបតីតែម្តង។ កាប៊ីនខាងក្នុងបំពាក់ទៅដោយកៅអីស្បែក ដែលមានមុខងារកម្តៅ និងបញ្ចេញខ្យល់ ហើយថែមទាំងមានមុខងារម៉ាស្សាទៀតផង។ មិនតែប៉ុណ្ណោះ វាបានបំពាក់ប្រព័ន្ធកម្សាន្ត និងប្រព័ន្ធសំឡេង Surround Sound System ដ៏ទំនើប ដោយក្នុងនោះក៏មានទូរទស្សន៍ 4k Smart TV, បច្ចេកវិទ្យា 4G LTE, មុខងារ Apple CarPlay និង Android Auto ផងដែរ។

រថយន្ត Escalade ពាសដែកនេះក៏បានបំពាក់កាមេរ៉ាសុវត្ថិភាព ដែលអាចមើលឃើញកម្រិត ៣៦០ ដឺក្រេ , Satellite TV , ប្រព័ន្ធទូរសព្ទពិសេស , ទូដាក់កាំភ្លើងប្រភេទ Biometric និង ច្រើនទៀត។

សូមបញ្ជាក់ថា កញ្ចប់ Option “Chairman Package” នេះ អាចមានតម្លៃចន្លោះពី ៣០ ម៉ឺន ដល់ ៥០ ម៉ឺនដុល្លារ អាស្រ័យលើគ្រឿងបរិក្ខារដែលបានបំពាក់ បូករួមទាំងតម្លៃរថយន្ត Cadillac Escalade ទៀត អាចជិតដល់ខ្ទង់លានដុល្លារ៕

ផ្ទាំងផ្សាយពាណិជ្ជកម្ម

ឡាន ៨ ម៉ូដែល ចិនចម្លងពីគេដូចសឹងបេះដាក់!

October 26, 2019

ចិន គឺជាប្រទេសមួយដែលនិយមចូលចិត្តចម្លងតាមបរទេស ជាក់ស្តែងដូចជាវិស័យឧស្សាហកម្មរថយន្តអីចឹង។ ក្រុមហ៊ុនផលិតរថយន្តចិនមួយចំនួន បានចម្លងរូបរាងរថយន្តពីបរទេស ដូចជា Mercedes-Benz, Jeep, Bentley, Ferrari និង Porsche ជាដើម។

សូមបញ្ជាក់ថា ចិន បានអនុម័តច្បាប់ការពារក្រុមហ៊ុនផលិតរថយន្តក្នុងស្រុករបស់ខ្លួន ដោយវាស្ទើរតែមិនអាចទៅរួចទេ សម្រាប់ក្រុមហ៊ុនផលិតរថយន្តបរទេសក្នុងការបង្ហាញតុលាការចិនថា ប៉ាតង់របស់ពួកគេត្រូវបានលួចចម្លងយកទៅនោះ។

ខាងក្រោមនេះគឺជារថយន្តចិនដែលចម្លងតាមគេទាំង ៨ ម៉ូដែល មានរូបរាងស្ទើរដូចរថយន្តដើមបេះបិទតែម្តង៕

១) Eagle Came ចម្លងតាម Ferrari និង Porsche

២) BYD S8 ចម្លងតាម Mercedes-Benz CLK-Class

៣) BAIC BJ80 ចម្លងតាម Mercedes-Benz G-Class

៤) BAIC BJ90 ចម្លងតាម Jeep Grand Cherokee

៥) Hawtai B35 ចម្លងតាម Porsche Cayenne

៦) Geely GE ចម្លងតាម Rolls-Royce Phantom

៧) Jinma JMW 2200 ចម្លងតាម BMW i3

៨) Land Wind X7 ចម្លងតាម Range Rover Evoque

ផ្ទាំងផ្សាយពាណិជ្ជកម្ម

អាចចំនេញច្រើន បើគ្រាន់តែប្តូរទម្លាប់បន្តិចនេះក្នុងការប្រើប្រាស់រថយន្ត

October 26, 2019

តើអ្នកទាំងអស់គ្នាមានបទពិសោធន៍ប៉ុន្មានឆ្នាំហើយក្នុងការប្រើប្រាស់រថយន្ត ឬក៏ទើបតែប្រើប្រាស់ថ្មីៗ? ថ្ងៃនេះយើងខ្ញុំសូមលើកឡើងនូវទំលាប់សាមញ្ញមួយចំនួនៗដែលអាចបង្ករជាបញ្ហាដោយមិនដឹងខ្លួន ហើយថែមទាំងចំណាយលុយច្រើនក្នុងការជួសជុលដោយមិនចាំបាច់ទៀតផង។

១. ពុំសូវចាប់អារម្មណ៍ លើការលាន់ស្នូរផ្សេងៗក្នុងពេលកំពុងបើកបរ ៖ នៅពេលដែលមានសំលេងចម្លែកណាមួយកើតឡើងខុសប្រក្រតីក្នុងពេលបើកបរ អ្នកគួរតែស្វែងរកប្រភពនៃសំលេងនោះ ទោះជាវាតិចតួចយ៉ាងណាក៏ដោយ។ ព្រោះការលាន់ស្នូរជាសញ្ញាណមួយបញ្ជាក់ថាមានចំនុចណាមួយនៃរថយន្តអាចនឹងមានបញ្ហា ហើយបើយើងមើលរំលងវានោះ យូរៗទៅវានឹងបង្ករជាកាខូចខាតធ្ងន់ធ្ងរ ការចំនាយកាន់តែច្រើនលើការជួសជុល បើសិនជាយើងរកដំណោះស្រាយមិនទាន់ពេលវេលានោះ។

