Lexus RX ឆ្នាំ ២០២០ លេចមុខជាផ្លូវការនៅវៀតណាម

October 26, 2019

នៅក្នុងកម្មវិធីតាំងបង្ហាញរថយន្ត Vietnam Motor Show ឆ្នាំ ២០១៩ ដែលធ្វើឡើងនៅទីក្រុងហូជីមិញ ក្រុមហ៊ុនជប៉ុន Lexus បានបង្ហាញចេញរថយន្តថ្មីចំនួន ៣ ម៉ូដែលក្នុងនោះមាន Concept LF-1 Limitless, GX 460 និង RX 450h ដែលជា SUV ដ៏ល្បី។

និយាយអំពី RX 450h គឺជាស៊េរីឆ្នាំ ២០២០ ដែលវាមានការផ្លាស់ប្ដូរបន្តិចបន្តួចលើការឌីហ្សាញ និងមានបច្ចេកវិទ្យាថ្មីៗលើសពីស៊េរីមុន។ អំពូលភ្លើងខាងមុខហាក់មានរាងស្លីមជាងមុន ហើយរន្ធខ្យល់បានប្ដូររចនាបថថ្មីផងដែរ។ ចំណែកផ្នែកខាងក្នុងរបស់ RX 450h ឆ្នាំ ២០២០ មិនមានការផ្លាស់ប្ដូរនោះឡើយ។

ចំពោះប្រព័ន្ធម៉ាស៊ីនវិញ Lexus RX 450h នៅតែបំពាក់ប្រព័ន្ធម៉ាស៊ីន Hybrid ដែលប្រើម៉ាស៊ីនសាំងចំណុះ ៣,៥ លីត្រ ៦ ស៊ីឡាំង គួបផ្សំនឹងម៉ូទ័រអគ្គិសនីចំនួនពីរ អាចផលិតកម្លាំងបាន ៣០៨ សេះ ដូចស៊េរីមុនដែរ។

សម្រាប់តម្លៃរបស់ Lexus RX 450h ស៊េរីឆ្នាំ ២០២០ នេះ ក្រុមហ៊ុនមិនបានបង្ហាញចេញនៅឡើយទេ។ គួរដឹងថានៅសហរដ្ឋអាមេរិករថយន្តប្រភេទនេះមានតម្លៃ ៤៧ ៦៥០ ដុល្លារ៕

ផ្ទាំងផ្សាយពាណិជ្ជកម្ម

មាន ៥,២ លានដុល្លារ អាចក្លាយជាម្ចាស់រថយន្ត Bugatti Chiron Super Sport 300+ បាន

October 26, 2019

ក្រោយពីក្រុមហ៊ុន Bugatti បានបំបែករបាំងល្បឿន ៣០០ ម៉ាយ/ម៉ (៤៨៣ គ.ម/ម៉) ជាមួយរថយន្ត Chiron ដែលកែម៉ាស៊ីនរួចមក ក្រុមហ៊ុនបានប្រកាសផលិតលក់រថយន្តប្រភេទនេះក្នុងចំនួនមានកំណត់មួយ។

Chiron Super Sport 300+ មានផលិតត្រឹម ៣០ គ្រឿងក្នុងលោក ដោយមានតម្លៃចាប់ពីប្រមាណ ៣,៩ លានដុល្លារ។ រថយន្តទាំង ៣០ គ្រឿងនេះទៀតសោតគឺសុទ្ធតែមានម្ចាស់អស់ទៅហើយ។ យ៉ាងណាក្ដី នៅលើវិបសាយ Mobile គេបានប្រទះឃើញមានដាក់លក់ឈ្មោះជាម្ចាស់រថយន្តនេះក្នុងតម្លៃរហូតដល់ប្រមាណ ៥,២ លានដុល្លារឯណោះ។

Mobile គឺជាភ្នាក់ងារលក់រថយន្តមួយទឹកដ៏ធំមួយ ដែលពួកគេមានរថយន្តកប់ៗជាច្រើនទៀតដូចជា LaFerraris, Ford GT ថ្មី និង Lamborghini Aventador SVJ ហើយពួកគេអះអាងថារថយន្ត Chiron Super Sport 300+ នឹងមានលក់នៅថ្ងៃទី ៣០ វិច្ឆិកា ឆ្នាំនេះ៕

ផ្ទាំងផ្សាយពាណិជ្ជកម្ម

តើការធ្វើកូតធីង (Coating) ផ្តល់អត្ថប្រយោជន៍អ្វីខ្លះ?