២. រង់ចាំជិតអស់សាំង/ម៉ាស៊ូតពីធុងទើបចាក់បន្ថែម ៖ ជាទូទៅក្នុងធុងឥន្ធនៈគឺតែមានសារធាតុកករ ជាតិទឹក ដែលជ្រៀតចូលពេលចាក់ដោយពុំប្រុងប្រយ័ត្នត្រឹមត្រូវ ហើយព្រមជាមួយជាតិច្រែះដែលកើតឡើងនៅបាតក្រោមនៃធុងផងដែរ។ កាលណាយើងទុកសាំងរហូតជិតអស់នោះ ឥន្ធនៈលាយឡំនិងច្រែះទាំងនោះនឹងត្រូវបូមចូលទៅក្នុងទុយោសាំង ដែលបង្ករជាការកកស្ទះ ឬខូចកន្លែងណាមួយនៃប្រព័ន្ធឥន្ទនៈតែម្តង។

៣. ការជាន់ហ្វ្រាំង ដោយពុំចាំបាច់ ៖ តើអ្នកនៅចាំទេ រក្សារគំលាតសុវត្ថិភាព គឺជាអ្វីដែលយើងតែងតែបានរៀនពីសាលាបើកបរ។ តើអ្នកដឹងទេ ទម្លាប់ក្នុងទុកគំលាតត្រឹមត្រូវក្នុងពេលបើកបរមិនត្រឹមតែជួយយើងអោយគេចផុតពីការប៉ះទង្គិចផ្សេងៗនោះទេ វាថែមទាំងកាត់បន្ថយការជាន់ហ្រ្វាំងផ្សេងៗដែលមិនចាំបាច់ ដែលនាំអោយស្បែកហ្វ្រាំង ក៏ដូចជា តាំបូ (Rotor Disc) អាចប្រើប្រាស់បានកាន់តែយូរផងដែរ។ មួយវិញទៀតការប្រើប្រាស់ហ្រ្វាំងមិនត្រឹមត្រូវបណ្តាលអោយរថយន្តស៊ីសាំងអស់ច្រើនជាងធម្មតាផងដែរ។

ដូចអ្វីដែលបានលើកឡើងខាងលើ ទម្លាប់ទាំង៣ខាងលើគឺងាយស្រួលបំផុតក្នុងការកែប្រែ ហើយថែមទាំងអាចជួយលោកអ្នកអោយគេចផុតពីការចំនាយថវិការជួសជុលជាច្រើនដែលមិនចាំបាច់។ បន្ថែមពីនេះការប្តូរប្រេង និងពិនិត្យប្រព័ន្ធសុវត្ថិភាពផ្សេងៗអោយបានទៀងទាត់ គឺគន្លិះសំខាន់ជាងគេដែលអ្នកជំនាញជាទូទៅតែងណែនាំទៅកាន់ម្ចាស់រថយន្តគ្រប់ប្រភេទគួរកុំមើលរំលង (បើតាមអ្នកបច្ចេកទេស រថយន្តគួរប្តូរប្រេងរៀងរាល់ ៣ខែឬ៥,០០០គ.ម)។

អ្វីដែលធ្វើអោយម្ចាស់រថយន្តទាំងអស់កាន់តែមានទំនុកចិត្ត នោះគឺ លោកអ្នកគ្រាន់តែនាំយករថយន្តមកប្តូរប្រេងម៉ាស៊ីន អ្នកជំនាញយើងនឹងធ្វើការពិនិត្យ និងផ្តល់ព័ត៌មានត្រឡប់ទៅវិញ ប្រើសិនបើរកឃើញថារថយន្តលោកអ្នកអាចនឹងមានបញ្ហាត្រង់ចំនុចណាមួយ។ កាន់តែប្រសើរបន្ថែមទៀត សម្រាប់ម្ចាស់រថយន្ត TOYOTA & LEXUS គ្រប់ប្រភេទ មិនថាថ្មីឬចាស់ទេ គឺសុទ្ធតែអាចទទួលបានសេវាកម្មដែលមានគុណភាពល្អបំផុតពី យានដ្ឋាន តូយ៉ូតា ព្រមជាមួយតម្លៃសមរម្យ និងគ្រឿងបន្លាស់សុទ្ធ១០០%ដែលមានការធានាត្រឹមត្រូវពីរោងចក្រ តូយ៉ូតា។

ប្រសិនលោកអ្នកចាប់អារម្មណ៍ ឬមានបំណងសាក់សួរបន្ថែម សូមធ្វើការទំនាក់ទំនងមកកាន់

Tel: ០១៧ ២២២ ៨៥៧ / ០១៧ ៣៣៣ ៧១៩

Facebook Page: https://www.facebook.com/toyotacambodiaaftersales/