October 25, 2019

ការធ្វើកូតធីងនៅតែជាសំនួរសម្រាប់អ្នកប្រើប្រាស់រថយន្ត ដោយសារត្រូវការចំនាយច្រើនគួរសម ហេតុនេះហើយម្នាក់ៗតែងតែគិតថាតើគួរតែធ្វើ ឬមិនធ្វើ។ ជាក់ស្តែងការធ្វើកូតធីងដោយបាញ់ ស្រទាប់គ្រីស្ទាល់សៀលជាច្រើនស្រទាប់ ហើយអប់រថយន្តដោយទូរអប់ស្តង់ដាអាល្លីង់ម៉ង គឺផ្តល់នៅសារប្រយោជន៍ជួយការពារឆ្កូត ស្នាមក្រវ៉ង ស្នាមជាប់ស្អិតដែលពិបាកលាងសម្អាត បន្ថែមភាពភ្លឺរលោង និងរក្សាទឹកថ្នាំអោយនូវល្អផងដែរ។ យ៉ាងណាមិញ សម្រាប់រថយន្តដែលប្រើប្រាស់យូរ ហើយមានភាពស្រអប់គឺគួរតែយកមកកូតធីង ដើម្បីធ្វើអោយសម្រស់របស់រថយន្តដូចទើបនឹងទិញចឹងដែរ ដោយសារតែវាមានស្រទាប់គ្រីស្ទាល់សៀល។ យ៉ាងណាមិញ យើងខ្ញុំសូមណែនាំអ្នកជំនាញ កូតធីងថែទាំពណ៍ថ្នាំរថយន្ត CTS Cambodia ដែលផ្តល់ជូនសេវាកម្មពីអ្នកជំនាញ មានការបណ្តុះបណ្តាលត្រឹមត្រូវពីក្រៅប្រទេសកូតធីងដោយបាញ់ស្រទាប់គ្រីស្ទាល់សៀលជាច្រើនស្រទាប់ហើយអប់រថយន្តទូរអប់ស្តង់ដារអន្តរជាតិនិងមានការធានានិងថែទាំរហូតដល់១០ឆ្នាំឥតគិតថ្លៃផងដែរ ។ ខាងក្រោមនេះជាគំរូរថយន្តដែលបានធ្វើការកូតធីង។

ជាការលើកទឹកចិត្តផងដែរ សមាជិករបស់ខេមបូអូតូ អាចទទួលាបការបញ្ចុះតម្លៃចាប់ពី១០% រហូតដល់ ២0%ភ្លាមៗ ផងដែរ ដោយលោកអ្នកគ្រាន់តែបង្ហាញការផ្សាយមួយនេះ ត្រឹមចុងខែតុលា ឆ្នាំ២០១៩។ CTS Cambodia មានទីតាំងជិត TK Avenue ក្រោយធានាគារ ABA ឬទាក់ទង ០៩៦ ៣២៣ ៦៣៦៥ ០៨៨ ៨៧៨ ៩១៩៥។

ផ្ទាំងផ្សាយពាណិជ្ជកម្ម

រថយន្ត SUV អគ្គិសនីរបស់ Ford នឹងបង្ហាញមុខជាផ្លូវការខែក្រោយនេះ

October 25, 2019

Ford បានបញ្ចេញរូបភាព Teaser ទីពីរនៃរថយន្ត SUV អគ្គិសនីរបស់ខ្លួន និងបានបញ្ជាក់ថាវានឹងបង្ហាញមុខដល់ពិភពលោកនៅថ្ងៃទី ១៧ ខែវិច្ឆិកាខាងមុខនេះ ក្នុងកម្មវិធីពិសេសមួយនៅទីក្រុង Los Angeles។

រូបភាពថ្មីបានបង្ហាញអំពីតួខ្លួនរបស់រថយន្តអគ្គិសនីនេះ ហើយវាបានបញ្ជាក់ថាវាពិតជាមានទំនាក់ទំនងនឹងម៉ូដែល Mustang។ ជាក់ស្ដែងអំពូលភ្លើងខាងមុខ និងក្រោយគឺមាននូវអត្តសញ្ញាណរបស់ Mustang ផ្ទាល់តែម្ដង។

លក្ខណៈសម្បត្តិរបស់រថយន្តអគ្គិសនីនេះ គេដឹងមិនច្រើនឡើយ ប៉ុន្តែគេដឹងថាវាអាចបើកបរបានចម្ងាយ ៦០០ គីឡូម៉ែត្រពេលសាកថាមពលម្ដង។ ការលក់នៃរថយន្តនេះអាចនឹងចាប់ផ្ដើមនៅចុងឆ្នាំ ២០២០ ខាងមុខ ហើយការចុះផ្សាយថ្មីៗនេះបានសន្និដ្ឋានថាវានឹងមានឈ្មោះ Mach-E៕

ផ្ទាំងផ្សាយពាណិជ្ជកម្ម

Lexus ថាទំនោររថយន្តកំពុងផ្លាស់ប្ដូរ គិតចង់ផលិតរថយន្តតូចៗ

October 25, 2019

ដោយសង្កេតឃើញថាមនុស្សជាច្រើនចាប់ផ្ដើមចំណាយលុយច្រើនលើរថយន្តតូចៗ Lexus បានគិតគូរបញ្ចេញនូវផលិតផលប្រភេទនេះលក់លើទីផ្សារ។

ត្បិតថាការសម្រេចចិត្តនៅមិនទាន់មានការអនុញ្ញាតនៅឡើយ ប៉ុន្តែបើតាមអនុប្រធាន Lexus លោក Koji Sato និយាយអំពីភាពអាចទៅរួចនៃការឈោងចាប់ទីផ្សាររថយន្តខ្នាតតូចនៅក្នុងកម្មវិធីតាំងបង្ហាញរថយន្ត Tokyo Motor Show ឆ្នាំ ២០១៩។

លោកបាននិយាយបែបនេះថា ៖ “រថយន្តតូចៗពេលនេះមិនមែនសុទ្ធតែមានតម្លៃធូរនោះទេ ដូចនេះទំនោរកំពុងតែផ្លាស់ប្ដូរ។ ខ្ញុំមិនអាចនិយាយអំពីអ្វីដែលយើងនឹងធ្វើនោះទេ ប៉ុន្តែយើងសម្លឹងមើលឱកាសទាំងអស់ដែលមានលើផ្នែករថយន្ត។”

អ្វីដែលអាចទៅរួចនោះគឺរថយន្ត SUV សម្រាប់ទីក្រុងមួយម៉ូដែល ដែលស្ថិតនៅក្រោមរថយន្តម៉ូដែល UX។ គួរដឹងថា Lexus UX ជារថយន្តតូចជាងគេរបស់ Lexus ដែលមានតម្លៃចាប់ពីប្រមាណ ៣៨ ៦៨៨ ដុល្លារ នៅចក្រភពអង់គ្លេស។

កាលពីឆ្នាំ ២០១៥ ក្រុមហ៊ុន Lexus បានបង្ហាញចេញ Concept នៃរថយន្តខ្នាតតូចម្ដងដែរ ដែលជាម៉ូដែល LF-SA។ វាមានប្រវែង ៣៤៥០ ម.ម ទទឹង ១៧០០ ម.ម និងកម្ពស់ ១៤៣០ ម.ម៕

ផ្ទាំងផ្សាយពាណិជ្ជកម្ម

Bollinger B1 និង B2 ឡានអគ្គិសនីអាមេរិកទើបចាប់កំណើតថ្មី សមត្ថភាព Off-road ម៉ាអេម

October 25, 2019

ក្រុមហ៊ុនរថយន្តអាមេរិកទើបចាប់កំណើតថ្មីមួយ មានឈ្មោះថា Bollinger បានបញ្ចេញរថយន្ត SUV និងភីកអាប់ដំណើរការដោយថាមពលអគ្គិសនី ម៉ូដែល B1 និង B2 ដែលមានសមត្ថភាព Off-road មិនធម្មតា ។

Bollinger B1 និង B2 នឹងចូលសង្វាក់ផលិតកម្មក្នុងឆ្នាំ២០២០ ខាងមុខ ជាមួយតម្លៃ ១២៥ ០០០ដុល្លារ។ ពួកវាបំពាក់ម៉ូទ័រអគ្គិសនីពីរ មានកម្លាំងសរុប ៦១៤សេះ និងកញ្ចប់អាគុយកម្លាំង ១២០គីឡូវ៉ាត់ម៉ោង អាចបើកបរបានចម្ងាយ ៣២០គីឡូម៉ែត្រពេលសាកភ្លើងពេញម្តង។

B1 និង B2 មានកម្ពស់ឈរផុតពីដី ៣៨០មីល្លីម៉ែត្រ ហើយបំពាក់ប្រព័ន្ធបូម Hydro-Pneumatic Suspension ដែលអាចសារ៉េឡើងចុះបានកម្ពស់ ១២៧មីល្លីម៉ែត្រទៀត។

រថយន្តទាំងពីរម៉ូដែលខាងលើមានការរចនារូបរាងបែបជ្រុង ជាមួយនឹងទឹកថ្នាំពណ៌ខ្មៅសុទ្ធតែម្តង។ មិនតែប៉ុណ្ណោះ កញ្ចក់មុខ, កញ្ចក់ចំហៀង, ទ្វារ និង ដំបូលកញ្ចក់របស់វាសុទ្ធតែអាចដោះចេញបាន។ រីឯកាប៊ីនខាងក្នុងរបស់វាមានអាវក្រោះការពារទឹក IP68 ងាយស្រួលក្នុងការលុយទឹក រហូតដល់ជម្រៅ ៩១៤មីល្លីម៉ែត្រ៕

ផ្ទាំងផ្សាយពាណិជ្ជកម្ម

Toyota នឹងបើកឲ្យសាកល្បងជិះឡានគ្មានតៃកុងលើផ្លូវសាធារណៈ

October 25, 2019

Toyota នឹងបើកឲ្យសាកល្បងជិះរថយន្តដែលបំពាក់បច្ចេកវិទ្យាបើកបរស្វ័យប្រវត្តិកម្រិត ៤ (Level 4 Automated-Driving) លើដងផ្លូវសាធារណៈក្នុងទីក្រុងតូក្យូ នៃប្រទេសជប៉ុន ចាប់ពីឆ្នាំក្រោយទៅ។

រថយន្តដែលនឹងត្រូវបើកឲ្យសាកល្បងជិះនោះត្រូវគេហៅថា “P4” ជារថយន្ត Lexus LS ហើយត្រូវបានគេសាកល្បងលើដងផ្លូវបិទជិត នៅក្នុងរដ្ឋ Michigan សហរដ្ឋអាមេរិករួចទៅហើយ ។ Toyota នឹងបន្តធ្វើការអភិវឌ្ឍលើ Software របស់ P4 លើផ្លូវសាធារណៈក្នុងទីក្រុងតូក្យូ និង ជុំវិញវិទ្យាស្ថានស្រាវជ្រាវ Ann Arbor និង Los Altos របស់ Toyota ។

ការសាកល្បងជិះនោះនឹងត្រូវធ្វើឡើងចាប់ពីខែកក្កដា ដល់ខែកញ្ញា ឆ្នាំ២០២០ នៅស្រុក Odaiba ក្នុងទីក្រុងតូក្យូ ដែលសម្បូរទៅដោយមនុស្សថ្មើរជើង, ចរាចរ, ផ្លូវបំបែក និង អគារកញ្ចក់ជាច្រើន។ ទោះជាយ៉ាងណា អ្នកបើកបរបម្រុងម្នាក់នឹងអង្គុយនៅមុខដៃចង្កូត ដើម្បីធានាសុវត្ថិភាព ១០០% និងគោរពតាមច្បាប់របស់ប្រទេសជប៉ុន៕

ផ្ទាំងផ្សាយពាណិជ្ជកម្ម

Mazda CX-8 2020 ចេញលក់នៅជប៉ុនតម្លៃជាង ២ម៉ឺនដុល្លារ

October 24, 2019

រថយន្ត Mazda CX-8 ស៊េរីឆ្នាំ ២០២០ បានចេញលក់ជាផ្លូវការនៅប្រទេសជប៉ុន ដែលការដឹកជញ្ជូនឲ្យអតិថិជននឹងចាប់ផ្ដើមនៅចុងខែវិច្ឆិកាខាងមុខនេះ។

រថយន្តស៊េរីចុងក្រោយនេះបានលេចមុខនៅក្នុងកម្មវិធីតាំងបង្ហាញរថយន្ត Tokyo Motor Show ឆ្នាំ ២០១៩ ដែលវាមានចំនួន ៣ ជម្រើស មានតម្លៃចន្លោះពីប្រមាណ ២៧ ១៥៣ ដុល្លារ ដល់ ៤៥ ០៤៦ ដុល្លារ។

មុខងារថ្មីៗដែលបន្ថែមលើរថយន្តនេះមានដូចជាប៊ូតុង One-Touch សម្រាប់ដើរចូលទៅកៅអីក្រោយដោយងាយ, មានកៅអីកម្ដៅនៅជួរទីពីរ, មានកន្លែងដាក់កែវ និងរន្ធ USB ហើយកៅអីអ្នកបើកបរមានស្រោបដោយស្បែក Nappa។

ប្រភេទម៉ាស៊ីនមានចំណុះ ២,៥ លីត្រ និង ២,២ លីត្រ ដែលសុទ្ធតែមានជម្រើសប្រើប៉ុងមួយ ឬប៉ុងពីរ។ ៕

ផ្ទាំងផ្សាយពាណិជ្ជកម្ម

Rolls-Royce Phantom ទាំង ៣ នេះចំណាយពេលផលិតយូរឆ្នាំបំផុត

October 24, 2019

នៅឆ្នាំ ២០១៨ រថយន្ត Rolls-Royce Phantom ចំនួន ៩៩% ដែលលក់ចេញលើទីផ្សារ គឺសុទ្ធសឹងជាប្រភេទដែលអតិថិជនកុម្ម៉ង់ជាពិសេស មានតែមួយគ្មានពីរក្នុងលោក។ រថយន្ត Rolls-Royce Phantom ទាំងបីម៉ូដែលខាងក្រោមនេះ គឺជារថយន្តដែលចំណាយពេលយូរឆ្នាំបំផុតដើម្បីផលិតឡើង ដែលធ្វើឡើងតាមការកុម្ម៉ង់ជាពិសេសរបស់រថយន្ត។

ម៉ូដែល Horology Phantom

ម៉ូដែល Digital Soul Phantom

ម៉ូដែល Arabian Gulf Phantom

ផ្ទាំងផ្សាយពាណិជ្ជកម្ម

Honda ចង់លក់ឡានអគ្គិសនី និង Hybrid សុទ្ធនៅអឺរ៉ុប ត្រឹម៣ឆ្នាំទៀត

October 24, 2019

ក្រុមហ៊ុនផលិតរថយន្តជប៉ុន Honda មានគម្រោងដាក់លក់តែរថយន្តអគ្គិសនី និង Hybrid នៅអឺរ៉ុបត្រឹមរយៈពេល ៣ឆ្នាំទៀត ពោលគឺក្នុងឆ្នាំ២០២២។

មិនតែប៉ុណ្ណោះ កាលពីខែមុន Honda បានអះអាងថា ខ្លួននឹងលុបបំបាត់ការលក់រថយន្តប្រើម៉ាស៊ូតនៅអឺរ៉ុបក្នុងឆ្នាំ២០២១។

លើសពីនេះ កាលពីខែមិនាកន្លងទៅ អនុប្រធានជាន់ខ្ពស់នៃក្រុមហ៊ុន Honda Motor Europe លោក Tom Gardner បាននិយាយថា ពួកគេមានបំណងលក់រថយន្តអគ្គិសនី និង Hybrid ឲ្យបាន ១០០% តែម្តងត្រឹមឆ្នាំ២០២៥។

លោក Tom បាននិយាយថា “យើងនឹងមើលឃើញការផ្លាស់ប្តូរដ៏ធំមួយនៅអឺរ៉ុប” បន្ទាប់ពីបានបង្ហាញរថយន្ត Honda Fit ប្រើម៉ាស៊ីន Hybrid ជាផ្លូវការសម្រាប់ទីផ្សារអឺរ៉ុប។